تلميع الأنوار .. شارك برأيك وتجربتك

[وحداني بعرعر]

السلام عليكم ورحمة الله ..

حياكم الله جميعاً ( مشرف - عضو - زائر )

ماهي أفضل طريقة للحصول على لمعة لأنوار السيارة بحيث تكون مثل الجديد ؟!..

فلقد قال بعض خبراء التجارب مايلي :-

* معجون أسنان عادي ويفرك به النور فترة طويلة ويغسل .. بعد التجربة ماتغير شيء .. بالعكس أشوف زاد الأمر سوء !

* تلميع باستخدام صاروخ تلميع البدي ومعجون أصفر ويدرم النور ؟؟! ( مادري ؟! وش رايكم )

* فك النور كامل وغسلة من الداخل والخارج بماء ساخن والاكتفاء بدعكة فقظ ! ( مدري وش نتائجة ! )

* إستخدام فليت ( مبيد حشرات ) ويبخ مباشرة على النور وبعدها يتم فركه وغسلة !!

* إستخدام البيبسي والمشروبات الغازية !! ( بصراحة موتري راعي بايسن :D )

*إستخدام مستحضرإزالة طلاء الأظافر- مزيل مناكير - وفرك النور بقطنة ناعمة او منديل !! ( بصراحة شفت فديو واندهشت من النتائج , ولكن هل يأثر على البلاستيك مع الوقت ؟!)

* التلميع عند محلات التضليل لومار , ثري إم بمبلغ 150 ريال تقريبا ً ( من جرب تلميع الشركات .!؟ )

وأعتذر على الإطالة ولكن لتعم الفائدة و أرجوا من الجميع المشاركة ,,

دمتم بخير ’ ’ ’

[شعوفاان]

وعليكم السلام ورحمة الله وبكاته
موضوع منتاز لاكن من تجربتي انتبه من استخدام مزيل طلاء الاظافر بوقته حلو لاكن بعد فتره وجيزه لاتذكر راح تنعدم اكثر مما كانت عليه من تجربه واللي خلاني اجربي مقاطع باليوتيوب لاكن الوضع طلع سلبي علما ان الانوار او الصطب بلاستيك ليس زجاج

[بامالك]

وعليكم السلام ورحمة الله وبركاته .
اشكرك على الموضوع الرائع ، بالمختصر المفيد الطريقة مجربها شخصيا ورح أحط فيديوهات تفصيلية باذن الله نهاية الرد .
الطريقة كالتالي : ( أنوار بلاستيك وليست زجاج )

- غسل الشمعة ونظفها من الخارج ونشفها .
- اشتري ورق صنفره ( sanding paper ) أربعة أو ثلاثة مستويات من الخشونة ( خشن اقل خشونة ومتوسط وناعم جدا ) لا تاخذ خشن مررره .
- ابدأ بالصنفرة الخشنة مع الرش المستمر بالماء ، وصنفر كامل الشمعة بشكل افقي وبمسافات متقاربة وضغط متوسط ، حتى تزيل الطبقة البلاستيكية الصفراء او التي تظهر على شكل تقشرات .
- اذا راحت التقشرات واصبحت الشمعة ( مشهبة - مغبشة - طبقة ضبابية - hazy ) انتقل للصنفرة الانعم وصنفر كامل الشمعة مثل الخطوة السابقة .
- اخر صنفرة تكون الناعمة وهي اللي تعطي سطح الشمعة الملمس الناعم والمتساوي .
- اخيرا استخدم إما منتج plastix الخاص بتلميع الشمعات وقيمته 30 ريال في ساكو ، أو استخدم البوليش او الواكس ( الملمع الناعم ) وقم بوضع كمية بسيطة على الشمعة وادعكها بضمير ههههه وخليها دقيقة وامسسسحها وباذن الله تلاحظ الفرق ... ( ممنوع استخدام الملمع الخشن لانك بتخرب اللي سويته بالصنفره الناعمة ) .
المقطع الأول : ( chris fix )
https://www.youtube.com/watch?v=UEJbKLZ7RmM
المقطع الثاني : صاحبة القناة فتاة وهي التي تقوم بالتلميع .

https://www.youtube.com/watch?v=b8KzRFo1K8Y

بالتوفيق للجميع .

