قصائد قيلت في مكشات

[أبوعبدالرحمن99]

بسم الله الرحمن الرحيم ،،،

إخوتي الكرام ،،
السلام عليكم و رحمة الله و بركاته ،،
حياكم الله جميعا ،،
أسعد الله جميع أوقاتكم بكل خير ،،
في هذا الموضوع سنقوم بجمع النصوص التي صنعها الأوفياء لبيتهم العامر بإذن الله ،، هذا الصرح الذي احتوى أعضائه و جمعهم على كل جديد و مفيد و فريد

و كبداية لهذه المساحة الجميلة ، سنبدأ بإضافة هذه القصيدة التي كتبها الشاعر عبدالله العمرو بعنوان " مكشات يا دار الرجال المناعير " ،، فمع القصيدة :




إهداء من قلب رجل .... إلى قلب مكشات الرجال ... :


أيّ شيءٍ أهديك أيها الشامخ ؟؟؟
شموخك يرهقني في البحث عما يليق بك ...

لم أجد سوى مرآةً تكشف لك من أنت ....

فمن أنت ؟؟؟












مكشات يا دار الرجال المناعير =
دارٍ بها ملفى قروم الرجالي

لا يا صباح الله صباح التباشير =
عليك يا مكشات يا ريف حالي

تعبت أدوّر واتعبتني المشاوير =
مثلك ... ولكن ويييييين يا همّلالي

مثلك قليل ونادر وندرتك غير =
مثل الجبال الشاهقات العوالي

رجالك رجال الوفا فالمعاسير =
ما دوّروا دار الخنا والميالي

ما دوّروا طرد الهوى والغنادير=
ولا كثّروا هرجات قيلٍ وقالِ

صغيرهم يضوي كما سالم الزير =
يارد ولو صكّت عليه الليالي

وكبيرهم مابين حشمة وتقدير =
رجلٍ عليه العلم أول وتالي

إن جت على الفزعات فزّوا طوابير=
ما دوروا المقيال تحت الظلالي

قبل الصباح وقبل صوت العصافير =
مثل الحرار بنايف الوكر عالي

تنهّضوا يوم الخلايق مساهير=
وإن نام ولد اللاش شفت الرجالِ

وإن كانها علم وتجارب وتقرير=
لقيت علم رجال في كل حالِ

المعضلة تلقى حلول وتياسير =
و للغايبة لا بد تلقى مجالي

الصيد بر وبحر ثم الصقاقير=
وراعي السلوقي خيمته باعتدالي

ومعالم الآثار والبر تنوير =
وسياحة وعلم الفلك والحوالي

و إبلٍ وخيل وبيئةٍ كلها خير=
في كل علم إجابةٍ للسؤالٍ

وللأجهزة تلقى جوابٍ وتفسير=
وتلقى من التجهيز شيٍّ خيالي

وأشعار وألغازٍ لها ألف تدبير=
والمشترى والبيع شرع وحلالِ

وضيافةٍ للي يجونه مسايير =
بين الهلا والمرحبا والدّلالي

وش عاد باقي من علوم المناعير ؟؟؟؟=
ووش عاد باقي من علوم الرجالي ؟؟؟

إلاّ إني أوقف لك تحيّة وتقدير =
وارمي لك الغترة وأطوح عقالي





محبك /





للموضوع بقية

تحياتي للجميع ،،،،

[مكشات]

http://www.mekshat.com/v2/mobile_pic/472551471454133.jpg

[مكشات]

ارفــع يمـــــيني بالتحـــية لمكشــات = واخـفض شِــمالي لاتجـي بالــزريّه
درب السعاده فيه بعـض المطــــبات = واللي رقا للمجـــــد يصبر شــــويّه
بعض المعاني ياجـــماعه قــــــويات = نقــرا القصـيده والمعـــاني خــفيّه
وانا ســــوات الحُـر لاحــام حـومات = وخالط طـيور الهجرة الموسـميّه
أبعـد عن ارض اهل الحسد والدنيّات = والرجــل مايخـلط مع الطــيب ســـيّه
والمزح له ساعة وللضيق ســاعات = ويالله عسى ماجــــات مني خـــطيّه




شاعر المقناص00 القرناس المهاجر

[أبوعبدالرحمن99]

يا هلا و يا مرحبا مليون هلا ،، اسفرت و انورت ،، و ازدهت الصفحة يا ابو ياسر ،، صح لسانك و لسان شعراء المنتدى ملايين على القصائد الجزلة ،،و شكرا على الحضور المميز ،،كل الود و التقدير .

