صورة (( تويس )) مندى على الصحن من اعدادي.... لا يفوتكم

[السفيرنواف]

إخواني اعضاء ورواد منتدى مكشات
احيكم بتحية الأسلام تحيته يوم يلقونه سلاما
سلام الله عليكم ورحمته وبركاته
وأسعد الله أيامكم جميعا

هذه مشاركتي الأولى في هذا الموقع وبإذن الله دوم
رغم معرفتي هذا الموقع من قبل (( 4 )) سنوات ومتابع له بشكل دائما ولكن سبحان الله لم أشارك من قبل
ولكنني اعدكم بأن اتواصل معكم دوما
فموقع جبّار بما تعنيه الكلمة
لن أذهب بعيدا وسأضع الصورة
وللمعلومية هذه الصورة تم إعدادها يوم الجمعة الموافق 28/9/1247هـ ليلة الــ((29)) في شهر رمضان
وهي حصرية لمنتديات بوابة العرب

إليكم الصورة:
http://www.m5zn.com/uploads/8ecea04010.jpg

وش رائكم بالصورة وجبة دسمة من عيار ثقيل
هل انبسطتم من الصورة
أنظروا للتويس بصراحة تويس إلا ربع في هذا الصحن
كم هو جميل ورائع مقمر قصدي محمر وشحم يعني دسم
وجماله يكمل بأنه لا إضافات فيه ابدا
لا لون ولا بهارات ولا يحزنون والرز أبيض (( حبة حبة )) الظاهر عرفتوه (( ...... )) تورني ما قلت شئ
على طبيعته تم إضافة ملح فقد وليس مثل المطابخ يضيفون ملح الصوديم


اعدكم قريبا بوضع موضوع كامل عن هذه العشوة بالتفصيل الممل مع باقي الصور وطريقة الاعداد


اخوكم
السفيرنواف
ابوعبدالله

[Abu Saad]

تصدق قعدت ساعة ادور التوبيس في الصورة!!!
ويوم دققت اثرك كاتب (تويس) ... الله لايعمينا!
وانا اقول وش دخل التوبيس في الصحن!!
:)

[عاشق البران99]

حياك ربي أخوي السفير نواف ،،،

وش هذا ياالله من فضلك شي غير طبيعي ،،،

حرق اعصاب من اولها ، مالك حق نبيه حقيقة ( أمزح ) ،،،

[rakan2020]

رهيب والله ياالسفير:good:

بس عاد لاطول علينا بالشرح خطوه خطوه

[فل اوبشن]

ماشاء الله شغل مرتب بس الصوره كبيره مره اول ماطالعت ساق ادمي قلت الله يستر
ليا اللي ذابح التويس مع الحماس قطع رجله :d

[يازين الجو]

اقوول ترا بطني قامت تقرقر

الله لايهينك عجل بالطريقه اليوم لازم نجربها ..

[الحوت777]

عز الله لحم مندي على اصوله

[عبار درب]

الشكل مضبوط بس بصراحة السنون روعتني شكله كبير سن او انا غلطان
عليك بالباني و انا اخوك

[ابوحمد2006]

ماكول العافيه والله لايهينك تراك بتواعدنا بعزيمه على مثل هلي في الصحن
لاتصدق امزح بس الصوره كبيرة مرة

[HONDA 888]

الشكل مضبوط بس بصراحة السنون روعتني شكله كبير سن او انا غلطان
عليك بالباني و انا اخوك

حرام عليك الذبيحة صغيرة
وش تبي اصغر من كذا

[عبــادي]

ماشاء الله .. مشكور على الصورة ..
شكل التيس مركب ضروس ذهبية قبل يموت .

[بني حسن]

والله الواحد صار يبلع بريقه تالي هالليل
مشكور يا سعادة السفير

[حجيلان]

ماشاء الله عليكم عز الله انه شغل ناهي وعدل عساه بالعافيه
بيض الله وجهك اخوي السفير
ليتك كتبت بالعنوان ممنوع دخول مرضى القلب

[الصل الأسود]

يوووؤ ..

