حدد موقع الفيضة واربح ددسن 2007 !!!(صور)

[Abu Saad]

السلام عليكم هذي طلعة امس يوم الخميس الموافق 6_1_1428هـــ
اللي يعرف مكان وأسم الفيضة (خلال 3 ايام من تاريخ اليوم الجمعة 7-1) له ددسن غمارة خط 2007 والله على ما اقول شهيد .(الموضوع جد وليس مزح) وازيدكم من الشعر بيت كل عضو له 3 خيارات!
اترككم مع الصور :


http://www.9q9q.org/index.php?image=dsygGfmKjQoNZv



والسلام عليكم.

[بارود برنو]

هذي ياطويل العمر في المملكه
ههههههههههههههههههههههههه لا اريد ددسن اريد هايلكس ممكن 2005 غماره ههههههههههههههههههه
يعطيك العافيه اخوي (والددسن موتر مابه مثلو انشهد انه غير عاشق الوناتتتتتتتتتتتت--------------)

[وافي الهقوات]

أبجرب حظي

روضة أم هشيم في الصمان

أخوك وافي الهقوات

ملاحظة : الددسن أبيه بطاقة جمرك لا تطلع لوحاته لو تكرمت

[ك ه ك 777]

هذي كنها مزرعه حول المزاحميه

[Abu Saad]

اهلابالاخوة ... وللمعلومية الموضوع جد وليس مزح :good: وكل عضو له 3 خيارات بعد!!!


اخوي بارود برنو ادري انها مهيب في لندن :)
بس وين موقعها بالضبط ووش اسمها !!! وابشر لك بددسن غمارة خط 2007 (جربه يمكن ينسيك الهلّي! )



هلا وغلا اخوي وافي الهقوات .. على فكرة الملحمة(اللي شريت منها فقار حاشي:D ) اسمها ملحمة العنزان وليس العنيزان وعز الله ذبايحهم طيبة ! وتراي منيب بعيد عنها!
وبخصوص الاجابة فللاسف خاطئة:no2:

اخوي ك ه ك 777 اخبر المزارع لها شبوك ورشاشات محورية ونخل وووو .. الخ ...
حاول الاجابة مرة اخرى وشكرا .





وين اهل الفياض وين اهل البر والمكاشيت والوجوجة :confused: افاااااااااااااااااااااا بس!

[ولد الديرة]

مزرعة مهجوره على طرف عقم

[وافي الهقوات]

هههههههههههه

العنزان صدقت يا ددسن 79

اثرنا جيران

حياك الله ولنا الشرف


الروضه ماهي بربك أبو سبعة

اذا انا قريب علمني

اخوك وافي الهقوات

[شـهـاب]

الفيضه الي في القواره تابع للقصيم او لا ؟؟

[ابو صاالح]

طيب انا بعلمك موقع الملحمة تعطين خط الددسن (((( طفراااان ))))

[شفايف نعجة]

اتوقع انه الفياض اللي بين هجرة النايفية وام عشر

بسرعة رد تراي احتري
( يعني انتظر ) الددسن

[صقار نجد]

فيضة نوره حول تمير 20 كيلو والله اعلم

يالله تجيب الددسن!!!!!!!

[راعي الشعل]

1-على ما اعتقد أنها من فياض الساحل في الوقت الحاضر
2- او في جيزان .
3- اوفي الصمان (ام قرين)

[هدب]

والعلم عند الله

إنها من الفياض القريبة من إعيوج لينة

[البريدي]

انا هذا توقعاتي
ام غمارة وهي اقرب وحده فيهم
الترباعة
إحدى فياض القريبة من حسناء السبق
روضة الروثية
وانشالله الددسن لي باذن الله

[L I M I T E D]

الله الله

كل هالردود علشان ددسن ،، ترى الدنيا فانيه

خخخخخخخخخخخخخخخخخخخخخخخخخخخخخخخخخخخ

نقول ويمكن تجي صح والفياض مالها نهايه

التنهات ، ام الرجوم

[ابرق العزاف]

روضة حسناء
والا رياض المستوي

[باترول أسود]

أضن أنها فيضه عمياء...
جهز الددسن...أنا جايك

[sasasasas]

هههههههههههههههههههههههههههههههههههههههههههههههههه هههه

للي يفوز مبروك عليه الددسن وانا ما ادري وين المكان التحدي لكم

تقبل مروري

[Abu Saad]

ولد الديرة : الاجابة خاطئة وبعدين انا طلبت تحديد المكان والاسم وليس وصف او منطقة :) .

وافي الهقوات: الاجابة خاطئة ونتشرف بممعرفة امثالك بشرط تخفف من عزبتك شوي:) !.

شهاب : الاجابة خاطئة وحياك الله.

ابوصالح : اي موديل تبي خطوطه ههههه .

شفايف نعجة: صراحة معرفك روعة :D ، الاجابة خاطئة وحياك الله.

