تسجيل الدخول

مشاهدة النسخة كاملة : طريقة تركيب الخيمه بالتفصيل خدمة


نفود العريق
27/01/2007, 06:03 AM
السلام عليكم ورحمة الله وبركاتة
اشكر مؤؤسس و المشريفين الكبااار على جهدهم الكبير لخدمة الناس من خلااال هذا الموقع الذي اخذ صيت وصدى كبير عند الصغير قبل الكبيرر ويكفي انه من المواقع القليله اللي الاعضااااء اللي فيها اغلبهم كبار السن ورجال شرواكم انا متااابع قديم للموقع وهذا اول يوم لي فيه واول مشاااركه وبغيت خدمه منكم انا بصرااحه اخر مره كشتنا بخيمتنا من 10 ونااااسيها كيف تركيبها بالضبط ورفيفكم ماهو راعي بر مررررره بس مواعد الشبااااب على تخيييمه خيمه عند واحد من الشباااب عامودين تركيبها زي القدديمه وبغيت منكم هذي الخدمه خاصه من كباار الاعضاااء والمشرفييين واتمنى ان يكووون هنااك صووووور لطريقة نصب الخيمة لاني ملااحظ انه لا يوجد مووووضوع شرح مفصل لنصب الخيمة وارجو انكم ما تخذلوني وشكرا
نفود العريق
27/01/2007, 06:06 AM
معليش على الخطأ من 10 سنين
مدور ربيع
27/01/2007, 01:19 PM
بالنسبة لتركيب اي خيمة تنفع هذهي الطريقة :



1- شبك اعمدة الخيمة مع بعضها البعض , مع ملاحظة وضع الحديده في اعلى العمود

2- ادخل العمود في غطاء الخيمه ( سوى عمود او عمودين )

3- ارفع غطاء الخيمة بالعمود حتى يستقيم العمود

3- دع شخص اخر يثبت حبال غطاء الخيمة بالاوتاد ( يكفي ان تشد 4 جهات شد غير قوي )

5- حاول ان تعرف بداية الرواق بالنسبة لغطاء الخيمه ( عادة بااحدى الزوايا )

6- بعد ان تنتهي من تركيب الرواق , شد جميع حبال الخيمة

7- يجب ان يكون اتجاه حبال الشد على نفس مكان الخياطه بالغطاء

8- ادفن اطراف الخيمة السفليه بالرمل او الطين
نفود العريق
27/01/2007, 03:52 PM
مشكور يا مدور الربيع على هالمشاااركه بس انا فيه حاجااات ناسيها مثل العامودين كيف اثبتهم بالارض احفر يعني ومقدااار كم والحبال اشدهم قبل الف الرواااق والا بعد واهم شي الرواااق كيف اركبه هل اطقه بالارض ثم الخشب اللي فوق كيف اثبته بغطى الخيمه فيه حبااال تدخل بكل عامود من الرواااق والا كيف ارجو اني ما تعبتكم
ولد وايل
03/02/2007, 06:09 PM
اخي الكريم العواميد ما يحتاج لها دفن من ثقل الطربال يثبت العواميد

عموما كلام اخوي مدور الربيع وافي
عمق
04/02/2007, 01:12 AM
احب اضيف مشاركتي معكم
شف يالغالي ولايهون الربع
الخيمة ليمنك نزلتها من الموتر
وفكيت الاربطة
فك( الاروقة) وافرشها على الارض
(وشراع الخيمة) فله على الارض ومسس حبلانه
الاروقة والشراع خلها كنها مبطوحه على وجهها
ثم واس مكان نصب الخيمة مع مرعاة اتجاه الهواء وعدم وجود مجرى سيول ..الخ
اول شي افراش الشراع ومسس احبالة في المكان الي بتنصب الخيمه فيه ثم دق منساب (طنب) في اركان الشراع بحيث مايتجاوز مترين او على نصف طول الحبال
ثم امسك العامود وانهزه( ارفعه) في وسط الخيمه وارفعه فوق وثبته على الارض بدون حفر اذا قومت الشراع
جب الرواق الاول وانتبه تخالف البيبان
واشبكة مع الشراع وابد عاد شبكها الين تنتهي من الرواق الاول والثاني
ثم دق مناسيب الخيمة الباقية بشكل نهائي وابدء في شدها وتمسيسها الين تضبط معك
اهم شي المناسيب (الاطناب) تكون على مستوى واحد في التباعد بينها وهذا يعطي للخيمه مظهر جميل وقوه
اما تشبيك الخيمة يحتاج ليد خفيفة لان بعضهم يعقد الحبال عند التشبيك واذا جيت تفكها تتعب
الله يوفق الجميع
س م ح 999
04/02/2007, 04:57 PM
وأحب أضيف شي ولا يهونون الأخوان إنك تخلي بابها شمالي جنوبي
نفود العريق
10/02/2007, 09:28 PM
شكرا للاخواان على افادتهم لنا وخاصه الاخوان عمق ومدور الربيع ولكن الموووضوع له 3 اسابيع وين تجااارب الاخواان الكبااار نبي تجااااربكم خااااصه المشرفين والاعضاء الكبار