فزعتكم يالرجاجيل تعاالوو

[-الزمن لحظة-]

السلام عليكم ورحمة الله وبركاتة


يالنشاما انا قبل فتره نزلت موضوع عن بعض الاساسيات الي ابي اعرفها عن تربيه الصقر وقلتو لي لابد انك تماشي صقارين وانا لي اسبوع وناشب لي بواحد من الجماعه صقار بس مثل ما انتم عارفين ان هالوقت صعب تلقى واحد تروح وتجي معه وانت مو هذيك الميانه بينك وبينه عشان هالشي ما اقدر اجلس مع الصقار هذا دايم بنفس الوقت هو الوحيد الي يعتبر اقرب شخص لي ...

المراد اني عرفت وش يسوي وش يحوس مع صقره الي ابيه منكم تعطوني وش احسن لا جيت اشتري لي طير اخذ شيهانه او وكري وابي اعتمد على نفسي بالبدايه ابي تعطوني اهم الاشياء الي لازم تكون موجوده بالطير الي بشتريه من شكل ولون وطول وعرض وهل اقدر اني لما اجي اشتريه افل جناح اطير او هالشي ممكن يكسر احد ريشه بنفس الوقت اتمنى اذا احد عنده صور شواهين او وكري يرفقها ... طبعا لو حصل تعطوني المواصفات الي احصلها بطير سياحي يعني حق اول مره وتعلم لين ما اعرف كل شي بنفسي بعدين اطق لي واحد فل كامل ... <<< قلبتها سيارات الله يهديك



اسف على الازعاااج


خويكم صويلح المنسدح

[ابو فيصل 200]

انت ونصيبك الله يوفقك خذ طير احسن من الشيهانه والله يوفقك
ابو فيصل 200

[-الزمن لحظة-]

مشكور ابو فيصل


بس ياطويل العمر انا ماجيت اشاور على طيرين قدامي انا توني مابعد اشتريت والمفروض تشور اذا عندك شور طال عمرك ومشكوور على الرد

تحياتي

[أبو رداد]

وعليكم السلام ورحمة الله وبركاته يصويلح المنسدج

تريد الشور الي اعتقد بانه صحيح
هو انك تشتري وكري او شيهانه جبليه
مصقروجاهز
(وتشترط عليهم يدعوها او يشلوها قدامك وكذلك يفكولها حمامه)
واسعار هالطيور من 1000 الى 2000 في السعوديه على ماعتقد (يعني ماهي غاليه)
وعقب ماتشتريها نبارك لك واي شي يصعب عليك في التدريب حط السؤال على شكل موضوع
والربع مايقصرون معك
وعقب ماتصير راعي طير وبمرور الزمن يصيرعندك ربع من الصقاقير وغير الصقاقير
والسلام

[-الزمن لحظة-]

ماا قصرت والله ابو رداد تسلم والله على الرد


واتمنى اسمع شور باقي الاعضاء ربي يطول بعمرهم كلهم ولا يهونون الزوار

[ابو هــاجــوس]

السلام عليكم اخوي الزمن لحظه
الشور يلي تبا الشور انك تاخذ وكري
ولا يكون وحش

[-الزمن لحظة-]

ما قصرت ابو هاجوس


تحياتي

[صياد من صيده]

وعليكم السلام ورحمة الله وبركاته
اما انا انصحك بالوكري لانه اصبرويتحمل الضروف الجويه اكثر من الشاهين وماهو مثل الشهانه نفسها شينه(قشرى).
وبعدين ان اعجبتك الصقاره حول على الاحرار,وبالتوفيق.

[طارق الحربي]

شيهانه جبليه او وكري

بس خذ شي مصقر صححححح عشان تتعلم شوي شوي

تحياتي

[مغرم مقناص]

انصحك بالوكري بحيث ان طباعه دائما هادئه ويتعلم بسرعه بالاضافه الى ان صدره وسيع <<< حلوه هذ

عموما اعتقد ان الوكري هو المناسب لك ولكن بالاضافه ان تتعلم اصول الصقاره من معاشرتك للصقارين نظريا والذهاب معهم

تحياتي

[صقر ليبيا]

خوى اول شى سلام عليكم شوف خوى اذا انت تبى تقناص كل سنة يعنى حر افضلك ومعرواف افضل طير فى سرعة هو شاهين بس شاهين مشكلتة اول سانى وبعدين خلاض مافية شراسة بس الحر اول سنة صقر الى صقر على طوال يعنى اول بيت ثانى بيت والى الخ وسلام عليكم ورحمة الله

[البحارى]

وعليكم السلام ورحمة الله

"مرحبا اخوى الزمن لحضه"

مع انك مبتدى بالصقور انصحك بالوكرى للانه سهل التدريب وتتعلم عليه بسرعه ام عن الشيهانه انصحك بتجنبها وذلك

الان الشاهين بصفه عامه صعب التصرف معه بحيث يريد الصبر وهو شرس دائما

وارجو اذا كان عندك اصثدقاء صقارين تذهب اليهم وتستاشيرهم فى باقى الامور وان شاء الله تتعلم كل شى عن الصقور

وشكرا

[-الزمن لحظة-]

ماقصرتوا جميعا

بالنسبه لاخوي صقر ليبيا انا ما فكرت بحر لان الحر يبي له واحد سنع بالصقور مو مثلي توني على وجهي ..