[مكشات]

((( أول الغيث قطره ..... سهيل ..... )))



سهيل بين وانتشى فيه مكشات = وقامت علوم القوم تلفي علينا
وأهل البراري والمكاشيت زرفات = على الغرابي يشترون الثمينا
من العزب والفرش وقدور كتمات=وحنا بعد من ضمنهم قد شرينا
وأهل الصقور اليوم وأخص بالذات = ميراج والفيتو بقافه حدينا
يبغالهم يأصحابنا اليوم طربات= بين القنوص اللي شمال ويمينا
أما أبو عايد سنيد الملمات =ذاك الذي بالقلب قدره مكينا
طير السعد مرباه راس الطويلات = ماهو من ألي بالذرى مستكينا
يشوح عمره مايهاب الصعيبات = عقب الكواسر أشقر ن ما يلينا
يمسي ويصبح في خلي الحمادات = يلوف عمره مثل ذيب ٍ شطينا
ولا واهني من قفظ العفش رزمات=وقفى مع أللي خوته مشترينا
لاكن ظروف الوقت هيهات هيهات=خلت عجاج القاع يكبس علينا
يفح واحدن كما فح حيات = وعلى المخده دايمن له حنينا
مايطربه شوف البكار الحسينات = في مرتع ٍ مافيه جرت قطينا
ولا يطربه ضوح البروق البعيدات = لا خلتها في راس رجمن بلينا
وصوت الرعد جاوب دويه بنغمات= عزاه ياله في فؤادي حنينا
وشوي إلا ريح وبله بنسمات =يطرب لها من للبراري خدينا
ويفرح لها قلبه ويهتز هزات = من عقب ماهو بالمباني سجينا
وينوح نوح الورق بين ا لجريدات= ويرفع بعال الصوت قاف(ن)حسينا
وليا إستهلت وأمطرت بالبركات = قام يتهزع فوق جيب ٍ أمينا
وليا لقاله دامث ٍ به شغيات = نوخ على جيلانهن الفطينا
وانزل معاميل ٍ على الخير سمحات = في جال ضوء بالغضى مشعلينا
متعوداتن للمواجيب طرفات = في يد زحول ٍ قدرهن عارفينا
ومن عقب فنجال من البن مصفات=قام يتمغط مشتهيله لبينا
وقام وتحدر مع ليانن ثريات = يومه تريق بالقريص وسمينا
وأقبل يحوف الزول يمه نويقات = من عقب مالوح لهن باليمينا
ويومه لفا وأقبل لقاله قريصات = وحول عليهن والولي لي يعينا
وعود على شقرن على الجمر مركات = وقام يتقهوى والظعن راتعينا
وخوينا ياكن تحته جميرات= حران يبغى شخبة ٍ لو شوينا
ويومه تيقن بالعلوم الرديات = قفظ عفيشه وإعتلق بالبطينا
وشغل جهازه وأكد البحث مرات= عن النشاما أللي تفك الزبينا
يبغى معاهم لأقبل الليل طربات= من العلوم الطيبة والسمينا
ويقضي معاهم بين روحه وجيات= أيام تذكر بالشرف لا حكينا
بعلوم ربعن زاكياتن جليات = بالبل والمكشات و القانصينا
مثل القمر ذ الليل ماهي خفيات= يازينهن يأخوان بالراحلينا
وختامها مني سلام وتحيات = للربع في مكشات والحاضرينا

الشاعر / ريف النشاما

[مكشات]

مكشات يامكشات الأحباب حييت = حييت يامن بالبراري تسودي
يامن على كل القراين تعليت = = حييت يامن بالمكارم تجودي
شعري على ضوحك من السعد بالبيت = = وردت قيفانه لصافي عدودي
كله لعينا صافي الود أبديت = = ماجاش في وسط الحشا من سدودي
أسير بك يامنوتي ماتهقويت = دربٍ صحاح ن بيّن ن للشهودي
وأمرك على وضح النقا ماتوانيت = عد ن قراح ن مدهل ن للورودي
حزت الحلا كله ولا منـّه أبقيت = وجه السعد ماعنك والله صدودي
والدر كامن عن مريديه مخفيت == في جوف بحرك هين ٍ مايكودي
ريف النشامى بالنشامى ترقيت = مفتوح بابك ماتحده حدودي
علم ٍسنع ... ورجال فيهم تخطيت = كل العوايق والكدر والسدودي
حيثك على رأس الطويلة تبديت = يامنتدى مكشات ملفا الفهودي
أشتاق لك في كل مشوار لأقفيت = وأشتاق لك لأقبلت شوق يزودي
وقتي معك لو طال مامنك مليت = بين البحر والبر بالي شرودي
أدوجهن في راحتي داخل البيت = وأمتع العينين بأحلى الورودي
وكم مرة في ضوح علمك تقديت = أسير في دربي بهون وركودي
صوب الديار اللي لفا ذايع الصيت = الصمّ وفياض الحجر والخدودي
وعلم الحيا والسيل مابه توانيت = ربعك هل الطالات فيها ترودي
بالصوت والصورة بيان ومواقيت = بيّن لنا ماصار عرب الجدودي
وكم دعوة يومي على العشب سجيت = سقته لأهل مكشات بين الحيودي
ومع مثلكم ياصاحبي ماتخاويت = الدرب واحد في طلوع وسنودي
وبأختامها ياسيدي كاني أهفيت = في حقكم بالله كن بي ودودي
وعليك باسم الله من الشر سميت = الله يحرسك من عيون الحسودي

