لاصحاب مولدات الكهرباء ،كيف تخزن البنزين او الديزل لاستخدامه وقت الحاجة؟ هاتو تجاربكم

[turkiq]

السلام عليكم ورحمة الله جميعاً

يا اخوان كل من امتلك مولد كهرباء اكيد واجه نقطة يمكن ماكان يفكر فيها وقت الشراء
وانا الحقيقة هذا اللي حاصل معي وحاب اسمع منكم بخصوصه وهو طال اعماركم بخصوص
تخزين البنزين او الديزل للمولدات خصوصاً للناس اللي مثلي جعلوها للطوارئ ... يعني المولد
ممكن يجلس اشهر ما احتاجه حاجه فعليه .. وان احتجته اكيد ابيه يكون حاضر وعلى اتم الاستعداد
وتوفر الوقود وقت الطواري الأكيد انه على رأس هالاستعدادات ... طيب انا شرين جالونين كبار
تقريبا سعة كل واحد 50 لتر وبعد أسابيع شعرت انها مصدر خطر في البيت .. تعرفون البنزين
سريع التبخر وسريع الاشتعال خصوصاً وكل ماجيت المكان اللي هي فيه شميت ريحته واضحة
حاب اعرف وش اسلم وآمن طريقة ومكان لحفظها بالاعتماد على أسس علمية
وابي اسمع منكم .. انتو كيف تعاملتم مع هالنقطة وسلامتكم

[أبوصالح9]

صب بنزينك بالموتر وخل الجراكل فاضيه واذا طفى عليك الكهرب اقرب محطه ماتبعد عنك مدة 5 دقايق وريح راسك - البنزين يحتاج شرارة فقط عشان البووووووووم بعيد الشر عننا وعنك ومن يقرأ والمسلمين اجمعين وهالشرارة هذي يمكن تجي من ثيابك او من التماس او حتى اللمبة عند التشغيل تولد شرارة فاحذر احذر احذر من كارثة ماحسبت حسابها -

[أبو شيري]

وعليكم السلام ورحمة الله وبركاته


عطاك العلم أبو صالح 9

[باتمان]

دامك في البيت ما يحتاج تخزن خل في المولد بنزين بقدر التانكي حقة أظنه كفاية وعند الحاجة زي ماقال بو صالح اقرب محطة وعبي
ولو حاب تخزن شوي بنزين خذلك كمية بسيطة وخزنها بجالون حديد يباع عند محلات المقناص
ولاتنسى تحذر عيالك من العبث به

[alss7ap]

انا عاف وش تقصد ياذيب على ماقالو الحرص واجب ;) الله يحفظنا وياك ومن ومن يقرى من كل طارئ وطارق إلى طارق يطرق بخير ...:) مثل ماقال ابو صالح وبقية الشباب البانزين خطير جدا جدا ..لذلك وبما انك تبيه للطوارء ..فمالك إلى الديزل اشوى من البانزين خاصه إذا خزنته بجالون حديد وبعيد عن أي مصدر لهب وحرارة شمس وبعدته عن الاطفال ...وأفضل حل انك تخزنه بعيد عن البيت الله يعينك على مولد ديزل هو شوي غويلي بس ما لك حل غير كذا ..او انك التنازل عن تخزين البانزين وخاصه بالبيت ...آمل اني أفتدك ولو بشيء قليل ..والله يحفظك.

[آخر العنقود]

فيه جوالين حديد مخصصه لتخزين البنزين تحصلها عند ساكو بس احرص على النوع الأمريكي اضمن بعد الله وانتبه لا تقرب الصيني ابد.

[صخب]

جربت جركن احمر بلاستك يباع عند المقناص بالدمام
حطيت فيه بنزين وحصلته بالمخزن ذايب ويهرب
مع انه مخصص للمحروقات على كلامهم

[sameer_1798]

في جركل امريكي بساكو بلاستيكي مخصص للبنزين في امان بالغطا عن الاطفال ومايهرب هواء ابد وممتاز للتخزين او النقل في السياره عن تجربه .

http://www.mekshat.com/pix/upload03/images141/mk99405_fg15.jpg

جـركـل الـوقـود الامـريـكي ذو القـوه والمتـانـه والتـاريـخ سنـة 1955.. عبـدالرحمـن305

http://www.mekshat.com/vb/showthread.php?258357-%CC%DC%D1%DF%DC%E1-%C7%E1%DC%E6%DE%DC%E6%CF-%C7%E1%C7%E3%DC%D1%ED%DC%DF%ED-%D0%E6-%C7%E1%DE%DC%E6%E5-%E6%C7%E1%E3%CA%DC%C7%E4%DC%E5-%E6%C7%E1%CA%DC%C7%D1%ED%DC%CE-%D3%E4%DC%C9-1955-%DA%C8%DC%CF%C7%E1%D1%CD%E3%DC%E4305

[turkiq]

الله يعطيكم العافية على مداخلاتكم بالنسبة لوضعي مالي الا خيار البنزين بحكم ان المولد معي يشتغل على البنزين وسالفة اني اخلي في المولد بنزين للطوارئ هذي واحدة من المحاذير المكتوبة في كتالوج هوندا .. كاتبين اذا بغيت تتركة لفترة كم شهر احرص على انه يكون فاضي من البنزين.

وبالنسبة للجوالين الحمراء اللي طرحتها اخوي سمير هذي هي فعلا اللي عندي لكن رغم كذا خايف .. لذلك والله انا اخذت بشور الشباب وحولتها في سيارة من سياراتي :)

[قطب 999]

خذ لك جركن حق الجيوب تلقاه في ظهر الربع دور اصلي مخصص للبنزين وحطه تحت الشمس ما يتاثر

[الحربي حاتم]

الله يكفينا ويكفيكم المصائب
التخزين هذي فيها مخاطره