ياسعيد اخو مبارك لك اللغز محيوف......الحل:سويداء القلب...حله:يمكن شاعر

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز موجه للداهي سعيد اخو مبارك


ياسعيد اخو مبارك لك اللغز محيوف= وانت الذي فكاك عك النشايب
لغزٍ وعن مرماك مايطوف مايطوف=رمعه وزهب حق قبره نصايب
اللغز مابه بدل احروف بحروف=اللغز بنت في وصوفه عجايب
خفيةٍ واللون بالبنت معروف=في حضن رجلٍ فيها ياسعيد طايب
بس الرجل ياسعيد مرات معيوف=لاصار له لون البنيه نسايب

مع تحيات ابو ماجد

منتديات مكشات . خيمة الالغاز

[ابوذيبان]

الله الله الله الله

صح قلبك يالقدوة . ملاييييييييييييييييييييييييييين ولا يسدون

ويستاهل الغالي ـ سعيد اخو مبارك . الطيب كله

جاري التفكير في ذا البآذخ

اسلم لنا

[حمد؟؟]

ماشاء الله تبارك الله
صح لسانك ولاهو مستغرب عليك الابداع
ورمعه ولاسامي لك عليها
طوارف العين ابيض وفي الوسط دائره سوداء
فيه مرض يقاله الماء الابيض على مااعتقد
يدخل في السواد ويصير الون
ابيض مثل طوارفها
اعتقد الاسامي
البصل والعدسه والحدقه والقزحيه والشبكيه

[حمد؟؟]

الظاهر فهمت الغز خطا
محاولة رمعه
المراره والكبد في الذبيحه

[يمكن شاعر]

عليكم السلام
صح لسااانك ملاييين يالغالي لاهنت
ويستاهل الغالي سعيد
ارميعه
النكته السوداء بالقلب

[ابو ماجد 2]

الله الله الله الله

صح قلبك يالقدوة . ملاييييييييييييييييييييييييييين ولا يسدون

ويستاهل الغالي ـ سعيد اخو مبارك . الطيب كله

جاري التفكير في ذا البآذخ

اسلم لنا
هلا بنهر الابداع
صح بدنك
والباذخ هو ماتقدمه لنا يالغالي
شرفتني بمرورك العطر

[ابو ماجد 2]

ماشاء الله تبارك الله
صح لسانك ولاهو مستغرب عليك الابداع
ورمعه ولاسامي لك عليها
طوارف العين ابيض وفي الوسط دائره سوداء
فيه مرض يقاله الماء الابيض على مااعتقد
يدخل في السواد ويصير الون
ابيض مثل طوارفها
اعتقد الاسامي
البصل والعدسه والحدقه والقزحيه والشبكيه

هلا بك يابو طيف
صح بدنك
والابداع تواجدكم وتحفيزكم لاعدمناكم
الرمعه ماصابت يالغالي

[ابو ماجد 2]

الظاهر فهمت الغز خطا
محاولة رمعه
المراره والكبد في الذبيحه

لايزال طليق يالغالي

[ابو ماجد 2]

عليكم السلام
صح لسااانك ملاييين يالغالي لاهنت
ويستاهل الغالي سعيد
ارميعه
النكته السوداء بالقلب
صقر الكويت
رمعه رائعه يابو فالح
ولكن النكته السوداء لايكون فيها القلب طايب واللغز يقول
خفيةٍ واللون بالبنت معروف .. في حضن رجلٍ فيها ياسعيد طايب

عن أبي هريرة رضي الله عنه قال: قال رسول الله صلى الله عليه وسلم : "إن المؤمن إذا أذنب ذنباً كانت نكتةٌ سوداء في قلبه. فإن تاب ونَزَع واستغفر صُقِل منها، وإن زاد زادت حتى يغلَّف بها قلبه، فذلك الران الذي ذكر الله في كتابه: { كلا، بل ران على قلوبهم }". رواه الترمذي، وصحَّحه، والنسائي وابن ماجه وابن حبان في صحيحه، والحاكم.

وعن حذيفة بن اليمان رضي الله عنهما قال: سمعت رسول الله صلى الله عليه وسلم يقول: "تُعْرَض الفتن على القلوب كالحصير، عُوداً عوداً. فأيُّ قلب أُشربَها نُكِتَ فيه نكتة سوداء، وأي قلب أنكرها نكت فيه نكتة بيضاء، حتى تصير على قلبين: على قلب أبيضَ مثلِ الصفا، فلا تضرُّه فتنةٌ ما دامت السماوات والأرض، والآخر أسود مُرْبادّاً كالكوز مُجخِّياً، لا يعرف معروفاً، ولا ينكر منكراً، إلا ما أُشرِبَ من هواه"

لكن القلب لو ينسب للونها ينعاف وحسب رمعتك يكون ( قلب اسود )
لكنك قطعت بالرمعه ثلاثة ارباع اللغز
لذلك اقول
كفوووووووووووو كفوووووو كفوووووووووو
ولكن بشكل ادق هي
سويداء القلب
وحسب المعجم تعني مهجته

[قوافي ( أم نهار )]

ماشاء الله
صح لسانك ابو ماجد وكفو كفو يمكن شاعر
دمتم بحفظ الله
تحياتي وتقديري واحترامي

[يمكن شاعر]

لاهنت يابوماجد ماقصرت ي غالي
وصح لساانك ملاييين وكفوك الطيب

[يمكن شاعر]

الاخت قوافي كفوك الطيب لاهنتي

[سعيداخو مبارك]

المعذره يازعيم ابوماجد
توي اشوف اللغز والله لايهينك على التوجيه وعسانا على هقوتك
ورفع الله قدرك في الدارين
وصح لسانك طال عمرك
وصح لسان صقر الكويت عزالله هدة صقر الله لايضره
وبيض الله وجيه جميع الاخوان على اطراءهم