عقب يا ولد الفقر ذيك السنين.........الحل:خصر.....حله:بدر2003

[عدم الانحياز]

بسم الله الرحمن الرحيم





السلام عليكم ورحمة الله وبركاتة
الــــى الأحــبــة فــــي هــــذه الـخـيـمـة الـطـيـبـة
:s:s:s:s:s:s:s:s:s:s:s:s:s:s:s

.
.
عقب يا ولْد الفقر ذيك .... السنين
مستحي منك تستر ...... بالخرق
.
.
صرت مطلوب الاباء هم والبنين
وذا خصيمك واجه اسباب الحرق
.
.
منول ببلاش والسبه ....... منين
وانت في هالوقت مناشر . سرق
.
.
غبت من نسف المعاول . باليمين
ثم خساره ضعفها مال .. وعرق
.
.
قص راسه شف براد .. به يبين
نقطته وحدة ويامن له .... زرق
.

ودمتم سالمين

[يمكن شاعر]

عليكم السلام
صح لساانك ملاييين يابواحمد لاهنت ي غالي
اليوم ماتهيا لي الدخول الا تو
ارميعه وجاري التفكير ان ماصابت
الـ مبرد مبرد السكاكين (المحد)
الـ برد

[عدم الانحياز]

عليكم السلام
صح لساانك ملاييين يابواحمد لاهنت ي غالي
اليوم ماتهيا لي الدخول الا تو
ارميعه وجاري التفكير ان ماصابت
الـ مبرد مبرد السكاكين (المحد)
الـ برد

كل الهلا اخوي الفاضل المتمكن
صحت حياتك ولا يهون راسك يالراس
حياك في كل وقت - وحنا على ما قيل (مقيمين وعلى ماء)
وادري لو فيه الحيله ما يقعد ينتفونه الرمايه من دقيقته :mad:
الرمعه يالغالي ماصابت وشكراً على حسن ظنك من ناحية (برد) ما اظن اني حبيب لهالدرجه :p
دمت بخير

[ف ف]

صح الله لسانك ملاييييين ياعم

واسعد الله صباحك انت والموجودين


رميعه

عصفر

صفر

[عدم الانحياز]

صح الله لسانك ملاييييين ياعم

واسعد الله صباحك انت والموجودين


رميعه

عصفر

صفر

الله محييك يابوثامر
وصحت حياتك وكلك الى مالا نهاية يالحبيب
واسعد الله صباحك ومساك وحياتك كلها ومن احببت
الرمعه لم تصب يالغالي ويااااااااهلا
دمت بخير

[badr2003]

صح لسانك ياعد الانحياز
محاولة ومن دون زعل :)
http://www12.0zz0.com/2011/08/12/03/610672990.jpg

[عدم الانحياز]

صح لسانك ياعد الانحياز
محاولة ومن دون زعل :)
http://www12.0zz0.com/2011/08/12/03/610672990.jpg


صحت حياتك ولاهنت
الرمعة - هي الاجمل ولم تصب
دمت بخير

[يمكن شاعر]

ممكن ي غالي تقصد
العـ برود

[عدم الانحياز]

ممكن ي غالي تقصد
العـ برود

لايزال يرف ويلوح لجماهيره المتربصة به يالحبيب
دمت بخير

[يمكن شاعر]

طيب ي غالي محاوله
لوانه ماضبطت ع الحروف


الـ سراج
ممكن هذا مقصدك بالخرق (خرج) الذلول
واليوم صرت مطلوب الناس
سراج رمضان كلن يشتريه
وخصيمه واجه اسباب الحرق السراج القديم

[ابوذيبان]

الله الله الله

صح قلبك يالغالي ـ عدم الانحياز ملاييييييييييييييييين

ابدعت وركبت كالعادة ـ تبارك الله

للمتابعة لاعدمتك

المحب

[ابوذيبان]

رمعة . يالحبيب

بصر

ومايتعرض له الان من معاول تفسده من اجهزة وغيرها

والان نظارات بدراهم

شكرا

[badr2003]

صح لسانك ياعد الانحياز
محاولة
مجمد (الدجاج المجمد)
خصيمة الدجاج الحي احرقوة بعد انفلونزا الطيور
حذف حرف الاول جمد

[عدم الانحياز]

طيب ي غالي محاوله
لوانه ماضبطت ع الحروف


الـ سراج
ممكن هذا مقصدك بالخرق (خرج) الذلول
واليوم صرت مطلوب الناس
سراج رمضان كلن يشتريه
وخصيمه واجه اسباب الحرق السراج القديم

مااااااااااااااااااااااااااعندك مشكله
انسف في هالمتصفح اللي تبي - ما جا في خاطرك فخاطري به اسعد يالامير
لايزال عاصي عن العسف :)
دمت بخير

[عدم الانحياز]

