فكره خيمه جديده

[منصور 1]

السلام عليكم ورحمة الله وبركاته
قبل فترة نزلت موضوع اطلب مساعده الاخوان بشأن تصميم خيمه ملاصقه للسياره
http://www.mekshat.com/vb/showthread.php?t=63074
وكان اهم شي اني ما عدل شي بسياره والحمد لله تم الانتهاء منها
واهم النقاط هي
1- عدم تعديل شي بسياره
2- كان ارتفاع الخيمه مساوي لسياره تقريباً 1.90مترالقريب من السياره واخره 1.60متر وعرضها 2.50متر وطولها 3متر
3- القماش للي فوق تنزاني والجانبي عادي خفيف يذري عن الهواء
4- وزنها تقريبا 10كيلو وعند تصفيط تكون حجمها صغير بحيث لا تاخذ مساحه كبيره بسياره
شكلي طولت عليكم ترككم مع الصور
http://www.mekshat.com/pix/upload/images26/mk12833_1 (8).jpg
اولاً تثبيت ماصوره 3/4 على سله السياره
http://www.mekshat.com/pix/upload/images26/mk12833_2.jpg
ثم تثبيت الخيمه على الماصور بطريقه الخياطه
http://www.mekshat.com/pix/upload/images26/mk12833_3.jpg
صوره ثانيه لتثبيت الخيمه
http://www.mekshat.com/pix/upload/images26/mk12833_5.jpg
وفي النهاية عقد وربط جيد
http://www.mekshat.com/pix/upload/images26/mk12833_6.jpg
بعدين نشد الخيمه وتثبت على اعمده وتشد بالحبل
http://www.mekshat.com/pix/upload/images26/mk12833_7.jpg
صوره ثانيه توضح العامود والحبل المشدود مع الجهتين
http://www.mekshat.com/pix/upload/images26/mk12833_9.jpg
وهذا طقه الخيمه الصغير مختصره
http://www.mekshat.com/pix/upload/images26/mk12833_8.jpg
صوره اخرى تطق الخيمه بالنفود
وفي النهاية ارجو ان الموضوع عجبكم وياليت تعطونا رايكم واي ملاحظات او تعديلات على الخيمه

[منصور 1]

http://www.mekshat.com/pix/upload/images26/mk12833_11.jpgوهذي صوره الخيمه مصفطه
http://www.mekshat.com/pix/upload/images26/mk12833_10.jpg
والخيمه مقارنه بدله القهوة
ودمتم بصحه وسلام
لا تحرمونا من مشاركاتكم وردودكم
والسلام عليكم

[منصور 1]

http://www.mekshat.com/pix/upload/images26/mk12833_12.jpg
وهذي الخيمه من زاويه اخرى

[الحاكم الأول]

ما شاء الله تبارك الله


بس لي ملاحظة بسيطة وهي طريقة ربط الخيمة بالسيارة ، فالو كان فيه طريقة ممكنة تكون اسهل عند فك الخيمة من السيارة مثل أن يتم الاستعاضة عن الحبال بمكابس ( يعني مثل الموجودة في صناديق العدة بلمسة محدة ينفك). وذلك عند لاسمح الله آمر طارى يتم تفكيكها بسهولة وابعادها عن السيارة اواستخدام السيارة في التحرك السريع .

وماشاء الله تبارك الله .

[عرق رملان]

السلام عليكم الاخ منصور
موضوع اكثر من رائع ويهمني انا كثير
ما شاء الله عليك حقيقة شغل مميز .. وافكار جيدة
ولكن نبداء في الملاحظات :
1-طريقة تثبيت الخيمه في العمود الي في السلة مو متعب شغلة خياطتة ( خاصة اذا كان فيه هواء وانت وام العيال ما فيه احد يفزع معك ) .!!؟
2-القفيز الي في السلة وش الحل معة كل مره بتعود تفك فيه ولا وشلون ؟؟
هاذي ملاحظاتي ..
ولا حقيقة ممتازة ما شاء الله .. وعلى فكره انا معي يوكن لو افكر اني اثبت الخيمة في السلة بطريقة انك تركبها في المنزل ولا تشيلها لا اذا رجعت ؟ وشرايك هل تتحمل السلة ( عشان توصل الفكره لك .. مضلات البقلات القديمة ايام زمان الي تنزل وترتفع بطريقة الف )
وهل عندك افكار غيرها عاملها في اليوكن

[(محمد العبري)]

