مشكلة حرارة مستعصية عجز عنها الجميع

[أبو_الوليد]

السلام عليكم وكل عام وانتم بخير


مشكلتي ياشباب كالتالي
حرارة السيارة دائماً على المنتصف ليل نهار مكيف ولا بدون صيف شتاء نفس الوضع، السيارة مازدا 323 موديل 2002 جير عادي عداد الكيلوات 290 الف
الشي اللي خلاني اشك انه في حرارة في الظهر واحيانافي الليل ومع الزحام والمكيف شغال يضعف عزم السيارة مع صوت قربعة وصرقعة من المكينة وتطفي مع العلم المروحة الاساسية تعمل باستمرار ومروحية المكيف تعمل مع المكيف فقط ولكن تشتغل من اول طقة


تم تغير وصيانة التالي


-مروحتي المكيف والرديتر مع زيادة شفرات المروحة من 5 الى 7
-تغير رديتر جديد تايوان المنيوم
-اضافة ماء prestone اصلي
-السيارة كانت بدون بلف حرارة وتم شراء اصلي يفتح على 82 درجة
- فتحت راس المكينة وعملتله مسح وجه واحد مع صنفرة البلوف وتغيير جلودها
- وزنت الديلكو في ورشتين
- شيلت دبة التلوث
- غيرت غطاء رديتر بثلاث انواع مختلفة
- اضافة سلك ارضي 35 ملل للبطارية وراس المكينة
- تنظيف رديتر المكيف بماء غير مظغوط
حساس الحرارة تم التشييك عليه يعمل بكفأة


جميع ماسبق بدون اي فائدة
افيدونا افادكم الله




ا

[الدوسري2010]

بع السياره لان جميع الامور اللي تسبب ارتفاع للحراره غيرتها عسى الله يرزقك بأفضل منها

[أبو_الوليد]

لا والله الموضوع صار عناد الا والا احلها:)

[كهرووب]

وعليكم السلام ورحمة الله وبركاته

طرمبة الموية غيرتها ؟

[انا العربي]

اخوي طيب حرارتها على كم الطبيعية

[SGL]

إمبير الحرارة أتوقع على النص أو أقل شي بسيط حتى لو البلف ماهو موجود طبيعي نظامها كذا مثل بعض المواتر
أما تسرعك في مسح الراس غلط وخالصين منه قد إنمسح
المراوح شيك عليها إحتمال تشتغل عكس يعني ماتسحب هواء مع التشيك على قوة دورانها

[أبو_الوليد]

طرمبة الموية سليمة

[أبو_الوليد]

إمبير الحرارة أتوقع على النص أو أقل شي بسيط حتى لو البلف ماهو موجود طبيعي نظامها كذا مثل بعض المواتر
أما تسرعك في مسح الراس غلط وخالصين منه قد إنمسح
المراوح شيك عليها إحتمال تشتغل عكس يعني ماتسحب هواء مع التشيك على قوة دورانها
الحرارة تكون ع النص طبيعي في بعض السيارات

لكن عندي العزم ينزل وتسمع صوت قربعة من المكينة المروحة سليمة مية في المية شاكر مرورك

[انا العربي]

طيب العزم ينزل مو معناتها المكينة

كل السيارات القديمة مع المكيف يموت العزم واشياء كثيرة تسبب ضعف العزم

لو تركت المكينة اخر شيء لكن اللي صار صار

بعدين الحرارة إذا ثابته مافيها مشكلة والمراوح شغالة يعني المكينةمافيها شيء

السؤال السيارة كم لها معك وكيف كانت الحرارة ؟؟

[أبو_الوليد]

السيارة لها معي ظ¥ سنوات وصاحبها كان يشتكي الحرارة توصل H بس لما غيرت طرمبة الماء ثبتت على النص
وشفت نفسها سيارتين حرارتهم ماتعدي الربع
وقبلها كان معايا كابرس ظ¨ظ¥ مروحة واحدة كلتشات ماكانت تتعدى الربع في عز الظهر
اليوم شيكت على الماسورة اللي تطلع من الطرمبة ونهايتها لي بلاستيك اللي لما اظغطه احسه في شي يتفتت من الداخل هل ممكن يكون هو السبب

[SGL]

نعم هذي النقطة نسيناها وهي الليات الصغيرة والمواسير فيها سدد فكها كلها وسو لها تنظيف كامل

[صاروخ الغطغط]

شف مكرة السير تفوت قد حصلت مع واحد شيك على المكرات تلقي احد المكرات حافرها السيرويفوت ولايلف طرنبة الماء على وضعها الطبيعي

[1824]

اذا كانت السياره وارد امريكا فطبيعي الحراره على النص وثانياً يمكن حراره القير هي الي ترتفع وليست حقت المحرك شيكت على القير وكيف وضعه

[أبو_الوليد]

[QUOTE=1824;10656952]اذا كانت السياره وارد امريكا فطبيعي الحراره على النص وثانياً يمكن حراره القير هي الي ترتفع وليست حقت المحرك شيكت على القير وكيف وضعه[/QUOTE


طيب كيف اعرف ان الحرارة من القير

[SGL]

[QUOTE=1824;10656952]اذا كانت السياره وارد امريكا فطبيعي الحراره على النص وثانياً يمكن حراره القير هي الي ترتفع وليست حقت المحرك شيكت على القير وكيف وضعه[/QUOTE


طيب كيف اعرف ان الحرارة من القير


القير عادي في موترك والرجال يقصد القير التوماتيك والله أعلم
أهم شي ï»»تنسى الليات الصغيرة والمواسير أكيد فيها سدد حسب كلامك والخلل منها

[ابوراكان تبوك]

خليها لين تحمى وافحص واذا قل العزم فورا افحص ضغط طرمبة البنزين

اما موضوع الحراره الاخوان كفوو ووفو بس نقطه اخيرة
تأكد من المرواح انها شغاله على جميع السرعات
فيه طرق تشبكها دايركت يمديك تجرب كذا حتى تضمن انه على اخر سرعه وتجرب موترك

[1824]

[QUOTE=1824;10656952]اذا كانت السياره وارد امريكا فطبيعي الحراره على النص وثانياً يمكن حراره القير هي الي ترتفع وليست حقت المحرك شيكت على القير وكيف وضعه[/QUOTE


طيب كيف اعرف ان الحرارة من القير

اعتذر منك حسبت قير سيارتك اتوماتيك اذا عادي معناته من شيء ثاني احتمال ان الحراره طبيعيه معناته والله اعلم