الدنيا تخلف يالدواهي صروفه........الحل:المعاون.....حله:بدر 2003

[ابو ماجد 2]

بسم الله الرحمن الرحيم

السلام عليكم ورحمة الله وبركاته

.....

الدنيا تخلِف يالــــــــدواهي صروفه ..........

.......... عن ناس تقفــي وحق ناسٍ مقابيل


ياما ملَّت للبعــــض بسطت كــفوفه..........

.......... ثم اخلفــــت من بعد بسـطٍ مغاليل

ان كـــان قــــفَّت لاتـــذلِّك حسـوفه ..........

.......... ون اقـــــبلَّت لاتصير بين المغافيل

نـــــاسٍ على فضلات غيره لهوفه ..........

.......... ناسٍ من الشبعه غشتهم تراهـــيل

ناسٍ تسل بالظلم ساطــي سيوفه ..........

.......... ثم اصبحوا لسيوف غيــره مذاليل

ناسٍ اِلْردي العــــقل سلت حروفه ..........

.......... ثمٍ غـــــدوا في قـــدرة الله مهابيل

احـــــدٍ اذانـــــــــــه للنمايم شنوفه..........

.......... وحــــــــدٍ اذانه عن نمايم مقافــيل

وحدٍ يقول الصـدق لو به كـــلوفه ..........

.......... وحدٍ بـــلا اسبـــــاب يسرد اباطيل

ناس اسرفت بالمــــال تبغا التروفه..........

.......... ثم اصبحوا راجين عطف المقاليل

ناسٍ لحال الغير تضرب دفــــوفه ..........

.......... ثم اصبحـــت فيهم تتالى غـرابيل

احدٍ مــــع الترتـــــيل عينه ذروفه ..........

.......... وحدٍ حيـــــاته بالطرب والمواويل

لاتخلي ثوبك جل ساقك كشـــــوفه..........

.......... ولا تخلي ثوبك من عداد المسابيل

للآدمي ماحــــــلى حياة الكفـــــوفه..........

.......... لافقر لاصفــقه تخــــــاف العراقيل

لغزي عليه اوَّل بعضنا شغــــوفه ..........

.......... ولا شفت انا واتيه غير الرجاجيل

اليانقلب راع الحـــــــجـا مايطـوفه..........

.......... جمعٍ عــن النسوان يعطي مدالــيل

رابع حروفــــــه يافتى لو تلـــــوفه..........

.......... دارٍ بـــــها لكتـــــاب ربــــي تراتيل

.......

دارٍ بـــــها لكتـــــاب ربــــي تراتيل . القصد اسلاميه

مع تحيات ابو ماجد

منتديات مكشات . خيمة الالغاز

[سعيداخو مبارك]

ماشاء الله لاقوة الا بالله زادك الله من فضله
صح لسانك ملاييييين صراحه ابداع وهاللغز اتمنى يطول ماينحل
ليستمتع الجميع بالابيات الدرر
استوقفني هذا البيت كثيرا

ان كـــان قــــفَّت لاتـــذلِّك حسـوفه
..........

.......... ون اقـــــبلَّت لاتصير بين المغافيل

[ابو ماجد 2]

ماشاء الله لاقوة الا بالله زادك الله من فضله
صح لسانك ملاييييين صراحه ابداع وهاللغز اتمنى يطول ماينحل
ليستمتع الجميع بالابيات الدرر
استوقفني هذا البيت كثيرا

ان كـــان قــــفَّت لاتـــذلِّك حسـوفه

..........

.......... ون اقـــــبلَّت لاتصير بين المغافيل



هلا بالداهي المتربص
هلا بالغالي
صح بدنك
والف شكر على مرورك وكلماتك الطيبه
والله اني شفت معرفك قبل ادخل قلت راح لغيزنا
لكن الظاهر اشفقت علي بعد التعصر للابيات واجلت الرمعه
تدري عاد لاول مره ارى لك مرور بدون ماتذبح اللغزاو تلمح لذبحته ماشاء الله عليك
لكن الظاهر بالفعل اشفقت على جهد العود الله يبض وجهك

[يمكن شاعر]

عليكم السلام
والله صح لسااااانك ملاييييين يابوماجد لاهنت
ماشالله عليك ابيات رائعه وجزله ولاهي غريبه عليك
جاري الحفظ والتفكير بالجزل

[ابوذيبان]

الله الله الله الله الله الله الله الله الله
لله الله الله الله الله الله الله الله
لله الله الله الله الله الله الله
لله الله الله الله الله الله
لله الله الله الله الله
الله الله الله
الله الله
الله

صح الله لسانك مليار ـ ولافض فوك ولاعاش شانؤك

يالشيخ ـ ابوماجد .

