خذلتوني هناك 00 لا تخــــــــــذلوني هنا

[نوت]

السلام عليكم ورحمة الله وبركاته



مساء الخيـــــــــــــر أخواني الأكارم





عندي طلب ورجاءً 00 رجاءً 00 رجاءً لا تفشلوني فيه



مثل ما تفشلت في الموضوع هذا ولا أحد أعطاني طريقته


http://www.mekshat.com/vb/showthread.php?t=70109 (http://www.mekshat.com/vb/showthread.php?t=70109)


اليوم أنا محتاجة منكم وصفة مهمّـــــــــــة جداً لكل راعية بيت



فياليت تهتمون في موضوعي هذا وتساعدوني فيه



طلبي هو طريقة طبخ الذبيحة من 00 إلى 00



يعني أخوي أو أبوي لمّا يجيب لي الذبيحة بكيسها من عند ( المسلخ )



ويقول يالله شمّري عن إيديك وسويها



عزّ الله بتروح علووووووومي كلها



ولا أعرف اتصرررررررف



أنا بصراحة ما أدبر شئ من هالناحية



ومحتاجة أتعلم طريقة طبخ الذبيحة بشكل مفصــــــــــــــل



وهل الأفضل يكون الرز في النهاية أبيض وإلا أحمــــــــــــر



الطريقة التقليدية هي لحم يطبخ على النار



وفي مرقته نضع الرز المغسول



بدون بصل أو بهارات أو حركاااااات يعني



يطلع أبيض صااااافي



أبغى أعرف هل الأفضل هذه الطريقة



وإلا طريقة التكشين وتحمير البصل من البداية





ياليت تدلوني وإذا فيه صور لخطوات



طبخ الذبيحة أكون شاكرة وممنونة والله



رجاءً لا تهملون موضوعي



وما أبغى ألقى الردود 2 أو 3 والزيارات 2000 أو 30000



لا تحطمووووووووووووني بالله عليكم



أختكم نوت وطالبة فزعتكم معها





في حفظ الله

[HONDA 888]

بسم الله الرحمن الرحيم


ابشري بالسعد اختي نوت





وتراني زعلان عليك

بنت ماشاء الله طول وعرض ولا تعرفين تطبخين


اول شئ خذي قاعدة عندك الي يطبخ دجاجة يعرف يطبخ قعود


نعود للزبدة


اول شئ تاخذين قدر كبير يكفي للذبيحة

وتحطينة على النار وتحطين اللحم كلة في القدر وتحطين الموية علية الي يكفية انة ينضج ويبقى الي يكفي للرز
وبعد ما تحطين الموية تحطين البصل والثوم فقط
لا تحطين الطماط لان الذبيحة الطازجة ما يصلح عليها طماط

وبعدين تحطين الملح والبهارات

وبعد ما ينضج اللحم

تطلعينة من القدر وتحطينة في صحن

وعلى المرق تقطعين طماط وفلفل اخضر

وتصبين الرز علية وتخلينة الين ينضج وبعدين

تفرغين الرز وتجيبين اللحم وتحطينة علية

وبالعافية

[هلال المطيري]

ولا تنسين أختي نوت تنقعين الرز فيما يخلص الحم من الأستواء في القدر

[عاشق الصوان]

ياسلام عليك ياهوندا كلامه وافي ولكن الماء اول ماتحطينه لايكون بارد والذبيحه اذا كانت طلي صغير لاتكثري الطبخ عليها
والله برضى عليك وعلى والديك يااخت نوت

[نوت]

الله يهـــــــــــــــــديكم بس



قلتوا لي معلومات اللي بالروضة يعرفها !!!!







