اعلان عن مهدات في(دولة قطر)

[حرف العين]

السلام عليكم ورحمة اللة وبركاتة

اخواني اود ان اعلن عن مهدات اسبوعية تقام في دولة قطر وهي :

1-مهد على (وعل)للعقار ولتدريب السلق على الظبي يقام اسبوعيا وقيمة الاشتراك 150ريال ويقام الهدد في كل اسبوع في يوم الأحد.

2-مهد على الظبي الريم وفي كل اسبوع وقيمة الاشتراك 150-200ريال
ويقام الهدد في كل اسبوع وفي يوم السبت.
رقم المنظم هو(5351532)

3-في تاريخ 1او2\2\2007 سيقام هدد على ظبي وستكون هناك جائزه وهي سياره كروزر حسب علمي انها موديل 85تقريبا وقيمة الاشتراك 400ريال ومسافة الهدد 2كيلو ونصف .
ورقم المنظم هو(5351532)

وللعلم كلى المهدات لست بمنظم وانما اعلن عنها لكي يستفيد الكل واي شخص يود الاشتراك في هدد الوعل يراسلني بلخاص لكي اعطيه رقم المنظمين وينسق معهم.

وشكرا

[عروق الدهنا]

يعطيك العافيه اخوي حرف العين
وانشا الله تكون مهدات منظمه




والسلام ختام

[lord]

يعطيك الف عافيه

ولي بيتفرج وشلون

[القحطاني505]

السلام عليكم اخوي حرف العين بس والله من وقت ماشفنا لك ردود ومن طول الغيبات جاب الغنايم ههههه
يعطيك العافيه اخوي حرف العين على طرحك لموضوعك اللي يعيد ايام التحدي المعروف في قطر وانشاء الله تتوفقون في المهدات كلها والله لايهينك

[عاشق الريان]

صراحه انا حضرت الهد والتنظيم كان تعبان او مافيه ترتيب .... والله الواحد يضحك السلقان ما تشوف من السيارات والواحد إذا بينظم هد المفروض يكون صارم او ما تكون مجاملات حق فلان وفلان ......... واتمنى محد يزعل من الصراحه

[ابو تمام]

مشكور حرف العين لكن دايم نسمع عن مهدات في قطر لكن ولا مرة نزلت مقاطع عن المهدات اللي تصير ؟؟ إنتم ماتصورون المهدات !!!ودنا نشوف مهدات قطر يمدحونها يقولون سلق صاحية وشغل عدل يااااااااااااااااااااااااااااااليت تنزل المهدات اللي تصير بقطر ولك مني جزيل الشكر والتقدير على مجهوداتك

[القـــناص]

مشكور اخوي

حرف العين

وارجو انك ماتحرمنا من صور

ومقاطع للمهدات ...

[حرف العين]

السلام عليكم ورحمة الله وبركاتة

اخواني عروق الدهنا+اللورد+ابوتمام +عاشق الريان +القناص +القحطاني 505

يعطيكم العافيه على المرور والردود وعسى ربي يوفق الجميع وبلنسبة للافلام والصور الله العالم اني اطلبها من المنظمين ولاكن هم يتاخرون علي بها وانشاءالله اول ماتوصلني الافلام لاقوى التحديات راح انزلها مباشرة وانتم تستاهلون يالغالين.

اخي عاشق الريان كلامك يجوز في محلة ولاكن انا لست بمنظم ولحد الان انا ماحضرت ولا مهد وللعلم انا اعلنت عن المهدات كمساعده لاي شخص وده يدرب او يجرب سلوقيه لا اكثر .

[تربل999]

حرف العين

مشكور

ويعطيك الف عافيه

..................................

[السنعوووسي]

مشكور حرف العين على الأخبار
الله لايحرمنا منك

[ولد الهيل]

وين بيكون المكان

[حرف العين]

اخواني

اتربل999+السنعوووسي

العفو وهاذه واجب علينا

اخي ولد الهيل المهدات راح اتكون في(الذخيرة)

وشكرا

[قناص_قطر]

هلاوالله بحرف العين ومشكور على هذي الاخبار

بس بغيت اراسلك على الخاص بس الرسايل عندك فول؟؟؟(بالعربي) شوفله صرفه هههههههههه

ومشكور وماقصرت ويعطيك العافيه

[هاوي تحدي]

حرف العين

الله يعطيك العافيه

[عاشق 77]

يعطيك العافيه حرف العين وعساك بتشارك بالكروزر لانه يقولون بيكون هناك تحدي قوي وانا عندي خبر المهد

والمهد بيكون بين اقوى سلق بقطر واحتمال يشارك الذيخ( ارهاب) والله يوفق الجميع

[حرف العين]

السلام عليكم ورحمة الله وبركاته

قناص قطر شخبارك ماعليش ارسل الرسالة ولايهمك وتسلم على المرور

هاوي تحدي الله يعافيك وتسلم على المرور

عاشق 77
ماظن وانا اخوك لانه حاليا عندي ذيخ وتو راجع من المقناص ومجهد بلحيل وموعد الهدد مايساعدني ولاكن راح اعوض مشاركته في التصفيات اللي لاهل الشمال وبلنسبه للسلقان المشاركه للاسف مايحضرني اسم اي سلق او هاوي مشارك لحد الان ونتمنى التوفيق للكل وعسى انه يكون هدد منظم .

