ما هي القطع اللي تحتاج تغيير لسياره لم يتم صيانتها لمده 8 سنوات ؟

[الحربي 591]

السلام عليكم ورحمه الله وبركاته

كيف حالكم يالنشاما عساكم طيبين

ما هي القطع اللي تحتاج تغيير لسياره لم يتم صيانتها لمده 8 سنوات ؟

عندي التاهو بسوي له صيانه كاااااامله برجه وكاله من إلى لكن ماني عارف ويش اغير
ما كنت اغير غير فحمات و زيوت وفلاتر فقط !!
اكتبو لي اسماء القطع اللي في راسكم :D بأشيك عليها الخربان واللي باقي له شوي غيرته

[أبوصالح9]

مساعدات - وزيت القير هل كنت تغيره ؟

[Aabdulrahmann]

مساعدات - وزيت القير هل كنت تغيره ؟
السلام عليكم انت محمد السلوم؟؟

[أبوصالح9]

السلام عليكم انت محمد السلوم؟؟


ههههههههههه - لا انا ابو صالح - محمد السلوم تقصد راعي الصبارات ؟؟؟

[خشم الرثمه]

طقم..أسلاك بواجي مع طقم بواجي

فلتر البنزين

طقم كفرات

زيت الجير مع الفلتر

تصييخ أو تنظيف الاديتر وحط مويه أصليه الجالون 40 ريال

[الحربي 591]

مساعدات - وزيت القير هل كنت تغيره ؟
المساعدات ما غيرتها والله وتم تسجيلها
زيت القير غيرته و الان قارب للانتهاء
يعطيك العافيه


طقم..أسلاك بواجي مع طقم بواجي

فلتر البنزين

طقم كفرات

زيت الجير مع الفلتر

تصييخ أو تنظيف الاديتر وحط مويه أصليه الجالون 40 ريال


يعطيك العافيه ما قصرت وتم تسجيلها بالدفتر

[الخالدي999]

جلد المقصات فوق وتحت - ركب فوق وتحت - يايات خلفيه - جلده العكوس الاماميه - كراسي البدي والمكينه والقير شف الي تعبان او مهتري او مقطوع غيره أصلي فقط

[الحربي 591]

جلد المقصات فوق وتحت - ركب فوق وتحت - يايات خلفيه - جلده العكوس الاماميه - كراسي البدي والمكينه والقير شف الي تعبان او مهتري او مقطوع غيره أصلي فقط

بيض الله وجهك ..
كراسي المكينه غيرتها قبل شهر

وتم تسجيل الباقي واتضح ان يبغالها تغيير :D
الله يستر من الباقي:)

[SGL]

سجل عندك بلف الحرارة وسير الدينمو طبعآ موترك سير واحد أتوقع

[الحربي 591]

سجل عندك بلف الحرارة وسير الدينمو طبعآ موترك سير واحد أتوقع


بلف حراره ليش ؟

السيور
سيرين و مغيرها

مشكووور

[SGL]

بلف حراره ليش ؟

السيور
سيرين و مغيرها

مشكووور

إذا البلف مبطي ماغيرته من الأفضل تغيره وإذا مغيره قريب مافي داعي لتغير:good2:

[الحربي 591]

إذا البلف مبطي ماغيرته من الأفضل تغيره وإذا مغيره قريب مافي داعي لتغير:good2:

.........................:good2:

[صاروخ الغطغط]

لاتغير الشي الى لين يخرب وده عند ميزان ويشيك عليه من تحت ةيشوف الخربان او القطعه التعبانه ويعلمك

[Ofug alasr]

اهم شي زيت القير اذا كان ماغيرتة 8 سنوات مشكلة
شوف لك فني ممتاز يغيرة لك تدريجي

[1824]

السلام عليكم شوف زيت القير اهم شيء زيت دكسرون 6 Dexron VI مع الفلتر 5ونص تقريبا النقص ولا الزياده وزيت الدبل لا تنساه تغيره شيك الكاتلوج وشوف النوع الي يحتاجه موترك الي اعرف ان 2009 وفوق يستعمل زيت دكسرون 6 بس تحتها مني متاكد ابحث وتاكد وغيره بالنوع المطلوب واذا انت مواظب على تغيير زيوت الدفرنسات غيرها اذا لا شيك عليها وزودها وبعدها ننتقل للامور الثانية

1- بواجي واسلاك بواجي. تتغير كل 100 الف تقريبا مع انه مكتوب الى 160 الف كيلو تتحمل.

2- فلتر هواء المكينه. غيره ونظف حساس الهواء والثروتل بدي .

3- ركب اماميه فوق وتحت غيرها .

4- مساعدات اماميه وخلفيه اذا حقت الوكاله غاليه او لقيت اسيديلكو بس ركب شركات اخرى افضل لك.

5- غير زيت البريك مع تنسيم الفرامل وغير زيت الباور .

6- اشتر علبه منظف بخاخات من ساكو وحطها في التانكي وفيه ربع حولها .

7- الراديتر سو له غسيل بس بمكينه غسيل وغيره له بمويه تويوتا 40 ريال الجالون مخلوط وجاهز الاحمر عشان عمره طويل لانهم هنا يبيعون الاسيديلكو غالي ونفس النوعيه للاسف في امريكا سعرهم واحد وبعض الاحيان تويوتا اغلى اصلا اشتر لك جالونين والباقي مقطر عشان التركيز يصير 60% / 40 كذا حولها افضل للاماكن الحاره ويعطي تبريد افضل .

وان شاء الله ما نسينا شي ووفقك الله وان بغيت شي راسلني على الخاص ورمضان مبارك

[1824]

وبالنسبه لبلف الحرارة ما يتحتاج تغيره في الجموس نظام البلف Fail safe يعني امن حتى عن العطل ولو صار فيه مشكله يجلس البلف مفتوح وما يكون مقفل فبتلاحظ المكينه مو راضيه تسخن او تطول مرة على ما تسخن فهنا تعرف ان بلف الحراره يحتاج تغيره