سحاب نجد راعي شقراء
02/05/2016, 05:51 AM
بسم الله صلى الله على محمد
الا بذكرالله تطمئن القلوب لا اله الا الله وحده لا شريك له
يالله تحيي الغالين الي يردون والي مايردون ميخالف هين لا تردون ونا مغير انقر بصبع واحد مثل نقرالدجاج للعيش :D
منول يالغالين عندي في نخلي سور مطوق المزرعه ولا زال فيه وكان فيه بابين باب يدخل معه السيل وباب ندخل معه انحن وفيه بيت طين بس طاح من السيل دخله السيل في الليل ونا منيب فيه وجدع البيت ياسفابه
المهم يوم جيت يوم من الايام مع شقه النور ولا الباب الكبير مشبوب فيه وطايح ويدخن وقص الجره الين وصلت مكان الي شاب في الباب وعرفته وشكيته ومسكوه وسجنوه يوم دريت ولا ابوه جايني ونا اعرف ابوه وجلس يطلبني السماح وروح انا وياه للشرطه وكفله وطلعه
يعني انا الي شاكيه ونا الي اكفله :D
ياسفاب ذاك الباب الي وش كبره وفي وسطه خوخه ههههههه مهيب الي توكل لا الباب الصغير الي يجي في وسط الباب الكبير نسميه خوخه وش اسوي هذا اسمه :D
الشي الثاني بعد في النخل يوم جيت يوم من الايام ولا فيه فراخه نخل مسروقه هههههههههههه الدنيا شقا وبس
ويوم جيت بعدها بيومين ولقا صطول الماء حقه الغنم ماخوذه هههههههه منيب اقول لكم الدنيا شقا :D
ويوم شفت ولا الي ماخذ الصطول معبيها من الجابيه بالماء ورايح بها ونتم خابرين الصطول مع المشي ينكب منها بعض الماء وتبع الجره وتبع نواقيط الماء ويوم وصلت مكانه ولاه غارس النخل ويسقيه بعد بصطولي وماي
ومنول اعرف الجره ودري منهي جرته بس مهوب كل الجرر لا الي اعرفهم بس هذا بعد ان ماغلطت بعض المرات بس ذاالي ماخذ نخلي وصطولي عرفته وهو رجال مهنا صح جعله للجنه توفا من موبطي
وجلست احتريه يجي لاني اشوفه جاي يمشي من بعيد
ويوم وصلني وهو مادرا اني فيه الا يوم وصل وقلت له تراي داري عنك بس ليتك الا اسقيتا النخل ترجع الصطول تراهن للغنم وشوا قال ميخالف :D
قال اجل ابا اجي املاهن بالماء من اللزا او الجابيه وسقي نخلي ماشاء الله صارن نخله هههههههههههه
يالله بصره والدنيا فانيه وش اسوي به قصرت منيب اقول لكم الدنيا شقا :D
وسنه من السنين زرعت جح يعني بطيخ كلهن واحد :p
ويجون بزارين ويسرقونهن هههههههههههه وشذا التجاره راحت وطي :D
وليتهم ذا البزور يقطعون الجحه وياخذونها لا يجرها بشجرتها وهو يركض ثمن يجرها وراه عشره امتار هههه
ومره من المرات توزيت بين الشجر ويوم جا واحد من البزارين يبي ياخذ جحه ونا الي اكلخ عليه يعني اروعه :eek:بين الشجر وهو مادرا عني وهو الي يطمرويصرخ ويروح يركض من الروعه :p ومن بعد هذي معاد شفتهم اصلن الجح خلص :D
منيب اقول لكم الدنيا شقا :D
وكثر بعد مايغثني الكلاب ايام الصيف والحر يجن يلعبن على البرسيم وش اسوي اسمه ماينكتب برسيم وبس
المهم الاجيت احصد يقطع يديني المحش يصير البرسيم متواسي مع الارض بسبب الكلاب ونا من اصبح معي المرجامه وهي حبل وفي وسطه رقعه نحط فيها الحصات ثمن نبرمها وننطلها على الكلاب منيب اقول لكم الدنيا شقا هههههههههههه
ومره ونا في نخلي هدن علي كلاب ويقولون ان ابوهن ذيب هذا كلام اهل المزارع الي حولي وهو صدق فعولهن فعل ذياب لعبن في غنمهم المهم جني ونا اروس يعني اسقي النخل يجن سبعه ويهدن علي يبي ياكلني ونا الي انطلق عركوبي يطق في قفاراسي من السرعه هههههههههه انتم عاد خابرين مهنا صراويل :p تصير المغطه شي مايوصف لانها متحرره من القيود :D
