افضل خيمه ( للعجازين )

[راعي ساموده]

السلام عليكم ورحمة الله

طبعا كلنا ودنا ننزل نلقى خيمتنا مبنيه وجاهزه :mad:
لكن الواقع يقول اذا كنت كل شوي بمحل والجو برد عز الله انك تبي تبهذل بطق الخيمه وشيلته كل شوي .

فياليت نحاول نطلع بفكره معقوله ومنطقيه وتكلفتها معقوله لخيمه بناءها سريع وغير متعب :( .

وابدأ انا بفكرة :
انك تجيب شراع تنزاني وتخليه غاطين وتخيطه على بعض مع ترك مساحه صغيره بين الغاطين (لتعبئة الهواء) وتخليه على شكل نصف اسطواني مع الارضيه والجوانب ( كلها نفس الخياط متصله في بعض ), مع وجود فتحه لتعبئة الهواء عن طريق شكمان السياره :cool: .


يعني احلت الخيمه بالارض وحط لي الشكمان وانفخ ونم :D
اذا قمت الصبح نسم وامش:D

[فتى الدهناء]

طيب واذا جتك ( نحلة ) مضيّعة .. هافّها الهواء ... ولزقت بالخيمة ..

صدقني تطير أنت وخيمتك ..من قوّة التنسيم :p

وزين اذا مانفقعت :D

<<< مافيه مجال يفكّر

[مروق الثعلب]

ههههههههههههه

فكرة رائعة .. لكن هل هي قابلة للتطبيق ؟؟

بالمناسبة .. تبسيط أدوات الرحلة ما أعتقد أنهن ( عجز ) أبدا .. لأن الوقت مهم بالنسبة للكشات ..

شكراً لك

[ابوخالد]

راعي ساموده

تسلم اخوي بس ياليت توضيح اكثر وصور اكثر

[بروووق]

[quote]لتعبئة الهواء عن طريق شكمان السياره


طيب وشلون بتنام فيها وهي متفوخه بهوا الشكمان ؟؟؟؟؟

ما تشوف انها بتصير كتمه ؟؟؟

ترى انا مخي يقفل مرات يعني يمكن ما فهمتك

[باثفندر]

http://www.mekshat.com/pix/upload/sign/images/mk41765.gif
انواع الحشرة والكربون
بس الفكرة رائعة لو كان غير التنزاني لانه ينسم الهواء .

[الملهي]

اقول ياراعي سامودة الفكرة مجنونة بس انتبة لاتوخذمنك المهم ترانا غسلنا القدر زين بعد الاحراق؟؟؟؟؟؟؟؟؟؟؟؟؟؟ هههههههههههههههههههههههههههههههههههههههههههههههههه هههههههههههههههههههههههههههههههههههه ياليتي موجود

[راعي ساموده]

السلام عليكم ..

ههههههههههههههههههه وش حشرات ,, ونحل ,,, وكتمه
شكلكم مادخلتو جو بالفكره
أولا: الفكره مبدئيه,, يعني قابله للتعديل
ثانيا : حط القماش اللي تبي بحيث يكون قوي ولايمكن اختراقه من قبل ( النحل ) هههههه.
ثالثا : ماراح يكون فيه كتمه لان هوا العادم حق السياره راح يكون مكتوم بين القماشين .

[راعي ساموده]

الأخ ( الملهي ) مادري من وين جبت هالاسم ؟؟:confused:
أرجو ان يكون ردك هذا أخر رد على مواضيعي :mad:

وبعدين أرجوك لاتجيب طاري القدر المحترق لأن هذي طبخه جديده اسمه ( المحروقه ) وماودي افصح عنها الا بعد تسجيله بمدينة الملك عبدالعزيز للعلوم ( كبراءة اختراع ):no2: .

وبعدين تقول ياليتك كنت موجود ؟؟؟؟؟؟

لو كنت موجود كان ماحد تجرأ يقرب للقدر وانت فيه ( خصوصا بوجود القرعه :p )

( أجل انت من الناس اللي يعلقون بالزباله عقب الكشته ؟؟؟؟؟؟؟؟؟؟؟؟؟؟؟؟؟؟ :D :D :D :D :D )

[ولد شقرا]

فيه فوط عند ابو ريالين صغيرة تقل حبة بولو بس لما تفتحها تصير فوطة كبيرة

ودنا بخيمة كبر المركا لما تفتح تصير مخيم

[ثــــايـر]

فكره جيده اخوي الغالي والله اوفقك فيهااااا :)

لكن انا لدي راي اخر استأجر من هالمخيمات وارتاح ..

وياليت احد يفيدني اذا كان فيه محلات للمخيمات بالأيجار مره وحده ..انا سمعت ان هناك محلات لتأجير المخيمات هل هذالكلام صحيح ؟؟؟ ..تقوم انت بختيار الموقع اللي تبي في الصمان او غيره وهم يبنون لك المخيم كاااااااااااااااااامل في الموقع الذي تريده ويحسب عليك بالايجار اليومي ..