الأخ منصور 1
أُشارك إخواني بالملاحظات
أولاً ملاحظة ربط العامود بسلة السيارة فلو يستبدل القفيز برباطات الكيابل البلاستيكية
وثانياً ربط الخيمة بالعامود فلو كانت أسهل مثلاً سحاب أو (شك شك )اللي يقشع حتى يكون أسهل وأيسر
ثالثاً وهذي الملاحظة لم يتطرق لها اللإخوة وهي الخيمة في المطر تبي تحمل ماء وسبب ذلك شكلها المسطح من الأعلى فلو كانت هرمية أفضل
بارك الله فيك وملاحضاتنا هذي لا تعني ان طريقتك خطاء أو سيئة بل على العكس تماماً هذ دليل نجاح وأنا شخصياً كنت أفكر نفس تفكيرك (وشلون اسوي خيمة ملاصقة للسيارة ولكنك سبقتني بالفكرة الممتازة )
والشاعر يقول
كفى بالمرء حسناً ان تعد معائبه

تحياتي لك

[عرق رملان]

على فكره يا إستاد/ منصور
راح اسميك استاد بلغة الوالد الله يرحمة .. اي واحد يجي يصلح في البيت ( كهربائي - سباك - بنائي - مكانيكي ....الخ ) يسميهم استاد
ويوم اني سئلته ليه تسمية استاد يبواي وراى ما تسميه محمد ونخلص .. قال عشان يشتغل زين هههههههههههه حكيم الله يرحمه .

نرجع للموضوع يا ستاد/ منصور 1 هههههه
وين صلحت الخيمة فيه وكم التكلفة بالتفصيل اذا إمكن بالنسبة للشراع والمواصير ... وغيره ؟
وتحياتي

[منصور 1]

حياك الله اخوي وديع الامل ملاحظه جيده لكن كان هدفي هو تثبيت الخيمه بقوه الاني مع الجهه الاخرى راح اشدها ما ابيها ترتخي
وحقيقه انا ما نزلت هذا الموضوع الا لهدف افيد واستفيد
وتقبل تحيات اخوك ابو عمر

[منصور 1]

يا هلا ويا مسهل بيك اول مشاركه وقل امين عسى والدينك بالجنة
اولاً انت استاذي وبنسبه لملاحظات على راسي من فوق
الملاحظه اول لي هي طريقه تثبيت الخيمة حقيقه الطريقه مهيب ذاك التعب او الوقت لكن عتقد انها انسب طريقه وطق الخيمه كلها ما ياخذ مني اكثر من 10 دقايق وهي اقواء لشد الحبل مع الجهه المقابله
ام بنسبه للقفافيز انا مخلي الماصورة ثابته في الشتاء وضاربها بويه اسود مقاربه للون السياره يعني ما تلاحظها كثير
بنسبه لتثبيت الخيمه مستمره فوق السله فكره جيده بس ما حصلت احد يسويه لي
وين صلاحت الخيمه الحقيقه الماصوره شريتها من محل سباكه مع القفافيز 3 قفافيز وماصوره طول 2.50متر كان مبلغ 25 ريال
وتفصيل الخيمه 370ريال غاليه شوي ممكن تحصل اقل منها واذا تبي المكان بضبط ابشربه

[منصور 1]

الاخ النقى يا هلا والله نو الموضوع بمشاركتك
وبنسبه لملاحظاتك والله نفرح بها
اول والثانيه تم الرد عليها سابقا
ام بنسبه لثالثه وانا اخوك لو تلاحظ ارتفاع الخيمه من عند السياره 190 سنتي ام من عند الاعمده تقريباً 170 او 160سنتي يعني انسيابي المطر ان شاء الله ما راح ينقع في الخيمه اهم شي تكون مشدوده بقوة ولك مني اجمل تحيه وشكرا على ملاحظاتك

[باثفندر]

http://www.mekshat.com/pix/upload/sign/images/mk41765.gif


شغل نظيف وترتيب جيد
عندي اقتراح منفذ عندي وهو انك ليه ما تثبت الاعمد بالسقف تثبيت كلي
واذا قضيت من الخيمة تقلبهم على فوق وتبرم الخيمة على التنده مثل الرواق اسهل للفك وللصك
انا اشوف انها البق .

[عريدان]

منصور1 الفكره ممتازه بس وقت الأمطار ممكن يجتمع الماء في النص وتثقل لذا وجب التنويه!!!

[عاشق VXR]

فكرة رائعه ...
مشكور على المجهود ... ولا تحرمنا من المزيد من ابداعك ...
تحياتي للجميع ..،

[الخادم]

اخوي منصور

فعلآ الطريقة حلوة بس لو استعملت شراع السنيدي بين الكفرات كان احسن من هالذاري

[مروق الثعلب]

أخوي منصور .. فكرة متميزة جداً ..

لو يكون فيه تعديل بحيث أن الطرف اللي يربط في الماصورة ، يكون لاف عليها ( مثل الستارة ) ، وتطوى الخيمة بشكل دائري على الطرف الأيسر فقط من التندة ( قرابة 20 سم ) ..

