الدفا الدفا في ثوبين فحسب

[السنع كله]

ياما جربنا الجاكيتات والاكوات وانواع الفنايل ام ارنب وام بطه وام عسكري والفري قومة واقعده والبشوت بانواعها 000لكننننننننننننننننننننننن لكننننننننننننننننننننن الدفا كل الدفا في لبس ثوبين ويفضل الداخلي كبن قطن والخارجي حتى لو كان لاس او امريكاني او حتى ململ 00احتفظ لنفسي بحق الاختراع وترى من كتب بعدي او قبلي عن الثوبين فالاصل حقي وهو تحت طائلة المساءلة القانونية في المحكمة المكشاتية ولذا جرى نشره

[nassir]

ههههههههههههههههه

الظاهر مسبوق على هالا ختراع وتقدر تسئل احد الشيبان ويعلمك من المخترع

[السنع كله]

انا الكشات الالمعي افوق حتى الاصمعي من رام سبقا لي فليذرف كل الادمعي انا الكشات اللوذعي من ذا يقاوي اضلعي

[ابن بدران]

انا الكشات الالمعي افوق حتى الاصمعي من رام سبقا لي فليذرف كل الادمعي انا الكشات اللوذعي من ذا يقاوي اضلعي

الله يوسع صدرك ياغالي
وش هالاختراع الزين ؟؟
بس تراك مسبوقن عليه
أعرف رجال ما يفسخ الثوب الثاني الا بكنة القيض ؟؟ ;)

من ذا يقاوي اضلعي
هههههههههه
والله لو إنهن ريش هكالهريفي يابو الأضلعي :D :D

وسع الله صدرك وازال همك ياغالي

[طبيب بيطري]

والله بنجرب ونرد لك وياويلك اذا مت برد

شكرررررررررررررررررررررررررررررررراً يالاصمعي

[بواسامه]

ذكرتني بجدي وشيبان الحارة
وصدقت وانا اخوك
الدفا كل الدفا في ثوبين
واسئل مجرب

[البركة]

السلام عليكم ورحمة الله
صباح الخير لكم جميعا
اخوي السنع كله ماأدري منين طلعت الظاهر انك مخزن (بفتح الزاء مع التشديد )
امزح معك لاتزعل بس ذكرتنا بزمان أول يوم كانو الشيبان يلبسون ثوبين
اذكر فيه واحد متأثر بالشيبان ويمشي مع الشيبان دايم وكان يلبس ثوبين والناس مغير تعلق عليه الين مل وتركهن
أما الحين حتى الشيبان تركوهن
بس عاد بيني وبينك شكلي ابجرب والبس ثوبين لارحت للبر

[راعي الشبح]

السلام عليكم .. الدفا كل الدفا بالزنجبيل الساخن والبجامة الصوف الثقيل مع شراب روسي وقبعة راس روسية .. وانسى البرد ..

طبعا البضايع الروسية ما تلقاها الا بالحج !!

[السنع كله]

هلا بكم كلكم كل واحد له قدر ومنزله والله يالقعود والهرافي جنبه قعود (يعني مسدحين) ماهي ضيافتكم والله انكم غالين بالحيل والله يبارك بمكشات اللي جمعنا وياكم على غير ميعاد وترى الثوبين للناس العزيزين وترى تجريبهن ماهوب شين

[ابو راجي]

الله يمسيك بالخير

والله ما لقيت احسن من الثوبين تدفي على كيفيك واذا صار تحتهم بجامه برومان ... لكن اذا طلعت الشمس ودفا الوقت شوي الله يعينك على الحرارة
تحياتي

[مزن الوسم]

والله صادق وأنا جربت الثوبين ودفأ جداً جداً جداً جداً والله يعطيك العافيه وماقصرت

[عاشق الشفر]

مشكوررررررررر اخوي على الموضوع

بس معليش الفكره مجربه ومفعولها تمام التمام (هذا من واقع تجربه شخصي)


عاشق الشفر

[البّري]

جزاك الله خير يـ السنع كله

الثوبين ليس لك السبق بها

ولكن

لك السبق في الطرح هنا في مكشات

تنبيه جميل وروح مرحه

فجزاك الله خير

[باب هداج]

جزاك الله خير

[قــنّــاص]

تدبيل الثياب ثوبين ثلاثة .... حسب مايناسبك ويدفيك

وسيلة دفء مجربة ناجحة وفعالة

بارك الله فيك

[دايم البر]

انت كل السنع..
نعطيك برائة الأختراع المكشاتيه لكن بشرط:confused: نشوف
صورتك بالثوبين هه وش قلت؟؟

صادوووه:D

[الصاحب الغالي]

مشكووووووووووووووووووووووورررررررررررررررررررررررر

[سرهيد]

الدفا طال عمرك تلقاه في حض مريوشة العين

بخصوص الثوبين واحد من ربعي اذا كشتنا يلبس ثوبين ويفضل ان اللي تحت هو الشتوي يقول احس بدفا مو طبيعي


http://www.mekshat.com/pix/upload/images26/mk22112_u.jpg