الكمبروسر خربان ( لا تغير )

[أبو مناحي 1]

بسم الله الرحمن الرحيم



حبيت اكتب تجربتي بعد خراب المكيف وفحصه عند اربعة كهربائين من اصحاب الخبرة في مجال التكيف وجميعهم اجمعو علي خراب الكمبروسر والسبب لايوجد ضغط

وبعد السؤال على سعر الكمبروسر الجديد 2500 ريال والمستعمل من 900 الى 1500 ريال حسب النظافه .

وبعد البحث في عالم الانترنت عن مشكلة الكمبروسرات وجدت ان اغلب مشاكل الكمبروسر هي بسب البلف .

قلت خلني افك الكمبروسر واشوف وش مشكلته وعلى بركة الله ..





http://store1.up-00.com/2016-06/1466324547311.jpg (http://www.up-00.com/)
تم فك الكمبروسر من السيارة

http://store2.up-00.com/2016-06/1466325068911.jpg (http://www.up-00.com/)


http://store1.up-00.com/2016-06/1466325275211.jpg (http://www.up-00.com/)

تم تنظيف الكمبروسر والبساتم بالبنزين

http://store2.up-00.com/2016-06/1466325758591.jpg (http://www.up-00.com/)

وهذا البلف المسؤول عن ضغط الفريون داخل الكمبروسر

http://store1.up-00.com/2016-06/146632608041.jpg (http://www.up-00.com/)


صورة لتوضيح مكان البلف




وتم تجميع الكبروسر وتعبئته بزيت فريون AC delco ومن ثم الذهاب للورشة لعمل تنظيف لرديتر المكيف مع تعبئة فريون امريكي لتجربة المكيف .

والحمدلله تم مجهودي بنجاح والان في عز الظهر ودرجة حرارة الجو 45 والمكيف علي 22 .

التكلفه الاجمالية = زيت الكمبروسر 55 ريال+ بلف المكيف 35 ريال + تعبئة فريون مع تنظيف الرديتر 300 ريال . الاجمالي = 390 ريال

اللي حب يسال عن السيارة

السيارة : رينو سافران موديل 2011

* بالنسبة للبلف يركب على جميع السيارات امريكي + كوري + فرنسي + ياباني

اعذروني علي عدم تنسيق الموضوع لاني اول مره اشارك .ولكم حرية التعليق

[الكشات وافى]

ماشاء الله تبارك الرحمن

شغل عدل ومتعوب عليه

وأهم شي انك اشتغلته بيدك

[أبو مناحي 1]

ماشاء الله تبارك الرحمن

شغل عدل ومتعوب عليه

وأهم شي انك اشتغلته بيدك


الله يعطيك العافيه شاكرلك مرورك

[أصيل حجآ زي]

أخي / أبو مآحي :

مــا شـــاء الله عليك
تــجــربـــّــة نـــآجــحـة وموفقة .
،
،
،
تسـتــآهــّـل ثلآثــّـة نجـوم ذهبيـّـة
والأضـــــــآفـــــّــة للموآضيــع المميزّة المثبـتـة .
،
،
المواضيع المميزة في الخيمة (http://www.mekshat.com/vb/showthread.php?233827-%D8%A7%D9%84%D9%85%D9%88%D8%A7%D8%B6%D9%8A%D8%B9-%D8%A7%D9%84%D9%85%D9%85%D9%8A%D8%B2%D8%A9-%D9%81%D9%8A-%D8%A7%D9%84%D8%AE%D9%8A%D9%85%D8%A9-%D8%A3%D8%A8%D9%80%D8%AD%D9%80%D8%AB-%D9%87%D9%80%D9%80%D9%8F%D9%80%D9%86%D9%80%D8%A7-%D9%82%D9%80%D9%80%D8%A8%D9%80%D9%84-%D9%85%D9%80%D9%80%D8%A7-%D8%AA%D9%80%D9%80%D9%83%D9%80%D9%80%D9%80%D8%AA%D 9%80%D9%80%D9%80%D9%8F%D9%80%D8%A8-%D9%85%D9%88%D8%B6%D9%88%D8%B9%D9%80%D9%80%D9%80%D 9%83)


،
،
،
:good2:
،
،
،
،

[أبو مناحي 1]

مــا شـــاء الله عليك
تــجــربـــّــة نـــآجــحـة وموفقة .
،
،
،
تسـتــآهــّـل ثلآثــّـة نجـوم ذهبيـّـة
والأضـــــــآفـــــّــة للموآضيــع المميزّة المثبـتـة .
،
،
،
:good2:
،
،
،
،



الله يسعدك ابو عبدالرحمن وردك يشرف الموضوع وبالذات الثلاث نجوم :good2:

[ابو مرعي]