الشاعر / ريف النشاما

[مكشات]

الله على مكشات مربّا القرا نيـس =ملفى الحراراللي تعشق العوالي
ماهو من اللي دايمن بالدنافيــــس = خيبك رب البيت يأللي تعـــــــالّي
ويامنتدانا يالسـّنا بالغطاليــــــس = الله عليك أثريك عالي وغالي
وفي بعدكم كثرت علي الهواجيـس = وضاق الصدر والحال ياهي حوالي
وفي غيبتك عزاه صرنا مفاليــس = يومين بس أثريك عذب الدلالي
وعشقك بقلبي خافين مابعد قيــس = لجة بحر ماهي كلامن يقالي
وأكبر دليل ن ياخبير النواميـــس = رجة بشر ماهو كلامي لحالي
وأمسيت أقلب عقب جو المراميـس = في ضامري منك حزين السؤالي
وحومت مع من حام ودجت الدواعيــس = وعودت أنا قفلت كل المجالي
وقلت آه وعزاه حس وحواسيــــس = وعودت أنا في ماضيات الليالي
أجر هوجاس ن بِذاري النسانيـس = وأقول وينك ياشبيب العيالي
ودقيت رقمن لخبير الأحاسيــــس = ولاحول يامقرود جاله ماجالي
ويقول أنا من عقب ريم الأطاعـــيس = دورت أنا بالنت ماله مثالي
وعودت أنا للقاف عقب الحلاويــس = أ كتب على الصفحات شعرن زلالي
وأختم قوافي البيت عشر وخواميــس = فرحه وبشرى للنشاما الشكالي

الشاعر / ريف النشاما

[مكشات]

يا هلا و يا مرحبا مليون هلا ،، اسفرت و انورت ،، و ازدهت الصفحة يا ابو ياسر ،، صح لسانك و لسان شعراء المنتدى ملايين على القصائد الجزلة ،،و شكرا على الحضور المميز ،،كل الود و التقدير .
هلا وغلا ابوعبدالرحمن حياك الله لي الشرف أدخل خيمتكم العامرة

[مكشات]

