استفسار لاهنتم بخصوص السلاح والتصاريح

[الشمروخي]

السلام عليكم ورحمه الله
فيه واحد من الشباب مسك بالشرطه معه شوزن مصرحه وطلع بكفاله ومعه شوزنه المهم دقوا نفس مركز الشرطه بعد شهرين وقالوا راجع ديوان المظالم المحكمه الجزائيه الثالثه بالرياض
العلم وش يبون بالضبط ووين محل هالمحكمه لاهنتوا

[أبوصالح9]

الحمد لله على سلامة خويك يالغالي وماهنا الا العافية خفايف ان شاء الله - جلسة مع الشيخ وغرامة 500 ريال بهالحدود

[a.alsalamah]

ليه يمسكونه اذا كان مصرح وليش الغرمه

[الشمروخي]

بيض الله وجهك ابو صالح

[محمد ابن عيد]

تساهيل ان شاء الله
و التفاتيش الله يهديهم ماخلوا احد

[الشمروخي]

بيض الله وجيهكم

[doodi1981]

تصريح الاقتناء مايسمحون لك تتنقل بالسلاح فيه ولا تصيدبه الا بعض العسكر المتساهلين واللي يقدرون الصيد ولكن بعد الله يحميك من السجن والعقوبه الكبيره . وزي ماتفضلو الاخوان غرامه وتعهد

[doodi1981]

لكن المصيبه اذا مسكوو معك بندق بدون تصريح
بعضهم يخيرونك يايصادرون البندق ولا تروح معهم القسم (طبعاً هذولا فئه نادره جداً مايخافون الله)

وكذا تحتار تخسر بندق ممكن سعرها يوصل ظ¢ظ¥ الف
ولا يحكم عليك بسجن وسابقه وغرامه طبعاً حكم قوي شوي


وسلامتكم شكلي شطحت عن الموضوع ههههههه

[عزو]

لكن المصيبه اذا مسكوو معك بندق بدون تصريح
بعضهم يخيرونك يايصادرون البندق ولا تروح معهم القسم (طبعاً هذولا فئه نادره جداً مايخافون الله)

وكذا تحتار تخسر بندق ممكن سعرها يوصل ظ¢ظ¥ الف
ولا يحكم عليك بسجن وسابقه وغرامه طبعاً حكم قوي شوي


وسلامتكم شكلي شطحت عن الموضوع ههههههه

مرحبا بالجميع
تعقيبا على شرحكم. في حال انها غير مصرحه وخيروك يصادرونها وتروح انت والا تروح انت والسلاح, سلم لهم السلاح بمحضر كذا انت تقدر تتابع سلاحك اما بدون محضر ما عاد تقدر تثبت او تتابع السلاح.الافضل كتابة محضر مصادر
شكرا للجميع

[المهاجر.]

السلام عليكم ورحمه الله
فيه واحد من الشباب مسك بالشرطه معه شوزن مصرحه وطلع بكفاله ومعه شوزنه المهم دقوا نفس مركز الشرطه بعد شهرين وقالوا راجع ديوان المظالم المحكمه الجزائيه الثالثه بالرياض
العلم وش يبون بالضبط ووين محل هالمحكمه لاهنتوا


عليكم السلام ورحمة الله وبركاته
موقعها في المربع شارع الضباب ويبونه لحضور طوعا او مخفوراً عند الشيخ ويوقع صك المصادره اذا هي بدون تصريح وبدون غرامه
لان الشوزل في النظام معفيه من العقوبه والغرامه