وشكرا

[كشات نجد]

مشكور ويعطيك الف الف عافيه

[عاشق الريان]

يعطيك العافية اخوي حرف العين .... بس انا حبيت اوضح اني حضرت كذا هد حق نفس الشباب والتنظيم صراحة وبدون زعل تعبان .... والكل يتمنى التنظيم يتطور للأحسن انشالله ...... بخصوص كلام اخوي عاشق 77 عن الكلاب المشاركة انها اقوى سلقان في قطر فتأكد انها مب اقوى السلقان واحنا نتمنى نشوف ارهاب حق بوبدر والشاهينية مالت الشيخ عبدالله وكلاب بوأحمد المناعي راعي ساري اللي خذ السياره وكلاب بوهارون خاصة إنه عنده لورنس العراقي وعنده كذا كلب من سوريا والعراق بس مشكلته إنه ما يحب يشارك مع إنه كلابه قوية وانا الرجال ما أعرفه بس هذا اللي سمعته عنه وانشالله يشارك السنة .... والله يذكره بالخير مسعود ارحيلي او ناس وايد يعذروني ... ترى الكل ينتظر اخونا سويد بن راشد النعيمي يعلن عن تنظيم مهداته ... واسمحولي والله يوفق الجميع

[عاشق 77]

بسم الله الرحمن الرحيم
اليوم صار مهد تصفية السلق العربيه في قطر

ومازال أرهاب كالعاده المركز الأول لصاحبه مسعود الرحيلي
ومبروك الفوز للرحيلي

لاكن ياحرف العين حبيت أقول لك ترى أرهاب عسر عليك لاكن أنا ماني بهاد معك أرهاب بهد معك أخوه أردى منه
ولو تبي بكره أنا مستعد ,,,,,,,,,,,,,,,,,,,,,,؟

[القحطاني505]

مشكووووووووووووووووور:) اخوي عاشق77 والله لايهينك على نقل علوم الهدد والله لايهينك بس انا سمعت انه فيه تصوير ماادري بينزل ولا لا؟؟؟؟؟؟:confused:

[هاوي تحدي]

ياليت حرف العين يحط لنا اعلوم المهد لان ارهاب الاول بدون منافس بس نبي الثاني والثالث والرابع

والله يوفق الجميع

[حرف العين]

السلام عليكم ورحمة الله وبركاتة

تسلمون على المرور جميعا

عاشق الريان كلامك سليم جدا وبلنسبه للتنظيم او اي خلل انا مالي اي علاقة فيه لانه انا سمعت عن المهدات وابلغت فيها في المنتدى لمساعدة الهواة ليس الا.

وبلنسبه للورنس تره ولده عندي وهو سلق ممتاز ولاكن لورنس يعتبر فحل انتاج لانه تعدى 10سنوات وهاذه للعلم!!

القحطاني 505 نعم يوجد كاميرات تصوير واتمنى من المصورين ان ينزلون المقطع معنه انا شخصيا ماعده هدد في الاساس.

عاشق 77 اتنزل معاي ليش؟؟

وبعدين انا لو راح انزل ماراح انزل معه كلب ماله اي بطوله او اي انجاز غير المهدات اللي ماتتعدى 500 متر وللعلم فيه تصفيه اللي لاهل الشمال وانا مشارك فيها ولو ارهابك قوي بتشوفه من المشاركين واذا هو غير مسجل فيها فلمعنى واضح اي انه موالمستوى المطلوب واللي ياهله انه يدخل في التصفيه.

هاوي تحدي

ردي لك انه الهدد على غزال ماتعدى 500 متر الا وجرو الخراش قام يردد الغزال يمين ويسار ورده على السلقان وهاي اللي حصل .

ثانيا :بلنسبه للهدد ذيخ وضاريه كانو في المقدمه وارهاب والذيخ الاسود السوري في الخلف من جهة اليمين وجرو الخراش ردد الغزال للخلف والقفه الذيخ ارهاب والسوري في نفس الوقت اللي كانو ينافسون على الثالث والرابع .

طبعا في كاميرات فيديو تصور ولاتروح لكلامي وشوف الفلم .

