ياهل الحجا فزعه عطونا غطاوي.......الحل:صنوان....حله:يمكن شاعر

[ابو ماجد 2]

بسم الله الرحمن الرحيم

السلام عليكم ورحمة الله وبركاته

اليكم لغيز اتمنى ان ينال رضاكم مسند لحبيبنا صقر الكويت

ياهل الحجا تكفون سوقوا غطاوي= مابي ذبولْ ساحٍ نحبه نحبه
ساحٍ وله فينا جزيل العطاوي=يكفيه لمتْنا غدت فيه سبه
ون صار من غطوات معدم وذاوي=ماعاد له يابادع الغطو خبه
سر ياقلم خلك لذا الساح راوي=ابدع لغيزٍ صفوةْ الحبر ذبه
انحر به اللي صيدةٍ له رهاوي=يضرب بكفٍ راس صيده يجبه
صقر الكويت اللي يحلق علاوي=شرهٍ دسيم الغطو طبعه يلبه
ياصقر لفظٍ فيه انا جيت ناوي= خمس حروفه مابه احروف قبه
لفظٍ كتاب الله للاسم حاوي=في قسمةْ اسمه تطري لعبه ولعبه
قسم طرا لك به كبير الهقاوي =ونوب حسب ماقيل عفشك يكبه
وقسمٍ قديمٍ هاك عنه الحراوي=وقفةْ وريعٍ ياصقر تم نخبه

مع تحيات ابو ماجد

منتديات مكشات . خيمة الالغاز

[قوافي ( أم نهار )]

وعليكم السلام ورحمة الله وبركاته
صح لسانك ابو ماجد ويستاهل صقر الكويت الاسناد
جزيل الشكر والتقدير
رمعه:
النور

[قوافي ( أم نهار )]

محاوله ثانيه:
الذكر

[ابو ماجد 2]

وعليكم السلام ورحمة الله وبركاته
صح لسانك ابو ماجد ويستاهل صقر الكويت الاسناد
جزيل الشكر والتقدير
رمعه:
النور
هلا بمشرفتنا واختنا الكيمه
صح بدنك
والشكر والتقدير لمتابعتك رغم ان هالايام عيد والكل منشغل
شرفتينا والرمعه ماصادت
انتظر مرماعك القادم

[ابو ماجد 2]

محاوله ثانيه:
الذكر

لايزال طليق اختي الكريمه

[badr2003]

صح لسانك يابو ماجد
محاولة
نتربص
نتر لعبة من العاب القوى رفع الاثقال
بص لعبة شعبية للبنات بص البصيلة :)

[يمكن شاعر]

عليكم السلام
صح لساانك ملايين يالغالي لاهنت لاهنت
الله يعطيك الصحه والعافيه يابوماجد

رمعه الغالي بدر وقفت التفكير

[ابو ماجد 2]

الاخوة الافاضل
لايزال طليق
لي رده والرد بالتفصيل

[يمكن شاعر]

ارميعه ي غالي
صنـوان
صن بالبلوت اقوى شي نوب تربح من وراه ونوب تخسر

[يمكن شاعر]

جازت لي الرمعه يابوماجد
صنوان في سوره الرعد مذكوره
اوله
صن بالبلوت نوب يرفعك بالابناط ونوب يكب عفشك (يخسرك)
اخره وان بعد البحث أطلعت كلمه في لعبه قديمه


لعبة الكعابة او(التسعابة)ماضي الألعاب للآباء والأجداد، وتعتبر من أهم الألعاب خاصة في منطقة نجد، بعضهم ينتظر العزائم الكبيرة او الأعراس او الأعياد
وللكعابة مصطلحات واسماء في داخلها, ك(وَانْ) وهو أن يقف الصول على جانبه

[ابو ماجد 2]

جازت لي الرمعه يابوماجد
صنوان في سوره الرعد مذكوره
اوله
صن بالبلوت نوب يرفعك بالابناط ونوب يكب عفشك (يخسرك)
اخره وان بعد البحث أطلعت كلمه في لعبه قديمه


لعبة الكعابة او(التسعابة)ماضي الألعاب للآباء والأجداد، وتعتبر من أهم الألعاب خاصة في منطقة نجد، بعضهم ينتظر العزائم الكبيرة او الأعراس او الأعياد
وللكعابة مصطلحات واسماء في داخلها, ك(وَانْ) وهو أن يقف الصول على جانبه



اولا العذر منك ومن الاخون لتأخري بالرد وانت تدري بالاسباب يالغالي
واما الرمعه فأقول
كفووووووووووووووووووووو كفووووووو كفوووووووووووو
كفووووووووووووووووووووووووووووووو كفوووووووووووووووووو
وابصم واختم واوقع انك داااهيه ياصقر الكويت
حليته وانت جزئيه من الحل ليست عندكم حتى عندنا الجيل التالي لايعرفها
صح لسانك ولله درك وما فيك حيله
نعم
صنوان
صن . بلعبة البالوت فيها احتمال الكسب والخساره
وان . وقوف الصول بلعب الكعابه والصول يتم نخبه بالاثقل والاكبر

http://i.skyrock.net/8095/70268095/pics/3142985984_1_8_nHaA3lFY.jpg

[يمكن شاعر]

ي هلا بالغالي
كفوك الطيب لاهنت وصح بدنك وكلك
وصح لسانك ملاييين على اللغز