سؤال لخبراء الكهرب افيدوني ضروري الله يفرجها عليكم

[amazom]

السلام عليكم
صبحكم الله بالخير يالوجيه الطيبه
موضوعي باختصار
عندي مشروع كوفي متنقل ومبتلش بالكهرب
وش افضل طريقة اقلل فيها من الكهرب
مجموع الواط اللي عندي 12 الف الى 13 الف واط
رحت لمحلات مواطير الكهرب غاليه مره
هل يوجد حل مثلاً اركب ماطور 5 الاف واط ومحول وبطاريات جافه ولا ما تجي كذا ولا وش افضل طريقه تكفووون فزعتكم ولكم مني دعوه بظهر الغيب
اللهم فرج هم كل من يساعدني
اللهم ارزقه الفردوس الاعلى ووالديه ومن يحب وجميع من يقرأ .
اللهم امين

[باتمان]

اشتر لك ماكينة سيارة مع قيرها من التشليح واشتر مولد من محلات العدد الصناعية وفصل لك قاعدة عند الحدادين تكون زي شاصي
السيارة وركب الأغراض هذي عليها انسب لك في السعر وعملية اكثر

[rahall]

مادام مشروعك متنقل ففكرة ماطور كهربائي يشغل لك فوق 10 الاف كيلو صعبه ومكلفه جدا
ياليت ذكرت الاجهزه الكهربائيه التي تحتاجها لتشغيل الكوفي 12 الف واط كثيرا جدا

[amazom]

اشتر لك ماكينة سيارة مع قيرها من التشليح واشتر مولد من محلات العدد الصناعية وفصل لك قاعدة عند الحدادين تكون زي شاصي
السيارة وركب الأغراض هذي عليها انسب لك في السعر وعملية اكثر


هل هذي الطريقة سهله ولا معقده اخوك ميح بالكهرب ولا اعرف الطريقة اللي انت تقولها كامله
وهل تشغل 12 الى 13 الف واط
وبارك الله فيك ع ردك

[amazom]

مادام مشروعك متنقل ففكرة ماطور كهربائي يشغل لك فوق 10 الاف كيلو صعبه ومكلفه جدا
ياليت ذكرت الاجهزه الكهربائيه التي تحتاجها لتشغيل الكوفي 12 الف واط كثيرا جدا

مشروعي غير شوي عن الكوفيات العادية
الله يحفظك مكينة كوفي والة وافل والة كريب ومكينة ايسكريم وثلاجة عرض وطاحونة وبعض الادوات الكهربائيه ما تكلف كهرب واجد
نزلت للسوق غاليه جداً مواطير الكهرب

[م.سعيد]

المشروع بهذا الشكل غير مجدي..

[amazom]

المشروع بهذا الشكل غير مجدي..

ليه يالحبيب غير مجدي اذا ممكن تفيدني

[الكتريك]

المشروع اللي يكلفك كهربه كثير تراه فاشل ولا تزعل الماطور صيانة وغثى وعطال بالعربي وجع راس

[م.سعيد]

ليه يالحبيب غير مجدي اذا ممكن تفيدني
اذا ما توفر مصدر كهرباء يعتمد عليه وبسعر رخيص فلا تتعب نفسك..

[ابو نايوفيتش]

ايش هي الاجهزة الكهربائية بالتفصيل ، عشان ان شاء الله نفيدك

واذكر فيه احد الاشخاص نفس طريقتك اتصل علي يبي يضبط الكهرباء

عنده ثلاجة ومكينة ايش كريم ولوحة ولمبات داخلية ومكيفين . لكن كلها اقل من 7 االاف واط على حسب ماقالي

ففيه اقتراح وهو انك تشتري ماطور وتشتري محول كهرباء 12 فولت يوصل الى 5 االالاف مع دينمو خارجي

ففيه ان شاء الله طريقة وحل لموضوعك

[ابو نايوفيتش]

اشتر ماطور خارجي 5 الالاف مثل ما ذكرت

واشتر محول 5 الالاف وركب بطارية اضافية لموترك واشبك عليها المحول
والافضل انك تشتري دينمو خارجي وتشبك عليه المحول عشان يغنيك عن البطارية الاضافية

فيصير عندك ان شاء الله 10 الالاف واط

[مخبط القشع]

السلام عليكم
اخوي الكريم
اذا انت مقتنع بمشروعك اتكل على الله هذه والا
الشي الثاني المواطير متوفره اشكال والوان وعن نفسي مريت السوق الصيني في دبي ولقيت مواطير طيبه وباسعار طيبه بالحيل تفرق اكثر من نص السعر وهذه من تجربه شخصيه اذا حبيت اني افيدك ارسلي بالخاص وابشر بالخير

[مريقب العيفار]

اذا احتياجك من الهرباء ظ،ظ¢ - ظ،ظ£ الف وات

فلازم تاخذ مولد ظ،ظ¥ كيلو اقل شي

لانه لا بد ان يكون هناك هامش وات

يعني

الف وات تحتاج ماطور اكبر من الف وات

مكاين الكهرب كاتمة الصوت قد تكون مكلفة لك

لكن المكاين العادية المستعملة قد يكون سعرها مناسب اذا كان وضعك يسمح بمكينة كهرب وتكون على مقطورة