كشته صغينونه على قد خيمة اولادي الصغار( صور)

[دايم البر]

السلام عليكم جميعآ
يوم الأربعاء الخامس من محرم كشت انا والبزوره
الى روضة خريم معنا الخيمه الخفافيه
وهذه اول مره احاول عرض الصور في المنتداء وعساه
تنجح وان مانجحت اعذروني مع العلم انها صور بالجوال
يعني مش حالك العوض ولاالقطيعه
وانتم تستاهلون كل خير


http://www.mekshat.com/pix/upload/images26/mk41919_2.jpg

http://www.mekshat.com/pix/upload/images26/mk41919_3.jpg



-----------

http://www.mekshat.com/pix/upload/images26/mk41919_5.jpg

-----------
http://www.mekshat.com/pix/upload/images26/mk41919_6.jpg
-----------
http://www.mekshat.com/pix/upload/images26/mk41919_7.jpg
-------------
http://www.mekshat.com/pix/upload/images26/mk41919_9.jpg

[ابو_حمد]

ماشاء الله رحلة ولااروعة منها مع لاولد تسلم على الصور الحلوة ويسلم مصورها تحياتي لك

[دايم البر]

الله يعطيك العافيه ابو_حمد ويجبر بخاطرك

مشكور

[هلال المطيري]

ماشاء الله الصور طيبه والكشته مازين منها كشته ملمومه أنت والعيلك مشكور أخوي دايم البر ولا تحرمنا من جديدك

[نجم السهاء]

مشاء الله طلعه لا يعادلها ثمن وخـــــــــــاصه مع ابنائك الله يحفظهم لك وانا اقف واشكر وادعوا لمن يخرج بابنائه لكي يعتادون على الظروف المحيطه ويتعلمون الرجوله من الصغر((الدنيا ما تدوم لحد ))
شكراً على الموضوع وننتظر جديدك .

[عاشق البران99]

ماشاء الله تبارك الله ،،،

مشكور اخوي دايم البر على الصور ،،،

لكن عندي سؤال الله لايهينك ،،،

هل العربية هذي ( الصورة الثالثة ) عملية لنقل الاغراض في البر ؟؟؟

[ابوهتون]

ما شاء الله...وحلوه براءة الاطفال..ممكن سؤال وش نوع الخيمه..ومن وين اقدر اشتريها,,وسلأمتكم.

[المهاجر55]

مشكور على الصور الجميله
وعساكم استانستم وهذا المهم
تحياتي للجميع...........

[دايم البر]

حياك الله اخوي عاشق البران99
بالنسبه للعربيه تنفع جدأ بشرط تكون الأرض صلبه
لأن الكفرات صغيره
استعملها انا في روضة خريم وكذلك التنهات لأني
ابعد شوي داخل الروضه
ولاتنسى العيال يتسلون فيها شوى
اهم شي مسامير العربيه تتربط مزبوط

وبيني وبينك تراني كسول في شيل الأغراض:D

[دايم البر]

ابوهتون حياك ربي
بالنسبه للخيمه من عند السنيدي في البطحاء
وهي نوعين :
مبطنه بـ 650 مثل الي في الصوره
وغير مبطنه بـ 550
هي ممتازه ومقاسه 3x2.70 م

عيبها تدخيل العمدان وتطليعها تطول شوي
لكن اشوفها افضل خيمه من حيث الحمل والتنقل
والثمن خفيفه جدأ

[دايم البر]

الى جميع من شارك في الموضوع
الله يجزاكم خير والف شكر على التفاعل


..

[عاشق البران99]

مشكور اخوي دايم البر ،،،

تصدق افكر في العربية ام كفر واحد كبير ( الي يستعملونها العمال ) :D أحس انها راح تكون أخف :rolleyes: ،،،


من ناحية الكسل في شيل الاغراض مستحيل تصير مثلي :D خصوصاً في نهاية الرحلة والعودة ،،،

[دايم البر]

العربية ام كفر واحد:eek: :D
لكن فكره بس لو تتطبق على بعض تلقاني من زمان شاريها:D

[aboabdulah]

دائما رائد وابو للمواضيع القيمه
الله يجزاك خير والخيمه رايقه :good: :good: :good:
:j

[مشعل_1001]

جزاك الله خير يوم طلعت البزران يشمون هواء وصورك حلو ولله يخلي لك بزرانك يطلعونك للبر اذا صرت عود قل امين

[سفير الغربة]

عز الله ما قصرت يوم طلعت البزران خلهم يتفضون شوي ويستانسون .

وجزاك الله خير

[مسافر1]

أخي دايم البر ..
بدايات جميلة .
وصور رائعة وننتظر الكمرة .
نسأل الله لنا ولك صلاح الذرية .

[قلب الداهيه]

ما شاء الله صور رائعة
والأجمل شوفت هالأولاد وهم يلعبون بالربيع الله يخليهم لك
مشكور أخي على الصور الجميلة 00

[رسلان]

أخي : دايم البر ...

عافاكم الله على الموضوع والصور المتنوعة ...

جهد تشكرون عليه ...

بورك فيكم ...


