سؤال لاهل السلق

[solt]

السلام عليكم ورحمة الله وبركاته
اخوانى اعضاء منتدى مكشات ابى اسأ لكم عن اطيب سلق عربية فى الجزيرة العربية ومن هم ملاكها

[القـــناص]

اخوي : solt

والله هذا السؤال مافيه احد

يقدر يجاوبك عليه لانه مافيه

حد شاف كل السلق اللي في الجزيره

العربيه ومن الصعب ان تحكم على افضل سلوقي

وهذا السؤال انا متأكد انك ماراح تلقى له جواب

وحتى اذا جاوبك حد عليه ماراح يكون جواب اكيد

حتى ولو بنسبة 30% ....

[solt]

انا شفت سلق لاهل الحسا فى الرمحية وكلمت رواعيهم بشيمة والا بقيمة وقالو لى ابشر بالخير

وفازو ست مرات وانا كنت موجود وشفتهم اربع مرات وكانو المشاركين من جميع مناطق المملكة وانا والموجودين
نعتقد ان افضل سلق هى سلق اهل الحسا
ممكن تفيدنى عنهم اخوى القناص اوباقى الاخوان من الاعضاء اذا تعرفون من هى عنده

[القـــناص]

انت متأكد ان المشاركين من جميع مناطق المملكه

وبعدين اذا كانو من جميع مناطق المملكه مايعني هذا

ان السلق اللي جايه المهد هذا اقوى السلق في المملكه

لانه فيه سلق انا متأكد 100% انها لو تبي تجي ماراح

يسبقها اي سلوقي لا بالحسا ولا غيرها بس المشكله

ان اصحاب السلق هذي مايحبون ان سلقانهم تشتهر...

واذا كانو اهل الحسا قالو لك ابشر بالخير اصبر ويدبرون لك...

[solt]

مشكور اخوى القناص على الرد اكيد انه فى سلق طيبة ما هى معروفة بس اللى شفتها فى المهد خطيرة وانا متاكد ان المشاركين من مناطق كثيرة فى المملكة اهل القويعية واهل السر واهل حايل والقصيم والرياض والدمام بالاضافة للحسا وانا اعجبتنى كلا ب كثيرة بس فيه كل اسمه بوش ووحدة اسمها حلوى

[حرف العين]

السلام عليكم ورحمة الله وبركاتة


بلنسبة للسلق الاريش فافضل السلق الموجوده في المملكة تلاقيها عند اعيال البرقش النعيمي ولانه هم محتفضين بلسلالة اللي عندهم اكثر من 25سنه

وماعتقد انهم يهدونها في المهدات ولاكن سمعت انه عندهم ذيخ اسمه عقاب وينزل المهدات ويفوز فيها وحسب علمي انهم من سكان الرياض.


بلنسبة للاملط اي الحص فاغلب اللي سمعتهم يمدحونه هو ذيخ العتبان اللي بل الاحساء وعنده يد مكسوره وللعلم حسب علمي انه ابو بوش وسداح .

هاذه حسب علمي عن السلق الموجوده في المملكه !!!

[sasasasas]

والله العالم والله انك سالت سوال صعب احد

يجاوبك عليه


لان ما فيه طيب الا وفيه اطيب

تقبل مروري

[القناص القطري]

السلق كثيرة واللي عندة زينات مايحضرون وبعدين سلق البرغش اللي ذكرت افريقيات مع عربي ماهي صافية وفيها الزين والشين وراعين السلق واجد بس اتوقع اطيبهن في شمال المملكة وشكرا

[العسكري]

أخي الكريم...... أطيب السلق عند أهل الطيب ( ال مره ).

[القحطاني505]

اخوي solt موضوعك مطروح من قبل واللي طرحه طير حوران وتقدر تشوف الصفحات اللي قبل وبتعرف وش اقوى سلوقي في كل منطقه والله لايهينك

[بو هاشم]

اقوى كلاب كلاب الحساء عند مربط دخنه لكلاب السوريه و الماجد وا الكنعان يحتفظ بسلالات عربيه نادره وقويه على مستوى المملكه وهذا والله اعلم

[ابو صاالح]

هههههههههههههههههههههه فسم بالله انكم منسمين حيرتوووو الرجااال .. الحين ما يدري من يصدق هذا يقوله حقات الحسا وهذا يقوله حقات الشمال وهذا يقوله كذاااا (((( نصيحه لا تدوور احسن سلق ، اذا لقيت شيء طيب ويصيدلك انصحك تكتفي به ))) لأن الربع بيدوخوون راااسك وكلن يمدح اللي قريب منه او اللي مقتنع منه والدليل الإجابات اللي راااحت ....ألخ

[بو هاشم]

ماحد يقدر يحصر عدد معين من الكلاب الي في منطقته وشلون على مستوى عام انا اقول مثل ماتفضل اخوي بوصالح

[طلو]

صراحه سؤال مثير للجدل لاكن اسمع فيه سلق طيب ولاكن تلقاه مع اهل الباديه والابل الي ما يربطونه ابد ويهد علا يده اما سلق الشبوك اتركه عنك يارجال مهما لحق العلم علا الي يبدع في المقناص وبس

[solt]

صراحه سؤال مثير للجدل لاكن اسمع فيه سلق طيب ولاكن تلقاه مع اهل الباديه والابل الي ما يربطونه ابد ويهد علا يده اما سلق الشبوك اتركه عنك يارجال مهما لحق العلم علا الي يبدع في المقناص وبس
هذا الكلام الصحيح