أرجو كل من لديه خبرة بالسلق أن يدخل ،،

[قلب شاهين]

السلام عليكم ورحمة الله وبركاتة ،،

أخواني اهل الخبرة بالسلق أنا في واحد من الربع عنده سلق واجد وقالي بيعطيني وحده وانا ما اعرفلهم انا راعي طيور بس :D ما اعرف للسلق وابي واحد الله لايهينه يعلمني كيف اعشيها وكم مره باليوم ووش اعطيها يعني مثل الأشياء هذي ،،

أخوكم ،،

عبدالرحمن ،،

[ابو صاالح]

بسم الله الرحمن الرحيم
ومرحبا فيك يا صقار القصيم وحياك الله وودي ابينلك اذا السلقه تستاهل وتبي تبرد القلب اذا شاقة الأرنب فأنصحك تجنيها وذا ما تدري عن فعلها او ان فعلها والله انه عز الله انك تبي تكره السلق لا ضاعت عنك كم أرنب فلذلك انصحك بالزين ،، اما بالنسبة لأكله ان كانت كبيره ومتدربه فيكفي توكلها مره باليوم يسدها واهم شيء المكان النظيف اللي ما فيه قردان وغيرها وبس ووكلها ولامنك طلعت ركضها وخذ العلم من راعيها احسن هو يعرف سلقته اكثر من ومن غيري يعلمك عن اطباعها وغيرها وسلااامتك وبالتوفيق والله الله بصورة السلقه لا جتك عشان نعطيك راينا
اخوووك ابو صالح

[قلب شاهين]

اخوي ابوصالح بارك الله فيك على هذه المعلومات ،،

وأبشر انشالله لاجتني بحط صورتها بس الأكل اعطيها من بقايا الغدى والعشى ولا فيه شي مخصص .؟

والعذر والسموحة ،،

[الوهـ قحطان ـاج]

اخوي صقار القصيم





انا قريت من كلامك انه واحد من ربعك الي بيعطيك السلق





مايحتاج انك تسأل





لانه من ربعك بيعلمك كل شي عن السلق





والسلق اذا كانت معلمه بيقلك عليها وبيقلك اذا كانت فيها

عيوب









واذا عنده سلقة زايده يرسلها لي



وتحياتي لك يالغالي

[القحطاني505]

اخوي صقار القصيم مشكور على موضوعك لكن الموضوع انطرح اكثر من مره وتلقى من يرشدك والله لايهينك

[قلب شاهين]

مشكور يالوهاج على كلامك وأبشر اذا عنده وحده زايدة بأرلاسلها لك ،،

أخوي القحطاني مشكور على المرور ،،

[القـــناص]

بسم الله الرحمن الرحيم
ومرحبا فيك يا صقار القصيم وحياك الله وودي ابينلك اذا السلقه تستاهل وتبي تبرد القلب اذا شاقة الأرنب فأنصحك تجنيها وذا ما تدري عن فعلها او ان فعلها والله انه عز الله انك تبي تكره السلق لا ضاعت عنك كم أرنب فلذلك انصحك بالزين ،، اما بالنسبة لأكله ان كانت كبيره ومتدربه فيكفي توكلها مره باليوم يسدها واهم شيء المكان النظيف اللي ما فيه قردان وغيرها وبس ووكلها ولامنك طلعت ركضها وخذ العلم من راعيها احسن هو يعرف سلقته اكثر من ومن غيري يعلمك عن اطباعها وغيرها وسلااامتك وبالتوفيق والله الله بصورة السلقه لا جتك عشان نعطيك راينا
اخوووك ابو صالح



اخوي: ابو صالح

ماخلا لنا شي نقوله

بس اهم شي اذا كنت تبي تقنص

لاتنسى تركضها لاني الاحظ اغلب الناس

يقنصون بسلق طيبه وهي ماركضت ولاتفعل ويقولون

ماهي طيبه (( وبحسب خبرتك بالصقور ياصقار القصيم ))

اذا قنصت بطير وانت ماجردته بيطربك ولالا؟؟؟

واتمنى ان تكون قد استفدت...

وشـــكـــراً