مكشات مامثله يصير
من زمـــــــــان أبحث ولأحدٍ فادنــــي=عـــــن هــــــوى بالي وغايات الضمـير
وفي بحورالنت مـــــــــحدٍ راقنـــــــي=خــــــوف مــــــن زلّه تسوقن للشــفير
ولآحـــد ٍ قصر بصيـده زارنـــــــــــي= وأرسله لي عــــــبرْ موجـــــات الأثير
ومنهم ألي في فنونه حــــــــــــــارني= لكـــــــــــــــن المطلوب في قلبي كبير
وصرت انا في"هم"مما صــــــــابني= لـــــــــــين جاني بألخبر شهمن شطير
وقاللي "ياريفِ" الله جابــــــــــــــــني=لك بـــــــــــــــعز الريفِ تنظر مايصير
قلت له ياصاحِ.....وقف دامــــــــــــني= بـــــــــالفضى الواسع ولاحولي مـطير
بالمــــــــواقع شفت شئ ٍ راعــــــــني =كل ٍ بليــــــــلاه ضايــــــــع بألمســــــير
قاللي ..لا..لا..وحــــــــــــــــالك هالني=كـــيف ماتـــــــــدري عن البدر المنير
وفـــــــي دقايــــــق رسم دربه جابلي= وقالـلي "مكشــــات" مامثله يصير
ويوم جــــــــــــــيت البحث رد وقاللي= دقّ الأنـــــــــــتر يظهر الوجه السفير
ويوم شعشع نور صفـــــــــحه بانلي = وفــــــــــــــــاح لي بالواجه منه العبير
وكل مالديت لأمر ٍ ناضــــــــــــلي= فـــــــــي ثنايا طيته أمــــــر ٍ مثـيـر
ومنتدى مكشـــــــــــــات مره شاقني=وصـــــــرت أنـا له دوم في بحث أسير
ولرياض الطيب الله ســـــــــاقـــــني=بيــــــــــــــــن شغـموم ٍ وحمّاي الدبير
الـنشاما الـــــي سناهم حادنـــــــــي=عــــــــــن طمان القاع والدرب العسير
بين "(مكشات ٍ )"و(رحال ٍ)هنــــــــــي=و(الطبيب) الـــــــــــــــي تواقيعه تشـير
ويم (أبوعايد) (شقردي) دلــــــــــني=وقـــــــــــــايد (الميراج) عجل بالمطـير
للخيـــــام الي هواهــــــــــــــــا تلني= شــــــوف(رمش العين)(بركان ٍ) خطيـر
ولاعــــــــــــــــــلي اليوم ممن لامني=(مســــــــــفهل ٍ) بين (صقر ٍ) و(الخبيـر)
ويا(عليان ٍ بليله) كامـــــــــلي=(فــــــــــــرد حمزه) ثاير ٍ في كل خيـر
و(راعي كّحيـــــــله) يراقب مابنــــي=ربنا ينــــــــــــــــــجيه من حر السعيـر
(طايـــــــرن بالعج) هو و(الهاملي) =( لـــــــيث) (شقران ٍ)على (أوس)الكثير
ويا (نفل) بالفن حذرى تبخــــــــــلي =مــــــــــــــــع (نقاهشال) خله لك وزير
وأحذروا تنســــــون من صار أولي=(بوشــــــــــــــكاع) بحال كتكوتٍ صغير
اما (أبوراشد) ترا امره رابـــــــني=نوب بــــــــــــــــري ٍونوب ٍفي البحير
وبالشعر (راع الطويله) جــــــازلي=كـــــــــــود (ماجلان) يوصّلنا الغـدير
ونآخذ(السعلو) و(جوني) و(أيـــمني)=ومـــــن (مرات الراعي)الشهم الصقير
وقل(لأبوأيمن) و( تـــال الأولي)=( يــــاجبل)( للعازمي ) نبغى المسير
صـــوب دارن كل مابه فاتنـــــــــــي=بــــــــين لوقه ( ياحفر) وأرض الزبير
فوق فكس آرن وجمســـن أحمـري=وددســــــــــــــن الألفين ماعنها مـطير
و(عود رمثٍ) فوق ذاك الأشـهبـــي=الشبــــــــــــــــح محلاه لأقبل له صفير
و(ضب)و(التنهات)هو و(المرعـبي)=قـــــدّمنا بالـــــذود والــــــــــي بالجفيـر
الذياب الـــــــــــــــي تجواب تـقـنبي=فـــــي خشوم تّلاع وآســـــــط والجريـر
و(عاشق الصفرا) معاه الأشــقري=يــــــــــــــادوا قلب المـــــــعنى بألعمـير
في ديار ٍ ياعساها الوابلـــــــــــي=مـــــن المزون الي رعدها له هديــــــر
و(برج) و(المري)علينا يشــــعري=بـيـن(حد السيف) و(الريع) الــــــزهـير
مـــــــع ( نـديـمن للقرينه) عاشقي= بــــالقصايد لــــــه قصايد ماتـبـيــــــــر
فـــوق فرت ٍ لون بديه يطربــــــــي= ســايقه ( ضاري ) علـى صوت الزفير
وننزل الخبه قبيل المغـــــــــــــربي=نـشــــــــــــــرب الفنجال والعشوه بعيـر
وقبل ماتظهر وسوم المشرقـــــــي=مــــــــن براير ذودنا يروى الشـبـيـــــر
ثم قبل الشمس ماتظهر شــــــــوي= نضبــــــــــــــــــط المجمار والدله ندير
ونبدع القيفان في خدن خـــــــــــلي= ونقـــــــطف الأزهار من جال المحيـر
وعقب خمس أيام بالعشب الغضـي=عـــــــــــوّد الموكب على الديره بخيــر
وشوف(الأزرق) في دياري ضامني=بيـــــــــــــن قطن وبين أبانات الشـهير
ودّي أكرم يالربع من ظافنــــــــــي=ونـقـنص الضبان و"(السمح)" الأمير
حيث يا(مرصاع) لـــــــــه حق علي=دام يــــــــــــــــا(سمنان) ببلادي يسير
"وحقكم يأخـــــــوان" والله معتلي=فـــــــــــــوق ذاك النجم وسهيل النوير
و(الــــــــــعذر ممن خفا مابانّ لي)=دامـــــــــــح الزلات حطه لك شويـــــر
والسلام ختــــــام للي فادنـــــــــي=عــــــن دروب الروض والدعب القفير



الشاعر / ريف النشاما

[قوافي ( أم نهار )]

وعليكم السلام ورحمة الله وبر كاته
جزيل الشكر ابو عبد الرحمن99
خطوه مباركه باذن الله ..
لآلئ تجمعت بخيط من ذهب تحت مظلة منتدياتنا الغاليه فلا عجب ان قيلت في مكشات..
تحياتي وتقديري واحترامي

[عدم الانحياز]

http://upload.hawamer.com/d.php?hash=XP81XCGH4OWFK33833VEZUSOC7MZ8F
http://upload.hawamer.com/d.php?hash=EZ5N81R473YIINCPXC4Q4SCNEBRX5P
وعليكم السلام ورحمة الله وبركاته
http://upload.hawamer.com/show/226H371RFEWFBROLXES3NHQHQT6VMI_www-qloob-com_n33.gif
المشرف القدير ابو عبدالرحمن
احسنت احسن الله اليك - خطوة مباركة وفكرة صائية وفي الاتجاه الصحيح - ولا تستغرب من مخلص متذوق
والخيمة زاخرة بمواد فاخرة تنتظر مثل هذه الجهود المباركة للتصنيف ومن ثم تيسير الوصول للمادة



http://upload.hawamer.com/d.php?hash=26OZOF77M17LYNMJOVYU8B7IUICCC8

[أبوعبدالرحمن99]