صقار نجد : لوكانت صح ابشر به ..الاجابة خاطئة وحياك الله.

راعي الشعل : يخوي ماهنا مكان ماخليته :) ، الاجابة خاطئة وحياك الله.

هدب : الاجابة خاطئة وحياك الله.

LIMITED : شفت وشلون قد ايش العرب يحبون ابوعزيّز :) ....الاجابة خاطئة وحياك الله.

ابرق العزاف: الاجابة خاطئة وحياك الله.

باترول اسود : الاجابة خاطئة وحياك الله.

sasasasa : حياك الله .







وين اهل الروحات والجيات وين اهل الــ (قدام) اللي ماعندهم شي اسمه R !!!


تبون الصراحة فيه واحد من اللي ردو ... روعني شوي:j !!


اخوكم ددسن 79

[راع الصمان]

احد قيعان شعيب بنبان..... ما فيه معلوم اسم فيضه
لبق الددسن عند الباب الله لا يهينك.

[الروض1]

فيضة ام سدر من فياض الصمان

يالله تصيب الرمعه

[الغريري]

إحدى فياض الحاصبيّات .... (1)

[ابوحماد]

تبي الصدق الصورة الأخيرة كن فيها صورة مستغربها شوي

يا أخوك يارعي الدقسن (الددسن) صور الشجر الكبار ماهو من شجر

نجد كن فيه من الساحلي والله أعلم جزر فرسان أو شرق جيزان المناطق التهامية

[عاشق الدلة]

فياض قريبة من الليث ؟؟ بس للأسف ما اعرف اسمها
فيضة ام قرو .
ام حزم .

[طارق الحربي]

بسم الله الرحمن الرحيم

بعد التمحيص :) والاستدلال بعدة مدلولات اتوقع والله اعلم انها روضة ام الخشم بتمير او روضة الحقاقه

مع اني عارف حظي ماعمري فزت بشئ بس نقول ان شاء الله

تحياتي لك

[الكونترولCONTROL]

نورة - الظلما - الحاج
===============
لعلها تصيب من غير رمي !!!!!!!!!
=======================
و ما ابغى الددسن !!!!!!!!!!!! تصدق بها على ( التحفيظ ) و الأجر بيني و بينك !!!!!!!!!!!!!!!!!

[السنع كله]

شمالي روضة خريم ______________فياض المستوي __________فيضة ام اعشر 0000يافتاح يا عليم

[رسلان]

:)
موضوع جميل وتفاعل أجمل ! ...
بورك فيكم أخي على الموضوع ...
وانتبه ترى وعد الحر دين :) ...
هل الربيع من هذا العام ؟



__________________

http://www.mekshat.com/pix/upload/images15/mk10587_rslan-singh27.gif
من مواضيعي :
جولة في السر والمستوي..صقيع..ربيع..زحام28-29/12/1427هـ (http://www.mekshat.com/vb/showthread.php?t=71388)
رحلتي إلـى فـَـدَك (الحائط) (http://www.mekshat.com/vb/showthread.php?t=69972)
رحلتي إلى الجنوب(1-2-3-4)1427هـ (http://www.mekshat.com/vb/showthread.php?t=60048)
رحلة سريعة للرايس وينبع (http://mekshat.com/vb/showthread.php?t=50397)
رحلتي إلى حرة خيبر(حزم خضراء،خفس الشويمس(شعيفان),آثارالمنجوروراطا) (http://mekshat.com/vb/showthread.php?t=48639)
في الرس:مسجد من رمل،بلاحيطان،بلاسقف،بلا أعمدة! (http://www.mekshat.com/vb/showthread.php?t=41428)
رحلتي إلى ساحل الشمال الغربي وماحوله (http://www.mekshat.com/vb/showthread.php?t=37184)
رحلتي إلى صلالة1426هـ (http://www.mekshat.com/vb/showthread.php?t=35305)

[سكتون]

ام المصران

[علي الشهري]

هذي فيضة المجمع قريبة من المجمعة
يا الله وين الددسن:p

[البوصلة]

بسم الله الرحمن الرحيم

تحياتي للجميع

اولا الصور تبدو داخل مزرعة او محمية والدليل ان الاشجار اغصانها على الارض يعني ماتصلها الابل
ثانياً نوع العشب يغلب عليه نبات الشعير او القمح

واللى يجيب الحل لاينساني من الددسن ويكفيني الاستبة
والبتوفيـــــــــــــــــــق

[الوسيطاء]

الظاهر لي انه امراح غنم في الجنادريه وهاذا رايي وشاكرين

[ابو عبدالكريم]

روضة الخشم اللي جهة تمير ........

