سحاب نجد راعي شقراء
05/07/2016, 10:58 AM
السلام عليكم ورحمه الله وبركاته
يالله تحييهم وليا حيا كثروليا كثر تنثر وليا تنثر تزبر بعد وش اسوي بكم بعد
منول يقولن العجيزات يسقم العيد بلاحنا
وهذا مثل يقولنه منول ويسقم يعني شي مهوب لازم
ومثل ذا الوقت يصيرن العجيزات مولمات شرط العيدمن القريض وحلاو البرميت وحلاو العسل وحلاو الساعات وحلاو مدري وش اسمه يخلطونه مع القريض وبسكوت ابو ميزان وعلك الطابع ذاك الي يجي فيه ورقه عليها رسمه ونلحسها ثمن نطبعها على يدينا وتطلع صوره على اليد
وزق العطار ههههههههههه يقصدون به السبال يسمونه منول زق العطار ولا نعرفه الا بهذا الاسم وسئلو العجيزات والعويد عنه ويبي يعرفونه بسم زق العطار http://www.mshaqra.com/vb/images/icons/28.gif
خل اعلمكم بعد ترانا منول نسمي الحبحر البارد نسميه الخكري http://www.mshaqra.com/vb/images/icons/28.gifعلشانه بارد
ونقول لراعي الخظره كم ذا الخكري عليه http://www.mshaqra.com/vb/images/smilies/dd.gif ويعلمنا بسعره ويقول صندوق الخكري الكبير بكذا وصندوق الخكري الصغير بكذا شي عادي اسمه عندنا http://www.mshaqra.com/vb/images/smilies/dd.gif
ومنول اغلب البيوت عندهم شرط العيد يفرحون البزور ويحببونهم في شهر رمضان ويصيرون يحترونه كل سنه متا يجي بس
والي مازالو متمسكين بهذي العاده الطيبه هم اهل القراين في الوقف وغسله جعل ربي يسعدهم ويمتعهم متاع الصالحين
تشوف شوارعهم تمتلي بالبزور وكلن معه كيسه مليانه بالحلاو وهم مبسوطين وفرحانين
وصار لهل القراين شهره كبيره بسبب تمسكهم بذا العاده الطيبه
وفي شقراء بعد بعض الاحياء يصير عندهم تشرط او عيديه الله يجزاهم بالخير ويسعد قلوبهم بس ايام بيوت الطين كانو في شقراء اكثر من هلحين
ولاجا يوم التشرط منول في شقراءايام بيوت الطين تشوف البزارين مجموعات من عيال وبنات يمشون في السكيك ويتشرطون ويطقون البيبان ويقولون عطونا عيديتنا عطونا عيديتنا جعل ربي يعيده عليكم ومبسوطين
ثمن يطلع عليهم جذاعين كل واحد منهم كنه حصان بليس http://www.mshaqra.com/vb/images/icons/28.gif
ثمن الا شافو البزور ومعهم الكيس مليانات حلاو قالو قمرق قمرق ويلحقون البزارين وياخذون الي معهم ويدحوسونهم في التراب وتعال شف ذا الصغيرين كلن يصيح طول بطنه يعني بقوا صوت الله لا يلومهم وذا الي جايهم شوي يكفي روعتهم
جعله فيذا الجذاعين شهب العصاقيل http://www.mshaqra.com/vb/images/smilies/aq.gif ليت والله من يمسكهم ويمصع اذانهم http://www.mshaqra.com/vb/images/smilies/aq.gif
تراهم هلحين ابوان يعني صارو شياب بس مايذكرون سواياهم الشنيعه منول http://www.mshaqra.com/vb/images/icons/happy.gif
اعرف منهم ناس واجد الي يقمرقون منول بس منيب معلم عليهم ونا الحمد لله ماعمري سويت قمرق ولا لحقت البزارين ولا اخذت منهم شي ابد ابد
الا مره اذكرها وصارت حاسمه الشر معاد سويتها الاوله والاخيره
اذكر قالي واحد منذا الشياطين وش رايك ياسحاب نقمرق البزارين الي يتشرطون وقلت وشو يعني نقمرق قالي الا شفناهم ومعهم كيس مليانات حلاونقول قمرق ثمن نلحقهم وناخذها منهم ويبدا ابليس يوسوس لي قل طيب قل طيب ثمن قلت بصرك ورحنا نمشي منعند مسجد شيحان ونحن متجهين غرب وبعد المسجد بيت ثمن تجي سكه على اليمين الي تروح يم المجباب ولفينا مع السكه ونشوف ذوليك البزارين ومعهم بنتين جذيعات ومعهم كيس مليانات حلاو ثمن قلنا بصوت مرتفع قمرق قمرق ونلحقهم وينحاشون والي يصيح والي يطيح ونحاسو ضعيفين ونا لحقت البنت الكبيره هي الي معها حلاو وااااجد وكيس مليانات وهي الي تنحاش ياسبقها ذيك البنت ونا اركض معها على عماها مابين عيوني الا الحلاو ابا اخذه
