الفزعه في صوت موية لديتر بعد تطفية السيارة

[فتك الجنوب]

بسم الله الرحمن الرحيم

السلام عليكم ورحمة الله و بركاته:ـ
صباح الخير ان كنتم صباح و مساء الخير ان كنتم مساء
عندي مشكلة في موتري ارتفاع الحراره مع الوقوف و اذا طفية الموتر يطلع صوت المويه كانها تطبخ موتري فتك 2006 صالون مع العلم بانه تم تغيير التالي
1/ راس مكينه كامل مع بلوف هواء ونار
2/ لديتر مويه
3/طرمبة موية
4/ تماتيك مروحة
5/ غطاء لديتر و القربة
6/ جميع المواصير و الليات
7/بلف حرارة وكاله يفتح على 76 وبلف رياضي يفتح على 65
8/ حساس المراوح
9/موية لديتر فوكس اخضر



علماً بان جميع القطع وكالة

ياليت الي عنده حل يفيدني في المشكلة ومع العلم بان مراوح التبريد شغاله تمام
وهل الديلكو له دخل في رفع الحراره و كم رقم الوزن الصحيح له لني وازنه حالياً على (16)
طبعاً ارتفاع الحراره في الوقوف مع المكيف فقط بدون مكيف ماترتفع وتم تشغيل السيارة لمدة ساعة مارتفعة الحرارة
ايش رايكم في تغيير لديتر الى المنيوم وياليت تفيدوني بمحلات تفصيل او ارقامه
افضل موية لديتر تخفض الحراره وايش لونها احمر او اخضر

[شايب حرب]

اعتقد ان المشكلة لديك من المراوح تاكد منها شغالة زين

والاديتر له دور في ارتفاع الحرارة اذا كان ماهو اصلي حق الوكالة

شغل السيارة وهي واقفة وشغل المكيف لمدة معينة وراقب المراوح يمكن تعلق ماهي شغالة

[فتك الجنوب]

يعطيك العافيه على الرد المراوح شغاله تشبك وتفصل مضبوط مافيها أي مشكله

[شايب حرب]

طيب تاكد من لهايات الاقزوز من جهة مواصير الشكمان احيان تنقفل وتحجز الهواء داخل المكينة

وترتفع الحرارة اذا انها موجودة فكها مالها داعي حتى لاتحجز الهواء داخل المكينة

[فتك الجنوب]

ماني عارفها ياليت توضحها لي اكثر

[شايب حرب]

راكبة في اسفل الاقزوز من جهة الشكمان فك الشكمان من الاقزوز وتبين اذا هي موجودة

[ابوسند9]

وعليكم السلام
احب افيدك بالاتي من شان ما تخسر
نوع الماء ليس له دخل با ارتفاع درجة الحرارة بتتا
كذلك الاديتر عندك المنيوم ,
والغليان عادي ولا تقلق
والحرارة عندك تبغى فحص اشياء واجد وان شاء الله الشغله بسيط
اولا,,والموية تغلي شغل السيارة وشوف صوت التماتيك هل هو مزعج ام لا؟ اذا له صوت مزعج مع دعس البنزين فهو سليم , ماله صوت فهو عطلان حتى لو انه جديد
ثانيا,,شوف اسلاك البطارية (-) السالب , واحد راكب بالبدي وواحد راكب بالثلاجة , شيك عليها لا تكون تحتاج شد ,ولا تقول ايش دخل الكيابل بالحراره
ثالثا ,,فك الشبك الامامي وروح لبنشر ونظف وجه اديتر المكيف بالهواء , وبعده روح لا اقرب مغسلة سيارات وانظف وجه الاديتر بالماء والافضل يكون ضغط عالي , وانتبة من الضغط من شان ما تتصفط خلايا الاديتر من ضغط الماء
رابعا ,, اذا سويت اعلاه وما تغير شي, الصباح والسيارة بارده , فرغ ماء الاديتر عن طريق مسمار او صرة الاديتر ,حتى يخرج الماء بالكامل وبعدها ركب المسمار
وهنا اعمل الاتي :
احضر كرتون ماء مقطر
افتح غطاء الايتر
شوف اعلى دينمو كهرباء السيارة ماصورة صغيره المانيوم , فيها مسمار ,جيب مفتاح رقم 10 وفكها شي بسيط
هنا عبئ الماء عن طريق القربة اللي بجانب البطارية حتى يخرج الماء مع فتحت الاديتر ,
طبعا المسمار اللي اعلى الدينمو هذا لازم يخرج الماء عن طريقة , وهذا اسمة مسمار اخراج الهواء من المكينة ,واذا امتلئ الاديتر اربط المسمار
واذا سويت اعلاه فتبقى المشكلة من وزن الديلكو ,
ونصيحة مستقبلا اذا انت غيرت جميع ما ذكرتة اعلاه من شان الحرارة , هنا المفترض سئلت قبل تغير اي شي , فكل شي له طريقة فحص