[راع الصمان]

هذي صورة مزرعتكم اللي ما ادري وينها

(بس بشرط ان الددسن يشتغل وبحالة جيده )..

http://www.mekshat.com/pix/upload/images26/mk37337_marsa159.gif

..لا تجيب لي من التشليح وتقول 2007 ...:no2:

[الارنب]

هذي سلمك الله اراضي جيزااااااان

[عجاج]

شعيب خثال يصلح

[باترول 4×4]

أتوقع رديفة زعير بالصمان .

[فتى الدهناء]

غيّر الددسن ... بشاص


وبعدين نتفاهم ;)

[راعي المعناء]

أتوقع إنها وأكيد إنها في مناطق الساحل يالقنفذه ياجيزان عموما هي بالساحل وبس 100%

[طارق الحربي]

اخواني

الرجال قال انها من ربيع السنه هذي حيث انه قال ان وقت الطلعه الخميس اللي فات

وحدد لكم انها فيضه ماقال مزرعه وسبق انه نفى انها مزرعه

وايضا ماقال انه مراح غنم :) ولا اظن مراح غنم يكون بهالمساحه

[المتهني]

السلام عليكم

هذي الله هو العالم انه يا
روضة سمحان في ضرما
او ام صحن
اوالزعبية


وولم الددسن

[Abu Saad]

حيا الله كل(ن) بسمه ...


يا اخوتي اعيد واكرر :

1- ليست مزرعة .
2- ليست محمية .
3- مصورها يوم الخميس (قبل امس) كما ذكرت ذالك في بداية الموضوع.
ووعد الحر دين عليه يخوي رسلان :) ..

بس انتم عطونا مكانها واسمها .... وابشرو ببو عزيّز وكالة غمارة خط ( اقوى عزم:good: )!

يدي تحكني ودي اعلق على بعض الردود المميزة :looney: ... ولكن يوم شاورت نفسي قلت يولد اركد :no: ..التعليق على الاجابات والاشياء اللتي لاحظتها ستكون عند انتهاء الوقت المحدد وسوف اوافيكم ايضاً ببقية الصور ان شاء الله تعالى ..
الوعد يوم الاثنين ان شاء الله ...
وحتى الان ...الاجابات لم يحالفها الصواب :no2: .
وفي انتضار المزيد .



:burnout2: اخوكم
ددسن79

[برق السحايب]

أخوي ددسن انا مب من اهل السعودية انا من قطر بس بحسب

خبرتي ((المش بطاله)) بأرض السعودية أتوقع أنها جهت حايل

[برق السحايب]

أخوي ددسن انا مب من اهل السعودية انا من قطر بس بحسب

خبرتي ((المش بطاله)) بأرض السعودية أتوقع أنها جهت حايل

[صقار نجد]

فيضة المسيجيد والرمعه الاخيره فيضة رغوة والله اعلم

[الكوسه]

السلام عليكم تسلملي والله على هذا الموضوع الشيق
لذالك هذي
بفيضه المغيميه
ولا البسيتسينات
ولا الخفس

[نجم حفرالباطن]

الله العالم انها باستراليا لان الجو يختلف عن جونا ((((اللي يسمعن يقول رحت لستراليا )))
بحكم رحلاتي الى استراليا ههههههههههه

[شـهـاب]

أخوي ددسن انا مب من اهل السعودية انا من قطر بس بحسب

خبرتي ((المش بطاله)) بأرض السعودية أتوقع أنها جهت حايل


حط ببالك ياراعي قطر


حايل مابه فياض

-----

توقعي الثاني انها في الرايس

[هاوي _المقناص]

السلام عليكم

ذبحة شرق ام عشر


الزعبيات شرق اوعيوج لينة

[ولد شقرا]

هذه الفيضة في الصمان

واسمها الزلعة

[ولد شقرا]

فيضة الكويخة

فيضة الهيمان

[Oعاشق القنصoo]

في تهامة صح ......................

[الشيهاني]

ياقربها من
1- الخشم
2- أم الحفر
3- ؟:confused:

[روح الهنا]

سلام عليكم
ممكن تقرررب لنا شوي ..و تضيف الصور الي عندك

[deep-kill]

السلام عليكم يعطي؛ العافيه علي الصور انا ما ابي الددسز
ابي احداثي الفيضه لو تكرمت

ضروري الرد

[طارق الحربي]

بما ان اجابتي خطأ ابعلمك وش اللي خلاني ارمع هالرمعه


اولا انت تقول يوم لخميس وطبعا انت كتبت الموضوع يوم الجمعه الساعه 1 صباحا يعني مستحيل تكون الفيضة بعيده اذا رحت يوم ورجعت

هذا تحليلي :)

[طارق الحربي]

يمكن الفياض اللي حول شعيب الفاو حول ذبحه ؟

[][عزام][]

مطار الملك خالد بالطريق علي اليمين يجيك مثل نوع هالشجر اذا ماكنت واهم وارضه مربعه

[السنافي33]

هذي والله اعلم فيضه ملهم حقة المير عبدالعزيز بن فهد

[ابو صاالح]