وبلنسبه لرائي الشخصي الهدد يعتبر ملغي لانه الظبي ماركض غير 500متر والجرو بست شهور قام يردده ورد الظبي على السلقان اللي في الخلف فهل هاذه يعتبر هدد او يعتبر انجاز يفتخر فيه؟؟

واذا ياعاشق 77 وهاوي تحدي تعتبرون الهدد هاذه انجاز لكم فماقول الا

( تستاهلون )

وللعلم موضوعي عباره عن اعلان عن مهدات وليس عباره عن تحديات ومهاترات !!

وشكرا

[حرف العين]

يتبع:

وبلنسبه لكلامك ياعاشق 77

بسم الله الرحمن الرحيم
اليوم صار مهد تصفية السلق العربيه في قطر

ومازال أرهاب كالعاده المركز الأول لصاحبه مسعود الرحيلي
ومبروك الفوز للرحيلي

لاكن ياحرف العين حبيت أقول لك ترى أرهاب عسر عليك لاكن أنا ماني بهاد معك أرهاب بهد معك أخوه أردى منه
ولو تبي بكره أنا مستعد ,,,,,,,,,,,,,,,,,,,,,,؟

في بداية كلامك انت اتبارك لراعيه ؟؟

وفي نهاية كلامك انك تبي اتحدى معاي؟؟

انت راعيه ولا غيرك؟؟

اذا انت راعيه وعلى كلامك انه عسير علي خلاص جهز ارهاب ومالك الا طيب الخاطر

عندي ذيخ اسود حاليا جالس اعده للمهدات وانشاء الله خلال هل شهر بيجهز وابشر

واذا انت مش راعيه فلاتتحدى بسلق غيرك !!

[عاشق الريان]

يعطيك العافية اخوي حرف العين ..... انا من فترة شهرين تفريبا كنت أدعي طيري اوشفت راعي لورنس هاد كذا ذيخ على غزال او صراحة ما قدرت أحكم من أقوى سلق فيهم لأنهم ماشالله كلهم ما عليهم كلام والله يوفقه فيهم كلهم يركضون جنب بعض ........ يعني الله يعينه إذا بيصفي بينهم ..... وانا وقفت معاه او تكلمنا والرجال محترم وايد ... او سألته إذا بتنزل السنة قال انشالله بس مب أكيد لأنه دوم يتعور الله يعزك واحد منهم ....... او سألته عن لورنس قالي إذا ركض اوكي او في نفس الوقت انا ابغيه حق نسل .... بس انا اقولك الكلب لحد الحين قوي قوي ماشالله او فيه مدى ...... او عنده واحد عراقي أدغم او واحد سوري ازرق ما اوصف لك صراحة او ما اقول غير الله يبارك له فيهم والرجال يستاهل او سمعته طيبه بين الشباب ..... وانا سألته عن المناعي راعي ساري اللي خذ السيارة العام على طول رد علي قالي المناعي خله لأني ما أقدر أنزل مع اخوي العود إلا إذا هو رخصني أنزل او هذي سبب من الأسباب اللي ما اتخليني أنزل علشان ما تستوي حساسية بيني او بين الشباب ... تدري انا استغربت من كلامه بس يوم اني سألت قالولي الربع هذي طبعه ما يحب سوالف النحاسه او خاصة إنك تدري عن أهل السلقان كل حزب ابروحه او قالي اللي فيه عقل ما يتناحس على بهايم ....... صراحه أنا أتمنى ينزل لأنه حرام والله حرام على السلقان الطيبة اللي عنده ما ينزل ..... والله يوفقه ويوفق باقي الشباب انشالله ..............

[عاشق 77]

حرف العين

أرهاب كنه لي
وأعتبره لي لأني أمون على راعيه
لاكن أنا بجهز لك أخو أرهاب اللي عندي لأن أرهاب عسر وأذا تبي أرهاب مو مشكله ترى أمون على راعيه

(وأرجو السموحه أن جاك مني غلط)

[عاشق الريان]

يعطيك العافية اخوي عاشق77 .... بس اي ارهاب اللي انت تقصده ؟؟؟؟ انا اللي اعرفه ارهاب اللي في الشمال الا اذا انت تقصد واحد ثاني ... بالتوفيق في هدك مع الشباب ......

[حرف العين]

السلام عليكم ورحمة الله وبركاتة

عاشق 77

تاريخ 1|3|2007

جهز ارهابك وحياك وبنشوف موضوع انه عسر علي اشلون ودام اخوه اضعف منه جيبه علشان نخرش الظبي فيه والمسافه بتكون 2كيلو فقط!!

عاشق الريان

بلنسبه لكلامك عن اللورنس انا ماقدر اتكلم عنه لاني املك ولد منه فيمكن البعض يضن اني امدحه علشان املك منه واما بلنسبه للشخص راعي لورنس فعلا هو انسان مجتهد ويملك سلق بمعنى الكلمة واخر سلق جابه من العراق وهو الذيخ العراقي الازرق وهو ولد اللورنس ويعتبر الازرق الجديد اقوى ذيخ في الفتره الحاليه واللي عندي اخوه من نفس الولده ولاكن لونه ادغم.