وسلااااامتكم ..:)

[عاشق VXR]

اخي العزيز / راعي ساموده ...
اهنئك على التفكير الأبداعي ... ولو كل واحد منا يفكر مثل هذه الأفكار كان تفوقنا على اليابان !!!
بصراحه يؤسفني تحطيم بعض الأخوان ..
فيعجبني اللذي يفكر حتى لو كان الفكره خاطئة فتخطئ عدة مرات ثم تصيب بأذن الله ...
الى مزيد من الأبداع يا راعي سامودة ... ولا يهمك من يتكلم ويحطم فهذه افكارك وانت من يجني ثمارها ...

[غالي]

اذا كنت تبي تنفخ وتنسم
اجل ماينفع لك قماش
وانما هو البلاستيك لأن ليس فيه مسامات
الا اذا قماش مغطس بشمع يسد المسامات فهذا شيء اخر لا اعرف عن جدارته
والله يوفقنا وياك يارب

[مخاوي الأحزان]

فكره رائعة أخوي راعي ساموده
صراحه موضوع بناء الخيمة وطق الأطناب شغله بهالبرد القارص وبأجواء الشتاء البارده ومااحد فاضي يبني ويشد ويطق بهالخيمه
نبغا شي جاهز وعلى طول يبنى وعلى طول ينطوي خصوصا ً لاصار الواحد متجول بالبر وكل شوي له مكان ودنا حقيقه بخيام مثل ماذكرت أخوي راعي ساموده وكل شي يصير ليش لا الحاجه ام الإختراع وبدال ماتنفخ بشكمان السياره تنفخ الخيمه بماطور هواء مثلا ً

أرجو رفع الموضوع للأهميه ويعمم بصفه عاجله إلى الأخوان التاليه أسمائهم :
( السنيدي - الإختيار - عروق الشمال وكل من أختص بلوازم الرحلات والكشتات البريه التقيد والتمشي بموجبه )
وتنفيذ هذا الطلب عاجلا ً لرغبة الكشاته والبراويين بمثل هذه الخيام الرائعه
وخطاب شكر للأخ راعي ساموده

[ابو حزم]

والله فكرة

اقترح انه ما يكون لها اطناب بحبال

تكون اطنابها منها وفيها

[السنع كله]

يا خوفتي تتحول منطاد واذا اصبحتوا ولاكم بتنزانيا

[ابو ســــاره]

سبق وان شاهدت انا بعيني في التلفاز كارثه ما ادري هل هو حادث قطار او ماشابه ..
الشاهد انه معهم خيمة نفس شكل حقت السنيدي نص برميل الخيمة هذي عبارة عن مستشفي انقاذ طولها بحدود 30 متر في 10 متر
منفوخه بالهواء وفكرته بسيطه كل شي شراع عادي ولكن بدال العمدان التوصيلات الي تجي بخيمة السنيدي هناك مسارات تعبء بالهواء . بس تراهم ما عبوها بالشكمان ! كان معهم ماطور ضخم لتعبئة الهواء واتوقع الشكمان يقوم مقامه لانه سبق وان نفخت زورق مائي كبير وركبنا فيه ستة اشخاص وخضنا بالسيل وما فيه الا العافيه .

[بيرق التوحيد]

فكرة رائعة

وازيد شي ونخوك

لتفادي خروج الهواء أو بمعنى أصح (( التنسيم )) مع القماش او فتحات الخياط

يجعل طبقة من البلاستيك الشفاف يصير الهواء بين طبقتين بلاستيك شفاف ويخاط جيداً

وفكرتك جيده

وأفكر أني اسويها بإذن الله

[عاشق VXR]

الله يوفق الجميع ...
اخي بيرق التوحيد / لا تنسى اول ما تسويها تخبرنا عن النتائج ... الله يوفقك ...
مشكورين على تفاعلكم مع موضوع وفكرة الأخ ( راعي ساموده )

[bu saad]

أخواني،
الفكرة جميلة بس (لازم هالبس ;)) ما فيه خطورة من استخدام غاز العادم؟
تراه غاز اول أكسيد الكربون، ناس راحت بسبب استنشاقه وهو نفس الغاز اللي يطلع من الفحم و من حرق الحطب.

[الكاسر23]

اخوي راعي سامودة



بصراحة فكرة رائعة جدا، واضم كلامي للاخوان لحق على براءة الابتكار وحفظ الحقوق.

انا عندي اضافة للفكرة تتمثل فيما يلي:

1- هناك قماش مغطى بالبلاستيك متوفر في اسواق ومحلات الخيام اللي بالغرابي واللي تمنع تنسيم الهواء وقوي لدرجة تمنع اختراقه بسهولة.

2- وضع طبقتين من القماش بمسافة لا تتعدى 5 سم على طول جوانب الخيمة (سواء دائرية الشكل او مربعة) ومتصلة الجوانب بسقف الخيمة (من طبقتين ايضا).

3- وجود شبابيك وباب حسب الاحتياج ولا تكثر منها، ويكفي باب واحد وشباكين.

