ايش رأيكم ... مزايا ... والعيوب ...( مشورتكم لا تبخلون )

[القطان نامق]

أسعد الله أوقاتكم بكل خير

بعد صراع طويل مع مصنعي القوارب والطراريد

شبه رسيت على اختيار القارب بالفديو التالي ...

ياليت مشورتكم عليه وخاصة اللي مجرب ...

وجزاكم الله خير ....


http://youtu.be/3ePpVsmcPY4

[Danger1198]

من ناحية النوعية ذي

دائما فكر بالصيانه مستقبلاً

سواء للبوت نفسه او للمكاين

لما تسحبه وخلافه


كاستخدام شخصي مانصحك بهالنوعية

عليك بالنوعيات العادية الضاعن الدرازي كايلو

واذا انت من محبين الكباين تقدر تفصل كبينة على حسب طلبك

موفق خير

[فهد سعد فهد]

والله وانا اخوك الطراد روعه
بس ظ،. عندك مرسى ظ¢. بتنزل لحالك ولا معاك ناس ظ£. بتسحبه ولا تخليه في المينا
اذا لحالك ما يصلح واذا بتسحبه مايصلح واذ المرسى في الخبر مو في السن ست مايصلح غير كذا توكل على الله

[بردوق صندقان]

اذكر واحد من الشباب استعمله من اهل الغربية كان يعيب فيه الثقل الزايد

[مد بحري]

مرحبا اضافة الي ما ذكروا الشباب
التكلفة العالية لو كان جديد جاري بالمرسي كلفه نفس هالبووت اكثر من 500 الف

[القطان نامق]

مرحبا اضافة الي ما ذكروا الشباب
التكلفة العالية لو كان جديد جاري بالمرسي كلفه نفس هالبووت اكثر من 500 الف



لقيت جديد مع المكاين قربة ظ£ظ×ظ× الف ...؟

يعتبر غالي شويه

لكن حبيت اعرف كيف استخدامه وهل هو عملي والا لا ...؟

[عمير]

عزيزي الثقل دليل متانة أحياناً شوف الطراريد الأمريكية كيف يهابدون فيها في الموج ولا يضرها ولما تشوف الوزن تلقاه عالي. نصيحة إذا مقتدر أبعد عن الطراريد التقليدية الدرازي والضاعن و طقتها هذي حقت صيد قصتها غبية ترضح رضح في أقل موج و من تهب شوية نسايم تجلس في بيتك ما تطلع من فشل الطراد في هالأجواء

أنا طرادي نورس 24 لو كنت مقتدر مادياً ما تعديت الإماراتيات أو حالول أو الختال أما موضوع الكبينة فيعتمد على المكاين إذا هي قوية أو لا وكم السرعة اللي تبي توصل لها
نشتري طراريد بطنها شبه مسطوح للرقوق "حقت صيد" و نبي ندخل فيها مسافات ما يصير

عموماً يمكن تلقى معارضة كبيرة لكلامي لأن أغلب البحاره عندنا تقليديين أفضل شي عندهم طراد بحريني عليه ثنتين 75 هذا قمة الأداء اللي يعرفه

تقبل تحياتي

[مد بحري]

الله يوفقك كلامك جميل لكن ناقضت نفسك بنفسك وقت ذكرت ومدحت النورس والختال وذميت الضاعن عموما وجهات نظر والله يوفق الجميع