والله الظاهر انه كانت مشبكه وفتحوها والظاهر انه تبع الامير سلطان بن عبدالعزيز الله يحفظه واللي ما فيها شك انها حول الرياض مامن بعد

[محمد الشاوي]

والله ضيعوا الربع واحد يكتب أم رجوم ( خابرها قرية )
وواحد يكتب روضة نورة (مابه سدر )

وواحد يكتب فياض إم عشر والنايفية وانا خابرهن بشعيب له جيلان

عموما شكلكم طفرانين
لا تضيق صدوركم إذا مافزتوا عندي لكم على عشرة تعبون به بنزين ( هدية )

أما بالنسبة للتحدي فالمفترض إن الاخ صاحب الموضوع يصور شي تختص به الفيضة عن غيرها
لأن الفياض كلهن يتشاهن ولا تبينا نخرص فقط .

أشكرك على إثارة الشباب وأتمنى للجميع الفوز خصوصا الاخ شفايف نعجة لأنه أعجبني اسمه .

[الكونترولCONTROL]

انا اللي كاتب روضة نورة اللي بعد الخفس و حول الشوكي !! و ما عمري شفتها !!!!!!
==========================
و لكن مجرد جواب بلا حدود على مستوى السؤال الكبير !!!!!!!
===========================

[محمد الشاوي]

الأخ كنترول أنا رأيت إحدى الإجابات وهي لصقار نجد كاتب روضة نورة وهي فعلا قريبة لتمير لكنها تخلو من الأشجار الكبيرة
لكن يوجد طلح خارج الفيضة .

يبدو لي أن أقرب إجابة هي إجابة الأخ التنهات الذي يقول روضة المجمع لأن نوع العشب متقارب لكن الذي أعرف إن المجمع لم تربع هذه السنة وأنا لم أزرها هذه السنة . وروضة المجمع تقع على طريق حفر الباطن بعد الارطاوية 15كم تقريبا ( خلف ساسكو ) تجدها قريبة من النفود . ويقع بقربها عدة فياض كثيفة السدر مثل إم الذيابة
أرجو من الأخ ددسن 79 توضيح نوع الشجر الكبير الذي في الصورة فهو من المؤكد أنه ليس سدرا ( السدر مايصير أخضر بالشتاء ) . مشكورا

[اخونوره]

نقول بعد بسم الله
خريم

[سمنان]

طريق المطار

[ابوعابد2500]

الترباعه محرقه روضة الروثيه

[الخيال]

منتزه سعد
او بين نفود سعد وشبك الحرس قريب من الردميه

[ذيب المطلاع]

- القريطيه
- جويبده
- حول جبل سنام

[دكتور بر]

ما دام لي ثلاث خيارات فبأجاوب على اثنين وان كان واحد منهن صح فالحمد لله :
1 ـ فيضة الظلماء بالقرب من الذيبية على وادي الباطن .
2 ـ من الفياض الواقعة شمال سامودة .
والله أعلم
ملاحظة / ان فزت فسأهدي الددسن لصاحب الموضوع ددسن 79 هدية مني له على إبداعه في هذا الموضوع

[شفق]

لمكان روضه خريم

[الحي يحييك]

يبدو ان الشباب استعجلوا في القرآءة ....والجائزة
ددسن غمارة ((خط ))2007 ههههه

لكن اللي يفوووز يقوول عطني خط الددسن 2007 من الوكالة ...يبي يشتري بقيمته ددسن 79 ...هههههه>>>وش رايكم اصلح محامي...

[aflaj12]

مشكور على إثارة الموضوع وطرحه وتفاعل الجميع وبالتوفيق

[مروي السيف]

انا ماعندي جواب بس اسالوه اول انت من وين وييين منطقتك ثم اعرفوا ان المكان حوله لانه كما قال اخوي طارق الحربي انه راح يوم الخميس وكتب الموضوع يوم الجمعة الساعة ا صباحا لذلك المكان لن يكون بعيدا عن منطقته اللي هو ساكن فيها ابدا
هذا تحليلي واللي يربح الددسن النص بالنص قربتلكم الاجابة

[الشــامخ]

اقول الله لايجعل دنيانا اكبر همنا ارب السياره اصفار 0000000000000

ههههههههههههههههههههههههههههههههه

هذا بربك حرور


وين مكانك اجيك اخذ سيارتي

[مكفن]

غى جزر الواق واق

[Abu Saad]

السلام عليكم :)

حيا الله كل(ن) بسمه .. واشكر الجميع على تفاعلهم ومحاولاتهم .