السلام عليكم
ماشاء الله عليك وعلى جهودك الله يوفقك ويرضى عنك
لدي سؤال
هل انت صاحب ورشه او لديك خبره في الميكانيك والكهرباء او هاوي-- اوتحب ان تجرب حتى تعجز عن الشيء ثم تذهب للورشه---وهذه الميزه موجوده فيني احب ان اطلع واعمل حتى لو خربت كل شيء ثم اذهب للورش واركب جديد عندما اعجز عن التصليح - احب ان نتعاون في شغل الهوايه والترهيم تحياتي

[بامالك]

جزاك الله خير ي ابو مناحي ..
مكيف سيارتي حاليا يبرد ( لكن مو تبريده اللي اعرفه ) ويفصل اغلب الوقت ولا يشبك الكمبريسور ، وسألت اثنين كهربائيين قالوا بداية خراب الكمبريسور وبالاخص الحساس خربان عندك ، طبعا ماتلقى حساس لحاله لازم تشتري كمبريسور جديد بقيمة 2700 ريال . هل الطريقة هذي تنفع ؟
السيارة نيسان صني 2009 كوري

[مدرس بالغصب]

شغلك مضبوط
والورش عندنا بدون ضوابط

[بلحارث]

هذا كنترول بلف موجود في السيارات الحديثة من منتصف الالفينات وهناك اختبار له فعند قياس الضغط الواطي والعالي نجد اختلاف بنسبة 20%

[ابوفارس جده]

رائع مشكور على جهدك الثمين

[تيرنيدو]

مجهود موفق
لكن البلف وين نلاقيه

[ibrahim_20]

يعطيك العافيه

[أبو مناحي 1]

السلام عليكم
ماشاء الله عليك وعلى جهودك الله يوفقك ويرضى عنك
لدي سؤال
هل انت صاحب ورشه او لديك خبره في الميكانيك والكهرباء او هاوي-- اوتحب ان تجرب حتى تعجز عن الشيء ثم تذهب للورشه---وهذه الميزه موجوده فيني احب ان اطلع واعمل حتى لو خربت كل شيء ثم اذهب للورش واركب جديد عندما اعجز عن التصليح - احب ان نتعاون في شغل الهوايه والترهيم تحياتي


وياك يارب انا مجرد هاوي اذا مااقنعي كلام الورش احب اصلح الشي بنفسي .

[أبو مناحي 1]

جزاك الله خير ي ابو مناحي ..
مكيف سيارتي حاليا يبرد ( لكن مو تبريده اللي اعرفه ) ويفصل اغلب الوقت ولا يشبك الكمبريسور ، وسألت اثنين كهربائيين قالوا بداية خراب الكمبريسور وبالاخص الحساس خربان عندك ، طبعا ماتلقى حساس لحاله لازم تشتري كمبريسور جديد بقيمة 2700 ريال . هل الطريقة هذي تنفع ؟
السيارة نيسان صني 2009 كوري

اتوقع اغلب السيارات من موديل 2007 وفوق تجي لها نفس البلف يجي منها كهربائي ويجي عادي والبلف تحصله عند محلات التبريد . لاحديقولك ماتحصله

[أبو مناحي 1]

شغلك مضبوط
والورش عندنا بدون ضوابط

الله يسلمك . الورش عندنا غير وبس يحسبون العالم طايحين على كنز

[فيصل الشيباني]

الف شكر ومجهود يحتاج النشر��

[أبو مناحي 1]

الف شكر ومجهود يحتاج النشرï؟½ï؟½

العفو اخوي فيصل . :good:

[SGL]

اتوقع اغلب السيارات من موديل 2007 وفوق تجي لها نفس البلف يجي منها كهربائي ويجي عادي والبلف تحصله عند محلات التبريد . لاحديقولك ماتحصله

يعطيك العافية ياغالي
بس ياليت توضحلي جملة محلات التبريد:)خويي معه كامري وخربان عنده هالبلف روحنا قطع غيار ماحصلنا ماخلينا محل كلهم قالو غير الكربرسر كامل سواء كهربائي أو قطع غيار

[أبو مناحي 1]

يعطيك العافية ياغالي
بس ياليت توضحلي جملة محلات التبريد:)خويي معه كامري وخربان عنده هالبلف روحنا قطع غيار ماحصلنا ماخلينا محل كلهم قالو غير الكربرسر كامل سواء كهربائي أو قطع غيار

الله يعافيك في محلات متخصصة في قطع غيار التبريد يبيعون كمبروسرات ورديترات المكيف والبلوف والمراوح .

اذا انت من الرياض بتحصل المحل في الصناعية القديمه شارع الاربعين من عند اشارة زجاج السالم ادخل يسار بتجيك محلات قطع الغيار على اليمين اسال اي محل عن محل التبريد بيدلونك .

[أبو مناحي 1]

الله يعافيك في محلات متخصصة في قطع غيار التبريد يبيعون كمبروسرات ورديترات المكيف والبلوف والمراوح .