بالنسبه لاخوي البحري ماقصرت على الرد بس ياخوي نص ربعي تسدح وكشته وشبه نار وشرب شاهي ولا يبون يتحركون وراعين سواليف بس ام غيره ما يعرفون يعني مسالمين مالهم ولا عليهم

واتمنى من الشباب الي يعرف سوق صقور بالقصيم يدلني عليه ام يكون في مدينه بريده او عنيزه


تحياتي لكم

[ابن فرحان]

سوق القصيم يقع في بريده وموقعه
حط الجوازات على يمينك وأبتل عدال ويجيك على اليسار جنب محلات قطع الغيار في زاوية الحديقه وهو في بيت شعر
والحراج يوم الإثنين بعد العصر

والوعد هالإسبوع هناك إن شاء الله

[-الزمن لحظة-]

مشكوور ابن فرحاان تسلم طال عمرك

تحياتي

[-الزمن لحظة-]

الله يسلمكم حبيت اسئل اذا كان الصقر مدررب واشتريته وش الافضل بالنسبه لاسمه اخليه مثل ماهو او اعطيه اسم ثاني ..

واذا كان الطير وكري وش اهم الاشياء الي يكون صايدها

ووش العمر المناسب والحجم للطير الوكري

وسلامتكم ..

[صقر ليبيا]

سلام عليكم خوى ممكن ايملى

[راعي الشهامه]

اول شي يازمن اصبح عليك بالخير
ثانيا انصحك انك تشتري وكري لان طباعه سهله ويتحمل الجوع وصبور وسعره مناسب اذا تعلمت عليه وتمكنت من الصقاره مضبوط انصحك تشتري حر ولا تقرب الشاهين ابد لان الشاهين <حساس> لازم تداريه بالاكل ولايتحمل الجوع ابد وبسرعه يمرض
اذا تعلمت على الوكري كل شي يبي يصير زين عندك
اااامل اني عطيتك فائده
ولك خالص التحيه

[راعي القرناس]

ياخوي الزمن لحظه عليك بحر خضر قرناس رابع خامس مايتعداها بيكون الطير راكد ولا انه وحش ولا تخذلك وكري وتعلمه او تاخلك كوبج

[الوهـ قحطان ـاج]

اخوي -الزمن لحظة-



تبي العلم الزين الي يجمد على الشارب لاتشتري ابد طير





يقلك اسئل خبير ولا تسئل طبيب هذي من وجهة نظري





لان رياضة القنص بصقور ولعه ولا تقدر تنفك منها





زي الفيرووووووووووووس ماتقدر تقنص الا بصقر





واذا انت مصمل مره تبي طير لاتشتري الحين





لان هذا الوقت يبداء ربط الطيور يعني بعد شهرين ربطة الطيور





ولا تستفيد شي





اكيد انت منت فاضي تقرنس وتتعب نفسك فانصحك لاتشتري



خلها الين شهر سته هجري ورحلك الخوبه وشترلك ياشيهانه يا وكري



والسلام ختام وانشاء الله اني افدتك



واي استفسار راسلني على الخاص

[-الزمن لحظة-]

ماقصرتو ياجمااعه


ياخوي يالوهاج مساله انه اذا تولع قلبي بالصيد ببتلش بالعكس لو هي بلشه ما كان شفت الناس مهتمين ثاني شي طال عمرك مو مشكله لو اشتريته وربطته لان الي فهمته اول ما اشتري طير اجلسه عندي واخليه يتعود علي واعلفه بيدي عشان هالشي يكون بالمربط احسن واذا كلامي غلط اتمنى احد يصحح لي

مشكورين

[ابن فرحان]

إذا كنت ودك تشري طير أواجهك في السوق يوم الأثنين ومالك إلى من يدور لك طير زين إنشاء الله وأبشر بعزك وأنا كنت مثلك مأعرف بالطيور لكن مع الوقت وخوة الصقارين تعلمت

[ابن فرحان]

أخوي الزمن لحظة

جيت السوق يوم الأثنين ومالقيتك وينك ؟

[-الزمن لحظة-]

ابن فرحان يالغالي كان عندي اختبارات وما قدرت وانشالله نهاية الاسبوع بسافر للرياض ذكرو لي واحد راعي صقور ما اعرفه بس عن طريق احد اقرباي

تسلم ماتقصر ابن فرحان

تحياتي

[ابن فرحان]

إن شاء الله إنشوفك الأسبوع الجاي في السوق

(( وشف بريدك الخاص ))