تبارك الله ـ اجمتع ابداع . مع خبرة سنين طويلة . مع تجلي

فتجلت لنا هذه الابيات المليئة بكل خير . تبارك الله

حكيم . وقدوة . وكبير ياكبير

بيض الله وجهك .

جاري القرأة مرة اخرى

[ف ف]

ماشاء الله تبارك الله


وش هالحلا. والزين وهالدرر والحكم والنصايح وو ربي يسعدك



الرمع والتفكير يتحجر

فكيف لعقل منبهر ومنسحر ان يبحث عن رمعه تليق بما سردت

فلا حول ولا قوة لنا الا ان نبقى مستكنين

[النبهاني]

احدٍ مــــع الترتـــــيل عينه ذروفه ..........

.......... وحدٍ حيـــــاته بالطرب والمواويل

هذا الحلا وهذا القبول كله
صح لسانك مليارات ولا فض فوك ايه الجزل
ماشاء الله زادك الله من فضله كل هالمعلقه مع علمي بانك مشغول في هذه اللايام
ارجو من العلي القدير ان يجعل التوفيق والنجاح حليفك مادمت حيا
مره اخرى صح لسانك واعتلى شانك

[ابو ماجد 2]

عليكم السلام
والله صح لسااااانك ملاييييين يابوماجد لاهنت
ماشالله عليك ابيات رائعه وجزله ولاهي غريبه عليك
جاري الحفظ والتفكير بالجزل
هلا بصقر الكويت
صح بدنك يالغالي
الروعه بمراميعك
شرفتنا يالغالي
وسني مرورك وكلماتك الطيبه طيب الله ايامك

[ابو ماجد 2]

الله الله الله الله الله الله الله الله الله
لله الله الله الله الله الله الله الله
لله الله الله الله الله الله الله
لله الله الله الله الله الله
لله الله الله الله الله
الله الله الله
الله الله
الله

صح الله لسانك مليار ـ ولافض فوك ولاعاش شانؤك

يالشيخ ـ ابوماجد .

تبارك الله ـ اجمتع ابداع . مع خبرة سنين طويلة . مع تجلي

فتجلت لنا هذه الابيات المليئة بكل خير . تبارك الله

حكيم . وقدوة . وكبير ياكبير

بيض الله وجهك .

جاري القرأة مرة اخرى


هلا بمنهل الابداع
صح بدنك وهذا نتاج درس تعلمناه منك ولو انه على قولتهم يوم شاب ودوه الكتاب
لكن لعلنا نصل لحد القبول
واليوم ياطويل العمر عندي عامل يحصد الثيل وفاضي وكل شوي ازيد بيت لذلك يمكن ترتيبها مهزوز لكن تعودنا منكم رحابة الصدر
الف شكر لكلماتك التي هي وقود منها نحاول ونحاول دون كلل

[ابو ماجد 2]

ماشاء الله تبارك الله


وش هالحلا. والزين وهالدرر والحكم والنصايح وو ربي يسعدك



الرمع والتفكير يتحجر

فكيف لعقل منبهر ومنسحر ان يبحث عن رمعه تليق بما سردت

فلا حول ولا قوة لنا الا ان نبقى مستكنين
هلا ومليون هلا
هلا بالراقي
الحلا والزين والدرر بهالطله الله لايحرمنا وجودك
شرفتني بمرورك العطر
وكلماتك تاج على راسي يالغالي

[ابو ماجد 2]

احدٍ مــــع الترتـــــيل عينه ذروفه ..........

.......... وحدٍ حيـــــاته بالطرب والمواويل

هذا الحلا وهذا القبول كله
صح لسانك مليارات ولا فض فوك ايه الجزل
ماشاء الله زادك الله من فضله كل هالمعلقه مع علمي بانك مشغول في هذه اللايام
ارجو من العلي القدير ان يجعل التوفيق والنجاح حليفك مادمت حيا
مره اخرى صح لسانك واعتلى شانك




هلا بدكتورنا غير المتفرغ
الحلا والقبول بشخصكم الكريم
صح بدنك
شرفتنا وانت دائما مشرفنا
المشاغل خفت عن اول اسأل الله لابنائنا وابنائكم التوفيق
تقبل تحيتي وتقديري

[يمكن شاعر]

لاهنت يابوماجد
محاوله باللغز الجزل بفتك منها
الـ نورق يمكن له معنى قديم او لا
الـ قرون جمع عن السنوات
الـ نور دار لتحفيظ القران في الرياض وجده

[badr2003]

ماشاء الله تبارك الله
ابيات جميلة ولا تمل
لله درك

[badr2003]

محاولة
معاون اللي جنب السواق
عكسها نواعم
بدون الرابع معان مدينة اردنية

[ابوذيبان]

ماشاء الله عليك يالبدر

رمعة سمعت دويها من بعيد

وجيت منبهر ايها المبهر

ماشاء الله تبارك الرحمن

تأيييييييييييييييييييييييييييييييد

ننتظر ختم الجودة

[ابو ماجد 2]