الله الله الله

صح قلبك يالغالي ـ عدم الانحياز ملاييييييييييييييييين

ابدعت وركبت كالعادة ـ تبارك الله

للمتابعة لاعدمتك

المحب
هلا . هلا . هلا بدال الوحده مليار بالابداع وأهله
صحت حياتك وكلك انا اشهد اني من يمك أنحاز حتى لو تسميت
شرفت اخيك الصغير - الذي يتمني فعلاً ان ينال اعجابك
دمت بخير

[عدم الانحياز]

رمعة . يالحبيب

بصر

ومايتعرض له الان من معاول تفسده من اجهزة وغيرها

والان نظارات بدراهم

شكرا

رمعه في مصاف الاجمل حتى الان - تحليل منطقي وفهم حلو يالغلا
تفضل علي بالذااااااااااابحه جعلك ما تذبح
دمت بخير

[عدم الانحياز]

صح لسانك ياعد الانحياز
محاولة
مجمد (الدجاج المجمد)
خصيمة الدجاج الحي احرقوة بعد انفلونزا الطيور
حذف حرف الاول جمد

صحت حياتك وكلك يالبدر
لايزال حر يتنفس والابتسامة على محياه
دمت بخير

[badr2003]

محاولة اخرى
مخصر
اللبس الضيق اللي يبين الخصر
خصر=بارد

[عدم الانحياز]

محاولة اخرى
مخصر
اللبس الضيق اللي يبين الخصر
خصر=بارد


عقب يا ولْد الفقر ذيك .... السنين
مستحي منك تستر ...... بالخرق
لأن منول الناس فقر وجوع وقل مأونه فكان الجميع تقريباً لازقت بطونهم بظهورهم مخصرين
والشطر الثاني اقصد فيه المثل اللي يقول (يكبر ..... بالرقع) وذلك ليظهر انه سمين وغني في ذلك الوقت
صرت مطلوب الاباء هم والبنين
وذا خصيمك واجه اسباب الحرق
في وقتنا الحالي صار الخصر مطلوب الكبار والصغار ذكوراً واناثاً وشوفو انواع الرجيم وقص المعده وووو .... الخ
وخصيم الخصر هو الشحم اللي يتجمع عليه ولذلك واذا جيت الطبيب يقول الدهون لا زم تحرق بالجهد ليتخلص منها الجسم
منول ببلاش والسبه ....... منين
وانت في هالوقت مناشر . سرقهنا وضحت انه الخصر منول يحصل بدون اي جهد والسبب انه لايوجد وفرة للناس
ثم وضحت انه في وثتنا الحالي صار مثل المنشار
غبت من نسف المعاول . باليمين
ثم خساره ضعفها مال .. وعرق
غاب من خسارة نسف الاكل وكأن الواحد ينسف بكريك وقلت اليمين لكي ابين انه اكل في مقابل استخدام لفظ معاول للمبالغه
ثم خسارة سعي الانسان بماله وجهده لأستعادة ذلك الخصر الغايب
قص راسه شف براد .. به يبين
نقطته وحدة ويامن له .... زرق
خصر اذا فصيت راسه (صر) اخذته من قوله تعالى (فيها صر اصابت) بغيت اقول عذا قلت
يمكن يكون بعيد فاشرت اليه بمدلوله الحقيقي وهو البرد والظاهر انه بعيد بعد

اذا الحل هو
(خصر)

صح لسانك وسلم فكرك اخوي badr2003 ولاهنت


مع الشكر الجزيل لكل من شارك اوحضر






ودمتم سالمين

[عدم الانحياز]

مع التحية والتقدير لأختي المشرفة الفاضلة قوافي
آمل التكرم بتعديل العنوان الى (عقب ياولد الفقر ذيك السنين)
وعدم ادراجه ضمن السلسه لطول ابياته
فضلا لا امرا مع الشكر والتقدير
دمت بخير

[يمكن شاعر]

لاهنت يابواحمد صح لسانك ي غالي
وكفوووووو للغالي بدر

[ف ف]

اي والله صح الله لسانك يالبدر كفوووو

وصح لسانك ياعدم الانحياز

[عدم الانحياز]

لاهنت يابواحمد صح لسانك ي غالي
وكفوووووو للغالي بدر

ولا تهون يالمتمكن صحت حياتك وكلك وغاليك
دمت بخير

[عدم الانحياز]

اي والله صح الله لسانك يالبدر كفوووو

وصح لسانك ياعدم الانحياز

وصحت حياتك وكلك وغاليك يابو ثامر
دمت بخير

[قوافي ( أم نهار )]

مع التحية والتقدير لأختي المشرفة الفاضلة قوافي
آمل التكرم بتعديل العنوان الى (عقب ياولد الفقر ذيك السنين)
وعدم ادراجه ضمن السلسه لطول ابياته
فضلا لا امرا مع الشكر والتقدير
دمت بخير

حياك الله اخي الفاضل
تم باذن الله تعديل العنوان وعدم إدراجه ضمن سلسلة خفايف..
تحياتي وتقديري واحترامي

[badr2003]

صح بدنك ياعدم الانحياز
ماشاء الله شعلة من النشاط وائراء للخيمة
والشكر موصول لكل الاخوان الكرام في خيمة الالغاز