شكرا لكم جميعا إخوتي على الحضور و الإطراء ،، وفقنا الله و إياكم إلى كل خير ، و مزيدا من العطاء و التواصل بتواجد الأوفياء المخلصين أمثالكم ،، تحياتي ،، كل الود

[ناصح]

ما شاء الله

جميل جدا جدا

وذكريات وقصائد رائعة

اتذكر فيه قصائد تسرد المشرفين باسمائهم

وتثني على مكشات

لعلكم تجدونها

[أبوعبدالرحمن99]

أهلا و مرحبا ،، حياك الله يا أبا عبدالعزيز ،، نتشرف بمرورك و تواجدك ، شكرا جزيلا

[احمدالدمام]

عليكم السلام ورحمة الله وبركاته
خطوة موفقة وواجب وفاء لهذا الصرح الذي يجمعنا على الخير وتعلمنا منه كل جديد ونافع
شكراً لمن اوجد الفكرة ولمن خطط لها وللقائمين على تنفيذها ودعمها بكل جد وامانه
ويسرني المشاركة بهذه الأبيات المتواضعة
..................

http://www.mekshat.com/v2/mobile_pic/202231471730663.jpg

ابوفيصل
عذرا سيتم تعديل عنوان القصيدة إن شاء الله

[أبوعبدالرحمن99]

الله الله ،، صح لسانك يا ابو فيصل ،، و يستاهل منتدانا الغالي ،، تحية و تقدير لشخصك الكريم .

[أبوعبدالرحمن99]

عدنا لكم من جديد مع بعض القصائد التي قيلت في هذا المنتدى و لنا عودة بإذن الله للتنسيق

[أبوعبدالرحمن99]

بسم الله الرحمن الرحيم

أحبابي في مكشات أهديكم هذه المتواضعه بعد هذه الربكة
وهذه التغييرات التي مرت علينا خلال اليومين الماضيين
فبارك الله في جهودكم وحفظ لنا مكشات سالما غانما
وكل عام وأنتم بخير
****
**
*


الله على مكشات مربّا القرا نيـس =ملفى الحراراللي تعشق العوالي
ماهو من اللي دايمن بالدنافيــــس = خيبك رب البيت يأللي تعـــــــالّي
ويامنتدانا يالسـّنا بالغطاليــــــس = الله عليك أثريك عالي وغالي
وفي بعدكم كثرت علي الهواجيـس = وضاق الصدر والحال ياهي حوالي
وفي غيبتك عزاه صرنا مفاليــس = يومين بس أثريك عذب الدلالي
وعشقك بقلبي خافين مابعد قيــس = لجة بحر ماهي كلامن يقالي
وأكبر دليل ن ياخبير النواميـــس = رجة بشر ماهو كلامي لحالي
وأمسيت أقلب عقب جو المراميـس = في ضامري منك حزين السؤالي
وحومت مع من حام ودجت الدواعيــس = وعودت أنا قفلت كل المجالي
وقلت آه وعزاه حس وحواسيــــس = وعودت أنا في ماضيات الليالي
أجر هوجاس ن بِذاري النسانيـس = وأقول وينك ياشبيب العيالي
ودقيت رقمن لخبير الأحاسيــــس = ولاحول يامقرود جاله ماجالي
ويقول أنا من عقب ريم الأطاعـــيس = دورت أنا بالنت ماله مثالي
وعودت أنا للقاف عقب الحلاويــس = أ كتب على الصفحات شعرن زلالي
وأختم قوافي البيت عشر وخواميــس = فرحه وبشرى للنشاما الشكالي


أخوكم / ريف النشامى / صباح الثلاثاء الساعه 6،00

[أبوعبدالرحمن99]

السلام عليكم ورحمة الله وبركاته لجميع أعضاء المنتدى نقول ((مبروك)) العودة وعودة حميدة أنشاء الله تعالى وأن كان طول علينا الغيبة ، المهم عاد المنتدى ، ووالله لقد ضاقت بي الدنيا يوم انقطع واليوم انفرجت ولله الحمد المهم كتبت لكم عدة أبيات متواضعه أرجو ان تنال أعجابكم أحكي فيه حالي بعد الانقطاع وحال من هم مثلي من أعضاء المنتدى ، وللمعلوميه والله لم أراجع الابيات ولاكنت جت على حاله يعني من القلب ولم اقفيها جيداً والعذر والسموحة منكم على الركاكة أو الخربطة .(( لا يمنع النقد البناء والهادف وحتى الجارح أن بغيتوا واللي يتحدى ينزل ......خلوها .....))



