المساعد الشخصي الرقمي

مشاهدة النسخة كاملة : دينمو الكهرباء ما يكمل سنه ويخرب ؟؟؟


أبو فانوس
05/05/2016, 08:31 PM
السلام عليكم ورحمة الله وبركاته
كيف حالكم يالربع
معي باترول 95 بخاخ ركبت له قبل سنتين مراوح سوبارو بالكتاوت وكل شئ
بعد التركيب ب 4 شهور ضرب عندي الدينمو
قالوا لي غير دينمو 100 امبير وفوق
وركبت دينمو باترول 2006 مكينة 4500
وبطاريه 95 امبير
والا بداء الديمنمو يضعف يالله يوصل 13.30 بدون اي حمل واذا شغلت المكيف يطيح فوق ال12 بشئ بسيط
الحل يالربع وش الاسباب لا هنتم
شكرا
أبو فانوس
06/05/2016, 06:11 PM
سبحان الله العظيم سبحان الله وبحمده
ms662
06/05/2016, 10:41 PM
تاكد من سالب السياره والافضل انك تدبل اسلاك السالب الراس والدينمو والبدي
SGL
06/05/2016, 10:54 PM
مراوح الكهرب هلاك لدينمو رغم إنه بعض المواتر ماشي معهم وماقد إشتكى ماشاء الله تبارك الله وأكبر سبب لدمار الدينمو هو طريقة تشغيل المراوح يمكن عندك تشتغل مع السلف وهذا غلط أو تشتغل السرعتين طول الوقت أو يكون الحساس في الكوع رقمه 75 وهذا مايعطي مجال المراوح تفصل لوقت طويل
أبو فانوس
07/05/2016, 10:50 PM
الله يعطيك العافيه
طال عمرك ما تشتغل المرواح الا اذا الحساس أعطاه إشارة على السرعة الأولى بس
والثانيه اذا ارتفعت الحراره
الحساس مقاس 85 مرسدس
اليوم ركبت دينمو كابرس 120 أمبير
يعطي مع المكيف و النور الواطي والمراوح 12.60 فولت بس
فالمشكلة ليست بالدينمو مدري وين ؟
لأن الدينمو جديد
الفزعة يا الربع
أبو فانوس
07/05/2016, 10:51 PM
والتوصيلات ممتازه
لان قراءة مسمار الدينمو واصبع البطارية الموجب نفس القارئة
بس المشكلة كل الدينموات القديم والجديد نقس القراءة
12.60 فولت
الوسم
09/05/2016, 12:23 AM
طيب !!
جررب وطاوعني والغ مراوح الكهرب تماما وركب مروحة بلد أصلية مع تماتيك أصلي
وتعااااااال هنا وعلمنا وش يصير معك
انا أبا أحط موضوعك في المفظلة عندي وأنتظر ردك
YUKON_GMC
09/05/2016, 01:02 PM
غير فحمات للدينمو. وكتاوت ثاني مقوي للمراوح حتى يخف الحمل ع الدينمو
SGL
09/05/2016, 02:41 PM
أخوي الدينمو من الخلف يركب فيه سلك تحصله مربوط بصاموله مقاس 8 أو 10 فك السلك ذا ونظفه زين وإذا كان جزء منه تعبان قصه ووصل سلك جديد يكون متين شوي وركبه وجرب موترك
ملاحظة:
السلك هذا موجب أفصل إصباع البطارية وبعدها فكه
الكارثة
10/05/2016, 09:13 AM
السبب المراوح اكيد نفس المشكلة كانت عندي واكيد الها حل لكن فكيت نفسي ورجعت لمروحة وكالة
basel2008
14/05/2016, 02:18 PM
السلام عليكم
نفس المشكله الي صارت معي
ركبت مراوح كهرباء والدينمو خرب علي مرتين والبطاريه تفضى بسرعه
ومافي فايده
فكيت المراوح ورجعت حقت الوكاله وبعدها الوضع رجع ممتاز وبدون مشاكل ...
نصيحه اخوي : رجع حقت الوكاله واذا مضطر تركب مراوح ركب مروحه اماميه وركب فاصل عندك بالسياره وانت تشغلها وتفصلها وقت الحاجه فقط ...
رقبة حاشي
05/07/2016, 08:10 AM
مراوح الكهرباء تدمر الدينمو كلام مايبغى له نقاش
ابوراكان تبوك
06/07/2016, 12:30 AM
صحيح اعطوك العلم

مراوح السوبارو قوية 7 سرعات تشفط الكهرب شفط وتجهد الدينمو والنتيجة ضعف قلب الدينمو بالتدريج لين يودع
اذا تبغى الدينمو يمشي والافضل اذا انك ماتبغى تخسر المراوح حط لها فاصل يدوي ولاتشغلها دائما


وكل عام وانتم بخير

الله اكبر الله اكبر لا اله الا الله