بعض الاخوة هنا يريد ان يملي علي شروطة :no2:
انا صاحب الرهان وانا هنا من يضع الشروط واعتقد هذا من ابسط حقوقي :) .
السيارة حقيقية:good: وليست مجازاً وهي كما ذكرتها بالضبط ولا يوجد اي تلاعب بالالفاظ ولست ممن ينتهج هذا الاسلوب...فلاداعي للخوض في مثل هذه الامو او التشكيك فيها .:no2:

وحتى الان ...الاجابات لم يحالفها الصواب :)

للتذكير المطلوب اسم المكان الموجودة فيه واسم الفيضة ... الاجابات العامة لايعتّد بها .

وللتذكير ايضا ..باقي اقل من يوم على نهاية الوقت المحدد ... والدنيا فرص!
وبما ان الموضوع تمت كتابته يوم الجمعة الساعة 7 و 20 دقيقة مساء ، فالوقت ينتهي غدا الاثنين الساعة 7 و20 دقيقة مساء ..وبذالك نكون قد اكملنا 3 ايام كاملة .

في انتظار المحاولات ...
واكرر شكري لتفاعلكم .

اخوكم
ددسن 79

[ابو درع]

اسم الروضة متعارف عليه من الجميع .. اسم قديم جديد

[عا شق VX-R]

انا اتوقع انها في الصلب وبالتحديد في (الصمان الشمالي )
1- فيضة المنشرحة
2- فيضة جغبقا
3- فيضة مريحة غرب مناخ
هذي الاحتمالات الثلاثة ولو ان الجائزة (فكسار بريمي فل كامل )يمكن اجتهد اكثر

[كشّات شتوي]

الصور لا تظهر

[غيث الغيث]

أخوي ددسن 79

على حد علمي انها بالصمان حول حسنا السبق

واسمها العامي المعروف فيظة ام العميان ولها اسم آخر لا اعلمه

والله يوفق الجميع

[Abu Saad]

السلام عليكم
حيا الله كل(ن) بأسمه..

حتى الان الاجابات لم يحالفها الحط :)

وهذه الصورة على رابط جديد::


http://img221.imageshack.us/img221/6889/topvm5.jpg



باقي 6 ساعات وثلث على انتهاء الوقت المحدد للمسابقة
وبالتوفيق.

والسلام عليكم


اخوكم /
ددسن 79

[طارق الحربي]

قسم بالله فريت روسنا :)

احس انها تبي تطلع مكان معروف مدري ليش

[][ الأصيل ][]

هذه الروضة بعشيرة

[(طيب الفال)]

هذه الروضه والله العالم أنها تقع مابين عسفان وغران تابعة لمنطقة مكة المكرمة

[مدالنظر]

السلام عليكم

:good: مـوضـوع مـكـلّـف :good:


وأنا رمعتي طال عمرك
1)الـقـرعـــا( أبها ) ;)
2) الطـــــــايـــــــــــف

وتحية لك أخوي
موضوعـك جريء وقــوي ويدهوررررر النفسيات > :eek: <أمّــــا ددسن2007 والله اللي بايعهـا بــكـحـه
:good:

مهوب أبو جائزة >>توقيع <:D< ولا عاد شفناه هو وتوقييييعه


لكن



كأنه منتزه ؟؟؟؟؟

هذي رشاشات مـاء (الـري ) ولاّ أنا واهــم !!!!!

http://www.mekshat.com/pix/upload/images26/mk11569_lllllll.jpg

<<<أتحدّاك يـصـير صــــحّ عــلـــيّ:cool: <<لابس نظارته ودّه يبتسي

[ابو درع]

ما جوبت على سؤالي .. اكيد انها بدون اسم

[أبوسعد2002]

فيضة المزيرعه

[السنافي 1]

فيضة العمياء

[رحـ R ـال]

والله تحدي قوي يا ددسن 79

وجهة نظري إنها بالجنوب وبالتحديد الجنوب <<<< أبها وما جاورها

ولك الشكر

[راعي ساموده]

باقي على الزمن عشرون دقيقه وتنتهي مهلة الاخ ددسن 79


راح الددسن ياشباب ههههههههه

[روح الهنا]

هذي بين ساجر والمربع جنوب القصيم

[ابورغودي]

مادام إن المدة خلصت فأشكرك على هالفكرة اللبنانية وأعطيك محاولتي
بخشة جبل أبو مخروق :D :D :D :D

[Abu Saad]

الاثنين مساء

الساعة

7.20





انتهـــــى وقت المسابقة :)












السلام عليكم ...




حيالله كل(ن) بأسمه ...




في البداية






اشكر الاخوة جميعا على تفاعلهم واشكر ايضا المشرفين اللذين رحبوا بالفكرة




وخاصة الاخ رسلان .








ثانياً




حتى الان الاجابات لم يحالفها الحظ ..للاسف الشديد ..:no: ...




وتبون الصراحة ما الومكم ..اذا ماعرفتو مكانها :) ..




سوف اقوم الليلة ان شاء الله تعالى بارفاق بعض الصور عنها ..




وسأحاول ان احددها بالقوقل وارفق صورة القمر الصناعي لها .




