صوت بالسيارة

[ظغط عالي]

السلام عليكم ورحمة الله وبركاته


يسعد مساكم اخي كبسوله وكنق التعديل واصيل حجازي ومن له معرفه او مر عليه مشكلتي افيدوني عندي صوت بالسيارة جي اكس ار موديل 2000 /6سلندر قير اوتماتيك الصوت مره مع الفرامل ومره مع القومه طقة وقروشة قويه
مريت اكثر من ورشة احد قال قير واحد قال دبل واحد قال دفرنس مردي وش اغير ابي رايكم لاهنتوا وإلا ابيعة تشليح
لابوه لابو من ورده لي عشرة ايام كل يوم بورشة انتظر ردودكم تكفون اعجلوا العطلة بدت
0559220019

[SGL]

عليكم السلام ورحمة الله وبركاته
أخوي يمكن صوت الطقه من كراسي الكرونة الأمامية أو من صليب يحتاج تشحيم أو تغير وتشحيم العمدان أما الصوت الثاني شيك على العكوس الأمامية والخلفية وتأكد من رمان العكوس
الدوفلك أحيان يسبب صوت داخل الدفرنس مثل سلسه حديد تسحبها على خط بسرعة طبعآ وصفي مشابه بس متعوب عليه:D وأحيان يمسك الموتر يوم تقوم بنمرة
الثانية فضاوة في القير أو الدبل قد مرت علي عند ورشة ï»»ندكروزر غير زيت القير وهو مبطي يمشي عليه ومن بعدها طقه مع التعشيق وعند تبديل النمرة الثانية والمهم راعيه سوالنا ذاك اليوم قلق وأشغل المهندس وحنا نبي نصلح موترنا بعدين مدري وين ذلف :D ماشي على الموتر مليون وتوه أفتكر زيت القير ههههه

[ظغط عالي]

مشكور على مرورك اخويSGL السيارة دخلتها البازعي وعلى الله

[ابوراكان تبوك]

اخي انت ماحددت على اي سرعة تجي الاصوات ومن اي اتجاه بالضبط

اذا كان فيه رجه على سرعة 80 فالشك حول الطنجرة حقت القير
رجة الدبل معروفة
فيه عدة طرق تفحص هذا الموضوع فيها وبطرق سهله ومشاكل اللاند معروفة وواضحة واللي جرب اللاند سنوات لايخفيه كلامي لا امتدح نفسي لو اجرب موترك استطيع ان احدد الخلل

انت ادخلته البازعي الان فإنتظر تقريرهم

وليتك تعقب هنا عن تقريرهم للنقاش

[ظغط عالي]

ارحب ابو راكان الصوت مع قومت الموتر او الوقوف البازعي غيروا عمود السيارة والدبل يقول عدمانه والصون مازال يطلع معي رجعته لهم ماطلع الصوت والصوت كنه بالدفرنس وانا غرب الرياض إذا انت قريب حياك ربي تقهوا عندي وجربه وابيض وجه

[ابوراكان تبوك]

حياك اخي اخوي ولي الشرف وانا اخوك لو كنت قريب مني أبشر باللي يساعدك وانا والله بتبوك

[ظغط عالي]

مشكور اخوي ابو راكان على مرورك وعسى والديك بالجنة

[أبوصالح9]

ارفع السيارة من الخلف وفك الكفرات الخلفية وهز الهوب اذا سمعت نفس الصوت اللي تقول عليه تراه من مسمار الكليبر فيه فضاوه تقدر تصلحه بريالين لف عليه شطرطون كهرب وحط عليه شوي شحم ونم - ولا منه خوف حتى لو تركته - قبل اسبوع مصلحه بموتري - مع ان موتري يختلف عن موترك بس ان شاء الله ان هذا هو السبب

[ظغط عالي]

مشكور على مرورك والله يعطيك العافيه