أول مادخلت الصفحة دخل التيس عندي :d

ما شاء الله ، ، الله يهنيكم

بس شكلك ما حطيت زيت أبد :d :d

[tiger123]

يعطيك العافية يا سفير الكروش,,,,,,,,,lol ,,بس لاتطول علينا بشرح الطبخة اللي شكلها بالمره شهية ومطبوخة بطريقة فنيه.
وحط تفاصيل الطبخة بالتفصيل الممل ومشكور.
tiger123

[كويشيت]

الله يعطيك العافيه

[السفيرنواف]

تصدق قعدت ساعة ادور التوبيس في الصورة!!!
ويوم دققت اثرك كاتب (تويس) ... الله لايعمينا!
وانا اقول وش دخل التوبيس في الصحن!!
:)
نعلبوا أبليسك ياددسن79
أوتبيس مرة واحدة في صحن
الظاهر مشغول بالك هالايام بأوتبيس الطالبات ;)
أهم شئ أعجبيتك الصورة



حياك ربي أخوي السفير نواف ،،،
وش هذا ياالله من فضلك شي غير طبيعي ،،،
حرق اعصاب من اولها ، مالك حق نبيه حقيقة ( أمزح ) ،،،
الله يحيك ياعاشق البران99
هذا أقل شئ أقدمه لهذا الموقع الجميل والرائغ
ابشر بسعدك بس إذا قربت لــــ(( مكة )) ابلغني برسالة خاصة وابشر بدسمة الشارب



رهيب والله ياالسفير:good:
بس عاد لاطول علينا بالشرح خطوه خطوه
ابشر ياخوي سأشرح لك وللجميع بالشرح الممل

[ابو شكاع]

ماشاء الله
الله يعطيك العافية
الصورة مصغرة هنا

http://www.mekshat.com/pix/upload/images26/mk2388_8ecea04010.jpg

[الأسمري 2009]

مممممممممم لذيذ وتخلي الواحد يسعبل

على العموم بداية خير معالي السفير ونتمنى الاكثر والى الامام ان شاء اللة

[عاشق VXR]

ما شاء الله ...
بالعافية ...

[شيخ نجد]

يبدو حجم الصورة كبير جدا لذلك احببت مساعدة الاخ ..يعني انه صديقي:D



تبي الصحيح الصورة الاوله اشهى والذ لمن يعشق التأمل.. شكل الرز نثري مطعم برائحة المندي





http://www.9q9q.org/index.php?image=YioHiGHhdiIGnJ

[السفيرنواف]

ماشاء الله شغل مرتب بس الصوره كبيره مره اول ماطالعت ساق ادمي قلت الله يستر
ليا اللي ذابح التويس مع الحماس قطع رجله
هلا بالأخ/ فل اوبشن
تشرفت بوجودك
تبي الصدق زين ما طلعت إلا ساق الادمي
يمكن المره القادمة بتشوف هالدب فوق الصحن:d



اقوول ترا بطني قامت تقرقر
الله لايهينك عجل بالطريقه اليوم لازم نجربها .
هلا بالأخ/ يازين الجو
ابشر بسعدك كل مسألت وقت وبإذن الله بتشوف الموضوع كامل والكامل الله



عز الله لحم مندي على اصوله
هلا بالأخ/ القثامي
شاهده اعتز بها والمندى لا ينفع معه غير اصوله
والاضافات الاخرى اعتبرها خنبقة وتفقد المندى لذته وسأل مجرب ولا تسأل طبيب

تحياتي

[yhassen]

كلاااااااااااااااام

[zoom10]

بصراحة يبغالها شطة كرستال .......... خل رنا تقعد على جنب

[sasasasas]

ما قصرت والله انك شهيتني
وبالعافيه عليك
تقبل مروري

[السفيرنواف]

الشكل مضبوط بس بصراحة السنون روعتني شكله كبير سن او انا غلطان
عليك بالباني و انا اخوك

حرام عليك يا (( عيار درب ))
هذا تويس ما تجاوز عمره 6 اشهر

الظاهر تحتاج لدراسة في أعمار وسن التويس;)

وش أبي من ألباني .......... حرام عليك
الحري ما في أزين منه أبد


بس لا عاد تعودها ثاني مرة:p

[3BOOODE]

جعله بالعافيه

وتسلم يدينك

[ارحبو]

الاخ السفير نواف طول الله عمرك اخوي







صورة التويس حسب التاريخ اعلى الصورة لها
181سنه وتقول انت اللي مسويه الله يجعله
بالعافية فابي اسئلك اذا كان التاريخ صحيح سؤالين :-



1- كم عمرك الحين ماشاء الله

2- في اي عهد سويت التيس طال عمرك






والف شكر على الصورة اخوي السفير







اخوك ارحبو

[اوكسجين]

السلام عليكم ورحمة الله

اخوي السفييير الساق الي طالعه بصورة هي ساق خويك والا ساق التوييس

اكثر ماعجبني الببسي والسفن ابو نص ريال

هههههههههه

بالعافية

[بنت الجزيرة..]

ممكن أقول شي بس ما تعصب؟؟شكله ني وما يمديه يستوي..

