محيرني شي بهذي الخيمه وأبي الاجابه

[مطر وسم]

السلام عليكم ورحمة الله وبركاته
أسعد الله صباحكم بكل خير ياخواني
يالربع اشوف بخيمة أدوات الصيد كثرت بنادق ضغط الهواء(الغازيه) وغطت على روابط ملاك الشوازن كلها ولا عاد اشوف لها طاري زي اول
هل تفوقت الساكتون الغازية على الشوزن والا وش السبب في كثرتها بهذي الخيمه هل هي تغني عن الشوزن من ناحية الرمي أو مسألة التصاريح الساكتون أسهل ؟

[المدار المدمر]

السبب في انتشار بنادق ضغط الهوا هو ارتفاع اسعار الاسلحه الناريه والشوازن
اضافه الى غلاء ذخيرة الناريه
ورخص ذخيرة الهوائيه
وبصراحه لولا هذي الاسباب مانتشرت ابدا بنادق ضغط الهواء لان فيها عيوب
واكبر هذي العيوب
1- انك لازم تنقل اسطوانتك معك وتعبي كل فتره
2- غلاء بنادق ضغط الهواء الغير مبرر وما اشوفها تستاهل هالاسعار لكن الشعب متولع بالصيد
لكن تضل ارخص من الناريه والشورزن

[راح الأمل]

لاتغني عن الشوزن ولكن لاغلاء الاسلحه الناريه توجه البعض للاسلحه الغازيه والهوائيه هناك انواع تضغط بالهوا وهناك انواع ضغط غاز وكلها فيها عيوب ولكن تبقى ارخص من الشوزن وذخيرته

[ولد آل مقبل]

وجهة نظري انها دخلت علينا جديده .. فالعالم تنشد وتسال .. خاصة لختلاف الماركات والاسعار

وتغني عن الخرازه في الضبان والطيور والوبران

وتعتبر ممتازه لرخص الصتم ، اما اسعارها عاليه .. وتختلف وبعضها غاليه وبعضها وسط

والى الان احس الامور دعايه فقط لا غير وكلن يمدح الي يبيعه

[الهنتر]

والله اخوي غلا فشق الخرازه والشوزن هو السبب لو اقولك ان الشوزن عندي لها تقريباً اكثر من موسم ماطلعتها من جرابه وشريت كيوتا الاسبانيه ظغط هواء والحمدلله نستني الشوزن اذا رخص فشق الشوزن ذاك الوقت يكون خير

[مطر وسم]

اشكر الإخوان اللي ردود واللي مرو وشرفونا
طيب اخواني أسعار الغازيات مقاربة جدآ لأسعار الشوازن أم حبه ويمكن بعضها أغلى على ماسمعت ياصل 7500 يعني أغلى من الشوزن أم حبه ومقارب لأسعار بعض شوازن أم خمس وأيضا كثرت خراب الغازية ومشاكلها ونقل اسطوانة التعبيه لمكان الصيد ( غثاء )
في هذي الحاله انا أفضل الشوزن الف مره لو كان فشقها غالي
ترى الدعوه نقاش فقط ليس تحيز
وشكرا

[أبوصالح9]

الوعد قدام

[بو عبد الهادي]

سعر صندوق الفشق ياصل 4200
سعر بندق ضغط الهواء الاسبانية 2800
الساكتون تكون رخيصة بالنسبة لسعر الفشق

[hadi.9]

الوعد قدام مثل ماقال ابو صالح:)

[الشمروخي]

الشوزن ماله غناه بس بسبب غلا الفشق صارت بس بمواسم صيد الطيور يجي له طاري
وزي ماعلقوا الربع الهوائيات الضغط جديده ولازم يصير نقاش
سبب غلاه طبيعي هي حتى برى السعوديه اغلاء من بعض الشوازن
تغني بنسبه طيبه عن الناريات والشوازن بالصيد وله مميزات
فشق رخيص عمليه تقدر تجيب قطع له من النت
والشي المهم دقيقه وماله صوت ترمي القميري الثانيه تصور جنبه تقريباً
عيبه الاسطوانه

صندوق الشوزن بخمسه الاف ريال لو تشتري كركت ولا فولكان بسبعه اشوفه بالمقاارنه رخيص

والشوزن بتبقى عشاقه مايروحون وبيرخص فشه بآذن الله

[بايسن حار]

اذا اخذت عيار 5.5 وهو الانسب للقميري وتقتل الضب كذلك والاكثر انتشار
فالتعبئه الوحده ترمي لك بحدود 80 طلقه خاصه في البنادق المعروفه مثل فولكان وكركت
وهذا كافي اذا طلعت من الفجر للمغرب
وحتى لو خذتها معك فاللي تشيلها السياره ووزنها خفيف تشيلها بيد وحده والتعبئه لاتتجاوز 3 ثواني