جيب باترول فتك 2013 معاد يشتغل⚙

[صالح الوليدي]

السلام عليكم ورحمه الله

أسعد الله مساكم جميع

عند أخوي ربع فتك 2013 معاد يشتغل والسبب قطع سيل وتغطى الجيب في السيل وبعد سحبه

يشغل معاد اشتغل ؟
وديتة الورشه فكوا الثلاجة ونظفوها كذالك البواجي وغيروا الزيت مانفع … حتى ما يدق سلف !!
الكهرب سليم وواصل والجيب مجيم أش علم يا أهل الخبرة بارك الله فيكم ..

[SGL]

وعليكم السلام ورحمة الله وبركاته
أخوي السلف مافكيتوه يمكن مجيم فكه ونظفه وشحم مجرى الترس داخل السلف وبعدها جرب تشغل السلف خارج الموتر قبل التركيب

[صالح الوليدي]

وعليكم السلام ورحمة الله وبركاته
أخوي السلف مافكيتوه يمكن مجيم فكه ونظفه وشحم مجرى الترس داخل السلف وبعدها جرب تشغل السلف خارج الموتر قبل التركيب

الورشة يقول ماهو السلف مع العلم قلت له السلف

وبشوف له وبأذن لله يكون هو …

[ابوراكان تبوك]

الحمد لله ع السلامه اخي

اذا الكهرب واصله معناه السلف مجيم لازم فك وتنظيف لو الكهربائي صاحي كان اشرك السلف مباشره مع فتح السويتش اذا دق بهذه الطريقه معناه الخلل من الكمبيوتر او ظفيرة السلف بإمكانه بلمبة اختبار يفحص هل يجي كهرب لما تدق ؟؟؟

ثانيا والاهم هل تاكد من فيوز odb حق الكمبيوتر ولازم اذا دخل الموتر ماء لابد من اخراج الكمبيوتر وفكه ونفخه جيدا بالهواء لانه اشارة السلف ياخذها الكمبيوتر

نفس مشكلتك حدثت لجيب ربع تويوتا فتم اخراج الكمبيوتر ونفخه بالهواء واشتغل

[صالح الوليدي]

بيض الله وجهك بروح أشيك على الفيوزات

[يالبى الهلا]

دور لك كهربائي صاحي لان الوقت ماهو بصالحك كلما تتأخر كل ما المشكلة تكبررررررر
حتا لو تشيلة بسطحة وترسلة لجدة شكلك في منطقة مافيها احد صاحي
ماهو معقولة الي الان ماعرفت المشكلة

[صالح الوليدي]

والله ياخوك اغلبهم يقولون المكينة والمشكله مافيه أحد شيك حتى على السلف

وبخليه لأخر الشهر مع الراتب وبوديه الفحص ونشرف لعل وعسى يكون العطل بسيط

[ابو حسان الجنوبي]

هل يدق سلف ومايشتغل ؟

اذا كان ايه غير حساس قربة الهواء واذا بتطول مابتصلحه عب المكينة زيت لين الغطاء عشان المكينة ماتنعدم عليك وغذا جيت بتشغل اشفط الزايد

[ابوراكان تبوك]

والله ياخوك اغلبهم يقولون المكينة والمشكله مافيه أحد شيك حتى على السلف

وبخليه لأخر الشهر مع الراتب وبوديه الفحص ونشرف لعل وعسى يكون العطل بسيط

مايقدر يحكم ع المكينه الا اذا تاكد ان السلف سليم والكمبيوتر ايضا يسبب نفس المشاكل ممكن مايعطي اشاره للسلف لانه خارج الخدمه يا اما بسبب فيوز او محتاج تنظيف
لانه هو اللي يحرك المكينه واذا السلف سليم لابد من معرفه السبب اللي محجر للحذاف

انصحك اذا الموتر واقف افصل البطارية لانه بعد المياه احتمال في التماسات ولو ان نصيحتي متاخره كنت اتوقع ان الموتر بالورشة

[يالبى الهلا]

[QUOTE=ابو حسان الجنوبي;10647296]هل يدق سلف ومايشتغل ؟

اذا كان ايه غير حساس قربة الهواء واذا بتطول مابتصلحه عب المكينة زيت لين الغطاء عشان المكينة ماتنعدم عليك وغذا جيت بتشغل اشفط




وانا راي من راية اترس المكينة زيت لاتصلب عليك بكرة

[ابوراكان تبوك]

يا اخوان يقول مايدق سلف

لو كان يدق سلف اوكيه نروح لحساس الشكمان مع انه ماله علاقه لكن جهز كمبيوتر برمجه


الموديلات الحديثه اذا انفك حساس الشكمان تطير برمجه الكمبيوتر والبرمجه الجديده بتكلف اقل شي 1700 ريال بالوكاله وبرا من 500 الى 700