اذا انت من الرياض بتحصل المحل في الصناعية القديمه شارع الاربعين من عند اشارة زجاج السالم ادخل يسار بتجيك محلات قطع الغيار على اليمين اسال اي محل عن محل التبريد بيدلونك .


http://store1.up-00.com/2016-06/146709636511.jpg (http://www.up-00.com/)
هذا موقع البلف اذا كامري من 2007 الى 2016

[قلب المجتمع]

ماشاء الله تبارك الرحمن

شغل عدل ومتعوب عليه

[آخر العنقود]

ممتاز شغلك بس اخبر اذا فرطت الكمبريسر بالكامل لازم تركب له اصلاحات صوف كيف قدرت تدبرها ما شاء الله عليك ؟؟؟

[بامالك]

تم اليوم ( خـــرط ) لكلتش الكمبروسر ، لسيارة صني 2009 الشكل الكوري ، وكان المكيف يبرّد أول ( ربع ساعة ) ( 15 دقيقة ) من التشغيل ، وبعد كذا ينقلب هوا حااار ، وأما الآن فالحمد لله ، المكيف أصبح يبرد مثل ماكان ويفصل بشكل طبيعي جدا .

ملاحظة :
الكمبروسر على حسب كلام المهندس لا يحتوي على حساس لذلك كان الحل هو الخرط ، لكن فيه كمبروسرات ثانية مثل ماعرضها الاخ أبو مناحي تحتوي على حساس وهذي يتم التعامل معاها بشكل مختلف .
* التكلفة الإجمالية = 400 ريال . شملت تعبئة فريون + شغل يد المهندس + خرط الكلتش .
الورشة في مكة حي العزيزية . ( أي أحد يبغى اسم الورشة أو المهندس ورقم جواله يتواصل معايا خاص ) إلا إن كان يسمح بوضعها هنا فسيتم ذلك بعون الله .

[كونجرس الشمال]

ماشاء الله تبارك الله مجهود تشكر عليه عمري مافكرت افكه الى الامام زنقه زنقه ههههههههه

[hossain210]

اخوي بامالك ياليت تعطيني رقم الورشة

[بامالك]

شــيّك على الخاص ي حسين

[SGL]

http://store1.up-00.com/2016-06/146709636511.jpg (http://www.up-00.com/)
هذا موقع البلف اذا كامري من 2007 الى 2016

ماقصرت ياأبو مناحي وبيض الله وجهك

[الحربي حاتم]

ماشاء الله عليك
ليتتا نتعلم الاعتماد على النفس والمحاولة والشغل بانفسنا

[أبو مناحي 1]

ممتاز شغلك بس اخبر اذا فرطت الكمبريسر بالكامل لازم تركب له اصلاحات صوف كيف قدرت تدبرها ما شاء الله عليك ؟؟؟

بصراحه انا كنت خايف من هالشيء لن اغلب الكهربائين قالولي اذا فكيت الكمبروسر مستحيل يرجع زي ماكان بس للامانه قلت خلني اجرب ماني خسران شي .الشي الثاني للكمبروسر الي كان عندي مافيه اي تنسيم يعني فكيته ورجعت نفس الوجيه ( الربلات ) حقه والحمدلله بعد التركيب ماصار فيه اي تنسيم .

[أبو مناحي 1]

ماشاء الله عليك
ليتتا نتعلم الاعتماد على النفس والمحاولة والشغل بانفسنا

شاكرلك ردك خصوصا ان النت صار متوفر في كل مكان واغلب الشروحات موجوده في اليوتيوب

[YUKON_GMC]

الله يعطيك العافيه موضوع مميز وانا مثلك الحمدلله اغلب الاشياء في السيارات والبيت اصلحها بنفسي الا اللتي اعجز عنها او عدم توفر ادوات الفك والتركيب منها توفر قيمة الشغلك المبالغ فيها ومنها هوايه وتضييع وقت وكسب خبره وتحسب انك انجزت وكل ماتوشف شغلك او الحاجه اللي صلحتها تنبسط


بس لو ذكرت خطوات الفك وعدة الفك

[أبو مناحي 1]

الله يعطيك العافيه موضوع مميز وانا مثلك الحمدلله اغلب الاشياء في السيارات والبيت اصلحها بنفسي الا اللتي اعجز عنها او عدم توفر ادوات الفك والتركيب منها توفر قيمة الشغلك المبالغ فيها ومنها هوايه وتضييع وقت وكسب خبره وتحسب انك انجزت وكل ماتوشف شغلك او الحاجه اللي صلحتها تنبسط


بس لو ذكرت خطوات الفك وعدة الفك

الله يعافيك ياغالي المره الجايه ان شاءالله اذا فكيته بصور كامل عملية الفك والتركيب . :good2: