فنجال غطو لِداهي النت بالـذات.......الحل:وزن بحر الشعر.....حله:ابو اسامه2

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اليكم لغيز صباحي

.........

فنجال غطو لِداهي النــت بالـذات ..........

.......... والخوف من رشفه جميعِه يلطــه

ونا الذي ليلي ادقــــق حسابــات ..........

.......... حرفٍ احطه ثــم اسارع بكشــطه

متوخيٍ يبقى على الساح ساعات ..........

.......... هذا العشم يومـــي بكفـي اخطــه

لغـزٍ ونا اقحـــــمت فيـه الدلالات ..........

.......... في كثرهن اصبحت مضطر امطه

عدة بنـــاتٍ ياجمــــاعه شبيهات ..........

.......... ابن العرب يم سـالك الدرب حطه

في جوف بحرٍ ياجماعـه علامات ..........

.......... صكن بشطـــــه حتى يابدر شطه

احدٍ بلياهن دروبـــــــه سليـكات ..........

.......... احدٍ بلياهن غــــــدا الدرب ورطه

احدٍ ولـو هن قدم عينه جليـــات ..........

.......... يطمر بعضها دون عمــــــدٍ ينطه

ولياطمر وحده غدى في متاهات ..........

.......... مايستوي دربه ووحــــده يقـطه

.........

مع تحيات ابو ماجد

منتديات مكشات

خيــــــــمة الالغــــــاز

[يمكن شاعر]

عليكم السلام
صباح الخير يالغالي
وصح لسانك ملاييين لاهنت
محاوله
النقط بالحروف وابوالاسود الدؤلي وضعها

[ابو ماجد 2]

عليكم السلام
صباح الخير يالغالي
وصح لسانك ملاييين لاهنت
محاوله
النقط بالحروف وابوالاسود الدؤلي وضعها

ياصباح النور
صح بدنك
وافخت عن اول الداهين
ويالذ قولة مالكم لوى وذلك لقلت مانقولها لكم ماشاء الله عليكم
مااااالك لوى
انتظر مرماعك القادم

[النبهاني]

وعليكم السلام والرحمه
صح لسانك ملا يين ايه الزعيم
والله يسعد اوقاتك بالمسرات ويلطك بالعوفيه
والله نخاف من الرمع هالحين لان مثلث برمودا ما شاء الله يخوف طبيعي
محاوله خجوله
النجوم

او حركات احروف الضمه والسكون وو

[ابو اسامه 2]

وعليكم السلام ورحمة الله وبركاته

صح لسانك ملايين يا الزعيم

وبيض الله وجهك

جاري التفكير يا الغالي

تحياتي وتقديري لك

[د/ عبدالله]

السلام عليكم ورحمة الله وبركاته


صح لسانك يا ابو ماجد
وش قولك في الرمعة هذي ( خرائط العالم والتي بدأ بها العالم العربي محمد الأدريسي )

[ابو ماجد 2]

الاخوة الافاضل
اللغز لايزال طليق
ولي رده والرد بالتفصيل
مع الترحيب للغائب عن الساح والحاضر بالقلوب . تنيني ابو جار الله

[badr2003]

صح لسانك يابو ماجد ابداع ماشاء الله
محاولة لتقريب وجهات النظر:)
بوصلة قديمة بحرية تسمى الاخنان مفردها خنة

[ابو ماجد 2]

وعليكم السلام والرحمه
صح لسانك ملا يين ايه الزعيم
والله يسعد اوقاتك بالمسرات ويلطك بالعوفيه
والله نخاف من الرمع هالحين لان مثلث برمودا ما شاء الله يخوف طبيعي
محاوله خجوله
النجوم

او حركات احروف الضمه والسكون وو



http://l.yimg.com/lo/api/res/1.2/3Zb71ummrov7ru5cVjM9YQ--/YXBwaWQ9bWtihttp://dc16.arabsh.com/i/03410/82cz266npou0.jpg

ياهلا ومليون هلا
هلا بتنيني
مشتااااااقين
جيت ابحط لك ورد ترحيب لكن حطيت لك اللي تفضله وتقدمه على الورد
صح بدنك وشرفتنا يالغالي
وانتظر مرماعك القادم

[ابو ماجد 2]

وعليكم السلام ورحمة الله وبركاته

صح لسانك ملايين يا الزعيم

وبيض الله وجهك

جاري التفكير يا الغالي

تحياتي وتقديري لك

هلا بك يابو اسامه
صح بدنك وبياض الوجه كاسيك
شرفتنا يالغالي
وهاللغز صحيج محتسي فيه مثلث برمودا لكن انت والزملاء ماشاء الله مايصعب عليكم اذا حطيتوه ببالكم

