واير سحب

[بن بليهد]

السلام عليكم
مبروك الخير
اسعد الله ايامكم

كرما ... عندي استفسار عن افضل واير اوحبل سحب قوي ويتحمل سحب السيارات المتعلقه لان عندي واحد له سنين معي وانقطع امس قماش او نايلو

ومريت الرمايه وساكو عندهم اشكال منوعه لكن ابي من تجاربكم

[أبوصالح9]

وين محلك - وهل عندك مشكله بكبر الحجم بالنسبة للواير ؟؟؟

اقصد عرض الواير او السبته بالاصح ؟؟؟

[بن بليهد]

عفوا استعجلت فقد كان فيه موضوع استبيان سابق اطلعت عليه واستفدت من تجاربكم

شكرا للجميع

[بن بليهد]

محلي بالرياض


ورأيت ان السبته 10 طن انسب شي


وانت وش رايك يابو صالح

[أبوصالح9]

انت قلت 10 طن لكن وش نوع الخامه يابن بليهد ؟؟؟

المتوفر بأغلب المحلات صناعة اماراتي خامته مهب تكانه - فيه سبتات هولنديه ورومانيه هذي هي الاصليه لانها حرير وليست نايلون - الفرق بين الاثنين الحرير يتمدد ولا يتيبس اما النايلون مثل الاماراتي فهو يتيبس وينقطع مع الوقت - وفيه عندكم بشارع الريل محل العثمان على ما اعتقد كذا اسمه عنده مثل هالنوعيات بس اذكر اني جيته ويسكر بدري يعني خلك العصر مسنتر عند بابه - طبعا كل مازاد الطن صار حجم السبته كبير واللي انا استخدمه 5 طن لونه بنفسجي هولندي - واذا مالقيت هولندي لانه مقطوع من السوق ترا الروماني نفسه بالضبط بس تغير بلد الصناعه والخامه وحده - وترا ال 6 طن مهب شين بس ردني عنه حجمه - وماخليت احد ما متلتوه الى درجه ان واحد اذكره قال خلاص لاتسحب عشان طق الدفرنس عنده ههههههههههههههه - والسبته ماشاء الله تقل توك فاكها من شدتها

[هاوي الجكس]

عندك الاستراليه من شركة ARB ممتازه

تلقاها عند الرماية

[كشته وشاهي]

سلام عليكم
اريد ان اضيف لما تشتري سبته تسأل عن الصناعة وقوه السحب طن وكذلك طوول السبته
خذ اطول شي 20 30 متر افضل تكون قوه السحب متوزعه على جميع الكفرات الاربع
اما لو كانت صغيره الضغط بيكون عالكفرين الخلفيه فقط