وتدخل في بيتهم كان الباب خشب ومفتوح ودخل معها على سرعتي ومادريت الا يوم طمرت ذيك الحرمه وهي الي تصك الباب وتاقف عنده وقالت للباقيات امسكوه وهن ماصدقن على الله يصير فيه مطارد ويقومن ثنتين يلحقني بين السواري وفيه وحد منهن دوووبيه وجالسه ماتقوا تقوم ويوم مريت من عندها وهي الي تمسكني مع عصقولي وتحطني تحت رجلها وتقعد تقبص فيني وتلشط مقعدتي وتقبص وتلشط وقبصتها مثل الزراديه توجع ونا افرفش تحت رجلها وش اسوي مقوا اتحرك
وتحصل الكارثه ونا في امس الحاجه لهذي الكارثه ومادريت الا بنتهم الي انا لاحقها تجي وتسحبني منهم وهي تشاهق وتصيح تقول خلوه خلوه لا تطقونه وتمسكني مع يدي
وقوم مع بنتهم وتروحبي للحوش حقهم وتعطيني حلاو ونا اكل وشاهق وتعطيني زود وحط في مخباتي ونا اشاهق بعد ثمن جابت مصاقيل وقعدنا نلعب الصقله انا وبنتهم وصرت كل يوم ونا في حوشهم نلعب الين كبرت بنتهم وصارو يعيونا نلعب مع بعض وقالو لها خلاص صرتي كبيره وقولي له الا شفتيه لاعاد يجي يسحب رجليه عند بابنا ولا طلع عليه ابوك وسطره بكف وبس بعد هذا التهديد حصلت مواقف بس منيب معلمكم لو تطيرون وزرره وزرره تبخق عين العدو اعلمكم وش الي صار علشان تقعدون تضحكون علي منيب معلمكم ابد ابد
وكملت ودملت وركبت حميرها وشنقلت
الله يوسع صدورنا ويشتت همومنا ويختم لنا بالجنه ووالدينا وذرياتنا وجميع حبايبنا
وترا الدنيا خيبه للي هيله هذا كلام العويد والعجيزات منول ونا اقوله هلحين بعد خيبه للي هيله
وكان ودكم تدعون لي تراي تعيبان
وسبحان الله والحمد لله ولااله الا الله والله اكبر
عدد خلقه وزنه عرشه ورضا نفسه ومداد كلماته
يالله تحييهم وليا حيا كثروليا كثر تنثر وليا تنثر تزبر بعد وش اسوي بكم بعد
منول يقولن العجيزات يسقم العيد بلاحنا
وهذا مثل يقولنه منول ويسقم يعني شي مهوب لازم
ومثل ذا الوقت يصيرن العجيزات مولمات شرط العيدمن القريض وحلاو البرميت وحلاو العسل وحلاو الساعات وحلاو مدري وش اسمه يخلطونه مع القريض وبسكوت ابو ميزان وعلك الطابع ذاك الي يجي فيه ورقه عليها رسمه ونلحسها ثمن نطبعها على يدينا وتطلع صوره على اليد
وزق العطار ههههههههههه يقصدون به السبال يسمونه منول زق العطار ولا نعرفه الا بهذا الاسم وسئلو العجيزات والعويد عنه ويبي يعرفونه بسم زق العطار http://www.mshaqra.com/vb/images/icons/28.gif
خل اعلمكم بعد ترانا منول نسمي الحبحر البارد نسميه الخكري http://www.mshaqra.com/vb/images/icons/28.gifعلشانه بارد
ونقول لراعي الخظره كم ذا الخكري عليه http://www.mshaqra.com/vb/images/smilies/dd.gif ويعلمنا بسعره ويقول صندوق الخكري الكبير بكذا وصندوق الخكري الصغير بكذا شي عادي اسمه عندنا http://www.mshaqra.com/vb/images/smilies/dd.gif
ومنول اغلب البيوت عندهم شرط العيد يفرحون البزور ويحببونهم في شهر رمضان ويصيرون يحترونه كل سنه متا يجي بس
والي مازالو متمسكين بهذي العاده الطيبه هم اهل القراين في الوقف وغسله جعل ربي يسعدهم ويمتعهم متاع الصالحين
تشوف شوارعهم تمتلي بالبزور وكلن معه كيسه مليانه بالحلاو وهم مبسوطين وفرحانين
وصار لهل القراين شهره كبيره بسبب تمسكهم بذا العاده الطيبه
وفي شقراء بعد بعض الاحياء يصير عندهم تشرط او عيديه الله يجزاهم بالخير ويسعد قلوبهم بس ايام بيوت الطين كانو في شقراء اكثر من هلحين
