انا بـلاي وسـم حالـي رفيقي ، عقاب التميمي

[عقاب التميمي]

الصدر ضاق وبانلي في طريقي=علمن يحير مدّعين الذهانه

وبديت احس ان الوسيعه تضيقي=وريع الندامه يبيض الوجه عانه

انا بـلاي وسـم حالـي رفيقي =بعد المعزه شفت منه الاهانه

ان كان مناء جاهـ مالا يليقي =فالعذر منه ويرفع الرجل شانه

ون كان ماهو للصداقه يطيقي=فبصط سبب معناء يضيق بطانه

ماني على الهفوه مضيع طريقي =ولاعندنا للجاهل ايت ضمانه

من ماقريته نشف دمي وريقي =واضنهـاء ماعـاد فيهاء ميـانه

ونته لابدك ماتعرف الحقيقي =فصحابك وكلن تميز مكانه

العاقل الـي لاعتبر يسـتفيقـي =والداله الـي ماعتبر من زمانه

[سحاب نجد راعي شقراء]

الله الله
صح لسانك يالغالي

هذا الشعر الهادف عن تجارب السنين والاصحاب
ليتك يالغالي تحط اسمك تحت القصيده حفض للحقوق
الله يكفينا شر الدنيا وميلاتها وتغير اهلها وتضيع الهقاوي من اهل الهقاوي

تسلم يالغالي جازت لي بالحيل

[عقاب التميمي]

صح بدنك ورحم الله والدينك ، ولاهنت على المرور والاشاده الي تشجع الشاعر على انتاج الافضل
والله يقدرنا على الي يجمل
مع متذوق الشعر او من ينضمه

وبخصوص الي ياخذ شي ماهو له ولاكتبه ، يكفي انه عجز يجيب او يكتب زيه
فضطر انه ياخذه ، وهاذي بالاحراء دلاله على التميز

[قوافي ( أم نهار )]

السلام عليكم ورحمة الله وبركاته
صح لسانك اخي الكريم
جزيل الشكر لتواصلك بالخيمه
فائق احترامي وتقديري

[عدم الانحياز]

السلام عليكم ورحة الله وبركاته
صح لسانك يالتميمي - وسلامتك والله من البلا وهله
الله يطرحنا في الطيب من خلقه - والدنيا ماتجي على الكيف
ولكن الشاعر لا بد وان يعبر عن مكنونه
دمت بخير

[عبدالرحمن بن ذياب]

حي الله اللي قال علمٍ وثيقي = وسطر لنا جزلات في وسط خانه

هيض لي جرح خافيٍ لي عميقي = وغنى لنا الأبيات يا دان دانه

أمر الصداقة يا خويي ورفيقي = ما لك عليها دون شك الضمانه

[ابو البر]

صح لسانك مليون .

[عقاب التميمي]

صح بدنك ولاهنت يابو البر