المساعد الشخصي الرقمي

مشاهدة النسخة كاملة : معايده .. مع لغز.......الحل:كلام العاقل اجدع نصه....حله:بدر2003


ابو ماجد 2
06/07/2016, 11:37 AM
بسم الله الرحمن الرحيم

السلام عليكم ورحمة الله وبركاته

معايده ولغز اتمنى ان يحوز رضاكم

.....

ياخــيمة الغــــــطوات ودي اعـــــايد ..........

.......... وكــــلٍ مـناتي بالمعـــــايد اخـــــصه

والعـــــــيد لي به يالــــدواهي عـوايد..........

.......... لعــــــزٍ أمــــام الكـــل للحـــل ارصه

لغزي عـــن اللي بالغلا نوب زايــــد ..........

.......... ونــوبٍ كســـــادٍ بان للكل رخـــصه

فــيه المثل بيــن المخـــاليق ســايد ..........

.......... لغــــزٍ ومن مرمـــاع راســـه تقصه

ينسب على اللي كـــــــلنا فيه شايد ..........

.......... بس ناسِبـــــــه يقول طــوِّح بنـصه

عـطني المثل يـــــــارامع اللغز رايد ..........

.......... ودون المـــثل طالك من الحل حصه


.......

طوح بنصه . اي نصفه هكذا احيانا ننطقها

مع تحيات ابو ماجد

منتديات مكشات . خيمة الالغاز
أبوعبدالرحمن99
06/07/2016, 12:01 PM
يا مرحبا باللي بنى له مشايد ،،شيد مباني بين لبنة وجصة ،،سوى لها من رايق الفكر جايد،،و شذب طرايفها بمرهف مقصه ،،من قبل سوق اللغز جانا يعايد ،،أنا اشهد انه بالوفا حاز حصة ،،حصة وفا و احساس صادق و فايد ،،من قلب رجلن للمعالي منصة ،،تحيتي للجزل راع الفرايد ،،تحيةٍ تهدى من الدر فصه ،،
badr2003
06/07/2016, 12:17 PM
وعليكم السلام
وكل عام والجميع بخير
فية مثل يقول هرج العاقل يطيح نصة
مدري يخص اللغز والا السهر مدوخنا
الدمرجي
06/07/2016, 02:38 PM
كل عام وانتم بصحة وسلامه استاذنا ابوماجد


وصح لسانك ملاااين ياغالي


محاوله

اعطي الخباز خبزه لو أكل نصّه
ابو ماجد 2
06/07/2016, 06:02 PM
يا مرحبا باللي بنى له مشايد ،،شيد مباني بين لبنة وجصة ،،سوى لها من رايق الفكر جايد،،و شذب طرايفها بمرهف مقصه ،،من قبل سوق اللغز جانا يعايد ،،أنا اشهد انه بالوفا حاز حصة ،،حصة وفا و احساس صادق و فايد ،،من قلب رجلن للمعالي منصة ،،تحيتي للجزل راع الفرايد ،،تحيةٍ تهدى من الدر فصه ،،


هلا بك يابو عبد الرحمن
وكل عام وانت بخير
كحلت لغزي بمرورك الماتع وجزيلك العذب
لله درك على ماسطرت يالغالي
ابو ماجد 2
06/07/2016, 06:04 PM
وعليكم السلام
وكل عام والجميع بخير
فية مثل يقول هرج العاقل يطيح نصة
مدري يخص اللغز والا السهر مدوخنا
ماشاء الله تبارك الله
مبهر . مبهر . مبهر
لله درك وصح لسانك ملايين
نعم
كلام العاقل اجدع نصه
ابو ماجد 2
06/07/2016, 06:08 PM
كل عام وانتم بصحة وسلامه استاذنا ابوماجد


وصح لسانك ملاااين ياغالي


محاوله

اعطي الخباز خبزه لو أكل نصّه



هلا بك مبدعنا
وصح بدنك يالغالي
رمعه طيبه لولا جزئيه بسيطه
واعني ينسب على اللي كلنا فيه شايد العقل
اما الخباز فاحيانا يخليه عجين واحيانا مايخليه يستوي لكن العاقل الكل يشيد فيه
والحل عند المبهر
نجم القوافي
06/07/2016, 07:12 PM
وعليكم السلام ورحمة الله وبركاتههلا بالغالي والعزيز
ومهما طالت بي المسافات وتواريت عن الأنظار
لك مكان في القلب لن يبرح حتى اتوارى الثرى
اعتذر لشخصكم الكريم ولجميع اعضاء المنتدى إدارين
ومشرفين والمحبين مشكات عن الانقطاع لظروف خاصة
أتمنى أن لا تطول وفي القريب العاجل ان شاء الله تعالى
تزول ونعود لكم كسابق
كما انتهز هذي المناسبة راجي من المولى العزيز جل في علاه
ان يعيدها على الجميع أزمنة عديدة وأنتم في صحة وعافية
بالأمس القريب ابتداء الشهر الفضيل واليوم عيد الفطر
وعليه نحمد الباري ونكثر له من الثانا والحمد والشكر
تقبل الله منا ومنكم صالح الأعمال
وكل عام وانتم بخير​
يمكن شاعر
06/07/2016, 08:15 PM
عليكم السلام
ي هلا يابوماجد
صح لساانك ملايين يالغالي وعساك من عواده
وكفوووو للغالي بدر ماشالله عليه وسلم الله فكره