ولاجا يوم التشرط منول في شقراءايام بيوت الطين تشوف البزارين مجموعات من عيال وبنات يمشون في السكيك ويتشرطون ويطقون البيبان ويقولون عطونا عيديتنا عطونا عيديتنا جعل ربي يعيده عليكم ومبسوطين
ثمن يطلع عليهم جذاعين كل واحد منهم كنه حصان بليس http://www.mshaqra.com/vb/images/icons/28.gif
ثمن الا شافو البزور ومعهم الكيس مليانات حلاو قالو قمرق قمرق ويلحقون البزارين وياخذون الي معهم ويدحوسونهم في التراب وتعال شف ذا الصغيرين كلن يصيح طول بطنه يعني بقوا صوت الله لا يلومهم وذا الي جايهم شوي يكفي روعتهم
جعله فيذا الجذاعين شهب العصاقيل http://www.mshaqra.com/vb/images/smilies/aq.gif ليت والله من يمسكهم ويمصع اذانهم http://www.mshaqra.com/vb/images/smilies/aq.gif
تراهم هلحين ابوان يعني صارو شياب بس مايذكرون سواياهم الشنيعه منول http://www.mshaqra.com/vb/images/icons/happy.gif
اعرف منهم ناس واجد الي يقمرقون منول بس منيب معلم عليهم ونا الحمد لله ماعمري سويت قمرق ولا لحقت البزارين ولا اخذت منهم شي ابد ابد
الا مره اذكرها وصارت حاسمه الشر معاد سويتها الاوله والاخيره
اذكر قالي واحد منذا الشياطين وش رايك ياسحاب نقمرق البزارين الي يتشرطون وقلت وشو يعني نقمرق قالي الا شفناهم ومعهم كيس مليانات حلاونقول قمرق ثمن نلحقهم وناخذها منهم ويبدا ابليس يوسوس لي قل طيب قل طيب ثمن قلت بصرك ورحنا نمشي منعند مسجد شيحان ونحن متجهين غرب وبعد المسجد بيت ثمن تجي سكه على اليمين الي تروح يم المجباب ولفينا مع السكه ونشوف ذوليك البزارين ومعهم بنتين جذيعات ومعهم كيس مليانات حلاو ثمن قلنا بصوت مرتفع قمرق قمرق ونلحقهم وينحاشون والي يصيح والي يطيح ونحاسو ضعيفين ونا لحقت البنت الكبيره هي الي معها حلاو وااااجد وكيس مليانات وهي الي تنحاش ياسبقها ذيك البنت ونا اركض معها على عماها مابين عيوني الا الحلاو ابا اخذه
وتدخل في بيتهم كان الباب خشب ومفتوح ودخل معها على سرعتي ومادريت الا يوم طمرت ذيك الحرمه وهي الي تصك الباب وتاقف عنده وقالت للباقيات امسكوه وهن ماصدقن على الله يصير فيه مطارد ويقومن ثنتين يلحقني بين السواري وفيه وحد منهن دوووبيه وجالسه ماتقوا تقوم ويوم مريت من عندها وهي الي تمسكني مع عصقولي وتحطني تحت رجلها وتقعد تقبص فيني وتلشط مقعدتي وتقبص وتلشط وقبصتها مثل الزراديه توجع ونا افرفش تحت رجلها وش اسوي مقوا اتحرك
وتحصل الكارثه ونا في امس الحاجه لهذي الكارثه ومادريت الا بنتهم الي انا لاحقها تجي وتسحبني منهم وهي تشاهق وتصيح تقول خلوه خلوه لا تطقونه وتمسكني مع يدي
وقوم مع بنتهم وتروحبي للحوش حقهم وتعطيني حلاو ونا اكل وشاهق وتعطيني زود وحط في مخباتي ونا اشاهق بعد ثمن جابت مصاقيل وقعدنا نلعب الصقله انا وبنتهم وصرت كل يوم ونا في حوشهم نلعب الين كبرت بنتهم وصارو يعيونا نلعب مع بعض وقالو لها خلاص صرتي كبيره وقولي له الا شفتيه لاعاد يجي يسحب رجليه عند بابنا ولا طلع عليه ابوك وسطره بكف وبس بعد هذا التهديد حصلت مواقف بس منيب معلمكم لو تطيرون وزرره وزرره تبخق عين العدو اعلمكم وش الي صار علشان تقعدون تضحكون علي منيب معلمكم ابد ابد
وكملت ودملت وركبت حميرها وشنقلت
الله يوسع صدورنا ويشتت همومنا ويختم لنا بالجنه ووالدينا وذرياتنا وجميع حبايبنا
وترا الدنيا خيبه للي هيله هذا كلام العويد والعجيزات منول ونا اقوله هلحين بعد خيبه للي هيله
وكان ودكم تدعون لي تراي تعيبان
وسبحان الله والحمد لله ولااله الا الله والله اكبر
عدد خلقه وزنه عرشه ورضا نفسه ومداد كلماته