مشكله في جيب الربع التويوتا 2009

[متابع20009]

السلام عليكم
يالنشامى انا معي جيب ربع 2009
مشكلتي اذا قطعت السيل صار الموتر يتفتف لين مشيت واكتشف ان واحد من البواجي يدخل عليه الماء وهو اللي في الوسط اظن رقم 4 اللي ضاهر ماله غطى خارجي وش سبب دخول الماء له مع اني غيرت سلك البوجي هذا ونفس المشكله ومع هذا الموتر اول اقطع السيل والماء فوق الكبوت ولا يدخل الما ولاشئ

[ابوراكان تبوك]

ممكن ذيل البوجي ماهو مضبوط معووج مثلا او البوجي نفسه ماهو راكب على السنه صح فيبقى فراغ زايد ماتكبس عليه الجلده مضبوط

دامك غيرت السلك تأكد من البوجي هل هو راكب في مكانه صح او على جنب


طبعا طريقة كبس السلك في مكانه الصحيح
تسقطه على البوجي وتضربه من فوق بيدك يطبق مباشره
وفي حالتك انت تأكد من البوجي اقولها لك مره اخرى


بالتوفيق

[يالبى الهلا]

لية سيارتك برمائية صنعت للبر والماء
انا استغرب من بعض الناس يطب بالسيل بالسيارة
الماء اذا وصل مجري الهواء اللي هو الفلتر دخل للماكينة وانقطع نفس الهواء عن المكينة فتشرق وتموت مثل الانسان

[أبوصالح9]

السلام عليكم
يالنشامى انا معي جيب ربع 2009
مشكلتي اذا قطعت السيل صار الموتر يتفتف لين مشيت واكتشف ان واحد من البواجي يدخل عليه الماء وهو اللي في الوسط اظن رقم 4 اللي ضاهر ماله غطى خارجي وش سبب دخول الماء له مع اني غيرت سلك البوجي هذا ونفس المشكله ومع هذا الموتر اول اقطع السيل والماء فوق الكبوت ولا يدخل الما ولاشئ

يمكن الله يحبك ويبيك تاقف عن التهور اللي اهلك العالم اللي قبلك ويمكن يلحقك !!!!!!!!!!!

[متابع20009]

لاهنتو يالربع
ابوراكان البوجي راكب مضبوط لكن مدري وش بلاه والجلبه توني مغير السلك جديد وكاله

[متابع20009]

ابوووصالح ههههخخخخ ابشرك الموتر مايطفي بس يضيق صدرك بالتقطيع

[متابع20009]

يالبى الهلا....الله يكفينا الشر بس بعض الاحيان تحدك الضرووف

[البرنس 1]

ارجع للنظام القديم ......
شحم البواجي وزبط الامور والله يحفظك لعينن ترجيك .

[متابع20009]

الله يبيض وجيهكم شكلي مالي الا الشحم والا السيلكون