[Hbk]

اخوي فتك الجنوب انت غيرت الاشيااء الاساسيه وباقي كم حاجه ابيك تتاكد منها اذاسمعت صوت الغليان هل المويه يطلعها بره السياره؟اذا كان نعم غير القربه حقت المويه الي تكون جمب البطاريه اما اذا كان لا
باقي حاجتين بس تعملها تاكد من الغطاا حق قربة المويه الي جمب البطاريه هذا الغطا حقه يكون فيه سبرنق او مثل الياي حق السياره والغطا الي قوق الردايتر يكون عادي بدون سبرنق
الحاجه الاخيره اذا كان كل الي ذكرت تمام اوزن المقانيت او الديلكو ولازم الميزان يكون باليزر واذا وزنته اول ماتطلع من الورشه شد ع الموتر اذا ماضبط تبقى عندك مشكلة الماصوره الي جايه من الثلاجه للاراديتر مسكره وهذي انت تسويها بالبيت
جرب الاشياء هذي وعلمنا ونفيدك بالي نقدر عليه

[فتك الجنوب]

الله يبيض وجيهكم جميع ما قصرتو
بالنسبة للمواصير مقيرها كامله وكاله و الاغطيه مغيرها وكالة
المويه مع الغليان ماتطلع خارج القربه

[Hbk]

بالنسبه للمواسير الماسوره الي تكلمنا عنها انا والاخوان ماتتنغير وابعلمك مكانه
افتح الكبوت وخليك قباله ف ماصوره راكبه فوق اللراديتر هوزها صغير ولما تمشي مع الهوز تحصلها راكبه فوق الماكينه داخله ف الثلاجه هذي الي نقصدها واذا حبيتت تتاكد من نظافتها بدون ماتفك الثلاجه افتح الهوز حقها من الجهتين من الراديتر ومن الثلاجه واقتح الغطا حق الرديتر وانفخ فيه بقوه اذا طلع المويه منها قوي مو منها المشكله اذا حسيته خفيف فهي تحتاج تنظيف وك حل مبدئي جيب علاقة ملابس مع بخاخ اي سي ديلكو بخ فيها وصييخ داخلها قد ماتقدر بالعلاقه الا ماتحس انها نظقت وبعدها انفخ ف الردايتر خل الاوساخ اعزكم اللله تطلع وبعدها سكر كل حاجه مثل قبل
-اما اذالقيتها سليمه وانا متاكد ان هذا هو الخلل عليك بميزان الديلكو ومثل ماوضحت للك ليزر ولا تنسانا من دعائك

[1824]

اذا الحرارة بس ترتفع وانت واقف مع المكيف شغال واذا وانت ماشي مافي حرارة معناته مروحة المكيف ما تشتغل وفيها اتكلم عن المروحة الكهربائية وليست المكيانيكية حقت المكينة والله اعلم

[1824]

ولا تنسى تغير غطاء الراديتر بواحد اصلي يلعب دور

[فتك الجنوب]

شيكت عليها المراوح سليمها و دفع هواها جيد
الاغطيه مغيرها وكالة
الله يعطيكم العافيه و ننتظر البقية

[ظغط عالي]

السلام عليكم ورحمة الله وبركاته
اخوي فتك الجنوب إذا بلف الحرارة موجود نسم له مع الي فيه هواء خرجه

[فتك الجنوب]

الله يعطيكم العافيه و يبيض وجيهكم جميع
تم حل المشكله ولله الحمد
تبديل تماتيك المروحه
تبديل بلف الحراره من 65 الى 76 وكالة
و الحمد لله ظبطة الحرارة

[basel2008]

ارتفاع الحراره مع الوقوف فقط مع المكيف له سببين :
غطاء الرديتر ...
كلتش المروحه ضعيف ولازم تتاكد ان الكلتش اصلي لان التجاري ماينفع بريال ... عن تجربه لاني غيرت تجاري جديد مرتين ومافي فايده وبعد الاصلي زبط ولله الحمد...

والله اعلم
وبالتوفيق

[alrzeenq8]

السلام عليكم
عندي نفس المشكله بدلت كل شي ولازالت ...اخرها بدلت بلف الحراره والليات مابقى الا المروحه الكهربائية الي تشتغل مع المكيف كنت مبدلها بوحده تجاريه ...وركبت لها اصلي مستعمل
بانتظار النتيجه في عز الصيف