تسجيل الدخول

مشاهدة النسخة كاملة : أبشروا يا الربع ------ ظهر الفقع


أعالي المزن
23/01/2007, 08:01 PM
السلام عليكم ورحمة الله وبركاته

في ثالث أسبوع من البحث والتحري تم خلال اليوم التقاط الهوابر وكذلك تم التقاط حبة واحدة خلاصي في منطقة .......... من البحرين ويبدو أن كمية الفقع ستكون وفيرة والله أعلم

وبصراحة ما حصلت وقت كافي للبحث لأن فترة العصر قصيرة جداً
راعي المقناص
23/01/2007, 08:07 PM
بالعافية وعقبال الزبيدي
أعالي المزن
23/01/2007, 08:12 PM
بالعافية وعقبال الزبيدي

عاد صرت آنه متخرع لما شفت الخلاصي ، رحت بيت الوالد عشان أراويهم وبعدين يبتها شقتي ومسكها ولدي وكسرها :mad:
أبو محمد 2007
23/01/2007, 08:17 PM
ههههههههههههههههههههههههه الله يبشرك بلخير
وطلع الفقع في السعوديه قبل اسبوعين
أعالي المزن
23/01/2007, 08:20 PM
ههههههههههههههههههههههههه الله يبشرك بلخير
وطلع الفقع في السعوديه قبل اسبوعين

عاد طرشوا لنا كم حبة لا تبخلون علينا ، وحنه نطرش لكم طاسة حلوى شويطر
دغيم
23/01/2007, 09:10 PM
السلام عليكم
ماشاء الله - تباشير خير أخوي
واظن المنطقة حسب خبرتي في البحرين - هي المنطقة القريبة من محمية العرين .
وابشر بالخير ..
تقبل تحياتي -- دغيم
أعالي المزن
23/01/2007, 11:21 PM
السلام عليكم
ماشاء الله - تباشير خير أخوي
واظن المنطقة حسب خبرتي في البحرين - هي المنطقة القريبة من محمية العرين .
وابشر بالخير ..
تقبل تحياتي -- دغيم





تراك مو سهل لكن المنطقة اللي تتحدث عنها ليلحين ما بحثت فيها وهي أصلاً منطقة ممنوعة ، لكن ما في مانع أعرض نفسي للمساءلات كالعادة ، بصراحة ضاقت علينا البحرين بسبب التخطيط العمراني والسياحي ، لكن ما زالت هناك مناطق يمكن البحث فيها عن الفقع ، و على فكرة ترى ترى في جزر حوار ينبت الفقع أيضاً .
saaad
24/01/2007, 04:49 AM
ماشاء الله
بارود برنو
24/01/2007, 08:56 AM
مشكور
ابشغل الحراثه بكره وبدور
الســـاري
24/01/2007, 12:08 PM
عاد صرت آنه متخرع لما شفت الخلاصي ، رحت بيت الوالد عشان أراويهم وبعدين يبتها شقتي ومسكها ولدي وكسرها :mad:

هههههههههههه بالعافيه انشاءالله ..و تباشير خير باذن الله .... ولا تنسانا من حلوى شويطر :D
سودانثيل
24/01/2007, 12:43 PM
تراك مو سهل لكن المنطقة اللي تتحدث عنها ليلحين ما بحثت فيها وهي أصلاً منطقة ممنوعة ، لكن ما في مانع أعرض نفسي للمساءلات كالعادة ، بصراحة ضاقت علينا البحرين بسبب التخطيط العمراني والسياحي ، لكن ما زالت هناك مناطق يمكن البحث فيها عن الفقع ، و على فكرة ترى ترى في جزر حوار ينبت الفقع أيضاً .

على طاري الفقع في الجزر ..

فيه سالفة مشهورة في بداية الثمانينات, وهي أن فيه رجال يشتغل في خفر السواحل كان في دوريّة بحرية في طراد, وكان ناحية جزيرة القفّاي (جنوب شرق الساحل القطري) .. وهالكلام في آخر شهر 3, يعني آخر موسم الفقع.