وسأقوم بالتعليق على ردود بعض الاخوة اللتي فعلا تبين انهم اصحاب نظرة ثاااقبة




وفراسة وفطنة:good:




فأنتضرونا الليلة ان شاء الله تعالى(اذا اسعفني الوقت) على نفس الموضوع...




اكرر شكري لكم مرة اخرى ولكل عضو شارك معنا واجتهد ..




ولامانع من طرح الاجابات ولكن الددسن طاااار:D




والسلام عليكم
















اخوكم


ددسن79

[الحر النداوي1]

هههههههههههههههههههههههههههههههههههه
جايك امشي مليون الدعوه فيها ددسن
بس خساره انتهت المهله
يالله خيرها بغيرها

اخوي ددسن اشكرك على موضوعك الششششششششششششششششششششششششششيق

ولك شكري وتقديري
اخوك
تبريزا

[khaled29619]

الفيضه عشبها نوع واحد اشجارها ليست سدر ولا من الاشجار اللي نعرفها كذلك الشجر لم ترعي به الابل اعتقد الارض وطريقه صفوف الشجر غريبه شوي قطعا ليست في الصمان الا انكانت قريبه من مزرعه واعتقد انها في الحجاز او الجنوب

[الماس البري]

إنشاء الله إجبتي صحيحة

1- أم الصعانين

2- فيضة نورة

[دكتور بر]

لا تلعب باعصابنا يا ددسن وين الفيضه وخلصنا!!!

[ابوعابد2500]

وينه راع الددسن ماله حس

[فرخ الشاص]

متشوقين لمعرفة المكان يا راعي الددسن

[راعي السنع]

العشب كأنه ثيل والشجر غريبه اشبه بعضهن بشجر البرسوبس ..

عموما ( عند جهينة الخبر اليقين ) .. بانتظار صاحب الموضوع ..

[مجنون تميم]

والله يا ددسن والله العالم انها فيضه من الفياض لا وفي السعوديه وش رايك وين الددسن دفرسين غيره ما ابي

[PATROL]

السلام عليكم ورحمة الله وبركاته اما بعد
اخوي ددسن بالنسبه للفيضه هاذي انا اقول ماهي فيضه لان النبت واحد وكانه شعير ولو كانت فيضه لوجدت العشب مختلف او يمكن انه كان مكان امراح غنم او ابل وبعد الامطار نبت الشعير وشكرا

[Abu Saad]

السلام عليكم ..
المعذرة يا اخواني على التاخير ..
انا في طور اعداد الرد ..
وساقوم بانزاله بعد قليل ان شاء الله تعالى .

ددسن 79

[Abu Saad]

لاتستعجلون يالربع :)
دقائق ويكتمل الموضوع .
وشكرا لكم

[Abu Saad]

تفضلو الاجابة في الصفحة التالية==========>>>

[Abu Saad]

السلام عليكم



















نعود لكم مجددا ..




في البداية انا اعتقد ان القاري واغلب الاخوة اللذين ردو على الموضوع كان في


بالهم

(بما لايدع مجالا للشك) انني في الرياض !!!




-- وهذا الاعتقاد قد ساقهم بعيدا عن الاجابة او التوقع الصحيح -- !




صحيح انا من الرياض ومن سكان الرياض ... ولكن لايمنع اني اذهب الى مناطق اخرى:)..




فقد كنت في رحلة (عمل) في اجازة نهاية الاسبوع ، في تلك المنطقة اللتي التقطت فيها الصور :)...




في الحقيقة قبل ان اوضح مكان الفيضة فقد وعدتكم ان اقتبس بعض ردود الاعظاء




اللتي ارى انهم فعلا يتمتعون بنظرة ثاقبة وفراسة وفطنه وهذا يتجلى واضحاً في




ردودهم اللتي كانت تحوم بقرب الاجابة... وهم كالاتي :










1- العضو: راعي الشعل :


1-على ما اعتقد أنها من فياض الساحل في الوقت الحاضر

- او في جيزان .

- اوفي الصمان (ام قرين)












---------------------------------------------------------

2- العضو: ابوحماد :


تبي الصدق الصورة الأخيرة كن فيها صورة مستغربها شوي

يا أخوك يارعي الدقسن (الددسن) صور الشجر الكبار ماهو من شجر

نجد كن فيه من الساحلي والله أعلم جزر فرسان أو شرق جيزان المناطق التهامية


وهذا اخطر رد في نظري ماشاء الله على الفراسة.











----------------------------------------------------------

3- العضو :عاشق الدلة :


فياض قريبة من الليث ؟؟ بس للأسف ما اعرف اسمها

فيضة ام قرو .

ام حزم .