وش شاااااااايفيني ؟؟







أنا ودي أعرف الطريقة المفصــــــــــــلة







يعني مثلاً الطريقة التقليدية عند أغلب الناس ( البدو )



هي تعبئة القدر موية وتركها تغلي







وبعد الغليان يوضع اللحم وبعد مايستوي نطلّعه في صحن ويوضع الرز والإضافات ملح فقط







يعني يطلع الرز أبيض في النهاية







طيب اللي يبغاه أحمر وش يسوي ؟؟؟







أكيد لابد من كشنة محترمة بصل وثوم وزيت وبهارات بعضها حب وبعضها مطحونوطماطم







وبعدين اللحم ثم الماء ولابد يكون ساااااااااااااااااااااااخن







طيب كيف أسخن الكمية الكبيرة هذي من الماء ؟؟؟

ووين ؟؟؟







هل اسخنها على ( البوتوجاز )







وبمصطلحنا النجدي ( القز ) في قدور







وبعدين أصبها على اللحم في قدر الذبيحة وإلا كيف ؟؟







طيب لوفرضنا عملت هذي الطريقة واستوى اللحم







وطلعته في صحن







كيف أحط الرز المغسول المنقوع على المرقة







وهي مليانة بهارات حب وأعواد قرفة ووووو؟؟؟







كيف أصفي المرقة ؟؟؟







لاتقولون صبي المرقة في قدر ثاني







واطبخي رزّك ؟؟ لأنها حوووووووووسة ومالي خلق لها







أيضاً فيه مشكلة مشكلة كيف أعرف الذبيحة



استوت وإلا لا ؟؟







اللي اعرفه الذبيحة الصغيرة تستوي بسرعة والكبيرة لا ؟؟







كيف أعرف إنها استوت بدون ما أجلس أقطّع فاللحم







وبعدين عندنا عيب إن اللحم يجي منتف







والوالد طوّل الله بعمره مايرضيه إلا لمّا يشوف الذبيحة كاااااااااااااااااملة منسدحة علىالصحن







وسؤال آخر ما أفضل نوع أرز لطبخ الذبايح ؟؟؟







وهل الرجال يفضلوا الرز الأحمر وإلا الأبيض ؟؟











أخي العزيز HONDA888







شاكرة لك حضورك هنا والله يعطيك ألف عافية







ورجاءً لا تزعل مني وأنا أختك







والله أنا لهالحين ما كملت 19 سنة لكن







الظروف الصعبة هي اللي حدتني اتعلم طبخ الذبايح







وبالنسبة لطريقتك كيف أحط المويه واللحم







وبعدين أحط عليهم بصل وثوم







المفروض أول شئ أكشّن البصل والثوم وإلا







مايجي لهم طعم وأنا أختك







أكررشكـــــــــــري لك ولاتزعل مرة ثانية

[نوت]

ولا تنسين أختي نوت تنقعين الرز فيما يخلص الحم من الأستواء في القدر




ياااااااااااااااااااااااااااااالله صراحة فاتتني هذي !!!!:p


شاكرة لك أخ هلال وعساك سالم

[HONDA 888]

ياسلام عليك ياهوندا كلامه وافي ولكن الماء اول ماتحطينه لايكون بارد والذبيحه اذا كانت طلي صغير لاتكثري الطبخ عليها
والله برضى عليك وعلى والديك يااخت نوت

انت والله الي وافي وهرجك سمين

[HONDA 888]

عزيزتي هذي هي الطريق المتبعة في كل مكان


اما اذا تبين شغل ملكي هذي يبيلها كلام ثاني

لو تبيني اشرحها لك قولي لي وابشري ما يهمك:j

[عاشق الصوان]

انت والله الي وافي وهرجك سمين

ربي يسعدك والله والله ن شرحك ممتاز بدل مانعلمك تعلمينا !!!قلتي شي والله اجهله!
واشكرك على الاطراء وحلوه سمين ...... الله يستر على طاري الذبيحه

[طارق الحربي]

اخوي هوندا

بينما الذبيحه بالصحن وانا اضع الرز

ماتبرد ؟

[فارس عنيزه]

