ثلاجات الرحلات

[القرهود]

السلام عليكم ورحمة الله وبركاته
يا اخوان عندي ثلاجة رحلات صينيه معد تبرد وصلحتها وصار فيها الظاهر سدد والان رجعت مثل قبل ماتبرد
اسم الثلاجة سفاري فيه احد في الرياض متخصص في صيانة ثلاجات الرحلات وشكرا
تحياتي
فضلا وضع رقم المتخصص ومكانه ان حصل

[ابوراكان تبوك]

ما حبيت اطلع من موضوعك بدون رد

لكن فيه واحد على ما اظن اسمه ابو راكان بالقصيم يمدحوه الشباب لو يفيدوك الشباب برقمه وترسل له الثلاجة افضل اعط الخبز خبازه

بخصوص الرياض يفيدوك الشباب ان شاء الله ولك الراي

[شقردي]

وعليكم السلام ورحمة الله وبركاته

طالما ثلاجة بنظام كمبرسر وغاز
فهذي أي محل تبريد يعرف يصلحها

لكن المشكلة لو احتجت قطع غيار

وكانها قديمة لا تتعب عمرك وتضيع وقتك وجهدك اجدعها

والحق على محل الرماية في طريق خريص مريتهم في رمضان ابي غرض ولقيت عندهم تصفية ممتازة على الثلاجات
ولا أدري هل بقي شيء ولا خلص

[القرهود]

بارك الله فيكم

الثلاجه مهب قديمه مالها سنه معي وديتها للقصيم عند ابو راكان قال ما عرفت لها فيه سدد في المواصير الظاهر قال ودها لاحد غيري يمكن يزينها
الثلاجه شغاله والكمبرسر شغال لكن ما تبرد ابد

[القرهود]

للرفع
للرفع