-----------------------------------------------------------

4- العضو : الارنب :


هذي سلمك الله اراضي جيزااااااان














-------------------------------------------------------------

5- العضو : راعي المعنى :


أتوقع إنها وأكيد إنها في مناطق الساحل يالقنفذه ياجيزان عموما هي بالساحل وبس 100%

ورده خطير وواثق من نفسة وفعلا كلامه قوي ماشاء الله .











------------------------------------------------------------

6- العضو : عاشق القنص :


في تهامة صح ......................










------------------------------------------------------------

7- العضو: القناص 96 :


والله تحدي قوي يا ددسن 79

وجهة نظري إنها بالجنوب وبالتحديد الجنوب <<<< أبها وما جاورها

ولك الشكر








------------------------------------------------------------

8-العضو: khaled29619 :


الفيضه عشبها نوع واحد اشجارها ليست سدر ولا من الاشجار اللي نعرفها كذلك الشجر لم ترعي به الابل اعتقد الارض وطريقه صفوف الشجر غريبه شوي قطعا ليست في الصمان الا انكانت قريبه من مزرعه واعتقد انها في الحجاز او الجنوب


رد مميز وكلام رائع واستنتاجات اروع ماشاء الله .













-------------------------------------------------------------









هذي هي تقريبا اقرب الردود الى الحل ...




حيث حامو حول الحمى ولكن ماالله كتب ... فأهنئهم على فطنتهم وفراستهم فماشاء الله .



اما بالنسبة للروضة او الفيضة بالاصح ... وجدتها بالصدفة وانا خارج من خميس البحر (بحر ابوسكين)



ومتجها الى طريق الساحل(مزارع شركة الاسماك) ( قبل المثلث بحوالي 30 كلم)




يمين القحمة يسار الشقيق والدرب وعقبة ضلع.




وهذا منظر جوي لها ويحدد مكانها :










اضغط الصورة للتكبير






http://img441.imageshack.us/img441/3952/54300949yu3.jpg













وهي قريبة من الطريق نفسه ، اي من الازفلت ولكن لكثافة الاشجار بينها وبين الخط


فلا تتوقع ان يكون خلفها تلك المناضر الجميلة !


وهذا منظها عن قرب ويرى الطريق بجانبها:



اضغط الصورة للتكبير




http://img444.imageshack.us/img444/2108/21638362cv8.jpg










اما بالنسبة لاسمها فشخصيا لا اعلم ولكن بعد سؤال احد الرعيان



(ولا ادري عن صحت كلامه)



يقول انها ام السدرة ويتضح ذالك بوجود سدرة كبيرة في وسطها والله اعلم .....




وهذه بعض الصور من تلك الفيضة وماحولها :









اضغط الصورة للتكبير






http://img402.imageshack.us/img402/7/222222222lh3.jpg

















شاكرا لكم مروركم ومشاركاتكم وتعليقاتكم ..






وان شاء الله لنا لقاء قريب في موضوع جديد :)

































اخوكم /ددسن 79 :good:

[الحر النداوي1]

مشكور
وماقصرت

يالله نبي مسابقه على فيضتن ثانيه


<<<<<<مصمل الى ياخذ الددسن




خخخخخخخخخخخخخخخخخخخخخخخ
لاتصدقون مجرد مداعبه


يعطيك العافيه اخوي
على توضيحك للمكان
وان شاء الله راح نكشتلها بس كانها مشواااااااااااارعلينى

[برنس777]

أخوي ددسن 79 السلام عليكم ورحمة الله وبركاته :
الحقيقه حمسة الشباب وخليتهم يفكرون حتى وهم نا يمين ولكن مارد الله
وأماعن الشباب الي ذكرت في أخر رد ما نقول إلا بارك الله فيكم على التفكير الصيب والحقيقه غلبونا أنا والي تفكيرهم حول الصمان والشوكي وها الشله عاد أخوي ددسن 79 هلحين عرفنالك جب لنا فيضه ثانيه ولو بدون دسن يعني شاص ولا باترول وووووووووووووووووووووووووووووووووووووووووووووووووو وووووووووووووووووووووووو
وووووووووووووووووووووووووووووووووووووووووووووووووو ووووووووووووووووووووووووووووووووو
وووووووووووووووووووووووووووووووووووووووووووووووووو وووووووووووووووووووووووووووووووو
وووووووووووووووووووووووووووووووووووووووووووووووووو وووووووووووووووووووووووووووووووو
وووووووووووووووووووووووووووووووووووووووووووووووووو ووووووووووووووووووووووووووووووووو

[* الخطيب *]

توصيف دقيق ومسابقة أجمل من عضو رائع .
اكتفيت بالمراقبة من البداية ولم أشارك لعدم معرفتي بها .
شكرا لك .