[ابو اسامه 2]

طيب يا الغالي وش رايك في

الوزن في بحور الشعر


تحياتي لك

[ابو ماجد 2]

السلام عليكم ورحمة الله وبركاته


صح لسانك يا ابو ماجد
وش قولك في الرمعة هذي ( خرائط العالم والتي بدأ بها العالم العربي محمد الأدريسي )

وعليكم السلام ورحمة الله وبركاته
صح بدنك
وسررنا بتواجدك بيننا اخ عزيز بين اخوته
رمعه طيبه وانتظر الاطيب والشامله للغز برمته بما فيهن ان البنات تشابه

[ابو ماجد 2]

صح لسانك يابو ماجد ابداع ماشاء الله
محاولة لتقريب وجهات النظر:)
بوصلة قديمة بحرية تسمى الاخنان مفردها خنة

هلا باحد اضلاع مثلث برمودا
صح بدنك
والابداع بمراميعكم الصائبه ماشاء الله
رمعه طيبه وانتظر الاطيب
وتصلح مشروع لغز ( خنه )

[ابو ماجد 2]

طيب يا الغالي وش رايك في

الوزن في بحور الشعر


تحياتي لك


قلت في ردي السابق
وهاللغز صحيج محتسي فيه مثلث برمودا لكن انت والزملاء ماشاء الله مايصعب عليكم اذا حطيتوه ببالكم
وكنت محق والدليل مرماعك
كفووووووووووووووو كفوووووووو كفوووووووووووو
نعم
وزن بحر الشعر
ومتشابهات فكلهن تفعيلات
واليكم نموذج على البحر الطويل
- الطويل :
فعولن مفاعيلن فعولن مفاعيلن .
البحر المقصود باللغز بحر الشعر والشط اطرافه من هنا وهنا
احد ينظم بدونهن واحد وهن امامه لايجيد الوزن
ولو طمر احد الحروف اوالتفعيله لايستوي عنده درب الوزن
لله درك يابو اسامه

[ابو اسامه 2]

قلت في ردي السابق
وهاللغز صحيج محتسي فيه مثلث برمودا لكن انت والزملاء ماشاء الله مايصعب عليكم اذا حطيتوه ببالكم
وكنت محق والدليل مرماعك
كفووووووووووووووو كفوووووووو كفوووووووووووو
نعم
وزن بحر الشعر
ومتشابهات فكلهن تفعيلات
واليكم نموذج على البحر الطويل
- الطويل :
فعولن مفاعيلن فعولن مفاعيلن .
البحر المقصود باللغز بحر الشعر والشط اطرافه من هنا وهنا
احد ينظم بدونهن واحد وهن امامه لايجيد الوزن
ولو طمر احد الحروف اوالتفعيله لايستوي عنده درب الوزن
لله درك يابو اسامه




كفوك الطيب يا ابو ماجد

والله يبارك فيك يا الغالي

تحياتي وتقديري واشواقي

[ابو ماجد 2]

كفوك الطيب يا ابو ماجد

والله يبارك فيك يا الغالي

تحياتي وتقديري واشواقي





حياك يابو اسامه ونبي نسميك الداهيه الغير متفرغ
نسيت ان انوه ان الوزن للشعر بالتفعيلات يسمى العروض واسسه الخليل بن احمد الفراهيدي

[يمكن شاعر]

لاهنت يابوماجد صح لسانك ملايين يالغالي
وصح لسانك وفكر الغالي ابواسامه
وكفووووووووووو مليوووووووون
بيض الله وجيهكم جميع

[ابو ماجد 2]

لاهنت يابوماجد صح لسانك ملايين يالغالي
وصح لسانك وفكر الغالي ابواسامه
وكفووووووووووو مليوووووووون
بيض الله وجيهكم جميع

هلا بالداهيه
هلا بأحد اضلاع مثلث برمودا
صبحك الله بالخير
صح بدنك يالغالي وبياض الوجه كاسيك
ويستاهل ابو اسامه الكفو

[badr2003]

ماشاء الله عليك يابو ماجد ندور في البحر واثرك دافن لنا المعنى
كفو يابو اسامة عليك بالغاز ابو ماجد انت خير من يعرف لة

[ابو اسامه 2]

الله يسعدك يا الزعيم

اللي يجيك منك من لقب هو فخر لي يا الغالي

يمكن شاعر
بدر

وكفوكم الطيب جميعاً

تحياتي للجميع