اللغز انهاه البدر
لي رده رايح اسقي وارجع لاتسي الظن يامنهل الابداع
ههههههههههههههههههه

https://encrypted-tbn0.gstatic.com/images?q=tbn:ANd9GcT1YkDLXwRjxFqvJ-qfuUM6jKsPVqZkE1jZJ0bu4tuvlpiadBHUog

[ابو ماجد 2]

لاهنت يابوماجد
محاوله باللغز الجزل بفتك منها
الـ نورق يمكن له معنى قديم او لا
الـ قرون جمع عن السنوات
الـ نور دار لتحفيظ القران في الرياض وجده
هلا بصقر الكويت
مالك لوى يالغالي
والدار المراد ديره

[ابو ماجد 2]

ماشاء الله تبارك الله
ابيات جميلة ولا تمل
لله درك
الجمال اطلالتك ومالا يمل تواجدك يالغالي

[ابو ماجد 2]

محاولة
معاون اللي جنب السواق
عكسها نواعم
بدون الرابع معان مدينة اردنية
البدر الداهي المبه
كفوووووووووووووووووو كفوووووووو كفوووووووووووو
كفووووووووووووووووووووووووو كفووووووووووووووو
كفووووووووووووووووووووووووو
نعم
معاون
كان بالسابق اصحاب الحماليات هكذا اسمها قديما يكون له معاون
والمعاون بعد كذا سنه يصبح سواق
معاون كما تفضلت العكس نواعم وصف للنساء
من دون الرابع معان مدينه اردنيه
لله درك وصح لسانك ملايين
وبمناسبه المعاون
يحكي لي واحد يقول كان عمري 15 سنه وماسك معاون
يقول رحنا للعوشزيه ( بحيرة الملح ) حملنا الملح وجينا لسوق عنيزه صباحا بقصد نتسوق لغدانا يقول قال السواق تفقد اغراضنا وخذ اشتر اغراض غدانا يقول وانا آخذ اللحمه والبصل والرز وبقية الاغراض موجودات ضربنا الطريق يوم اضحينا قال السواق انا ابغمض لي شوي وانت اسع بالغدا واول الظهر صحن خل نتغدا ونكمل طريقنا
يقول قطعت البصل وسويت الكشنه وحطيت اللحمه يوم اطبخت جيت ابحط الملح والا والله ناسيه وانا يضيق صدري المهم ماباليد حيله كملت الطبخ
اقعدته على اول الظهر قال خل نصلي وبعده الغدا وانا اصلي معه والحقيقه ماني معه ماغير افكر بهالموقف ويش اقول له
حطيت الغدا ومد ايده الرجال يوم حط اللقمه بفمه قال ورى مافيه ملح
قلت والله العذر منك ياعم كل شي انتبهت له الا الملح وانا احتريه يهوشن
الايوم ضحك الرجال وقال الله لايعمينا وهاللي محملينه وشو

[قوافي ( أم نهار )]

السلام عليكم ورحمة الله وبركاته
ماشاء الله لا قوة إلا بالله
صح لسانك اخي الفاضل ابو ماجد لغز طيب حفظك الله وها أنت قاص مبدع وننتظر تشريفك لخيمة السوالف بسالفه من الزمن الجميل ،، انتظرت الرمعه للعملاق وكفو كفو للفاضل بدر 2003 ..
فائق احترامي وتقديري

[ابو ماجد 2]

السلام عليكم ورحمة الله وبركاته
ماشاء الله لا قوة إلا بالله
صح لسانك اخي الفاضل ابو ماجد لغز طيب حفظك الله وها أنت قاص مبدع وننتظر تشريفك لخيمة السوالف بسالفه من الزمن الجميل ،، انتظرت الرمعه للعملاق وكفو كفو للفاضل بدر 2003 ..
فائق احترامي وتقديري
وعليكم السلام ورحمة الله وبركاته
صح بدنك والطيب بهالوجه
اي مبدع الف شكر لمجاملتي والقصص عندك وعند سحاب نجد وعند راع العجراء وعند الظاهري
اما انا مامن سواليف والالغاز عساي الحق عليهن

[يمكن شاعر]

لاهنت يابوماجد صح لسانك ملاييين يالغالي على اللغز الجزل
وصح لسان وفكر الغالي بدر وكفوووووووووووو مليوووووون


ابوماجد كلمه معاون دارجه عندنا تطلق على مساعد رئيس اركان الجيش الكويتي

[badr2003]

كفوك الطيب يالامير
كل الشكر لما تقدمة من الغاز ومشاركات قيمة لهذا القسم الغالي
واما سالفة راعي الملح == الله لايعمينا هههههه
والشكر لكل الاخوان المويدين والمشاركين
دمتم بود