[وسيع البال]

(بربك الحاج)

[الرسن]

يعطيك العافية ياددسن
مشاءالله عليك حركت الروس الجامده شوي
كن مافي هالبلد الا الصمان والشوكي
ياناس ياكشاته ترى فيه اماكن لم تصلها اعين البشر.
الا قلة قليلة ممن هم يسكنون حولها وحواليها وانا مستعد احط صورة
لكم واحط عليها مسابقة واتحدى اي واحد يجيب خبرها تدرون ليش
شافوها ناس من اللي ساكنين حولها وماجابو خبرها وشافها ناس
راعين هجولة وبران وكشتات يعين يكشت في اليوم 48ساعة
وماجاب لها خبر
اذا احد بيحط جائزة المسابقة انا مستعد احط الصورة امكانياتي
ماتسمح احط جائزة لو حاشي او جوال.
اللع يعافيك ياددسن نورتنا والله بهيك رياض وفياض اجل عشان كذا
حاط ددسن ههههه.
معالسلامة

[راعي المعناء]

الله يجزآك خير وماقصرت على المشاركه الطيبة

[ابو درع]

رعي الددسن .. ارجع لي ردودي .. انا قلتلك بدون اسم او لا تعرف اسمها


اما بالنسبة لاسمها فشخصيا لا اعلم ولكن بعد سؤال احد الرعيان
(ولا ادري عن صحت كلامه)
يقول انها ام السدرة ويتضح ذالك بوجود سدرة كبيرة في وسطها والله اعلم .....






يعني انت لا تدري من صحة كلامة وطرحك للموضوع
انها بدون اسم .. فقط حددت المكان



وانت الحكم

[كشّات شتوي]

الله لا يهينك أخوي ( الددسن79) بصراحة مسابقة حلوه جدا وفكرة رائعة
وبالفعل استطعت لفت انتباه الآخرين إلى قطعة غالية من بلادنا تتمتع بأجواء ربيعية
خلابة وهي الواقعة على طريق الساحل فتجمع بين الرياض الخضارء والبحر والجو العليل
في الشتاء .

[دبوس]

توصيف دقيق ومسابقة أجمل من عضو رائع .
اكتفيت بالمراقبة من البداية ولم أشارك لعدم معرفتي بها .
شكرا لك .

نفس المتفائل:D

[Abu Saad]

السلام عليكم

اشكر مجددا كل من شارك في الموضوع وتفاعل معه ...
والشكر موصول ايضا بالمشرفين اللذين رحبوا بالفكرة .



اخي العزيز ابودرع مساك الله بالخير :)

بخصوص ردك هذا :



رعي الددسن .. ارجع لي ردودي .. انا قلتلك بدون اسم او لا تعرف اسمها



اما بالنسبة لاسمها فشخصيا لا اعلم ولكن بعد سؤال احد الرعيان

(ولا ادري عن صحت كلامه)

يقول انها ام السدرة ويتضح ذالك بوجود سدرة كبيرة في وسطها والله اعلم .....



يعني انت لا تدري من صحة كلامة وطرحك للموضوع

انها بدون اسم .. فقط حددت المكان



وانت الحكم






بخصوص ردك اعلاه فاقول :

الاصل صحة كلام الراعي لانه من اهل المنطقة .....ومحاكيك ماله الا الظاهر.

مهيب مشكلة ولاتزعل :) .

لنفترض جدلاً ان الراعي نصاب وانه (معط) الاسم من راسه !

وانها بدون اسم وانك ايضا جاوبت الاجابة الصحيحة (انها بدون اسم) تمام :good:

طيب في هذه الحالة تبقى اجابتك ناقصة!

لانني طلبت في بداية الموضوع تحديد الاسم والمكان .

راجع بداية الموضوع والمطلوب فيه ، وان شاء الله تكون الصورة اتضحت لك .

... ولك الشكر ..



ولنا لقاء قريب ان شاء الله .







اخوكم

ددسن 79

[الطريسي700]

تكفون ياذيبه أرسلولي صور ددسن2007 وهذا هوالايميل :( ABO_BANDER_999@HOTMAIL.COM (ABO_BANDER_999@HOTMAIL.COM)

[المليحي]

1-التنهاة 2 فيضة خريم 3 -روضة نوره

[الروضة الشمالية]

هذا مكان استراحة او مزرعه

[طارق الحربي]

الطيور طارت بارزاقها وبعض الناس للحين ترمع

[ابوحماد]

2- العضو: ابوحماد :



وهذا اخطر رد في نظري ماشاء الله على الفراسة.



دام أنا أخطر رد في نظرك عطني دورة بددسن على العرمه والصمان والدهنا والحفر ثم أحدر جنوب غرب يم حائل
وعلى القصيم ثم نمر على روضة السبلة وجيبلك السيارة ماكنها تحركة وش رايك:D :D

يالله ربك كريم راح الددسن وربك يجيب الكزس

تحياتي على موضوعك المميز ونتبه هذي المره جت سليمه والثانية دمبوشي أصلي

[رحـ R ـال]

خخخخخ

قهر والله أني حولها بس لازم نص الددسن .......

ولك الشكر