بالتوفيق .

[أبو ستري]

فكرة جداً طيبة ولكن يبغلها تعديل من ناحية الآمطار ..

[منصور 1]

باثفندر يا هلا وفكر حلوه لكن يوجد تعديل بسيط من ناحيه تثبيت او خياطه الخيمه على الماصوره والفكره من احد الاخوان هي
( جعل شناكير على الماصوره بحيث تعلق الخيمه على الشناكير ويسهل التركيب والفك )

عريدان يا هلا فيك ام بنسبه لتجمع الماء بامكانك وضع طربال الازرق فوق الرواق وهي تنزانيه باذن الله ما يخر الماء لكن الرواق احتياط

عاشق Vxr حياك الله وشرفتنا يا غالي

الخادم فكره حلو وانا فكرت فيها والله وان شاء الله نفصله او نشتريه ويعطيك العافيه على ملاحظاتك

مروق الثعلب ما فهمت فكرتك اخوي ممكن تنورنا اكثر

[منصور 1]

ابو ستري هذا من طيبك ام بنسبه للأمطار عسى الله يرزقان ويغيثنا مثل ما قلت للأخ عريدان القماش تنزاني ووضع الخيمه انسيابي واذا تبي تحط طربال افضل يا هلا فيك ومرحبا

[زمان العجايب]

مشكور اخوي منصور الله يعافيك على الفكره الطيبه

[ساري15]

أخوي منصوور ::::

فكره جداً ممتازه وحلوه ... وأشكرك على مجهودك :::

عندي شوي ملاحظات ياليت تجربها ...

1 - الماسورة اللي مثبته فوق السياره .. فيه نوعيه أخف وأفضل وأسهل وعمليه جداً ألمونيوم وصلتين وحده تدخل بوحده ... طولها إذا كانت مسكره : 125سم وإذا فكيتها : 240 سم

http://www.mekshat.com/pix/upload/images26/mk15234_20070129420.jpg

وهذي أطرافها :

http://www.mekshat.com/pix/upload/images26/mk15234_20070129421.jpg
http://www.mekshat.com/pix/upload/images26/mk15234_20070129424.jpg

وهكذا الفك والإغلاق ::
http://www.mekshat.com/pix/upload/images26/mk15234_20070129422.jpg

http://www.mekshat.com/pix/upload/images26/mk15234_20070129423.jpg

يتبع ::

[ساري15]

2 - الجزء الخلفي مثل ماقال بعض الأخوان لسهولة الفك والتركيب يكون له مدخل بحدود 10 سم يخاط بنفس الشراع










والطرف الثاني زي مانت شايف فيه مثل المسمار يدخل بالفتحه اللي بالطرف جاهزه مايحتاج تعديل
مجرد سحب الماسوره حتى تنشد الخيمه وتشد الماسوره ...


3 - بالنسبه لربط الشراع الماسوره مع الوسط يكون هنا مشدااات تلف من وراها وتثبت بنفس الشرع

يحط لهن مثلا شك شك ... المثبت اللاصق

وهذا ما عندي والله يوفقك



جربها وعطنا الخبر

نبي نستفيد منك ....
http://www.mekshat.com/pix/upload/images26/mk15234_20070129424.jpg

[ساري نجد]

سلاااااااااااااااااام


كفو والله اخوي منصور


سبحان الله

كنك داري اني ناوي اسوي مثل هالخيمة بالضبط

وبنفس خطواتك


بس فكرة الماصورة الطوياة هي اللي مزعجتني

نحتاج 3 مواصير

العمودين فكرت يكون المنيوم مثل الموجود بخيمة السنيدي ماصورتين يدخلن وسط بعض

كل وحده طولها متر


بس الماصورة المعترضة اللي فوق سقف الموتر هي اللي مزعجة

لازم تكون طويلة ومتينه

ولا ودي تكون ثابته مثل ما انت مسوي

يعني اركبها وقت نصب الخيمة وافكها اذا بغيت امشي

عموما

فكرة حلوة ويعطيك الف عافية اخوي


وسلاااااااااااااااااااااام

[الصاحب الغالي]

الفكره يا اخ\منصور

لكن ودي اضيف عليها بعض التعديلات لو سمحت
اولا\مثل ما قال اخونا الخادم
لو تستخدم غطاء الكفرات اللي من السنيدي علشان ما(يشخفك)* الهوا.
ثانيا\ ودي تشوف فكره الصورة اللي في هالرابط%
‎ (http://www.mekshat.com/pix/upload/images26/mk40925_‏{‏.‎{‎.m.s.h‎٤٥٦.jpg)


الهامش||||||||||||||||||||||||||||||||\\\\\\\


يشخفك\يعني يذبحك البرد!!!!!!!!!!!!!!!!!!!!

