مشكلة في دبل الباترول

[MOHAMMD_B52]

السلام عليكم ورحمة الله وبركاته

مساكم الله بالخير

اخواني انا عندي مشكلة وان شاء الله ألقى الحل عندكم

الموتر : باترول 82
القير : عايدي 4 غيار
المكينة : 305 حقت جمس

الدبل كان شغال وفجأة صار يفلت اذا عشقت قير الدبل
يرجع للn

وبعدها اذا شبكت الدبل يشتغل
بس الكفرات اللي قدام ما تدور

يعني الدبل شغال والموتر يثقل لأكن
ماتدور الا الكفرات اللي ورى كانه دفع خلفي

وابي اسالكم هل القير حق موديل 93 ومافوق
الخمسه غيار يركب عليه ولا لا
وش أفضل نوع للمساعدات
لاني المساعدات اللي فيه خربانه وابي اغيرها
وماني عارف نوعها

[MOHAMMD_B52]

115 مشاهدة ولا فيه ولا رد

على العموم طلعت المشكلة في الدفرنس الأمامي منفرط

وابي اسالكم هل الدفرنس حق 85 يركب ولا فيه اختلاف وجزاكم
الله خير

[salih100]

بالنسبه للدفرسن يركب حتى 90 ولكن ما تدري هل الكوارين متطابقه ولا لا
لازم الكرونه الاماميه تكون متطابقه مع الخلفيه ولا بتخرب عليك الدبل او تنكسر الكرونه
عندك حل الا وهو تغير الدفرنس الخلفي مع الامامي
او تشوف الكرونه القديمه الي بالدفرنس الامامي وتطابقها مع الجديد

[MOHAMMD_B52]

جزاك الله خير يَ اخ صالح

ركبت دفرنس حق موديل 85 والحمد لله مضبوط
ولا فيه اي مشكله

والف شكر لك