وعسى ربي يوفق صاحبه ويعطيه على قد نواياه

وشكرا

[عاشق 77]

حرف العين
أن هديت معك أرهاب ترى بتعيف السلقان اللي عندك وبتنصدم
لاكن نبي أنهد معك أخوه ولا تهايط علي 1/3/2007
في راسك هدد بكره
مادام أني في الدوحه
وترى عادي لوتجمع السلقان القويه اللي في الدوحه وتهد معي بكره ماعندك مشكله
القري مفصول عندي يعني قدام
بس مشكلتك عذرك جاهز
وأنتضر ردك ................................................؟؟ ؟؟؟؟؟؟؟؟

[هاوي تحدي]

وبعدين انا لو راح انزل ماراح انزل معه كلب ماله اي بطوله او اي انجاز غير المهدات اللي ماتتعدى 500 متر وللعلم فيه تصفيه اللي لاهل الشمال وانا مشارك فيها ولو ارهابك قوي بتشوفه من المشاركين واذا هو غير مسجل فيها فلمعنى واضح اي انه موالمستوى المطلوب واللي ياهله انه يدخل في التصفيه.

لايكون السلقان اللي عندك ماخذه كاس العالم

بعدين اذا كان مهوب بالمستوى المطلوب وماخذ الاول وش المطلوب الاخير

_________________________________________________



وبلنسبه لرائي الشخصي الهدد يعتبر ملغي لانه الظبي ماركض غير 500متر والجرو بست شهور قام يردده ورد الظبي على السلقان اللي في الخلف فهل هاذه يعتبر هدد او يعتبر انجاز يفتخر فيه؟؟


نعم كل فائز يفتخر ولاكن للسف ان ارهاب طرح الظبي لاني والله كنت ابي الظبي يركض وتشوف فرقه ارهاب واخوه من السلقان

وانا كنت واثق من ان زريان الثاني ولاكن الظبي ماركض ويستاهلون كل الاخوان اللي تئهلو
__________________________________________________ ________
جهز ارهابك وحياك وبنشوف موضوع انه عسر علي اشلون ودام اخوه اضعف منه جيبه علشان نخرش الظبي فيه والمسافه بتكون 2كيلو فقط!!


وش رايك بخليك انت وسلقانك 100متر والله الكلام جد بس الظبي سبوق على شان يسير منافسه بالكيلو الاول


تقبل تحياتي

[القحطاني505]

تحري بها ياهاوي تحدي وانا اشهد ان ارهاب ماهو سهل بس اطلب من الكل انه يبعد كثير عن العصبيه واذا نويتو الجد الميدان يحكم والله لايهينكم

[حرف العين]

السلام عليكم ورحمة الله وبركاتة

دام كلامكم استوى بهل طريقه عيل خلني اتكلم بمستوى كلامكم

عاشق 77

اسمعني كلامي واضح وقتلك تاريخ 1|3|2007

وانت ماتجبرني على شي ولا تطالبني بشي واذا على التجربه اعتبر الذيخ الاسود الاريش اللي كان الاول واللي في المهد اللي تفتخر فيه واللي على مستواك بو500متر لي انا شخصياااا !!!

وطبعا ارهابك كان المركز الرابع او الثالث وجرو الخراش رد الظبي للسلقان اللي ورى وصاده ارهابك والذيخ السوري!!!

واذا انك تبي اتسافر سافر والله يحفظك مني متكفل فيك ولا لي شغل بمسالة سفرك لانه هاي شي راجعلك ولكن انا اول مره اشوف انسان يحكم على السلق المشاركة بانها اقوى السلق وانه كلبه قوي الناس هي اللي تحكم فبلاشش مهايط وخل عنك الدعايات وبلنسبه لكلامك جيب سلقان الدوحه كلها انت فوز على السلقان العاديه اللي كانت معاك في المهد وعقب تحدى السلقان الاقوى.
ومثل ماقتلك تبي تجيب ارهاب تبي تجيب اخوه علشان نخرش فيه على كيفك تعال بلموعد وانا بنتضارك والخسران يدفع قيمة اجار الظبي.

هاوي تحدي بما انك تلقفت وتدخلت علشان اتكمل الدعايه
فردي لك راح يكون
بلنسبه لكلامك انه ليكون سلقانك ماخذه كاس العالم ترى لو تجمع سلقانك كلها وتجمع قيمة سيارتك ماتجي سعر او قيمة كلب واحد وتقدر تتاكد.

