مشكلة في ربع 2013

[أبو ميسان]

مساكم الله بالخير الجميع
يالربع انا عندي جيب 2013 ربع الدفعة الاولى عندي مشكلة لما اغير من الاول الى الثاني والثالث والرابع احيانا وهي انه يفقع وتحس ضعف بالعزم المهم ماخليت ورشة مارحت لها دفعت الين تعبت غيرت بواجي+غيرت فلتر هواء+غيرت صفاية+غيرت طرمبة+نظفت بخاخات يدوي وبالجهاز+سويت برمجة ولكن للاسف المشكلة موجودة تكفون ياأهل الخبرة دلوني وين القى المشكلة حفظكم الله ورعاكم

[حاتم ع]

مسيت بالخير اخوي 2013 الصحيح انك تكشف في الشركه من البدايه
في مشكله مرت علي قبل كذا بجيب مكينته نفس سيارتك كان فيه تقطيع وبالكشف كان كل شي سليم
واتضح ان المشكله في لي الكويل اللي يجي ثابت في الكويل وطرفه الثاني في البوجي كان اللي ناشف واذا ضغطت عليه بيدك تظهر شقوق هي اللي تسبب تهريب كهرباء

[ابوراكان تبوك]

رد الاخ حاتم ماشاء الله مختصر ومشكلته مشابهه لمشكلتك
اي فقع او رمي بالموتر سببه كهرباء فقط

شوف الكويلات فكها وتفقدها

كذلك روس اسلاك البواجي احتمال تم تغيير البواجي قبل كذا وحصل خلل بسبب نزع السلك او الاسلاك بعضها يهرب كهرب ماهو طابق مضبوط

رأيي
1- فحص اسلاك البواجي في منطقة مظلمه تفتح الكبوت في مكان ليس به ضوء وتشيل جميع الاغطية اللي ع اسلاك البواجي وتخلي احد يدعس بنزين لين يقطع
اي تهريب كهرب من البواجي رايح تلاحظ شرارته واضحة جدا في الظلام
2- الكويلات وما ادارك ما الكويلات لازم تتأكد انه جميع اسلاكها مضبوط ولو تحط داخل راس السلك اللي جاي لها من البواجي شحم افضل
اذا ماراحت المشكله الله يعينك تفرط الكويلات وتتفقدها بعضها فيه ضعف في السسته الداخليه او فحمته ضعيف يعرفه الكهربائي الصاحي
3- افحص ضغط طرمبة البنزين بالكمبيوتر اذا طلع نورمل بالاخضر ممتاز واذا طلع ماكس بالاحمريكون الخلل من منظم البخاخات نادر احد ينتبه له اذا خرب يصرف بنزين على كيفه وتحتر الطرمبة وتقطع ( انا استبعده وذكرته لك احتياط )
4- حساس الكرنك نظفه احتياط ( ذكرته لك مع اني استبعده وممكن جدا يكون سبب الخلل )
5- البطارية تطلع احيان بحركات غريبه اي اتساخ في الاصابع للموديلات الحديثه يسبب تقطيع ( مهمه )
6- جرب بدون غطاء بنزين
7- ابحث عن برمجة الدعسة من باب الاحتياط وبرمجها لانه طريقتها سهله اتذكر
هاذي جميع الاحتمالات الوارده والمتكرره اللي اعرفها عدا حساس نسيت اسمه اعرف مكانه في مواتر 24 بلف حوالين السيفون لكن الجيوب الراسين مالي ذيك الخبره بها

[أبو ميسان]

رد الاخ حاتم ماشاء الله مختصر ومشكلته مشابهه لمشكلتك
اي فقع او رمي بالموتر سببه كهرباء فقط

شوف الكويلات فكها وتفقدها

كذلك روس اسلاك البواجي احتمال تم تغيير البواجي قبل كذا وحصل خلل بسبب نزع السلك او الاسلاك بعضها يهرب كهرب ماهو طابق مضبوط

رأيي
1- فحص اسلاك البواجي في منطقة مظلمه تفتح الكبوت في مكان ليس به ضوء وتشيل جميع الاغطية اللي ع اسلاك البواجي وتخلي احد يدعس بنزين لين يقطع
اي تهريب كهرب من البواجي رايح تلاحظ شرارته واضحة جدا في الظلام
2- الكويلات وما ادارك ما الكويلات لازم تتأكد انه جميع اسلاكها مضبوط ولو تحط داخل راس السلك اللي جاي لها من البواجي شحم افضل
اذا ماراحت المشكله الله يعينك تفرط الكويلات وتتفقدها بعضها فيه ضعف في السسته الداخليه او فحمته ضعيف يعرفه الكهربائي الصاحي
3- افحص ضغط طرمبة البنزين بالكمبيوتر اذا طلع نورمل بالاخضر ممتاز واذا طلع ماكس بالاحمريكون الخلل من منظم البخاخات نادر احد ينتبه له اذا خرب يصرف بنزين على كيفه وتحتر الطرمبة وتقطع ( انا استبعده وذكرته لك احتياط )
4- حساس الكرنك نظفه احتياط ( ذكرته لك مع اني استبعده وممكن جدا يكون سبب الخلل )
5- البطارية تطلع احيان بحركات غريبه اي اتساخ في الاصابع للموديلات الحديثه يسبب تقطيع ( مهمه )
6- جرب بدون غطاء بنزين
7- ابحث عن برمجة الدعسة من باب الاحتياط وبرمجها لانه طريقتها سهله اتذكر
هاذي جميع الاحتمالات الوارده والمتكرره اللي اعرفها عدا حساس نسيت اسمه اعرف مكانه في مواتر 24 بلف حوالين السيفون لكن الجيوب الراسين مالي ذيك الخبره بها

مشكورين ياأخوان ماقصرتم الله يبارك فيكم لكن الطرمبة فحصتها طلعت سليمة بس ابغى اتأكد من الكويلات واسلاكها مع اني فحصتها وقال سليمة بس ابغى ارجع اتأكد ثاني شكرا لكم

[ابوراكان تبوك]

خلك حول الكويلات لان الخلل الكهربائي بالعاده يسبب رمي
اصابع البطارية نظفها والموتر شغال حتى ماتطير البرمجة

الطرمبه خليها اخر شي
اذا فكيتها تأكد هل بها شخال او لا

[أبو ميسان]

فحصت الكويلات طلعت كلها سليمة والطرمبة غيرتها ونعم يوجد فيها شخال

[ابوراكان تبوك]

دامك غيرتها بشخالها ممتاز جدا وان شاء الله تبشرنا بالنتائج

[أبو ميسان]

والله للاسف نفس المشكلة ماراحت وتعبت والله من الدفع على الفاضي الي مرت عليه هاذي المشكلة لايبخل علينا بمعرفته وشكرا

[ألجمل ألإنف]

السلام عليكم
أخي الكريم
افحص الشكمان من اوله الى اخره وبذات دبة البيئه اذاكانت مسدوده احتمال قوي تكون المشكله منها
أعانك الله