[hilux2]

وعليكم السلام ورحمه الله وبركاته

مع الاسف مافيه طريقه لارجاع النور كما كان
بعد التلميع ينظف النور ويصير مقارب للجديد وما يطول النور ويرجع اصفر واسوء من قبل في الرؤيه والشكل

وافضل انك تشتري شمعات اصليه او تجاريه وتركب لها نظارات للحمايه واذا صفرة النظاره لمعها ١ او ٢ او حتى ٥ لين تشوف ان معاد يفيد معاها التلميع ارمها وخذ وحده ثانيه

[الحربي 591]

انا نظفت نور موتري و الطريقه ..

تروح محل يبيع بويات سيارات ..
واشتريت صنفره رقم 2000 و رقم 1000 ورقم 1500 .

يكفي 2000 و 1000

صنفرت برقم 1000 مع رش مويه.
و صنفرت برقم 2000 مع رش مويه .

بعد ما خلصت وناظرت راحت الخدوش لكن مازالت مشهبه ..
ويوم فقدت الامل :)كنسلت كل شي قلت مافيه حل الا تغييرها .

المهم وانا في الورشه اغير الزيت نقط زيت على الشمعه ..و محل النقطه يبرق ويلمعع :)
واحط في مناديل زيت وامسح الا والله انها مثل الجديده بالضبط :eek:
ومن بعدها اخذت علبه زيت كل ما اسافر ولا امسك خط مظلم امسحها بزيت يجلس ثلاث ايام وهي تلمع

طبعا الصنفره شالت طبقه حتى لو حطيت زيت ما يروح ..

وهذي هي خلطتي السريه :)

[الحربي 591]

ان بغيت صور انتظروني ..ابي اللمعه تروح :D

[وحداني بعرعر]

بارك الله فيمن شارك وننتظر المزيد من التجارب والحلول ..

مدح لي شغل عن محل اسمه ليزر على طريق خريص في محطة وقود يعطي لمعة مثل الوكالة بنسبة 100% !!! أحد لمّع عنده ياقوم .؟!

الحربي 591 لامانع من إرفاق الصور والشرح .. نوسع الصدر ونتنو و و و ر :)

[مطر وسم]

متابع ......................

[بحر العطا]

لا اله الا الله

[وحداني بعرعر]

البارح رحت لمحل 3m الفرع الرئيسي بطريق خريص وقال التلميع ب 150 ريال ويرجع لمعة 85% مثل الجديد

والحمدلله سويت عنده تلميع وحط ع النور معجون كأنه كار ويكس ,, ولكن بعلبة عصر خاصة عليها اسم المحل 3m وعطاها فرك بريشة الصاروخ الناعم كم شوط وماشاء الله تبارك الله رجعت لمعة النور فوق 90% وأحسن مما توقعت وقالي ركب عليها حماية ب 300 مع ضمان لمدة 5 سنوات مع تلميع مجاني في أي وقت تحتاج للتمليع

وحطيت الحماية وأبشركم .. النووور ماشاء الله أمشي بالليل مرتاح وصرت أشوف بالخط صح ..

أتمنى الفايدة للجميع ،،

[أبو_الوليد]

انا نظفت نور موتري و الطريقه ..

تروح محل يبيع بويات سيارات ..
واشتريت صنفره رقم 2000 و رقم 1000 ورقم 1500 .

يكفي 2000 و 1000

صنفرت برقم 1000 مع رش مويه.
و صنفرت برقم 2000 مع رش مويه .

بعد ما خلصت وناظرت راحت الخدوش لكن مازالت مشهبه ..
ويوم فقدت الامل :)كنسلت كل شي قلت مافيه حل الا تغييرها .

المهم وانا في الورشه اغير الزيت نقط زيت على الشمعه ..و محل النقطه يبرق ويلمعع :)
واحط في مناديل زيت وامسح الا والله انها مثل الجديده بالضبط :eek:
ومن بعدها اخذت علبه زيت كل ما اسافر ولا امسك خط مظلم امسحها بزيت يجلس ثلاث ايام وهي تلمع

طبعا الصنفره شالت طبقه حتى لو حطيت زيت ما يروح ..

وهذي هي خلطتي السريه :)

صدقت انا صارلي نفس موقفك فكيت بوابة الهواء وكان فيها بواقي زيت نقطت على الشمعه زعلت جدا بس لما مسحت بالمناديل الا هي تلمع