ثانيا كونك بتخلي السلق اللي راح ينزل قدامك بمسافة 100 متر هاذه شي راجعلك

بس هل انت راح اتنزل معاي ولا انت جالس اتهايط بسلقان غيرك؟؟

خلك قد كلمتك وتعال وجيب سلق لك انت شخصياا علشان يوم تنحرق ماتقول هاذه السلق مهوب لي ؟

وانا جاهزلك وشرط وتذكر كلمتي انك ترجع السعوديه مكسور الخاطر !!!!!!!

[هاوي تحدي]

بلنسبه لكلامك انه ليكون سلقانك ماخذه كاس العالم ترى لو تجمع سلقانك كلها وتجمع قيمة سيارتك ماتجي سعر او قيمة كلب واحد وتقدر تتاكد.

دامك شاري سلقانك الله يعينك على قيمتها بس والله ماعمري شريت سلق ولا فكرة لان كل السلالات الطيبه عندي وعند ربعي واتخير فيها

مااشتري مثلك
__________________________________________________ ______________________
بس هل انت راح اتنزل معاي ولا انت جالس اتهايط بسلقان غيرك؟؟

لو كانت سلقان غيري ماشفتني ارد عليك ولاكن لو نسبتها لمسعود يستاهلها وكل سلقاني له

وانا مااهايط جاكم ارهاب وفاااااااااااااااااز اذا انت تسمي القول والفعل هياط هذا شي ثاني
__________________________________________________ ___________
خلك قد كلمتك وتعال وجيب سلق لك انت شخصياا علشان يوم تنحرق ماتقول هاذه السلق مهوب لي ؟

انا قد كلامي والسلقان سلقاني واما اللي بينحرق اللي دافع فلوسه على سلقان مااقول رديه ولاكن بتنسبق من سلوقي عادي جدا زي قولك
__________________________________________________ ________________________
وانا جاهزلك وشرط وتذكر كلمتي انك ترجع السعوديه مكسور الخاطر !!!!!!!

انا بالسعودية ولاكن سلقاني عندك تقدر تهد معها بكره اذا كنت زي ماتقول جاهز ولاكن لاترجع بكلامك راسلني على الخاص

وخل المهايط نبي فعل بكره ارتب لك هدد مع زريان اما ارهاب اسمحلي عنده النهائي على الموتر مع عربيات وقري هاند

وان شاء الله بجيب الموتر لهل السعودية وبسوي لهم تصفيات عليه ويستاهلونه اهل السعودية ..........

خلاص حرف العين اذا بخاطرك شي على الخاص والسلقان عندك بقطر والميدان ياحميدان

[حرف العين]

هاوي تحدي

اي فوز اللي اتحلم به ترى في كاميرات فيديو مصوره وانا قتلك اذا هاذه مستواك 500 متر ترى السلقان القويه ماتنزل المهدات هاذي .

ثانيا انا ابيك تعطيني اسم اي سلق نزل معاك في هاذه الهدد ومعروف بقوته او له اي سمعه في ساحة التحديات ؟؟

وكلامي الاخير وارجو انك ماتتهرب منه قتلك ارهاب الثالث او الرابع في هاذه الهدد والجرو رد الظبي على السلقان اللي في الخلف ولقطه ارهاب والسوري في نفس الوقت اللي كانو في الوراء ولذالك صعدو الكلاب الاربعة اللي في المقدمه وللعلم انه الذيخ اللي كان في المقدمه وكان الاول راح ينسحب من الهدد النهائي لانه المهدات هاذي ماتناسب مستواه ولاكن اتناسب المبتدئين واللي عنده سلقان حيالله اي كلام .

اما عن مهايطك وكلامك الزايد وتمدحك في نفسك انت فوز في السعوديه بلاول ياراعي السلقان الطيبة وعقب فوز برع السعوديه وبلنسبه لكلامك انك تقول تعال نزل معاي بكره انت اللي جاي اتحدى لاتشرط وتقول بكره ولا بعد بكره انا اللي اختار الوقت وانا حددت ولاكن تذكر كلامي للمره الثانيه وصدقني راح ترجع ابلادك مكسور الخاطر!!!

وخل عنك الكلام الزايد وتعال جيب اللي تبيه وتحدى بلتاريخ اللي انا وضعته وخلنا انشوف اشلون بتخلي السلق اللي بنزله قدامك 100 متر.

بتحدى ولا لا؟؟ابي كلام نهائي؟؟

ولاتراسلني بل خاص خل كلامك النهائي قدام القراء علشان يشهدون عليه!!

