يالربع وشو الجهاز المناسب

[almotla3]

مرحبا

يالربع ترانى عليمى بالجارمن وتونى جديد فيه ,ماهو الجهاز اللى ينفعنى بحيث اقدر احمل كل خرايط العالم فيه
وماهى الاحتاجات من البرامج والملحقات,التى احتاجها

عاجز عن الشكر مقدما

[الشيخ]

هلا فيك
وبساعدك باللي الله يقدرني عليه
انت محتاج جهاز فيه قابلية لاستخدام الخرايط
عند ثلاث انواع اجهزة يدوية ممتازة
الاول وهو الجديد
GPS V (http://www.garmin.com/products/gps5/)
وهو ممتاز جدا وسعره يتراوح بين 130 و 150 دينار كويتي
وتلقاه عند الوكيل العميري بالشويخ الصناعية مقابل كراج وزارة المواصلات خلف شارع الصحافة

الجيل الاقدم من نفس الجهاز
GPS III + (http://www.garmin.com/products/gpsIIIp/)

وسعره 110 اخر مرة شفته
وانا استخدمت هذا الجهاز وهو ممتاز جدا جدا لكن الجديد احسن طبعا

Etrex Legend (http://www.garmin.com/products/etrexLegend/)
ممتاز ويميزه حجمه الصغير
وسعر قبل سنة كان 90 دينار يمكن الحين نزل السعر

هذا بالنسبة للاجهزة اليدوية وهناك موديلات من الاجهزة الثابتة الكبيرة لو تمر على الوكيل وتستطلع عن احدث المواصفات يمكن تحصل اجابات اشمل من اجابتي لك

بالنسبة للاحتياجات برنامج ماب سورس تحصله هني بالمنتدى او تشتريه من الوكيل
ويجي مع الجهاز وصلة للكمبيوتر تقدر تستبدلها بالوصلة الخاصة للسيارة
لكن انصحك انك تاخذ الوصلتين
انشالله اكون ساعدتك وجاهز لاي استفسار ثاني تحتاجه

[almotla3]

مشكور يالشيخ

وعسا عمرك طويل
لقد استفدت من اجاباتك كثيرا


تحياتى

[الشيخ]

هذا من بعض حقك يا خوي
وما سويت الا الواجب
ومبروك مقدما