سميت بسم الله عزيـز الجلالـي = بسم الله ابداء في كلامي والابيات
الحمد للـي عاليـن مـا يطالـي = ما هو كثير الحمد مـره ومـرات
حمدت ربن بالسمـاء دوم عالـي = بعودة المنتدى بديـع السمـوات
ياصاحبي مـرت علـي الليالـي = من عقب فقد اللي يسمى بمكشات
بديـت أدور بالجهـاز احتمالـي = يرجع لنا هالمنتدى مثل ما فـات
مسكين ياللي حالته مثـل حالـي = كني مضيع بالخـلا ذود خلفـات
المنتدى مقفـول وجانـي هبالـي = قمت أتعبـر بالصـور والملفـات
هاوي خلا هاوي كبـار الدلالـي = ماني من اللي ضيع الوقت بالشات
ابيك ترجع لـي بعلـم الرجالـي = اللي لهم بالبـر روحـه وجيـات
والمنتدى مفتـوح للـي شمالـي = واهل الجنوب اهل الجبال المنيفات
شرقي وغربي والسهل والجبالـي = اهل الجزيرة والعرب مثل الاخوات
ياربنـا ترحـم جميـع العيالـي = واللي لهم بالمنتدى زود صـولات
وتثبت اللي بالحشـا دوم غالـي = غالـي وزاد الغـلا زود حبـات


هاوي خلا

[أبوعبدالرحمن99]

بسم الله الرحمن الرحيم


السلام عليكم ورحمة الله وبركاته

كلمات عابرة ..... من القلب إلى القلب ........ أهديها لكم ...... بقشورها .... وأنثرها لكم ... بسرورها

واستودعها بين أيديكم علها تنال رضاكم ... لكم منها الصفاء والوفاء .. ولنا منها ما بقى ............. **





مكشات يامكشات الأحباب حييت = حييت يامن بالبراري تسودي
يامن على كل القراين تعليت = حييت يامن بالمكارم تجودي
شعري على ضوحك من السعد بالبيت = وردت قيفانه لصافي عدودي
كله لعينا صافي الود أبديت = ماجاش في وسط الحشا من سدودي
أسير بك يامنوتي ماتهقويت = دربٍ صحاح ن بيّن ن للشهودي
وأمرك على وضح النقا ماتوانيت = عد ن قراح ن مدهل ن للورودي
حزت الحلا كله ولا منـّه أبقيت = وجه السعد ماعنك والله صدودي
والدر كامن عن مريديه مخفيت = في جوف بحرك هين ٍ مايكودي
ريف النشامى بالنشامى ترقيت = مفتوح بابك ماتحده حدودي
علم ٍسنع ... ورجال فيهم تخطيت = كل العوايق والكدر والسدودي
حيثك على راس الطويلة تبديت = يامنتدى مكشات ملفا الفهودي
أشتاق لك في كل مشوار لأقفيت = وأشتاق لك لأقبلت شوق يزودي
وقتي معك لو طال مامنك مليت = بين البحر والبر بالي شرودي
أدوجهن في راحتي داخل البيت = وأمتع العينين بأحلى الورودي
وكم مرة في ضوح علمك تقديت = أسير في دربي بهون وركودي
صوب الديار اللي لفا ذايع الصيت = الصمّ وفياض الحجر والخدودي
وعلم الحيا والسيل مابه توانيت = ربعك هل الطالات فيها ترودي
بالصوت والصورة بيان ومواقيت = بيّن لنا ماصار عرْب الجدودي
وكم دعوة يومي على العشب سجيت = سقته لأهل مكشات بين الحيودي
ومع مثلكم ياصاحبي ماتخاويت = الدرب واحد في طلوع وسنودي
وبأختامها ياسيدي كاني أهفيت = في حقكم بالله كن بي ودودي
وعليك باسم الله من الشر سميت = الله يحرسك من عيون الحسودي





""




"""
http://www.mekshat.com/pix/upload/images17/mk8178_ed33.gif





ريف النشاما

.

[أبوعبدالرحمن99]

هذه القصيده مهداة مني لاحبتنا في منتدى مكشات وهي من نظمي اتمنى ان تحوزعلى رضاكم واستحسانكم واليكم القصيده


سلام مني لاهل العز والطيب==كسابة الناموس لاجامجالي
اللي بعيدين ٍعن الشك والريب=يخشون رب البيت في كل حالي
لاجيت مجلسهم تزيد التراحيب== الله مجملهم بحسن القبالي
يالله ياللي تعلم السر والغيب== انك تجملنا بمشين عدالي
ماقرب اللي يشذبون العراقيب==اهل النمايم والردى والهبالي
اللي على اقرابه يشيل المشاعيب=مدري رداةٍ منه ولاخبالي
يالله توفقتابطلق الاشانيب==اللي علومه طيباتٍ جزالي
ومنهج محمد سيد الخلق ياذيب=عليك به ترقى لروس المعالي
انشهد انه من خيارالمشاريب=حلو المذاق اصحيح مابه جدالي
وياذيب لاتتبع هوى النفس وتخيب=دنياك ياخويه مداهاالزوالي

وسلامتكم ودمتم سالمين وغانمين اخوكم ابو هديل

[أبوعبدالرحمن99]