السلام عليكم انا عندي طريق مضمونه ان شا الله
1- قدر كاتم 2- كيلو ونص بصل 3- نص كيلو طماط 4-قدر والكاتم افضل5- رزالي يكفي الضيوف
الطريقه
تقطيع الذبيحه شلق(قطع كبير مثل الفخذ كامل واليدكامله والظلوع كامله)
2-تقطيع البصل ووضعه بالقدر مع شوي شحم او زيت مع التحريك لين يغدي لونوه بوني
وضع اللحم وحمسه مع البصل لمدة خمس دقايق ثم وضع الماء والبهارات والملح والصلصه وشوي طماط وعصيرانتي تعصرينوه من ليمون ابو زهيره وطول النار او زودي الحطب
احسبي ساعه الى ربع ثم افتحي القدروشوفي الملح واقطعي من اللحم وذوقي كانه استوا كبي الرز خلي الماء يغطي الرز شوي يعني تشوفين الرز ينبر مع الماء
واتركيه ربع ساعه بس قصري النار بالحيل علشان يتشرب الرز وافتحيه واسمعي كانه فيه صوت ماء خليه اشوي او اذا كان مافيه شي قلطي الضيوف
ملاحظه(لا تكبين الرز الى الماء حار بقوه طولي النار ثم كبيه)
الطريقه الثانيه
اطبخي اللحمه مع بصل وبهارات وليمون وملح بقدر بدون طماط
والرز بقدر ثاني مع ملح وبهارات وبصل وطماط وصلصه ان كان تبيه احمر
واغذرونا علا القصور
اخوكم فارس عنيزه للمعلوميه ان عمري 14 واطبخ من يوم كان عمري 10 وجربي الطبخ واذا كان مهب زين يركبن حق حاشي ههههههههه

[jaber280]

اخوي طارق الحربي
حط علي اللحم قصدير وقبل ما يخلص الرز ضع اللحم فوقه أو ضع اللحم في الفرن حتى يصبح لونه يميل للاحمرار وطبعا يكون ساخن جدا ثم ضعه على الرز . و بالهنا وعوافي

[طارق الحربي]

شكرا لك اخوي جابر

عقبال ما اعزمكم على الذبيحه اللي طابخها انا :)

[بنت كحيلان]

شوفي اختي بالنسبه لي ما اطبخ الذبايح الا بالاضحى والباقي بالمطاعم .. لكن طريقتي مرره سهله وان شاء الله تفيدك ..
اول شي جهزي القدر وحطيه على النار وحطي فيه مويه اللين نصه تقريبا .. المويه تضيفينها بالطريقه اللي تناسبك سواء كان تعبين قدر صغير وتكبينه بالكبير او اي طريقه سهله لانك ماراح تقدرين تشيلين القدر بمويته وتركبينه على البوتجاز .
اغسلي اللحم زين وبعدها حطيه على المويه وبيرتفع مقدار المويه الى ثلثين القدر اضيفي بصل مقطع كبار وطماط مقطع كبار .. وحطي انواع البهارات اللي عندك ( ليمون اسود , هيل , دارسين , ورق غار .. الخ ) وملعقه صغيره من البهارات البودره والملح طبعا واذا تبينه يصير لونه شوي على احمر حطي علبه وحده من معجون الطماط .. وخلي القدر على النار حوالي ساعتين .. اللين يستوي اللحم
بالنسبه لي يكون عندي قدر ثاني احط فيه مقدار المرق المناسب للرز .. واحسن شي تستخدمين رز بنجابي المهيدب البسمتي لانه يشرف بالعزايم وحبته طويله وكل مقدار من الرز بمقدارين مرق .. يعني لو كان قياسك طاسه مثلا بيكون طاسة رز بطاستين مرق واذا تبينه مفلفل بيكون كل طاسة رز بطاستين الا ربع مرق ..
بيكون قبلها انتي مسويه كشنه عبارة عن بصل مقطع صغار وتاركته على النار مع شوية مويه بسيطه مرره اللين يذبل وبعدها تضيفين عليه شوية زيت والبهارات المطحونه والزبيب وتتركينه اللين يستوي البصل تماما ..
اذا بدا الرز ينشف حطي عليه من فوق شوية صبغة بودرة ( اذا كنتي تبين الرز يصير على اصفر ) وحطي فوقة الكشنه وخليها اللين عشر دقايق تقريبا ..
اللحم بيكون بالقدر الكبير الثاني .. تبينه يتحمر حطي شوية مرق مع شوي معجون طماط على اللحم بواسطة الملعقه وها الحركه بتخلي شكل الحم حلوو وصاير على احمر ومميز .. ماتبين تحمرينه طلعيه من المرق وحطيه على الرز .. وماراح يكون بارد لان المرق بيحتفظ بحرارته فتره طويله ..
اتمنى اكون ساعدتك .. واذا تحبين تستفسرين عن شي انا حاضره ..

