تفتفةالجمس من عانى منها

[الكامن]

السلام عليكم ورحمة الله وبركاته
عندي جمس 97 مبروك وساد اللزوم ولله الحمد والمنة
وفي نفس الوقت ماعندي القدرة حاليا لتغييره
فيه تفتفة لاصار الموتر واقف فقط أما عند الممشى دواء عويس
رحت ورشة وسوا له تصفية بخاخات ومدري وش بعد ولا نفع
غير غطا الديلكو لأن فيه كسر صغير مانفع
غير ديلكو كامل مانفع
غير بواجي برضه مانفع
غير اسلاك مانفع
وش الدبرة ياجماعة الخير أحد يعرف له والا عانى منه ؟؟
المكينة كبيرة 454
قريت واحد يقول لافضى تانكي البنزين قد هو على الزيرو صب فيه قاز علبة صحة كبيرة
ثم عب بنزين بعشرين ريال ودق سلف

انتظر مشورتكم ثم نجرب القاز باذن الله
الطرمبة وضعها جيد فحصها يقول ضغطها كويس

[عبقري91]

صارت معاي اذا معشقه بD
واول ما امشي
يتفتف او يكتم
المهم كنت دايم امشي عليه مصفر
او حول الصفر
صرت بعدها من النص وفوق ومسكت علبه خط ورجعت حول ظ¦ظ×ظ× كم. وبعدها الحمدلله صافي
ظ¤ظ¥ظ¤ جمس ظ©ظ¢

[الكشات وافى]

حل مشكلة التفتفة والطفية في الجمسات والشفرات وتوابعها من الأمريكي بالصور (http://www.mekshat.com/vb/showthread.php?208116-حل-مشكلة-التفتفة-والطفية-في-الجمسات-والشفرات-وتوابعها-من-الأمريكي-بالصور)


تلقاها في مكشات

[salih100]

استلم اسلاك البواجي والسياره شغاله وامعطها طبعا البوجي الي شغال الكهرباء فيه اذا معطته بتتفتف السياره زياده وبيتغير صوتها انت امعط الثمانيه واحد واحد بتحصل واحد اذا معطته ما يتغير صوت السياره

اذا صار معك كذا يعني عندك البلف الي تحت ذا البوجي قافل

ملااحظه *عند معط الاسلاك بتنفضك كهرباء خفيفه ما تضرك

معط = فك:D

[hightech]

نظف الكلبليتر (اللهاة)بتحصلها سودا من احتراق البنزين وبعدين شف فيه فلتر بنزين كبر

البيالة أعتقد تحت الموتر من جهة السواق غيرها وان شاء الله تظبط امورك وتقدر تسويها

انت بنفسك إذا عندك خلفيه

[الكامن]

لاهنتوا على كل حال
بنجرب حل البنزين ونشوف