وصل الجزيرة وكان الفقع طافح على السيف (الساحل) !! والماي يوديه ويرجعه .. وينزل الجزيرة والفقع مركّز وكله مصلّع بأحجام عملاقة .. وشال منه لين تعب.

ميزة هذي الجزر (وخاصة البعيدة عن الناس) أنها تظهر الربيع ويموت ولا يمسه أحد, ويزيد سنة بعد الثانية .. ونفس الشيء للفقع.
كويشيت
24/01/2007, 01:48 PM
الله يبشرك بلخير
أعالي المزن
24/01/2007, 07:59 PM
هههههههههههه بالعافيه انشاءالله ..و تباشير خير باذن الله .... ولا تنسانا من حلوى شويطر :D

عطني رقم الفاكس
تــــوني
24/01/2007, 08:12 PM
على البركة يا اعالي المزن ما قصرت

انت وينك مالك حس ولا خبر من قلت لك اعزمني على ربيعكم ...

ما وافيتك ...

تقبل احترامي
نوض البرق
24/01/2007, 08:12 PM
مبروك عليكم ظهور الفقع يأعلي المزن ..وفي قطر بدأ الفقع يزيد لكن لازال حبته صغيرة
أعالي المزن
24/01/2007, 09:09 PM
على البركة يا اعالي المزن ما قصرت

انت وينك مالك حس ولا خبر من قلت لك اعزمني على ربيعكم ...

ما وافيتك ...

تقبل احترامي

انت تدلل و أي شيء تبغيه أنا حاضر وحياك عندنا في البحرين واذا تبغي رقمي ارسلي رسالة خاصة ، على فكرة أول أمس طبخنه فقع وصلنا من الكويت لكن ما اعتقد إنه كويتي ، ما دري يمكن يكون مغربي ، و حبيبات التراب ما قصرت .
سفاري
24/01/2007, 10:17 PM
تغبي محل في البحرين ؟

من كبرها نقدر نفرها من اول لآخرها في اسبوع نحفر ابوها حفر :)

امزح معاك اخوي واشكرك على الخبر المفرح
abumashal
24/01/2007, 10:20 PM
بارك الله فيك والله يجيب الخير
اسير الغربة 1
25/01/2007, 08:29 PM
اخى العزيز ديرتكم مبروكه ود ى ازورها اشوف فقعها
رسلان
26/01/2007, 12:10 AM
ماشاء الله تبارك الله ...
مبارك لكم الخير ...
والله يرزق الجميع من فضله ...
وياليت الناس تصبر حتى يكبر شوي :) ...


__________________

http://www.mekshat.com/pix/upload/images15/mk10587_rslan-singh27.gif
من مواضيعي :
جولة في السر والمستوي..صقيع..ربيع..زحام28-29/12/1427هـ (http://www.mekshat.com/vb/showthread.php?t=71388)
رحلتي إلـى فـَـدَك (الحائط) (http://www.mekshat.com/vb/showthread.php?t=69972)
رحلتي إلى الجنوب(1-2-3-4)1427هـ (http://www.mekshat.com/vb/showthread.php?t=60048)
رحلة سريعة للرايس وينبع (http://mekshat.com/vb/showthread.php?t=50397)
رحلتي إلى حرة خيبر(حزم خضراء،خفس الشويمس(شعيفان),آثارالمنجوروراطا) (http://mekshat.com/vb/showthread.php?t=48639)
في الرس:مسجد من رمل،بلاحيطان،بلاسقف،بلا أعمدة! (http://www.mekshat.com/vb/showthread.php?t=41428)
رحلتي إلى ساحل الشمال الغربي وماحوله (http://www.mekshat.com/vb/showthread.php?t=37184)
رحلتي إلى صلالة1426هـ (http://www.mekshat.com/vb/showthread.php?t=35305)