بزيارة منتدى مكشات الحبيب فوجدت أن هذا المنتدى المقرب لقلوبنا 00 كان ولازال وسيضل بإذن الله محتفظا بذكريات المخلصين المحبين له 00 فوجدته قد وضع دوواوين لشعرائه وانا احدهم 00 ووضع بيتاً من إحدى قصائدي في الصفحة الرئيسية 00 فراودني الحنين إلى العودة إليه وبهذه القصيده المتواضعه 00 فآمل أن تقبلوها وأن تحوز على رضاكم


مكشات في قلبي وأنا بقلب مـكشات = يوم إن بعـض الناس يجـفى حـبيـبه

غلاك يامكشات في القـلب مـامـات = وحبك ثبت رغم الظروف الصـعـيـبه

من بعد ماجاني من الوقت صدمات = والـقـاف جـالـه من سببـها مصــيبة

أربع سنين وخاطري فيه ضــيقات = شيٍ غـريب وظــامـري مبتــلي به

واليوم عدنا لك وفـي القـلب آهـات = حــبٍ قـديـم وخـافــقــي مــهــتني به

حبٍ نما عـبر الليـالي الـقــديـمات = أيـام كــــنا والـــمواقـــف مــهيبه

ورغم الشباب الفاني الود مافـات = أعــود لـك بـعــد الـمعـاناة شــيبه

واللي نوى للمجد يرقى المنيفات = ولاهو غـريب الــذيب تسمع قنيـبه

واختامها عسى العواقب سليمات = واللي على بالي عسى الله يـجـيبه
.


القرناس المهاجر :good: :good:

[أبوعبدالرحمن99]

اهداء من نجم حفرالباطن الى منتدى مكشات الرائع
ارجو ان تنال اعجابكم


http://www.inshad.net/~members/Khaled/Mekshat01.jpg

الكلمات :

مكشاتي ياللي يعجب أهل المكاشيت = يومي أدق السلف والنيّة البر

من فوق جيب(ن) أركبه وأترك البيت = متعوذ(ن) بالله من ابليس والشر

شلني لبر(ن) يبهج النفس وإن جيت = للبر من ريح الخزامى تعطّر

فيه النفل ماينوصف يوم عدّيت = نابت عقب سيل(ن) على الأرض حدّر

وإلى لفو ربعي من القلب هلّيت = وأزهّب الدلّة من البن الأشقر

وإن جنّ ليلي ياعرب قمت وصليت = وأشب ضوّي مع رفاقي ونسهر

مكشات * مكشات

ــــــــــــــــــــــــ

أداء : محمد السلمان ( د.مبدع )

ألحان وكورال : ( مصعب المقرن )

تمـ التسجيـل : أستديو مسـار

هندسة : عثمان أبا حسين ( mixmaster25 )

التوزيع والإخراج النهائي : ( فــارس )

http://www.inshad.net/files/up/19/Mekshat-sa.mp3

لحفظ القصيدة اختر بالزر يمين واختر ثالث خيار
http://www.inshad.net/files/up/19/Mekshat-sa.mp3


اهداء من نجم حفرالباطن

[قوافي ( أم نهار )]