[اخو مناحي]

الله يهديك يا فارس عنيزة تبي توهق البنت
تقولك حذبيحة كاملة جايبها ابوها أو اخوها يعني الرجال يبي مفطح و يمكن عنده ضيوف و انت تقول قطعي الذبيحة
تبي تجيب العيد وأنا اخوك

[ابوخالد]

الحقيقه ماقصرو الشباب

يعطيهم العافيه

[نوت]

HONDA888

شاكرة حضورك وماقصرت الله يعطيك ألف عافية

واعتذر عن إزعاجك



فارس عنيــــــــزة

بنت كحيـــــــــــــلان


شكــــــــري وتقديري لكما


ولجميع من حضر هنا


في رعاية الله وحفظه

*

[كشته 111]

وهذي مشاركة مني لموضوع الاخت نوت لطبخ المفاطيح ملطوش من طباخة من منتدي نسائي ,,,,



المفطح
مناسبة التقديم: للضيوف


التنفيذ: مرهق


http://www.w31w.com/up/w31w_k6OjrYnrRH.jpg


التعريف بالوصفة
من الاكلات المعروفه في السعودية ...وكثيرا ماتقدم لاكرام الضيف ..

المكونات والمقادير

خروف متوسط الحجم
عشرين كاسة رز
سبع بصلات مقطعة أجنحة
معلقة زعفران
-معلقة هيل مطحون
-ربع كأس ماء ورد
كأس زبيب
-كأس لوز-نصف كأس صنوبر محمر

لتتبيل الخروف :
علبةمعجون طماطم
–بصلتان-
6 فصوص ثوم
-حبتان فلفل أخضر
ربع كأس خل
بهارات –ملح –هيل مطحون حسب الرغبة




طريقة التحضير
1 - يوضع الخروف في قدر كبير ويوضع علية معلقة بهارات مشكله حب ثم يترك على النار حتى ينضج ويرفع منه المرق ويترك حتى يبرد قليلا ,,
2 - اذا بغينا الخروف مستوي زيادة او اذا بغينا نقمرة با الفرن يوضع الخروف بالقدر مرة اخري ويوضع علية مقدار مناسب من الماء ويرفع على النار لمدة خمس دقائق بعد ما يفوح ويزال الريم كلما ظهر ثم نكب الماء ونبرد الخروف .
3 - يملح ويتبل الخروف بعد ان يستوي بفرم البصل والثوم والفلفل با الخلاط فرم ناعم ونضيف الملح والبهارات والهيل والخل ومعجون الطماطم يدهن الخروف ويحشى بالخلطة ويدهن الراس كذلك ويوضع الخروف كاملا مع راسه بالفرن حتى يحمر .
4 - يوضع الرز بالقدر ونضع علية المرق واعواد القرفة والهيل .
5 - يوضع البصل بمقلاة ويقلب على النار حتى يصفر لونة ونضع علية ربع كأس ماء وتقلب حتى يجف ماؤة ونضع علية ربع كاس زيت ويقلب
ثم يوضع على وجة الرز بعدما يكون قد تشرب الماء
6 - يرش ماء الورد على وجة الرز ويترك على نار هادئة حتى يتفلفل الرز

7 - يغرف بالصحن المعد ويوضع الخروف على الرز ويزين بالمكسرات .


وسلامتكم والسلام عليكم ,,,

[شمس الامارات]

يمكن هذا طلك اختي

عيش ولحم ذبيحه توني نزلته

http://www.s77.com/up/up2/926df61a14.jpg
http://www.mekshat.com/vb/showthread.php?t=72987 (http://www.mekshat.com/vb/showthread.php?t=72987)