__________________

http://www.mekshat.com/pix/upload/images15/mk10587_rslan-singh27.gif
من مواضيعي :
جولة في السر والمستوي..صقيع..ربيع..زحام28-29/12/1427هـ (http://www.mekshat.com/vb/showthread.php?t=71388)
رحلتي إلـى فـَـدَك (الحائط) (http://www.mekshat.com/vb/showthread.php?t=69972)
رحلتي إلى الجنوب(1-2-3-4)1427هـ (http://www.mekshat.com/vb/showthread.php?t=60048)
رحلة سريعة للرايس وينبع (http://mekshat.com/vb/showthread.php?t=50397)
رحلتي إلى حرة خيبر(حزم خضراء،خفس الشويمس(شعيفان),آثارالمنجوروراطا) (http://mekshat.com/vb/showthread.php?t=48639)
في الرس:مسجد من رمل،بلاحيطان،بلاسقف،بلا أعمدة! (http://www.mekshat.com/vb/showthread.php?t=41428)
رحلتي إلى ساحل الشمال الغربي وماحوله (http://www.mekshat.com/vb/showthread.php?t=37184)
رحلتي إلى صلالة1426هـ (http://www.mekshat.com/vb/showthread.php?t=35305)

[مشاري1427]

الله يجزاك خير **** مشكور جدا ****الله يجزاك خير مشكور على الصوره حلوخ مره براءة الصغار

[الوافي88]

الله يجزاك خير

[دايم البر]

السلام عليكم ورحمة الله وبركاته
اشكركم اخواني المشرفين و الأعضاء كلهم من دون تخصيص على
التفاعل وانشاءالله الموضوع اعجبكم

الظاهر اني صدقت ان الصور زينه !!:D
يمكن ارفع صور الجوال كله على الموقع!

اهم شي الواحد ماينسى عياله لهم حق يمشيهم ويطلعهم البر ولا
ينسى السلامه:good: والنضافه:good:

[عجمي]

يعطيك العافيه على الجهد المبذول

وشاكرلك التقرير المصور

والله يبارك فيك وبعيالك ويصلحهم ويجعلهم بارين بوالديهم ان شالله

اخوك عجمي

[دايم البر]

جزاك الله خير اخوي عجمي والله يصلح لنا ولك وللجميع

مادام انكم عطيتوني وجه الله يعينكم علي
يتبع

فكرة البزبوز اجبتني جداً

http://www.mekshat.com/pix/upload/images26/mk41919_20070119196.jpg

وبعدين زبطت الغدا للعيال
http://www.mekshat.com/pix/upload/images26/mk41919_20070124207.jpg

كذلك




http://www.mekshat.com/pix/upload/images26/mk41919_20070124219.jpg

بسم الله الغداء


http://www.mekshat.com/pix/upload/images26/mk41919_20070119195.jpg



وبعد الغداء اهم شي لي انا طبعاً
http://www.mekshat.com/pix/upload/images26/mk41919_20070124214.jpg

خلصنا وضفينا الخويمه

http://www.mekshat.com/pix/upload/images26/mk41919_20070124218.jpg


وسامحوني تراني اتعلم

[عصيقيل]

مشاء الله يابورائد رحلة ونيسه الله يوسع صدرنا وصدرك بالعافيه وياحبي للي ياخذ عياله ويعودهم على علوم المرجله
بارك الله فيك يابورائد بس عندي ملاحظه ها العربيه حقت العفوش جايبها للبر( شكلك معصقل مثلي ماتقدر تشيل عفوشك ) أها لو أنك في منطقه رمليه بتجلس تدفدف عربيتك في النفود أو عندك حل ثاني

[دايم البر]

حبيبي عصيقيل
ليتك تدور لي عربيه به دبل وماتغرز في الطعوس ياليت:D

بالنسبه للعربيه اللي انت تشوف مخصصه لخريم والتنهات فقط
لأن الروضه محميه من دخول السيارات.
اما فكرة العربيه اخذته من احد الأعضاء في مكشات والله نسيت
اسمه.

تحياتي

[كويشيت]

ماشاءالله تبارك الرحمن

[راعي الفورت]

ما شاء الله عليكم


واحسن شيء هالعربية (( يا كثر ما تغرز )) الله يعينكم عليه ....ههههههههههههه

[bobnan]

بارك الله فيك
هالخيمه اول نأخذه معنا وننقل هم لبناه وفكه

[دغيم]

السلام عليكم
الحمد لله على السلامه - رحلة موفقة
الله يصلح لك النية والذرية -- ويبارك لك فيهم
صور جميلة - رحلة ممتعة -- غداء بالهناء والعافية
تقبل تحياتي دغيم

[راشد الحربي]

ماشاءالله رحلة رائعة .. تغبطون عليها ..

[بوالفوز]

يحليلهوم الله يخليهوم ل اهلهوم
http://www3.0zz0.com/2007/01/27/22/78289107.jpg

[دايم البر]

اخواني الف شكر لكل من مر على الموضوع
وجزيل الشكر لكل من علق على الموضوع

تقبلو تحياتي

الله الله بالعربيه تراه هي زبدة الموضوع