تشرفت بلقاء بعض مشرفي منتدى مكشات واعضاءه للمرة الثانية في مدينة الرس وطلب مني اخونا الفاضل ابو عبد الرحمن الدخيل ان اذكر هذه الجلسة بقصيدة تبقى للذكرى فاجبت طلبه لمكانته عندي ...
وارجو ان تكون هذه الأبيات المستعجلة تفي ببعض من قدر اخواني الحضور وتصل لذائقة قراء مكشات الأعزاء
.
.
.
لعيون صوت الحـق نظمـت القوافـي = نظـم العقـود اللـي بلولـو ومرجـان
للصاحـب اللـي مـن عرفنـاه وافـي =ريف الخوي وقت القسا طيـر حـوران
بالعـرف لامنّـه بـدا القـول كافـي = خبرة اسنيـن وقلـب واعـي وفهمـان
ساعـة طلبنـي قلـت مالـي ملافـي = لو كان خالد من عنـا الوقـت مشتـان
لكـن علـى شانـه بلـيّـا مـرافـي =بغـوص ببحـور المعـانـي والاوزان
واجيـب لـه غـر البيـوت النظافـي =اللـي عليهـا كـل مطنـوخ شفقـان
السهـره اللـي جوّهـا كـان صافـي = يازينهـا بحضـور ذربيـن الايـمـان
الرفقـه اللـي بالمواجـيـب تـافـي = اهل الوفا والطيـب فـي كـل الاحيـان
لو جيـت ابذكرهـم نويـت اعتسافـي = الكـل يستـاهـل أخـصّـه بـديـوان
لكن حسـب جهـدي ومقـدور قافـي = بحـاول ارمـي والتلاميـح نيـشـان
ابو حمود عمدتنـا .. وبـرق السنافـي = حلو النبا .. ورميـح سبّـار الاوطـان
وراع الحزم .. وهديب ريف الضعافـي = وابوسـعـد وابـورهـف والدبـيـان
تميم .. والعواجـي .. وسبـع الفيافـي = حسين .. والدغيم رفيقي مـن ازمـان
نايـف.. ومستبشـر عسـاه متعافـي = وهمّام ..والبـارق هـوى كـل فتّـان
مجاور قطن .. ثم عاج ماهوب خافـي = مزن .. وفلاح .. وباقي الربـع تتنـان
وابوخليفـه .. والرفـيـق السنـافـي = ثعـل البـرد اللـي تحفـى بالاخـوان
هـذولا هـم ربعـي بليّـا اختـلافـي = ذكرتهـم مـن غيـر زودٍ ونقـصـان
لو كنت مثل اللي علـى الـدرب حافـي = والارض كلّه شوك عضـرس وسعـدان
لـذا يجيـك القـول باحيـان هـافـي =عن بعض ولاّ البعض وافـي ومليـان
لاهيـم فـي جـال الثمـان الرهافـي = الكـل منـهـم بالمخايـيـل هيـمـان
تضيق خطّرهـم علـى الجـو صافـي = وتروق لارشـرش علـى القـاع ودّان
وان طاح سيـلٍ مـن عيـاره تخافـي = تلقـى رفيقـك صايـرٍ أسعـد انسـان
النـاس والشرطـه وحتـى المطافـي =في شان .. وربوعك من البسط في شان
وبالعكس لامـن حـلّ وقـت الجفافـي = الخاطـر المبسـوط ضايـق وزعـلان
حتـى الـى دقّيـت قــال المـوافـي = لايمكـن انـك تتـصـل فيـهـم الآن
يسترجـعـون الذكـريـات المقـافـي = بالوجد مثل اللي شكى فرقى الاضعـان
هـذا كـلام الصـدق ماهـو خرافـي = وعندي على ماقـول خمسيـن برهـان
واللـي يبـي شـيٍ بعينـه يشـافـي = ياخذ لموقعهـم علـى النـت عنـوان
مكشـاااات ملفـى طيبيـن الوصافـي =ربعـي مهاويـن البـوارق والامـزان
دايم الـى مـن ضقـت واقبلـت لافـي = في خيمـة الاحـوال تنجـال الاحـزان
واختامهـا تعـداد رمــل السـوافـي = واعـداد مالجّـت سمـانـا بــالاذّان
صلّـوا علـى اللـي مابحبـه اخلافـي = وعلى الصحابه ومن تبعهم بالاحسـان
يقولهـا خـالـد عسـاهـا عـوافـي =الشمـري والفخـذ لا عِــدّ تـومـان
عسـى الـذي منّـه ورثـت القوافـي = يلقـى ووالدينـا عـن النـار عتقـان
آميـن ياعـالـم كنـيـن الخـوافـي = ياواحـدٍ بـيـده مقالـيـد الاكــوان

.

.
.
ابو جود 21/7/1429هـ

[قوافي ( أم نهار )]

يا منتدى مكشات يا عظم شانك = إنت بفؤادي دايم الدوم موجود
حاولت أنسى لحظتينٍ حنانك = وحاولت أنا باذلٍ كل مجهود
وحاولت اقلل بالمحبه مزانك = ولقيت انه في خفوقي بدا يزود
حتى خفوقي قال ماله ومالك = وليه ما يبعد ومن غير مطرود
إمصاحبك بالليل وحتى بنهارك = وش فايدة ما بذلته من جهود
وقلت له الله مأكثر خبالك = الحب ما هو حب نمبر على الكود
الله يا قلبي قليل احتمالك = ما تعرف أن الحب فاقد ومفقود
وقال لي كيفك و هذا اختيارك = لا ترد لي لا صرت خاسر ومبعود
تفرَّج علي ياقلب وأنت بمكانك = وبعدين تعرف ليه أنا مشدود
الاوله للبر فالي وفالك = حبٍ قديمٍ وأنــا تــو مولود
حبٍ بقلبي والذي أنزل تبارك = ظربه قويٍ كما ظرب بارود .
والثانية عرفي رجال المعارك = العلم غانم والردى غير موجود
لا جيتهم كلبوهم عوانك = وكلهم واقفينٍ لك سنود
أهنيك يامكشات بصفوة رجالك = وأهني كل غايب وموجود
واسالك ياربي تعالى جلالك = انك تجنب صحبتي كل منقود
والثالثه علم بجميع المدارك = بالشعر ولا بالصقاره تبي فود ؟
ولو كان في غير هذا مجالك = كل ما تبي فالمنتدى موجود
بحرٍ غزير ... في جميع المسالك = والعلم وافر والبـحر مــورود
صحيح قبل أنسى ودي أبارك = لكل من يقراء كليمات محمود
بالعيد الاضحى جعل نفسي فدالك = عساك عايد على العيد والجود
وأرجو السموحه ونفسك تمالك = عن الخطا و الخطاء مردود
وصلاة ربي عد مالي ومالك = على النبي وعداد ما هبة النود


الشاعر:: شعااال