المساعد الشخصي الرقمي

مشاهدة النسخة كاملة : خاطرة قصيرة


احمدالدمام
04/04/2016, 07:45 AM
ماصابك من الله من الخير والشر
مكتوب ومايكتب تشوفه بعينك
احمد إله بدل العسر في يسر
واخلص له الطاعة وعفر جبينك
أمر العباد بدبرة مدبر الأمر
اللي على الشدات عون وعوينك
ترى الصبر يحتاج عزم وتظفر
منجاة بالدنيا وملجى لدينك
فكر بمايجري بعقل وتدبر
وخذ العبر وعبر بفحوى كنينك
واحفظ دروس بالحقايق تسطر
واجمع خلاصة ماتخطه يدينك
وصادق رفيق سيرته كنها العطر
الصاحب اللي في صلاحه يعينك
اسلك دروب الخير في مقبل العمر
وجنب طريق بالمواقف يدينك


شعر أحمد المكتوم
الدمام 1437/6/25
قوافي ( أم نهار )
04/04/2016, 08:00 AM
السلام عليكم ورحمة الله وبركاته
صح لسانك اخي الكريم
ابيات جزله ونظم محكم
جزيل الشكر
تحياتي وتقديري واحترامي
ابو البر
04/04/2016, 10:51 AM
هلا والله وغلا يا استاذي احمد
بيض الله وجهك وصح لسانك
تقبل شكري وتحياتي .
احمدالدمام
04/04/2016, 11:56 AM
السلام عليكم ورحمة الله وبركاته
صح لسانك اخي الكريم
ابيات جزله ونظم محكم
جزيل الشكر
تحياتي وتقديري واحترامي
عليكم السلام ورحمة الله وبركاته
صح بدنك
لا تزالين استاذه قوافي شعلة من النشاط والمتابعة الدؤبة
شكراً لك بحجم عطائتك ومتابعاتك واخلاصك واخلاقك
اتمنى لك العون والتوفيق وان يجعل كل جهداً خير تبذلينه في ميزان حسناتك
احمدالدمام
04/04/2016, 11:59 AM
هلا والله وغلا يا استاذي احمد
بيض الله وجهك وصح لسانك
تقبل شكري وتحياتي .

هلا بابو البر والجو والبحر
تحية موجه يجاذب حنينك
المنتدى اسفر وامطر ونور
خطوة سعيدة يامجمل ظنينك
أبوعبدالرحمن99
05/04/2016, 12:32 AM
يا مرحبا باللي حضر و احضر الطيب،زودن على طيبه علومه غنايم .الله فرق بين العرب بالتراكيب،و اعطى الوهايب للبشر و القسايم.
احمدالدمام
05/04/2016, 08:35 AM
يا مرحبا باللي حضر و احضر الطيب،زودن على طيبه علومه غنايم .الله فرق بين العرب بالتراكيب،و اعطى الوهايب للبشر و القسايم.
يامسهلا باللي بعيداً عن العيب
اسير نور وسابقاً بالعزايم
حنا ضيوف البيت وانتم معازيب
والقلب في ودك شفوقً وهايم
مرور مثلك غيث مدرار يالذيب
في جو صيف مخمليً وغايم
عابر سبيل0
05/04/2016, 10:51 AM
اول شي صح الله اللسانك وبيض الله وجهك ليست خاطرة هذي قلائد ذهب والماس احتوى عذب البيوت واجزالها وتضمنت نصح طيب من رجال مثلك وشرواك أتمنى لك التوفيق والله يبيض وجهك على هالذهب
احمدالدمام
05/04/2016, 04:02 PM
اول شي صح الله اللسانك وبيض الله وجهك ليست خاطرة هذي قلائد ذهب والماس احتوى عذب البيوت واجزالها وتضمنت نصح طيب من رجال مثلك وشرواك أتمنى لك التوفيق والله يبيض وجهك على هالذهب
عابر سبيل الله يسهل دروبك
ويسددك للخير ويحفظ خطاويك
عسى السعادة ياعزيزي نصيبك
تصاحبك وفي كل خطوة تخاويك