يا اهل الخبره واختصاصي الكهرباء بالسيارات افيدونا اثابكم الله ووفقكم

[شانز]

مساكم الله بالخير
عندي مشكله صورتها بالفيديو التالي
https://youtu.be/HgzGXEhB2uI

المشكلة تكمن في انو عند فتح الباب او تشغيل الانوار الخارجيه تضعف الانارة الداخليه بقوة
هل هو عبارة عن تهريب كهرب او ماس او عاديه وهل تتوقعون يا اهل الخبره انها سبب تهريب الكهرب في سيارتي نوع فورد ايدج2011 والتي لي 3شهور وانا من مهندس لمهندس وماعرفو سبب التهريب
لان بطارية السياره ماتاخذ 6ساعات وهي فاضيه
كما اخبرتكم بالموضوع السابق لي وبالرغم اني نسخت اجاباتكم للكهرباءيين ولافاءده ترجو منهم حتى وكاله فورد
لكم منا الدعاء على تعاونكم معنا من خلال هذا الموقع

[hassan-55]

والله ياخوك اشك ان الخلل بالدينمو والله اعلم
وتأكيداً على كلامك (لان بطارية السياره ماتاخذ 6ساعات وهي فاضيه)
معناااه ان الدينمو ضعيف ما يعبي البطاريه

شوف لك كهربائي شاطر يفك الدينمو ويطلعه برا ويفحص اجزاءه كااامله
انا مريت بتجربه قريبه جداً من مشكلتك
عند تشغيل المكيف - عند تشغيل العالي - تضعف الاناره وتنتفض المكينه ويضعف دفع هواء المكيف وعزم ضعيف نوعاً ما
ورحت الحمد لله توفقك بكهربائي بالصدفه فك الدينمو و فحص كل قطعه داخله
طلع عندي فحمات - قطعه سماها بوبينه
شغل اليد اخذ 80 تقريباً والله اعلم
قطع غيار/
35 ريال فحمات
250 ريال بوبينه

وممكن عندك مشكله بالاسلاك (الظفيره)
او من كتاوتات معينه او فيوز

والله ييسر امرك ويسمح دربك ان شاء الله ..

[شانز]

لاهنت ع التوضيح لكن ابلغك اني غيرت الدينمو وكاله من باب ماقد بالكبد من فحر ولاطلع منه

[عابر الموج]

وعليكم السلام
شف واحد كهربائي يقيس قوة الدينمو من خلال وضع جهاز الفحص بالبطارية والسيارة شغاله اذا الدينمو يشحن البطارية تمام بعد ذلك يمكن انه تهريب كهرباء تقول الدينمو جديد ماهو شرط ذلك ان لايكون فيه عطل بالتوفيق

[ابوسند9]

اذا الشماسه عندك فيها انارة
فكها وافصل الفيش وجرب
فكها بنفسك فكها سهل جدا

[الشرقيه 03]

فيه موتر لاحد اخوياي كان يصير تقريبا نفس مشكلتك
وما خلى احد وجلس يعاني منها وضاعت دراهمه .
واخرتها راح محل صغير جدا وما توقعنا يحل المشكله !!
وطلع فيه سلك خلف المسجل (( مركب شاشه )) كان مقطوع
ويلامس الحديد تقريبا ويسبب تهريب كهرب !! وصلحه والان
عال العال ،،،،، فأنت اذا سويت اضافات على السياره كهربايئه
او صلحت اي شيء في الموتر يخص الكهرب شيك عليه
والله يزينها معك وتنحل مشكلتك والله يوفقك

[شانز]

الله يسعد الجميع على تفاعلكم
ولكن رحت الوكاله وقالوا المشكلة من قطعه اسمها الكنترول الداخلي للفورد ايدج وقالوا سعرها 7الف ريال :( انكسر ظهري يالربع وغشني اللي شريت منه السياره
ماعلمني ان فيها هالعطل يوم كلمته وعلمته قال انا بعت واصطفل وقفل السماعه
عموما هل احد سمع بهالقطعه ؟؟ وهل تنصحوني بشي ؟؟ لانهم قالوا القطعه تجي حساس مع الديكور الخارجي للشاشه والمكيف والمسجل ..

[يالبى الهلا]

هذي قد سبق حصل نفس المشكلة بجيب لكزس ماهو بطارية ولا سلف
المشكلة من الموجب حق الدينموا مايوصل للكهرباء للكمبيوتر واذا وصل كهربة ضعيفة للكمبيوتر
تاخذ سلك كهرباء موجب من الدينموا وتوصلة ب odb الموجود داخل الكبوت وان شاء اللة يشتغل ويصفا الموتر وتتعبا البطارية
ولكن يبغالك يسويها لك كهربائي صاحي وعلمة بهذي الطريقة

[م.سعيد]

يستحسن تذكر رقم القطعة حتى يسهل البحث عنها

[شانز]

هذي قد سبق حصل نفس المشكلة بجيب لكزس ماهو بطارية ولا سلف
المشكلة من الموجب حق الدينموا مايوصل للكهرباء للكمبيوتر واذا وصل كهربة ضعيفة للكمبيوتر
تاخذ سلك كهرباء موجب من الدينموا وتوصلة ب odb الموجود داخل الكبوت وان شاء اللة يشتغل ويصفا الموتر وتتعبا البطارية
ولكن يبغالك يسويها لك كهربائي صاحي وعلمة بهذي الطريقة

نسختها وبشوف احد الكهربائيين ,,, يعني تتوقع هي سبب تشغيل الفلشرات توماتكلي بعد يوم من توقف السياره
لان هذه المشكلة اللي اواجهها بقوة تشتغل الفلشرات بعد مضي فترة من توقف السياره ...

[شانز]

بشوف كم رقم القطعه واسمها بكره من الوكاله لانهم هم اللي افادوني بالقطعه المطلوبه

[ابو أسامة123]

بس ممكن تلقى حل عند ورشه العثيم أبو إبراهيم وهو معرووف بالقصيم بصناعيه الرواف

[شانز]

يستحسن تذكر رقم القطعة حتى يسهل البحث عنها

اسم القطعه Frontal control interface module

[hossain210]

هذا واحد عنده نفس سيارتك ونفس المشكلة
الفلشر يشتغل من حاله والوكيل قاله يغير نفس القطعة
سعرها 660 دولار = حوالي 3000 ريال
اذا تعرف انجليزي هذا الرابط
http://www.fordedgeforum.com/topic/18249-hazard-warning-lights-turn-on-by-themselves/
وان شاءالله احد الاخوان يساعدك

[hossain210]

رقم القطعة موجود في نفس الرابط
بس مدري هل هوا نفس سيارتك ولا لا