وروح اركض والكلاب وراي كل واحد راسه اكبر من راس الحمار
وركض ولالي الا حجره المكينه ورقا فوق الصطح والمكينه تشتغل ولكلاب تنبح انا وين اروح وتقطع المكينه معنا تقطع يعني يصير الماء بعيد عن المراوح الي في القليب ثمن تقعد تدرج حول ماتفكك حذافاتها تنطلق بسرع شي وهذا فيه خطر على المكينه لا زم تطفا ونا وشلون اطفيها والكلاب تبي مسكتي علشان يعرمشني ويوسعن صدورهن علي منيب محول لو كلش :D
ومادريت مع صجه صوت المكينه ونباح الكلاب الا بصوت الرمي ويذبح اثنين منهن ويصوب اثنين ونحاشن ولاه واحد من ربعي جاي يمي ويوم شافهن حول الشوزن وفكني من شرهن منيب اقول لكم الدنيا شقا:p
وخل اعلمكم مره من المرات جلست احتري الشعيب يجي لان جاينا مطر وجلست في مدخال السيل وكان الوقت الضحى يعني الصبح وجالس على ذاك الرمل الي توه ممطور يالله من فضلك الجنه والسيل مابعد وصل وقوم اتسدح على الرمل ويدخل عيني النوم ومادريت الا بالي شايلني ويدربيني وصلني السيل ونا راقد :p
وشوا وفك روحي منه سبحان الله وصير امشي جنب الشعيب ويجيني دوار مدري وشو ذاك الي جاني وجلس على الارض الين ركدت الدنيا ولا قبل تقلب في عيوني منيب ناسيه ابد ذاك الموقف
وبس هذي سواليفي عن نخلي وهذا بعض الي حصل
الله يجمعنا في واسع رحمته ويسكنا الفردوس ووالدينا وذراياتنا وجميع المسلمين امين
وسبحان الله العظيم سبحان الله وبحمده
عدد خلقه وزنه عرشه ومداد كلماته ورضى نفسه
الا بذكرالله تطمئن القلوب لا اله الا الله وحده لا شريك له
يالله تحيي الغالين الي يردون والي مايردون ميخالف هين لا تردون ونا مغير انقر بصبع واحد مثل نقرالدجاج للعيش :D
منول يالغالين عندي في نخلي سور مطوق المزرعه ولا زال فيه وكان فيه بابين باب يدخل معه السيل وباب ندخل معه انحن وفيه بيت طين بس طاح من السيل دخله السيل في الليل ونا منيب فيه وجدع البيت ياسفابه
المهم يوم جيت يوم من الايام مع شقه النور ولا الباب الكبير مشبوب فيه وطايح ويدخن وقص الجره الين وصلت مكان الي شاب في الباب وعرفته وشكيته ومسكوه وسجنوه يوم دريت ولا ابوه جايني ونا اعرف ابوه وجلس يطلبني السماح وروح انا وياه للشرطه وكفله وطلعه
يعني انا الي شاكيه ونا الي اكفله :D
ياسفاب ذاك الباب الي وش كبره وفي وسطه خوخه ههههههه مهيب الي توكل لا الباب الصغير الي يجي في وسط الباب الكبير نسميه خوخه وش اسوي هذا اسمه :D
الشي الثاني بعد في النخل يوم جيت يوم من الايام ولا فيه فراخه نخل مسروقه هههههههههههه الدنيا شقا وبس
ويوم جيت بعدها بيومين ولقا صطول الماء حقه الغنم ماخوذه هههههههه منيب اقول لكم الدنيا شقا :D
ويوم شفت ولا الي ماخذ الصطول معبيها من الجابيه بالماء ورايح بها ونتم خابرين الصطول مع المشي ينكب منها بعض الماء وتبع الجره وتبع نواقيط الماء ويوم وصلت مكانه ولاه غارس النخل ويسقيه بعد بصطولي وماي
ومنول اعرف الجره ودري منهي جرته بس مهوب كل الجرر لا الي اعرفهم بس هذا بعد ان ماغلطت بعض المرات بس ذاالي ماخذ نخلي وصطولي عرفته وهو رجال مهنا صح جعله للجنه توفا من موبطي
