المساعد الشخصي الرقمي

مشاهدة النسخة كاملة : الي له خبره عن شخالات باثفندر 2005 (دبة التلوث )


ابوتركي 2020
20/07/2016, 01:32 PM
السلام عليكم ورحمة الله وبركاته

لأهل الخبره في الباثفندر الجيل القديم

عندي باثفندر2005 تماتيك وفيه كتمه بسيطه ونصحوني افرغ دبات التلوث الي هي الشخالات طبعا مكانها تحت القزوز بالضبط وشفت مواتر نفس موتري قاصين الدبه الصغيره الي تحت مرتبت الراكب والسائق وحاطين مواصيروهذي اتوقع انها فلاتر او حقات صوت مادري بالضبط المهم انها مو دبات التلوث
سؤالي للي جربو هل تفريغ الشخالات الي تحت القزوز يأثر على السياره من ناحية نقص زيت او دخان مع الشكمان او ضعف بالعزم مع مرور الوقت .
الدبات الصغيره الي تحت مراتب السائق والراكب لو حطيت مواصير تفرق معي السياره

اعتذر عن الإطاله
شكراً لكم
أبونجم
20/07/2016, 02:43 PM
أنا إن شاء الله أفيدك .
كان عندي أثنين باثفندر واحد 2003 عادي وفيه دبات التلوث وماشاء الله لاقوة الابالله لادخان ولاريحة كربون ولا صرف بنزين .ولازال معي إلى الآن .
الباثفندر الثاني موديل 2005 تماتيك طبعا شريته ودبات التلوث مشيوله منه طبعا جلس معي فترة وبعته كان فيه كربون زايد ودخان اسود يعني اللي يمشي ورى السيارة يتأثر من الكربون وكذلك يصرف بنزين واجد .
نصيحه من واقع تجربه :
لاتشيل دبات التلوث الابعد ماتتأكد ان التكتيم او التفتفه منها وانها صارت مسدودة ,حاول تنظف الحساس اللي ورى الدبه طبعا حساسين اثنين وتصنفرهم وتنظف بوابة الثروتل اللي هي الخانق بعد القربه حقت الهواء بمنظف إلكترونيات وليس منظف أي سي ديلكو. وتغير البواجي وشوف النتيجة .


تحياتي لك .
أبونجم
20/07/2016, 02:57 PM
هذي دبه التلوث ونصيحة لاتشيلها تراها سهل انك تشيلها وصعب انك تحصل عليها غاليه جدا وكذلك يبغالك برمجة للكمبيوتر بعد ماتشيلها .

http://store1.up-00.com/2016-07/1469015609311.jpg (http://www.up-00.com/)