[صقر آجا]

السلام عليكم ورحمة الله وبركاته ابتلقف واقول شباب ارفعوا نفسكم والله ماتسوى فاز فلان ولا علان والله الامور هاذي تسبب الكره والعداوه وانتم اكبرمن الامور هذي وحنا وانتم مجتمعين هينه علشان نستانس ونتعرف على بعض بالخير والموده وارجوا من الاخوان حرف العين وهاوي تحدي انكم ترفعونها وارجو اني ماثقلت عليكم

[هاوي تحدي]

حرف العين



انا ماراح اعلق على كلامك كله ولاكن اكيد اتحدى بس ليش تنتظر التصفيه خلنا نهد راس براس والمسافه اللي تبي

والظبي شفني اقول الظبي يكون سبوق على شان نستمتع بالمهد وحدد الوقت ويكون المهد معلن بالمنتدى واللي بيحظر حياه الله

[هاوي تحدي]

صقر اجا

هذي مشادات اهل السلق وبالاخير حنا اخوان والله لايجيب الكره والعدو

[صقر آجا]

كفوووووووووووووووووووووو هذي الهقوه ياشنب

[عاشق الريان]

السام عليكم يا شباب ......... إذا الهد بعد شهر ترى حنا ودنا نشارك مع أخوانا حرف العين وهاوي تحدي ....... او نبي نشوف السلقان القوية لانه هذي المهدات اللي ما اتفرط اومثل ما قلت ترى فيه ناس وايد ينتظرون المهدات القوية عندنا في قطر او مثل ما قلت لك يا حرف العين إنه التنظيم بيكون تعبان لانه الشباب مثل ما قلت تعال او هد وانا وانت والكل يعرفون المنظمين المسالة عندهم فلوس وبس لا أكثر ولا أقل والسيارة يعني اللي حاطينها ترى ما تنعد سيارة لاند كروزر موديل 82 والماكينة 85 يعني في ذمتك تسوى الزعل على سيارة قيمتها يمكن 3000 ريال ....... اتمنى محد يزعل من صراحتي ..................................................

[حرف العين]

هلا وغلا

صقر اجا وعاشق الريان

نعم كلامكم صحيح وسليم ميه في المية وللعلم انا ماتكلمت ولا تحديت ولا نويت باي شي وتناظرو بكلامي من البدايه وانا عارف انه هاذه المهد لافي حافز ولا فيه متعه فلذالك اتجنبها ولا اشارك فيها وعلى الرغم انه الذيخ اللي كان في المقدمه واللي في المركز الاول الا وراح ينسحب من الهدد النهائي مهوب علشان شي الا علشان المهدات اللي ماتتجاوز 500 متر مهوب محل فخر ولا انجاز الواحد يتباهى فيه .

ثانيا يا عاشق الريان بلعكس بلنسبه للمهدات نعم ودنا بمهدات نتعرف على بعض فيها وكل هاوي يشوف هل اعداده سليم ولا فيه اخطاء والقصد منها الاستفاده ليس الا ولا هي مصدر رزق لنا ولا حنا مشاركين محتاجين الجوائز ولاكن اللي صار انه عاشق 77وهاوي تحدي ضخمو الهدد الذي لايذكر او يتفاخر فيه وجعلوه قمه التحدي وبطوله كبيره وهو هدد عادي ولا يوجد فيه سلق قويه ولا هي سياره بلمعنى الصحيح وانا اقول كلامي ومحاسب عليه اني استحي اشارك بهاذه المهدات من الاساس وعلى الرغم انه السلق اللي في المقدمه من قطر ولاكن ماشفت احد تفاخر وبنى لنفسه بطوله وهميه مصحوبه بلدعايات من المشاركين وبلعكس اسحبو سلقانهم من الهدد النهائي لانه مهوب الهدد اللي على مستوى او مقياس لاي سلق .

اما بلنسبه لكلام عاشق 77 انه ذيخه عسر علي وهو مقصده التقليل في حقي عيل اعرف يا عاشق ويا هاوي تحدي وكلامك جيبو سلقان قطر كلها هاذه في تقليل لكل هاوي عندنا فلذالك !!!

اي هاوي في المنتدى او في قطر انت تجي وتبي تتحداه سلقاني تحت امره يجي وينقي اي سلق ويفوز عليك فيه ويرده لي !!!

والتحدي انا اعلنت تاريخه وهو 1|3|2007

بتجي في الموعد حياك الله مانت بجاي انت خسران وراح يكون تحدي راس براس وخلك قد كلمتك يوم تقول بتخلي السلق اللي بنزله 100 متر قدام واخو ارهاب بنخرش فيه الظبي وتعال وجرب حظك !!!

والدعوه كلها مافيها زعل ولا شي ولاكن بتكون رد على كلامكم اللي بدر منكم

[حرف العين]

يتبع

عاشق الريان بلنسبه لكلامك عن المهدات العشوائيه صحيح ولذالك كل هاوي يملك سلق قويه مايشارك فيها لانه لا راح يتمتع ولا راح يقيس مستوى السلق اللي عنده بين السلقان وبلنسبه للمهدات القويه راح تصير هل ايام لاني سمعت انه تصفية سويد النعيمي بعد اسبوعين وتصفية اهل الشمال راح تستكمل خلال الايام الجايه واحنا ننتظر هاذي المهدات بفارق الصبر وعسى ربي يوفق الكل فيها .