وجلست احتريه يجي لاني اشوفه جاي يمشي من بعيد
ويوم وصلني وهو مادرا اني فيه الا يوم وصل وقلت له تراي داري عنك بس ليتك الا اسقيتا النخل ترجع الصطول تراهن للغنم وشوا قال ميخالف :D
قال اجل ابا اجي املاهن بالماء من اللزا او الجابيه وسقي نخلي ماشاء الله صارن نخله هههههههههههه
يالله بصره والدنيا فانيه وش اسوي به قصرت منيب اقول لكم الدنيا شقا :D
وسنه من السنين زرعت جح يعني بطيخ كلهن واحد :p
ويجون بزارين ويسرقونهن هههههههههههه وشذا التجاره راحت وطي :D
وليتهم ذا البزور يقطعون الجحه وياخذونها لا يجرها بشجرتها وهو يركض ثمن يجرها وراه عشره امتار هههه
ومره من المرات توزيت بين الشجر ويوم جا واحد من البزارين يبي ياخذ جحه ونا الي اكلخ عليه يعني اروعه :eek:بين الشجر وهو مادرا عني وهو الي يطمرويصرخ ويروح يركض من الروعه :p ومن بعد هذي معاد شفتهم اصلن الجح خلص :D
منيب اقول لكم الدنيا شقا :D
وكثر بعد مايغثني الكلاب ايام الصيف والحر يجن يلعبن على البرسيم وش اسوي اسمه ماينكتب برسيم وبس
المهم الاجيت احصد يقطع يديني المحش يصير البرسيم متواسي مع الارض بسبب الكلاب ونا من اصبح معي المرجامه وهي حبل وفي وسطه رقعه نحط فيها الحصات ثمن نبرمها وننطلها على الكلاب منيب اقول لكم الدنيا شقا هههههههههههه
ومره ونا في نخلي هدن علي كلاب ويقولون ان ابوهن ذيب هذا كلام اهل المزارع الي حولي وهو صدق فعولهن فعل ذياب لعبن في غنمهم المهم جني ونا اروس يعني اسقي النخل يجن سبعه ويهدن علي يبي ياكلني ونا الي انطلق عركوبي يطق في قفاراسي من السرعه هههههههههه انتم عاد خابرين مهنا صراويل :p تصير المغطه شي مايوصف لانها متحرره من القيود :D
وروح اركض والكلاب وراي كل واحد راسه اكبر من راس الحمار
وركض ولالي الا حجره المكينه ورقا فوق الصطح والمكينه تشتغل ولكلاب تنبح انا وين اروح وتقطع المكينه معنا تقطع يعني يصير الماء بعيد عن المراوح الي في القليب ثمن تقعد تدرج حول ماتفكك حذافاتها تنطلق بسرع شي وهذا فيه خطر على المكينه لا زم تطفا ونا وشلون اطفيها والكلاب تبي مسكتي علشان يعرمشني ويوسعن صدورهن علي منيب محول لو كلش :D
ومادريت مع صجه صوت المكينه ونباح الكلاب الا بصوت الرمي ويذبح اثنين منهن ويصوب اثنين ونحاشن ولاه واحد من ربعي جاي يمي ويوم شافهن حول الشوزن وفكني من شرهن منيب اقول لكم الدنيا شقا:p
وخل اعلمكم مره من المرات جلست احتري الشعيب يجي لان جاينا مطر وجلست في مدخال السيل وكان الوقت الضحى يعني الصبح وجالس على ذاك الرمل الي توه ممطور يالله من فضلك الجنه والسيل مابعد وصل وقوم اتسدح على الرمل ويدخل عيني النوم ومادريت الا بالي شايلني ويدربيني وصلني السيل ونا راقد :p
وشوا وفك روحي منه سبحان الله وصير امشي جنب الشعيب ويجيني دوار مدري وشو ذاك الي جاني وجلس على الارض الين ركدت الدنيا ولا قبل تقلب في عيوني منيب ناسيه ابد ذاك الموقف
وبس هذي سواليفي عن نخلي وهذا بعض الي حصل
الله يجمعنا في واسع رحمته ويسكنا الفردوس ووالدينا وذراياتنا وجميع المسلمين امين
وسبحان الله العظيم سبحان الله وبحمده
عدد خلقه وزنه عرشه ومداد كلماته ورضى نفسه