4- توفير فتحة مناسبة لشكمان السيارة، على شكل انبوبي ، ومجهزة بصمام مانع الارتداد، بحيث يمنع خروج الهواء بعد تعبئة الهواء.

5- الخيمة لا يوجد فيها أعمدة او مواد اخرى غير القماش المغطى بالبلاسيتك وتكون الأرضية من طبقة واحدة لمنع حدوث اضرار مثل سقوط ادوات حادة تؤدي الى تسنيم الهواء من الخيمة وندخل في دوامة محلات البنشر والترقيع.
6- الخيمة تقوم (تبنى) تلقائيا بمجرد نفخ الهواء من خلال الفتحة المخصصة للتعبئة.
7- لا بد من التفكير في جهاز شفط للهواء من جدران وسقف الخيمة، حتى لا تكون عملية تفريغ الهواء مملة ومنهكة.

وسلامتكم

اخوكم
الكاسر23

[altheeeb79]

بسم الله الرحمن الرحيم


والله ياراعي ساموده فكره جهنميه000لكن باقي التطبيق0

وانا أقول فكره جهنميه اذا كان فهمي صح وهي تقريبا مثل العاب الاطفال البلاستيك اللي تنفخ بالهواء ويناقزون عليها الصغار أرضيتها معبأه هواء ولها عمدان واقفه ومعترضه معبأه بالهواء000لكن مثل ماقال أحد الاخوان تكون فكرتك أن الارضيه قماش أو بلاستيك طبقه واحده 000


فيه خيمه تبني نفسها بنفسها كل ماعليك فر المفتاح وتبني نفسها في ثواني وتشتغل على بطاريه(وفيها مشب واضاءه خارجيه وداخليه والله يكرمكم(دورة مياه)000صدقوني يااخوان أنا شفتها لكن المشكله انها غاليه غاليه غاليه000 على اللي مثلي ماعنده الا الراتب000 وسوف أفرد لها موضوع خاص مع الصور ان شاء الله0000000000000

[الكاسر23]

بصراحة فكرة ابو سارة اروع
وهي ان تكون اجزاء تعبئ بالهواء وتحل محل الاعمدة، شكلها مثل العمود (مجرى وفراغات تعبأ بالهواء تأخذ شكل العمود) والباقي عبارة عن رواق عادي بحيث يسهل تعبئتها بسرعة ويسهل ايضا تفريغ الهواء منها.

بكذا يصغر حجمها ويقل زمن بناءها وهدمها.

الكاسر23

[ابو فرح1]

الفكرة من ناحية التطبيق ممكنة ، لكن من اللى ينفذها لك . وتبي نصيحتي حاول تنفذها
لان فكرتك هذا شدتني وذكرت بشي فيه من فكرتك الشي الكثير فيه كراسي للاطفال وبمقاسات مختلفة وتتحمل اوزان معينة تنفخ بالهواء وسبق ان شريت منها لاطفالي ، يعني وشي اللى يمنع انك تعطي الفكرة لاحد الثقات المنتجين لمثل هالاختراعات مثل السنيدي او القاضي وتبدا بمقاس بمقاس 3*3 على شكل هرم ويكون فيه محل لشد الحبال بالاطناب عدد ثلاثة
شهادة لله ان فكرتك روووووووووووووعه

واذكرك ان فيه واحد يقاله البريدي مخترع (بزبوزعادي جدا بابرة حديدية للدبات المياه البيضاء وبعشرين ريال وعملية جدا . الله يوفقه
الفكرة بسيطة لكن حاجتها للكشتات الخفيفة ممتازة
اتمنى لك التوفيق

[الكاسر23]

وين راعي سامودة عسى ما شر..

يبي لنا من الشباب من يتزهب لاخونا راعي سامودة ويتفرغ له يوم يأخذه لمكتب براءة الاختراع في مدينة الملك عبدالعزيز للعلوم والتقنية ومكتب براءة الاختراع في امانة مجلس التعاون الخليجي اللي على طريق السفارات.

خوينا ما هوب حاس بقيمة الفكرة .. واحنا ودنا يتشجع ويسجلها باسمه.

الله يوفقك يا راعي سامودة .. "على نياتكم ترزقون" من طيب قلبك !!

اخوك
الكاسر23

[omiran]

الان فيه خيام صغيرة المحمل ولاياخذ حجم في العفش ولها اعمدان حديد تيوبات وفكها وتركيبا ما ياخذ 5دقايق و حولها واشوفها منتشرة في محلات الرحلات والخيام

صوره من نورعلي
http://www.alhnuf.com/up/upload2/3b65459e8d.jpg

[الكاسر23]

يا شباب الفزعه
نحتاج 2 من الشباب يتفرغون للبحث عن المخترع "راعي سامودة" لانه اكيد خطف بعد هالاكتشاف الخطير، عشان يعلمهم باسراره.

وينه لنا يومين ندور عليه .. عسى ما شر يا خوي راعي سامودة..

للاطمئنان فقط

اخوك
الكاسر23