ترحيب بالعائد بالبيطار مع لغيز..........الحل: فشار & راشف....حله:عليق بري

[ابو ماجد 2]

بسم الله الرحمن الرحيم

السلام عليكم ورحمة الله وبركاته

لغز وترحيب بحبيبنا البيطار

عجلٍ لساح النت انحر مرافيه =حتى من التنسيق ماني بمصحوب
بسباب عزيز لافي النت لافيه= بيطار في ذبح الملاكيك موهوب
اهلا هلا مليون يامرحبا فيه=واللغز جاكم ياهل الغطو ملعوب
بربع حروف واربع نقاط توافيه= تلقى العجايب لا غدا الاسم مقلوب
بالاولي ماكول طاري لنا فيه=والثاني يطري لاتقصيت مشروب

مع تحيات ابو ماجد

خيمة الالغاز .منتديات مكشات

[يمكن شاعر]

عليكم السلام
صح لسانك ملاييين يابوماجد
لاهنت يالغالي دايم سباق للترحيب
الله يعطيك الصحه والعافيه يالغالي
ويستاهل الغالي البيطار والحمدالله على سلامته

[قوافي ( أم نهار )]

وعليكم السلام ورحمة الله وبركاته
صح لسانك ابو ماجد
يستاهل الفاضل البيطار الأسناد وعوداً حميداً بإذن الله..
دمتم بحفظ الله
تحياتي وتقديري واحترامي

[ابو ماجد 2]

عليكم السلام
صح لسانك ملاييين يابوماجد
لاهنت يالغالي دايم سباق للترحيب
الله يعطيك الصحه والعافيه يالغالي
ويستاهل الغالي البيطار والحمدالله على سلامته
هلا بصقر الكويت
صح بدنك يالغالي
شرفتني
والبيطار كان رميعا داهيا مثلكم يعني جاكم منافس
الله يزيدكم جميعا من فضله

[ابو ماجد 2]

وعليكم السلام ورحمة الله وبركاته
صح لسانك ابو ماجد
يستاهل الفاضل البيطار الأسناد وعوداً حميداً بإذن الله..
دمتم بحفظ الله
تحياتي وتقديري واحترامي

هلا بنحلة مكشات
صح بدنك
والبيطار سينظم لركب الدهاة الله يزيدهم ترميعا ويزيدنا تمويها
والف الف شكر للتنسيق

[عليق بري]

صح لسانك يا بو ماجد
ومرحبا بالغالي البيطار ..

[ابوذيبان]

الله الله يالقدوة .

صح قلبك وكلك يالشيخ

عوايدك يا ابا العوايد

ويستاهل الغالي . البيطار الطيب كله

جاري التمحيص

المحب

[عليق بري]

نستفتح : فشار & راشف ...

[ابوذيبان]

.. الله.. الله.. الله

تأبط رمعا . معلق الالغاز

يأتي بعيد الاضحى قبل وقته ويضحي بهذا اللغز السمين

ماشاء الله تبارك الله

كفووووووووووووووووووووووووووووووو

مليوووووووون .. كفوووووووووووووو

اهنيك مقدما

[badr2003]

صح لسانك ملايين باو ماجد ويستاهل البيطار الترحيب
ورمعة عليق بري كايفة

[النبهاني]

وعليكم السلام والرحمه
صح لسانك ياتنيني وعوايدك يالوافي
ويستاهل البيطار والحمد لله على السلامه
وكفو مقدما لمعلق الالغاز

[البيطار]

أحرجتوني بطيبكم و وفاكم
الله يجعلك عزيز يابو ماجد و ما استاهل هذا كله
و المشاركة واجبة و حق علي مع الوافين مثلكم
تسلم دوم يابو ماجد و رحم الله والديك و كل من رحب
يمكن شاعر
قوافي
عليق بري
ابو ذيبان
بدر
النبهاني
.
لكم كل الحب و التقدير و الإجلال

[حمد؟؟]

صح لسانك ابو ماجد ماشاء الله تبارك الله
ويستاهل الاخ البيطار الاسناد
وياهلا ومرحبا الاخ البيطار
عودا حميد
ومثل ماقلت يابو ماجد
داهيه ماشاء الله عليه عقب ماشفت رمعته بلغز ابو منصور

[قوافي ( أم نهار )]

يرفع ليرمع رفع الله قدركم

[ابو ماجد 2]

نستفتح : فشار & راشف ...
المعذره منكم جميعا كنت اعتقد اني رديت
والف شكر نحلة مكشات لتنبيهي
كفووووووووووووووو كفووووووووووووووووو كفوووووو
تأبط رمعا
لله درك وصح لسانك ملايين
نعم
راشف . فشار
شكرا لمن مر ومن ايد