وتعبئة الزيت فل بالمكينه ليس له داعي الا اذا انك بتتركه 6 شهور واقف

اللي حاصل انه السلف مايدور لازم تعرف السبب هل هو مقطوع سلكه او الدقمه لاتعمل او فيوز او برمجة كمبيوتر او السلف مجيم لابد من فكه اذا تاكدنا ان الكهرب واصله حتى نتاكد من القلب لماذا جيم ونتفقد ترس السلف واذا السلف يدور ممكن ضعيف ليس له القدره على لف الحذاف بكذا ننتقل للخطوه الاخيره وهي تعشيق السياره بترس مع مراقبة المروحه ودفها باليد بقوه اذا دارت المروحه نرجع لوضع السلف ممكن فعلا ضعيف ولايقوى على تحريك الحذاف واذا تاكدنا من السلف مره اخرى انه سليم 100% لابد من فك الحذاف واذا الحذاف مابه خلاف يكون التصليب من المكينه
لازم يأخذها بالتدريج

بخصوص اختبار السلف لكي تتاكد من الدقمه يوصل سلك مباشره للسلف ويضعه على خط الكهرباء اذا دق الموتر الخلل من الدقمه او الكمبيوتر
اما رح عب زيت للغطى هاذي مالها داعي خسائر ع الفاضي
هذه وجهه نظري وكل شخص له راييه ولا يكتبه الا بعد مايتأكد حتى ماتتسبب في خسارة اخوانك

[saqqaan11]

ياصاحب الفتك روح للورشه وخله يفضي القير ويركب مفتاح في صدر المكينه الي راس عمود الكرنك ويلف اذا لفت المكينه سليمه 100 بالميه اما اذا مالفت الله يخلف عليك واذا لفت تاكد من الفيوزات الي داخل البوكت علي يمين الرفرف وعلي يساره ومثل ماقالو الاخوان يشرك السلف هذا فحص الدقيق بعد المويه

[صالح الوليدي]

بيض الله وجيهكم جميع ماقصرتوا والله يكتب أجركم

فحصت الفيوزات كلها سليمه
وتم تغيير زيت المكينة مباشرة بعد الحدث حتى نظمن ماتصدي المكينه

الشي الثاني حاولت ندف الموتر وننتعه عشان يشتغل للأسف الكفر يدور عكس !! ماينتع ؟

وهاذي إلي حيرتنا زيادة

المشكله عندي عمل ولازم اسافر وارجع لها كل أسبوع والله ييسرها

[SGL]

طيب دام إنه قير عادي ماجربت تسحبه بموتر وتعشقه ثاني أو ثالث وخلك ضاغط كلتش بعدين إرفع رجلك عن الكلتش خله ينتع ويشتغل ضروري المكينة تشتغل بالوقت الحالي عشان الصداء مثل ماقالو لك الإخوان وإذا إشتغل إن شاء الله خله شغال براحته بدون دعس نهائي وبعدها غير زيت وسيفون

[صالح الوليدي]

المشكله عيا ينتع نهائياً

[sulaiman.fj40]

ارفع الموتر مع احد كفرات الخلف وعشق القير بالخامس ودور الكفر وان دار معك معناه المكينه سليمه وتكون مشكلتك في الكهرباء وانصحك بتغيير زيت المككينه والفلترز

[صالح الوليدي]

الله يبيض وجهك قد غيرنا زيت المكينه وبرجع للموتر نهاية الأسبوع وبجرب الحركة وأرد لكم العلم

[آخر العنقود]

شكل البساتم داخلها مويه فك البواجي وخل العامل يفر الكرنك وشف يطلع مويه والا لأ شكل المكينه عاضه بسبب المويه عسا مكينتك تسلم من هالمشكله وعلمنا بالجديد.

[رقبة حاشي]

وش صار عالموتر

[صالح الوليدي]

السلام عليكم ورحمه الله وبركاتة

أعتذر منكم أخواني على ألانقطاع والتأخر في طرح النتائج والسبب ضيعت الموضوع وبحثت عنة فترة طويله

العلم بارك الله فيكم بعد ما فكينا المكينة ، وجدنا ثقب في جرم المكينة !!
والصدمة الجرم غير سميك ؟

بحثنا عن جرم في الوكالة يقولون بـ 7000 ريال !!!
ودورنا جرم رجيع حصلنا لاكن عادي والجيب فتك يختلف الحجم

ولا زال البحث جاري عن جرم للمكينة والله يعيننا وياكم جميع .. وأحب أشكركم على مشاركاتكم وأرائكم وجزاكم الله خير وبارك فيكم

[YUKON_GMC]

الله يعينك وشوف لك بتشليح الحاير اكيد بتحصل ولو ماتقدر تروح بالامكانك تبحث في موقع حراج عن مناديب اغلبهم يمانيه يوقفون عند مدخل الصناعيه وب 20 ريال يدق على اغلب الورش ويعرف وين يحصل القطعه بدون لف ووجع راس

وبالمناسبه صارت عندنا موضه السنتين الاخيره لاجاء وقت السيل والخير الناس قامت تقطططع الشعبان والادويه والماء فوق الكبوت وهذا خطاء اذا المويه لحقت المكينه خربت اشياء كثيره اولها السلف لانه تحت والدينموا والمروحه والاديتر والربلات وحوافظ الشحم من غير الصداء اللي يخرب السياره من الطين


انصح بعدم النزول بالادويه والشعبان وتمشى واستانس لكن لاتخرب موترك

[صالح الوليدي]

لاهنت اخوي وهذا الكلام الصح لاتقطع الماء ولاتقص الوديان وإلي مخربها يتذكر عواقبها من غيرة