وفي النهاية ياصقر اجا ويا عاشق الريان لكم جزيل الشكر على مروركم وردودكم

[عاشق الريان]

بيض الله وجهك اخوي حرف العين ..... انا قلت من قبل انه اخوي سويد عنده احسن تنظيم او ماشالله عليه كلامه طيب مع الكل ...... والله لو تحضر هدد الشباب اللي صار انا ما اقصد اخر هد اللي على السيارة ....... والله تضحك ..... المواتر اتغبر على السلقان لا وازيدك بعد انه اللي نظم الهد نزل او ما يدري من راعي المركز الاول ..... بس تبي الصراحة انت غلطت يوم انك اعلنت لهم عن الهد ..... حتى الرجال اللي حاط رقمه ترى اذا بغيت تساله عن الهد يكلمك كنه الا بترجاه من نوع ها بتسجل ألحين ولا لا ... انا يمكن كلبي يتعور قبل الهد بيومين شسوي يعني .......... والمنظمين اللي معاه بعد ما يسلك معاهم غير المبتدئين اللي بالعربي ينضحك عليه!!!!!!! وانتي تدري اني ما اعرف اقول الا الصراحه واللي بيزعل الله يهديه

[حرف العين]

هلا وغلا

هههههههه

ياخوي عاشق الريان خف الريس

انا قصدي مساعدة الاخوان اللي حابين يشاركون ولو في مهدات ثانية راح اعلن عنها في الموضوع المثبن انشاء الله وبلنسبه للتنظيم او المشاركات انا ماعندي علم عنها ولاكن حسب علمي انه بيكون هددين في الاسبوع الجاي تقريبا الهدد الاول للجريهاندات
والهدد الثاني للعرب واللي يطرح الظبي يكون من نصيبه الظبي ممكن اني بشارك فيه لاني عارف انه المنظمين بيكونون من اهل الشمال وعارف انهم ممتازين بلتنظيم .

اما عن البطوله والتصفيات القويه جدا جدا اللي يسعى لها اخوانا عاشق 77 وهاوي تحدي اللي بتكون يوم الجمعه الغزال اللي بينزل راح يكون مبتور ذيلة لانه سبق ان هدوه واطرحوه السلقان خخخخخخخخخ وانشالله يكون مركضه فوق الكيلوين مع العلم اني متاكد ماراح يتجاوز مركضه الكيلو .

والله يوفق الجميع انشاء الله

[القحطاني505]

اخواني انا صحيح مالي دخل فيكم لكن عندي تعليق اذا اغلبكم ماهومقتنع بكلام الثاي في دليلين راح يخلي كلمتكم وحده اللي هم:انكم تكونون موجودين في الميدان كلكم __انه تكون الكاميرا هي الدليل >>>وبصراحه احييكم كلكم على روحكم العاليه وبالنهايه المقصد من التحدي:معرفة الوجيه الطيبه اول شي __وتطوير مستوى السلق لانه كل واحد بيتحدى اكييد انه قوي والواحد مايتحدى الا مع الاقوى منه او في مستواه وبالنهايه الف شكر على اخلاكم الطيبه

[هاوي تحدي]

هاوي تحدي ضخمو الهدد الذي لايذكر او يتفاخر فيه وجعلوه قمه التحدي وبطوله كبيره وهو هدد عادي ولا يوجد فيه سلق قويه ولا هي سياره بلمعنى الصحيح وانا اقول كلامي ومحاسب عليه اني استحي اشارك بهاذه المهدات من الاساس وعلى الرغم انه السلق اللي في المقدمه من قطر ولاكن ماشفت احد تفاخر وبنى لنفسه بطوله وهميه مصحوبه بلدعايات من المشاركين وبلعكس اسحبو سلقانهم من الهدد النهائي لانه مهوب الهدد اللي على مستوى او مقياس لاي

انت سبق انك قللت من مستوى ارهاب وقلت عادي جدا وقللت من سلوقي ابو غانم وقلت مستواه مايذكر اصلا ولا له ذكر عندنا بقطر

والحين قاعد تقول ماشاركة سلق قوية يااخي لاتقلل من مستويات سلقان الناس ترا الرجال يمسك من لسانه وحنا ماجينا نبي السياره لانها

موديل 83 ووالله مافكرنا غير بالمشاركة والمنافسات القوية والسلق اللي حظرة انا ما اذم اي سلوقي شارك لان صعب تحكم على قوة السلق

وكلامك محاسب عليه لان شاركو بالمهد كذا شيخ وهم من المهتمين بالسلالات الطيبه وعيب عليك تقول مستويات عادية جدا

[هاوي تحدي]

يتبع

اما بلنسبه لكلام عاشق 77 انه ذيخه عسر علي وهو مقصده التقليل في حقي عيل اعرف يا عاشق ويا هاوي تحدي وكلامك جيبو سلقان قطر كلها هاذه في تقليل لكل هاوي عندنا فلذالك !!!




