أصحاب اللكزس والفكسار وسيارات الدفع الرباعي المستمر

[آآآبو سعود]

السلام عليكم
بالبدايه اسأل الله ان يبلغنا واياكم رمضان وان يجعلنا من صيامه وقيامه

يا أخوان نبي رأيكم في فصل الدفع الرباعي المستمر ويصير دفع خلفي وفي البر تشغل الدبل بالزر عادي طبعا سيارتي جيب لكزس
ما هي الأضرار لو فيه اضرار من فصله وطريقة فصله شاكر ومقدر لكم

[آآآبو سعود]

نبي تفاعل يا شباب الله يجزاكم خير

[Lexusjouf]

عليكم السلام
مبروك عليكم وعلينا الشهر وكل عام وانتم بخير
والله ياخوي انا عندي لكزس 2000 وفاصل الدفع الدفع الرباعي واموري تمام والحمدلله
الايجابيات الي شفتها بعد فصل الدفع الرباعي
1- الجيب فزته خفيفه ماشاء الله
2- تبديلات القير سلسه وماتحس فيها
3- صرف البنزين خف
4- الدركسون صار خفيف
5- الدقه عند تعشيق القير D اوR اختفت صار مايدق


السلبيات
1- تحس ان فيه رزيز خفيييف على سرعة 140 ويروح اذا ركبت فرارات


وطريقة فصله بالضبط ماعرفها لاني دخلت الجيب عنده الصبح واخذته العصر وكلف حول 900 ريال
والحمدلله مرتاح بعد مافصلت الدفع الرباعي وواحد من الربع بعد معه vxr 99 قير عادي وفاصله بعد وماشفنا مشاكل والحمد لله

والله يجيب لك الي به الخير ان شاء الله

بالتوفيق ان شاء الله..

[الدوسري2010]

كان معي في اكس ار 2007 فصلت الدبل المستمر والحمدلله الجيب خفيف ومريح ولا لحضت به شي اما طريقة الفصل فهو ترس يفكونه ويصير الدفع خلفي

[آآآبو سعود]

بيض الله وجيهكم كفيتوا ووفيتوا