[ر اعي البويضه]

شكرا للجميع . وفعلا أبداع شبابي واضح

[منصور 1]

حيا الله كلن بسمه

زمان العجايب ... يالله حيه ويا هلا فيك

ساري 15 ....... يا مرحبا فيك
ام بنسبه للماصوره اخاف تكون خفيفه وما تحمل الشد وتثبيت
ام بنسبه لماصورتي ان فكر احط شناكير بحيث تعليق سريع سريع

ساري نجد ..... يا هلا والله ومسهلا القلوب عند بعضها وانا اخوك

على فكره العوميد تفك وتصبح صغيره طول كل قطعه اصغر من متر وتوضع في كيس خاص تحت المرتبه

وبنسبه للماصوره للي فوق انا راح اخلي لونها مقارب لون السله عشان ما تلاحظ وراح افكها اذا حسيت اني ماراح احتاجها قريباً

الصاحب الغالي .... يا هلا والله يا غالي هذي فكره حلوه غطاء الكفرات وراح اطبقها

ام بنسبه للفكره الثانيه ما ظهرت الصوره

راعي البويضة .... يا هلا ومرحبا وشرفت موضوعنا يالغالي

[ابو عادل1]

اخوي منصور1
الله يعافيك ويبارك فيك فكرة ممتازه وفقك الله :good: :good:
سؤالي للاخوان عن:
وين نحصل الماصورة اللي ذكرها اخونا ساري 15؟
هل فيه من جرب على جيب جي اكس ار مثل هذه الافكار؟
ياليت يبين لنا تفاصيل عمله؟
اكرر الشكر للأخ العزيز منصور1 اللذي طرح لنا هذه الفكرة وجعلنا نتواصل مع المبدعين من خلالها

[نجم حفرالباطن]

اشكرك اخوي منصور
واخوي الكريم المووضوع مرتين مكرر ونفس الحركه

[ابورشيد]

اخوي منصور 1 فكره طيبه بعد ممكن تركب طربال ثاني ماسك بالماسوره اللي في السياره ومتدلي الي الارض علشان يحجز الهواء من تحت السياره وكذلك من بين الماسوره وجسم السياره
ايضا لو خليت الاجناب طويله اشويتين ومن فبل نهايتها بحوالي متر تركب لها حبال تشدها علي الجنب وتسير كبيره بشكل ممتاز يعني مثل الهرم اللي مقصوص اعلاه

[منصور 1]

اخوي نجم الباطن يا هلا ومرحبا فيك لكن الموضوع غير مكرر

ابو رشيد حياك الله وشرفت الموضوع والشراع الجانبي طويل شوي بحيث يشد ويدفن او يثبت بطنب مثل ماذكرت وويا هلا ومرحبا يا غالي

[aamd01]

فكرة رائعه بارك الله فيك

[منصور 1]

يا مرحبا بك ومسهلا فيك aamd01 وشرفنا مرورك

[جفيل]

قكره ممتازه

تشكر عليها

[منصور 1]

يعطيك العافية اخوي شايب سدير وهي طور التطوير

ولا تحرمنا من توجيهاتك ورايك السديد

[ساري15]

اخوي منصور1
الله يعافيك ويبارك فيك فكرة ممتازه وفقك الله :good: :good:
سؤالي للاخوان عن:
وين نحصل الماصورة اللي ذكرها اخونا ساري 15؟
هل فيه من جرب على جيب جي اكس ار مثل هذه الافكار؟
ياليت يبين لنا تفاصيل عمله؟
اكرر الشكر للأخ العزيز منصور1 اللذي طرح لنا هذه الفكرة وجعلنا نتواصل مع المبدعين من خلالها

أخوي أبو عادل 1 ::::

ياهلابك بالنسبه للماسوره اللي ذكرتها موجوده عند السنيدي ببريدة

أما بالنسبة لتحملها للشد والربط هذا اللي يبي له تجربه وإنتظروني بإذن الله راح أجربها على

جيب جي إكس آآآآر والله يوفق


إنتظرووووووووووووووووووني ................

[منصور 1]

ايه والله اخوي ساري 15 ياليت تعطينا الخبر عن تجربتك في الماصوره و هل هي تحمل الشد والربط و هل تحمل الهواء شديد

ويعطيك العافيه

[S T A R]

فكره ممتاز اخوي منصور اهنيك عليها ....
لكن ماتعاني من مشكله في طقتها ...:::

[منصور 1]

يا هلا ومرحبا اخوي S T A R

ابدا ولله الحمد حتى اني بدلت مكان التخيط الماصوره للي فوق اليساره بشناكير اثبتها عليها وفي المقابل عامودين و حبل يشدهم

حتى اني جربتها الخميس الماضي بالخفس والحمد لله لا مطر ولا هواء