بس يعطيك العافية وتسلم

[Swordfish]

السلام عليكم ورحمة الله


اخوي السفييير الساق الي طالعه بصورة هي ساق خويك والا ساق التوييس

اكثر ماعجبني الببسي والسفن ابو نص ريال

هههههههههه

بالعافية






يا سيد يا سيد:director: اثباتك لو سمحت يالله يا اكسجين على التوقيف :director:

[اهلا وسهلا]

اف اف اف اف يااااااااااااااااااااااااااااااااااااااااااااااااا اااااااا سلام بالعافية

[السفيرنواف]

ماكول العافيه والله لايهينك تراك بتواعدنا بعزيمه على مثل هلي في الصحن
لاتصدق امزح بس الصوره كبيرة مرة
هلا والله بأبوأحمد الله يعافيك
أبشر بسعدك يالغالي.....
بس دز لي رسالة عندما تأتي لمكة ....
وابشر سعدك .... تراني ما أمزح

وحياك الله في أي وقت
أخوك
ابوعبدالله

[السفيرنواف]

حرام عليك الذبيحة صغيرة
وش تبي اصغر من كذا

مادرى أن عمر الذبيحة لم يصل 5 أشهر .....
ولكن البعض يحتاج لدروس خصوصية في معرفة سن الذبائح ;)

[السفيرنواف]

ماشاء الله .. مشكور على الصورة ..

شكل التيس مركب ضروس ذهبية قبل يموت .




^
^
^


هلا والله بعبادي
اشكرك على تشريفك الموضوع
وأنت الصادق النار لاعب في حسبته اللي يشوفه .... يقول مثل ماذكرت

[الغزال الشارد]

http://www.moq3.com/pics/up_2007/01_2007/6411719c56.gif (www.moq3.com)

[TuRkI m]

:p ذبحبنا الجوع يابو الشباب

[من نجد]

رهيب والله ياالسفير:good:

[السفيرنواف]

والله الواحد صار يبلع بريقه تالي هالليل
مشكور يا سعادة السفير

ليتني ذكرت ممنوع الدخول من بعد الساعة 10 مساء
لأنني عارف ما رائح تلاقون مثله آخر الليل في المطاعم

[ابوعزام]

خيال الله يعطيك العافية

وننتظرجديدك الله يسلمك

ولكـ التحية والتقدير

[المدندن]

شغل رائع جدا ،وكله كوم والببسيه ام نص كوم (والا ماعاد فيه شي بنص ريال) , تحياتي لك وواصل مواضيعك الجميلة

[الدعساوي]

مشكور على الصور

[اول 111]

ابداع في ابداع

[عا سبيل بر]

إخواني اعضاء ورواد منتدى مكشات

احيكم بتحية الأسلام تحيته يوم يلقونه سلاما
سلام الله عليكم ورحمته وبركاته
وأسعد الله أيامكم جميعا

هذه مشاركتي الأولى في هذا الموقع وبإذن الله دوم
رغم معرفتي هذا الموقع من قبل (( 4 )) سنوات ومتابع له بشكل دائما ولكن سبحان الله لم أشارك من قبل
ولكنني اعدكم بأن اتواصل معكم دوما
فموقع جبّار بما تعنيه الكلمة
لن أذهب بعيدا وسأضع الصورة
وللمعلومية هذه الصورة تم إعدادها يوم الجمعة الموافق 28/9/1247هـ ليلة الــ((29)) في شهر رمضان
وهي حصرية لمنتديات بوابة العرب

إليكم الصورة:


وش رائكم بالصورة وجبة دسمة من عيار ثقيل
هل انبسطتم من الصورة
أنظروا للتويس بصراحة تويس إلا ربع في هذا الصحن
كم هو جميل ورائع مقمر قصدي محمر وشحم يعني دسم
وجماله يكمل بأنه لا إضافات فيه ابدا
لا لون ولا بهارات ولا يحزنون والرز أبيض (( حبة حبة )) الظاهر عرفتوه (( ...... )) تورني ما قلت شئ
على طبيعته تم إضافة ملح فقد وليس مثل المطابخ يضيفون ملح الصوديم


اعدكم قريبا بوضع موضوع كامل عن هذه العشوة بالتفصيل الممل مع باقي الصور وطريقة الاعداد


اخوكم
السفيرنواف

ابوعبدالله



الله يعطيك العافية

والله يصلحك لك الحين من 27/1/2007 تاريخ الموضوع إلى اليوم ما كتبت عن الموضوع بالكامل بالتفصيل الممل :o والله ينت جبار

[النمرالتميمي]

الله يعطيك العافية اخوي الغالي

والله انها مغريه

عليكم بالعافية

[النادر3]

يعطيك العافية

[عاشق تمير]

جعله مهابيط العافيه