اذا انت تعتبر التحدي تقليل هذا مصيبه وانا دايم ادور الافضل وكانك تقول الفزعه ياهل قطر هههههههههههههههههههههههه
__________________________________________________ ____________________-
اي هاوي في المنتدى او في قطر انت تجي وتبي تتحداه سلقاني تحت امره يجي وينقي اي سلق ويفوز عليك فيه ويرده لي !!!

ليش تبي اذا سبق سلقانك تقول مهيب لي خخخخخخخخخخخخخخخخ
__________________________________________________ ______________
بتجي في الموعد حياك الله مانت بجاي انت خسران وراح يكون تحدي راس براس وخلك قد كلمتك يوم تقول بتخلي السلق اللي بنزله 100 متر قدام واخو ارهاب بنخرش فيه الظبي وتعال وجرب حظك !!!



خلاص ابشر انا عند وعدي ولا تزعل ولا راح ازعل منك لو تقلل من مستوى سلقاني بس تذكر ان عمري ماشريت شي منها

وبتكون مهزله وراك ب 100 متر ويسبق سلقانك خخخخخخخخخخخخخ
__________________________________________________--
اما عن البطوله والتصفيات القويه جدا جدا اللي يسعى لها اخوانا عاشق 77 وهاوي تحدي اللي بتكون يوم الجمعه الغزال اللي بينزل راح يكون مبتور ذيلة لانه سبق ان هدوه واطرحوه السلقان خخخخخخخخخ وانشالله يكون مركضه فوق الكيلوين مع العلم اني متاكد ماراح يتجاوز مركضه الكيلو .


انت للحين تقلل من مستويات سلقان جميع من شارك انا اشكرهم واقول حظ اوفر والتوفيق بالمره الجايه

واما الظبي اتمنى انه يكون سبوق لانه فيه قري هاند 2 وعربيات 4 والسبوق يطلع بعد الكيلو ماتهمنا قومت القري هاند


تقبل تحياتي وارجو انك تقفل الموضوع وتذخر كلام وقت الهدد اللي بيكون بينا

[حرف العين]

هلا وغلا

بلنسبه لكلامك وانة في الهدد كانو مشاركين شيوخ ماله داعي تذكر هل شي!!!

وبلنسبه للتقليل من قيمة السلق المشاركة انا ماقللت ولاكن قلت الواقع ولا ضخمت او عطيت كل سلق فوق مستواه لانك انت ذكرت انها اقوى السلقان وعلشان تعطي لنفسك حجم اكبر من الحجم الواقعي وبلنسبه للسلقان المشاركة انا اعرفها كلها وهي سلقان جديده وممتازه وكلها يعد هاذه الهدد لها الرابع او الخامس وقدامها مشوار من الاعداد والتدريب وللعلم اغلبها جراء ماتعدت السنتين !!!

ولو انا بتكلم ماراح اذم في سلقان انا اعرف اصحابها ولو انا امر على اي سلق من السلقان المشاركة تاكد انه اصحابها ماراح يقصرون معي ولا راح يبخلون فيها علي لانه احنا ماعندنا نظام انه الواحد يبخل على الثاني بسلق او شبوه او غير هل اشياء بلعكس كل واحد فينا يتمنى الاحسن للاخر .

انت اللي تكلمت وانت اللي قلت جيبو سلقان قطر كلها وانت اللي استهزات بكلامك والحين ترجع بسلوب المستضعف وترجو الفزعه من اي شخص؟؟وتقول انه كانو شيوخ مشاركين وانت صغرت مستوى السلق والاخوان ؟؟؟

طيب انا راح انزل معاك ليه مهوب علشان استهزائك في الشباب المشاركين وتصغير حجمهم؟؟

والحين تجي وانه قلبك عليهم وتتمنى لهم الحظ الاوفر؟؟

وعلى العموم السالفه خذت اكبر من حجمها وبلنسبه للتحدي بلعكس بنشوف المستويات ومهوب شرط انه لو السلق اللي عندي راحو على السلق اللي عندك معناته رحت على اقوى سلقان السعوديه وسواء سلقانك راحت على سلقاني لاتحسب انه سلقانك فازت على اقوى سلقان في قطر نفس ما انت متصور في كل هدد انت تشارك فيه بلعكس الكل مجتهد والكل يسعى للافضل واغلب السلقان طيبة عندنا وسلقاني ماهي مقياس على سلقان قطر كلها في الاقوى والافضل منها !!!

[عاشق السلقان]

مشكوووور اخوي حرف ويعطيك الف عافيه على هذا المجهود والخبر السار