سوال مهم لصيادين الاسماك

[ساري الخور]

السلام عليكم ورحمة الله وبركاته
ياخواني انا صياد اسماك
اصيد الاسماك في الليل فقط
واثلج السمك تمام 100ظھ وسمكي جديد
يعني اصيد من بعد العشاء الي قبل الفجر
واصلي في بنقلة جده
سمكي طازج ومامنه بالثلج وجديد ولم انزله الحراج الفجر ما يعجبني يكون لين شويه
اشوف بعض الناس في البنقله يجيبون سمك شكله جنان متماسك والوحده كانها خشبه او صبه
وبعدين يلمع لمعان ماهو طبيعي الي يشوفه يقول كانهم صايدين هذا السمك قبل خمس دقايق
مع العلم ان سمكهم له اقل شي 12 ساعه او اكثر
ايش السر يا خواني في تماسك سمكهم ولمعانه

ياليت الي يعرف يفيدنا

[بو دانة]

صديقي العزيز فيه طريقه تضع السمك في صندوق وتملاه موية بحر وثلج بالاضافه للملح الخشن

اطبق هالطريقه واصيد يالطعوم الاسماك الصغيره يومين وتظل كانها جديده

ولو فيه طريقه ثانيه راح يفيدوك فيها الاعضاء

[وليد الغربة]

من المفترض ان يكون سط الثلج ماء
وتكون نوعية الثلج من النوع الهش وليس الصلب


اخوك ابوعمران

[ساري الخور]

الله يعطيكم العافيه
وننتظر تجارب بقيه الاخوه

[ساري الخور]

انا الي استغربه
بعض السمك يجيبونه له لمعان وبريق غريب
ومتماسك كانه صبه

[بو دانة]

سوق السمك بالكويت كان يعطيني فلينة الزبيدي ويحط معها ماده غريبه مثل الجل تحافط عليه بنفس الشكل

[أبوحافظ]

من المفترض ان يكون سط الثلج ماء
وتكون نوعية الثلج من النوع الهش وليس الصلب


اخوك ابوعمران

اذا حطيت المويه مع الثلج راح يذوب بسرعه !
واذا ذاب الثلج وصار في الحافظه نصه مويه و نصه ثلج
فهذا يلين السمك مع الوقت و حتى يتغير لون عيون السمك و يصير السمك كانه قديم

لهذا السبب تلقى اغلب الحافظات في اسفلها فتحه تصريف الموية

[أبوحافظ]

عليكم السلام و رحمة الله و بركاته
ياليت تذكر نوع السمك اللي تصيده و الحجم والكميه
ونوع الحافظه وحجمها وطريقة تثليجك هل قوالب او مكعبات

اغلب الاسماك بعد مرور ساعتين من تثليجه غالبا يتصلب خاصة الاحجام الكبيره او اللي فيها حراشيف ....


الصيادين يطلعون السمك ويحطونه بالمحيا ويجلس حي ولمن يموت يحطونه بالحافظه

او يحطونه بحافظه كبيره فيها قوالب ثلج

والثلج المجروش يحافظ عليه بشكل افضل و يستخدمه بعض الصيادين اللي مراسيهم بعيده عن الحراج وهذي تخليه بنفس الوصف اللي ذكرت

اذا كان تقصد ان جسم السمكه فيه مرونه فهذا افضل من المتصلب ويدل ان صيده كان في وقت قريب ...

اما اذا كنت تقصد بالليونه عند الضغط بالاصبع على جسم السمكه اعتقد والله اعلم ان فيه عندك مشكله بطريقة حفظ السمك او ممكن يكون من الانواع اللي تتلف بسرعه حتى مع التثليج


و ممكن حافظه الثلج عندك من النوع الرديء اللي يذوب فيها الثلج بسرعه ومايطول فيكون السمك ما بين الثلج و الماء الذائب وهذا يلين السمك وحتى عين السمكه يتغير لونها الى الابيض

اذا كان صيدك كميات كبيره او احجام كبيره الافضل شراء حافظه ثلج اصليه من نوع ايكلو او ريبرميد او غيرها
ومن وجهه نظري حافظه ثلج سيراميك تلقاها عند السنيدي اشوفها افضل ... ويطول فيها الثلج حتى في الشمس وقويه
خصوصا العريضه افضل لتخزين الاسماك الكبيره او الكميات وهذي صوره لها

http://www.mekshat.com/pix/upload06/images/2016/07/mk200176_img_20160712_222512.jpg



اواذا صيدك كميات بسيطه او احجام صغيره فالافضل شراء حافظه اصليه او تشتري صندوق فلين من النوع المضغوط ممتاز جدا لحفظ الثلج فتره طويله وسعره حدود 30 الى 40 ريال
وهذي صورته


http://www.mekshat.com/pix/upload06/images/2016/07/mk200176_mk200176_mk90710_66.jpg


ثانيا لما تشتري قالب سمك الافضل تكسرها قطع بحجم علبه البيبسي مرتين او اكبر و توزعها ما بين السمك

http://www.mekshat.com/pix/upload06/images/2016/07/mk200176_img_20160712_220949.jpg


لا تنسى كل ساعتين تفرغ الماء من الحافظه

لما تصيد السمك نظفه من التراب من مويه البحر و حطه بالحافظه

للمعلومية هناك انواع قليله من السمك تفسد سريعا حتى مع التثليج في الحافظات مثل بعض انواع البياض و السيجان ويفضل حفظها بالثلج المجروش

الكثير يهمهم مظهر عين السمكه اذا كان ماتغير فهذا من اهم الدلالات على ان السمك طازج

http://www.mekshat.com/pix/upload06/images/2016/07/mk200176_img_20160712_221036.jpg

[هاوي مطر2013]

الشغله كلها موية بحر فقط الاكثر
يعني الصيادين يجبون معهم مويه البحر وقبل ماينزله السوق يرشه

[الصيادالمليح]

أستخدم الثلج المجروش وغطي السمك بشكل كامل و يكون فيه في الاسفل فتحة لتصريف الماء حتى يبقى السمك بشكل طازج .. و البعض يستخدم المحيا لتبقى الاسماك حية أطول مدة ممكنة وهو حوض يوجد به ماء البحر و مضخة ماء لتجديد الهواء في المحيا