مشكلة بقير الفورد

[malsalama]

السلام عليكم ورحمة الله وبركاتة
عندي فورد كروان فكتوريا 2004 القير يفضي وانا امشي واحياناً وانا واقف يتأخر ما يعشق
رحت به للورش وخابرين انتم كل واحد يعطيك علة من عنده وسعر
الأغلبية منهم قالوا عندك كلتشات القير تعبانة ويبي لك على كلامهم توظيب وبيكلفك 2500 ريال

ابي رايكم وشوركم هل اني اخليه عادي واسافر واروح عليه ما يضر
لانه يفضي شوي ويعشق وانا امشي ثم خلاص يسلك معي
ولا وش السوات ؟
اشوف ان سعر اصلاحه مكلف وانا رجال توني شاريه لي 6 شهور
وكل شهر والله احط فيه من الالف الالفين ريال كلني اكل


أتمنى من اصحاب الخبرة يفيدوني ويفيدون من يعاني بنفس مشكلتي
ما ابي اصير ضحية للورش وينهبون من وراي ودوني :mad:.

[ابوراكان تبوك]

تاكد من الزيت حق القير هل ناقص او لا لانها حركات نقص زيت او فلتر مقفل
الفلتر المقفل يتاخر تعشيق اثناء الممشى مع نفظه في السياره لحظة تبديل النمر
تأخر قبول القير للترس وانت واقف حركات حساس الاوفر درايف فيه اثنين واحد داخلي وواحد خارجي يكون من احدهم
لو من مشكلة تأخير التعشيق بسيطه لكن القير يفصل
ولا انصحك تسافر فيه تخاف يقطعك مع الاجواء هاذي بتكره نفسك بالاضافه الى انه يلحقها سطحه بمبلغ مكلف
واذا انت راعي خطوط دورك موتر نظيف والفورد لاجاك نظيف ترتاح نفسيا مع الخطوط

[ابو أسامة123]

سمعت ان فيه كتاوت للقير بعلبة الفيوزات ان خرب يسبب الشغله ذي بس وين موقعه مادري